apple iPhones: ಈ ರೀತಿಯ ಐಫೋನ್‌, ಐಪ್ಯಾಡ್ ಬಳಕೆದಾರರಿಗೆ ಎಚ್ಚರಿಕೆ ನೀಡಿದ ಭಾರತ ಸರ್ಕಾರ!

ಐಫೋನ್‌ಗಳು (iPhone) ಎಂದರೆ ಅಥವಾ ಆಪಲ್‌ ಡಿವೈಸ್‌ಗಳು (Apple device) ಎಂದರೆ ಭದ್ರತೆಗೆ ಹೆಸರುವಾಸಿ. ಈ ನಡುವೆ ಆಪಲ್‌ ಸಹ ಹೊಸ ಸರಣಿಯ ಐಫೋನ್‌ಗಳನ್ನು ಲಾಂಚ್‌ ಮಾಡಿದೆ. ಈ ನಡುವೆ ಸರ್ಕಾರ ಐಫೋನ್‌ ಬಳಕೆದಾರರಿಗೆ ಗಂಭೀರ ಎಚ್ಚರಿಕೆ ನೀಡಿದೆ.

ಹೌದು, ಹಳೆಯ ಓಎಸ್‌ ಚಾಲನೆಯಲ್ಲಿರುವ ಐಫೋನ್‌ಗಳು ಮತ್ತು ಐಪ್ಯಾಡ್‌ (iPhones, iPads) ಅನ್ನು ಯಾರೆಲ್ಲಾ ಬಳಕೆ ಮಾಡುತ್ತಿದ್ದಾರೋ ಅವರಿಗೆ ಭಾರತ ಸರ್ಕಾರ ಎಚ್ಚರಿಕೆ ನೀಡಿದೆ. ಈ ಮೂಲಕ ತುರ್ತು ಅಪ್‌ಡೇಟ್‌ಗೆ ಸಲಹೆ ನೀಡಲಾಗಿದೆ. ಹಾಗಿದ್ರೆ, ಈ ಡಿವೈಸ್‌ನಲ್ಲಿ ಕಂಡುಬಂದಿರುವ ದೋಷಗಳೇನು?, ಇದರಿಂದ ಬಳಕೆದಾರರಿಗೆ ಆಗುವ ಸಮಸ್ಯೆಗಳೇನು? ಹಾಗೂ ಡಿವೈಸ್‌ ಅನ್ನು ಎಚ್ಚರಿಕೆಯಿಂದ ನೋಡಿಕೊಳ್ಳುವುದು ಹೇಗೆ ಎಂಬ ಸಂಪೂರ್ಣ ಮಾಹಿತಿ ಇಲ್ಲಿದೆ ನೋಡಿ.

ಆಪಲ್‌ ಡಿವೈಸ್‌ಗಳಿಗೆ ಭಾರತದಿಂದ ಎಚ್ಚರಿಕೆ: ಈವರೆಗೂ ಹೆಚ್ಚಾಗಿ ಆಂಡ್ರಾಯ್ಡ್‌ ಓಎಸ್‌ (Android OS) ನಲ್ಲಿ ಹೆಚ್ಚಿನ ಭದ್ರತಾ ಸಮಸ್ಯೆಗಳು ವರದಿ ಆಗುತ್ತಿದ್ದವು. ಆದರೆ ಈಗ ಆಪಲ್‌ಗೂ ವಕ್ಕರಿಸಿದೆ. ಅದರಂತೆ CERT-In ಈ ಸಂಬಂಧ ಆಪಲ್‌ ಐಫೋನ್ ಮತ್ತು ಐಪ್ಯಾಡ್ ಆಪರೇಟಿಂಗ್ ಸಿಸ್ಟಂಗಳಲ್ಲಿ ಗಂಭೀರವಾದ ದೋಷಗಳನ್ನು ಫ್ಲ್ಯಾಗ್ ಮಾಡಿದೆ. ಈ ಮೂಲಕ ಡಿವೈಸ್‌ಗಳನ್ನು ಸ್ಕ್ಯಾಮರ್‌ಗಳು ರಿಮೋಟ್‌ ಮೂಲಕ ಕಂಟ್ರೋಲ್‌ಗೆ ತೆಗೆದುಕೊಳ್ಳಬಹುದು ಎಂದು ಎಚ್ಚರಿಸಲಾಗಿದೆ.

ಅಂದರೆ ಭಾರತೀಯ ಕಂಪ್ಯೂಟರ್ ಎಮರ್ಜೆನ್ಸಿ ರೆಸ್ಪಾನ್ಸ್ ಟೀಮ್ (CERT-In) ಆಪಲ್ ಬಳಕೆದಾರರಿಗೆ ಬಹು ಆಪಲ್ ಡಿವೈಸ್‌ಗಳಲ್ಲಿನ ಗಂಭೀರ ದೋಷಗಳ ಬಗ್ಗೆ ಹೆಚ್ಚಿನ ತೀವ್ರತೆಯ ಎಚ್ಚರಿಕೆಯನ್ನು ನೀಡಲಾಗಿದೆ. ಅಕ್ಟೋಬರ್ 14, 2023 ರಂದು ದುರ್ಬಲತೆಯ ಸೂಚನೆ CIVN-2023-0303 ನಲ್ಲಿ ಎಚ್ಚರಿಕೆಯನ್ನು ಉಲ್ಲೇಖ ಮಾಡಲಾಗಿದೆ. ಇದರಲ್ಲಿ ಆಪಲ್‌ ಐಓಎಸ್ ಮತ್ತು ಐಪ್ಯಾಡ್‌ ಓಎಸ್ ನಲ್ಲಿ ಕಂಡುಬರುವ ಬಹು ದುರ್ಬಲತೆ ಹೇಗೆಲ್ಲಾ ಸಮಸ್ಯೆ ಉಂಟು ಮಾಡಲಿದೆ ಎಂದು ತಿಳಿಸಲಾಗಿದೆ.

ಇನ್ನು ಸಿಇಆರ್‌ಟಿ-ಇನ್ ನೀಡಿದ ಮಾಹಿತಿಯಂತೆ ಆಪಲ್‌ ಐಓಎಸ್ ಮತ್ತು ಐಪ್ಯಾಡ್‌ ಓಎಸ್‌ನಲ್ಲಿನ ಕರ್ನಲ್ ಘಟಕದಲ್ಲಿನ ಸಾಕಷ್ಟು ಮೌಲ್ಯೀಕರಣದಿಂದ ಮತ್ತು ವೆಬ್‌ಆರ್‌ಟಿಸಿ ಘಟಕದಲ್ಲಿನ ಬಫರ್ ಓವರ್‌ಫ್ಲೋ ನಿಂದ ಸಮಸ್ಯೆ ಕಾಣಿಸಿಕೊಳ್ಳುತ್ತದೆ ಎಂದು ತಿಳಿಸಲಾಗಿದ್ದು, ಉದ್ದೇಶಿತ ವ್ಯವಸ್ಥೆಗೆ ವಿನಂತಿಯನ್ನು ಕಳುಹಿಸುವ ಮೂಲಕ ಸ್ಕ್ಯಾಮರ್‌ಗಳು ಈ ದುರ್ಬಲತೆಗಳನ್ನು ಸಮರ್ಥವಾಗಿ ಬಳಸಿಕೊಳ್ಳಬಹುದು ಎಂದು ಎಚ್ಚರಿಸಿದೆ.

ಈ ದುರ್ಬಲತೆಗಳು ರಿಮೋಟ್ ಸ್ಕ್ಯಾಮರ್‌ಗಳಿಗೆ ವಿವಿಧ ರೀತಿಯಲ್ಲಿ ಪ್ರಯೋಜನ ನೀಡಲಿವೆ. ಅಂದರೆ ಅನಿಯಂತ್ರಿತ ಕೋಡ್ ಅನ್ನು ಕಾರ್ಯಗತಗೊಳಿಸಲು ಅವರಿಗೆ ಅವಕಾಶ ನೀಡಲಿದ್ದು, ಸರಳವಾಗಿ ಹೇಳುವುದಾದರೆ, ದುರುದ್ದೇಶಪೂರಿತ ಸ್ಕ್ಯಾಮರ್ಸ್‌ ಬಳಕೆದಾರರ ಡಿವೈಸ್‌ ಅನ್ನು ಸಂಪೂರ್ಣವಾಗಿ ನಮ್ಮ ಕಂಟ್ರೋಲ್‌ಗೆ ಪಡೆಯಬಹುದು. ಇದು ಮುಂದಿನ ದಿನಗಳಲ್ಲಿ ಪ್ರಮುಖ ಭದ್ರತಾ ಅಪಾಯವನ್ನು ನಿರ್ಮಾಣ ಮಾಡಲಿದೆ ಎನ್ನಲಾಗಿದೆ.

ಯಾವೆಲ್ಲಾ ಓಎಸ್‌ನಲ್ಲಿ ಸಮಸ್ಯೆ: 16.7.1 ಕ್ಕಿಂತ ಮೊದಲ ಐಓಎಸ್ ಮತ್ತು ಐಪ್ಯಾಡ್‌ ಓಎಸ್‌ ಆವೃತ್ತಿಗಳೊಂದಿಗೆ ಆಪಲ್‌ ಐಫೋನ್ ಮತ್ತು ಐಪ್ಯಾಡ್‌ನಲ್ಲಿ ಈ ಸಮಸ್ಯೆ ಇದೆ. ಈ ಓಎಸ್‌ ಸಾಮಾನ್ಯವಾಗಿ ಐಫೋನ್‌ 8 ಮತ್ತು ಅದರ ಹಿಂದಿನ ಡಿವೈಸ್‌ನಲ್ಲಿ ಇದ್ದು ಐಪ್ಯಾಡ್‌ ಏರ್‌ 3 ನೇ ತಲೆಮಾರಿನ ಮತ್ತು ನಂತರದ, ಐಪ್ಯಾಡ್‌ 5 ನೇ ತಲೆಮಾರಿನ ಮತ್ತು ನಂತರದ, ಮತ್ತು ಐಪ್ಯಾಡ್‌ ಮಿನಿ 5 ನೇ ತಲೆಮಾರಿನ ಮತ್ತು ನಂತರ ಡಿವೈಸ್‌ನಲ್ಲಿ ಈ ಸಮಸ್ಯೆ ಇದೆ.

ಈ ಸಮಸ್ಯೆಗಳಿಂದ ಸುರಕ್ಷಿತವಾಗಿರಲು ಹೇಗೆ?:
ಸುರಕ್ಷಿತವಾಗಿರಲು ಮತ್ತು ಈ ದೋಷಗಳನ್ನು ಪರಿಹರಿಸಲು, ಸಿಇಆರ್‌ಟಿ-ಇನ್ ಬಳಕೆದಾರರಿಗೆ ತಮ್ಮ ಭದ್ರತಾ ನವೀಕರಣಗಳಲ್ಲಿ ಆಪಲ್‌ ಒದಗಿಸಿದ ಸೂಕ್ತ ನವೀಕರಣಗಳನ್ನು ಅನ್ವಯಿಸಲು ಸಲಹೆ ನೀಡಲಾಗಿದೆ. ಆಪಲ್ ಈಗಾಗಲೇ ಆಪಲ್ ಸೆಕ್ಯುರಿಟಿ ನವೀಕರಣಗಳೊಂದಿಗೆ ದೋಷಗಳಿಗೆ ಪರಿಹಾರವನ್ನು ಬಿಡುಗಡೆ ಮಾಡಿದ್ದು, ಇದಕ್ಕಾಗಿ ಈ ಲಿಂಕ್‌ ಕ್ಲಿಕ್‌ ಮಾಡಬಹುದು. support.apple.com/en-us/HT213972.

ಇದರೊಂದಿಗೆ ಭದ್ರತಾ ಸಮಸ್ಯೆಗಳನ್ನು ಪರಿಹರಿಸಲು ಆಪಲ್ ನಿಯಮಿತವಾಗಿ ಪ್ಯಾಚ್‌ಗಳು ಮತ್ತು ನವೀಕರಣಗಳನ್ನು ಬಿಡುಗಡೆ ಮಾಡುತ್ತಲೇ ಇರುತ್ತದೆ. ಗುರುತಿಸಲಾದ ದುರ್ಬಲತೆಗಳಿಗೆ ಸಂಬಂಧಿಸಿದ ಅಪಾಯಗಳನ್ನು ಕಡಿಮೆ ಮಾಡಲು ಹಾಗೂ ಪೀಡಿತ ಡಿವೈಸ್‌ಗಳ ಬಳಕೆದಾರರು ಈ ನವೀಕರಣಗಳನ್ನು ತ್ವರಿತವಾಗಿ ಸ್ಥಾಪಿಸಲು ಇದು ನಿರ್ಣಾಯಕವಾಗಿದೆ. ಇದು ವಿಫಲವಾದರೆ ದುರುದ್ದೇಶಪೂರಿತ ನಟರಿಂದ ಸಂಭಾವ್ಯ ಶೋಷಣೆಗೆ ಡಿವೈಸ್‌ ಅನ್ನು ಒಡ್ಡಿದಂತೆ ಆಗಲಿದೆ.

ಓಎಸ್‌ ನವೀಕರಣಗಳು ನಿಮ್ಮ ಸಿಸ್ಟಂನ ಕಾರ್ಯಕ್ಷಮತೆಯನ್ನು ಹೆಚ್ಚಾಗಿ ಸುಧಾರಿಸಬಹುದು. ಏಕೆಂದರೆ ಅವುಗಳು ದೋಷ ಪರಿಹಾರಗಳು ಮತ್ತು ಆಪ್ಟಿಮೈಸೇಶನ್‌ಗಳನ್ನು ಒಳಗೊಂಡಿರಲಿದೆ. ಅಷ್ಟೇ ಅಲ್ಲದೆ ಓಎಸ್‌ ನವೀಕರಣಗಳು ಸಿಸ್ಟಮ್‌ಗೆ ಹೊಸ ಫೀಚರ್ಸ್‌ ಆಯ್ಕೆಯನ್ನೂ ಸಹ ನೀಡಲಾಗುತ್ತದೆ. ಈ ಫೀಚರ್ಸ್‌ ಬಳಕೆದಾರರ ಕಾರ್ಯಕ್ಷಮತೆಯನ್ನು ಸುಧಾರಿಸಬಹುದು ಅಥವಾ ಡಿವೈಸ್‌ ಯಾವುದೇ ಸಮಸ್ಯೆ ಇಲ್ಲದೆ ಕೆಲಸ ಮಾಡುವಂತೆ ಅವಕಾಶ ನೀಡಬಹುದು.