Smartphone: ಸ್ಮಾರ್ಟ್‌ಫೋನ್‌ ವಿಚಾರದಲ್ಲಿ ಬದಲಾದ ಭಾರತೀಯರ ಆದ್ಯತೆ: ವರದಿಯಿಂದ ತಿಳಿದುಬಂದಿದ್ದೇನು ಗೊತ್ತಾ!?

ಸ್ಮಾರ್ಟ್‌ಫೋನ್‌ (Smartphone) ಬಳಕೆ ಹೆಚ್ಚಾದಂತೆ ಹೊಸ ಹೊಸ ಸ್ಮಾರ್ಟ್‌ಫೋನ್‌ಗಳು ವಿಶೇಷ ಫೀಚರ್ಸ್‌ ಆಯ್ಕೆಯೊಂದಿಗೆ ಅನಾವರಣ ಆಗುತ್ತಿವೆ. ಅದರಲ್ಲೂ ಬಜೆಟ್‌ ಬೆಲೆಯಿಂದ ದುಬಾರಿ ಬೆಲೆ ಇರುವ ಫೋನ್‌ಗಳು ಸಾಕಷ್ಟು ಸೌಂಡ್‌ ಮಾಡುತ್ತಿದ್ದು, ಅದರಂತೆ ಈಗ ಸ್ಮಾರ್ಟ್‌ಫೋನ್‌ ಬಳೆದಾರರ ಸಂಬಂಧ ವಿಶೇಷ ವರದಿಯೊಂದು ಹೊರಬಿದ್ದಿದೆ.

ಹೌದು, ಭಾರತೀಯ ಸ್ಮಾರ್ಟ್‌ಫೋನ್‌ಗಳ ಬಳಕೆದಾರರು ಆದ್ಯತೆಗಳ ವಿಷಯದಲ್ಲಿ ವಿಕಸನಗೊಂಡಿದ್ದಾರೆ ಎನ್ನುವುದು ಈ ವರದಿಯಿಂದ ತಿಳಿದುಬಂದಿದೆ. ಈ ಮೊದಲು ಸ್ಮಾರ್ಟ್‌ಫೋನ್‌ ಖರೀದಿ ಮಾಡುವಾಗ ಬ್ಯಾಟರಿ, ಕ್ಯಾಮೆರಾ ಸೇರಿದಂತೆ ಅಗತ್ಯ ಫೀಚರ್ಸ್‌ ಅನ್ನು ಗಮನಿಸುತ್ತಿದ್ದರು. ಆದರೆ ಈಗ ಈ ವಿಷಯಗಳ ಜೊತೆಗೆ ಮತ್ತೊಂದು ಆದ್ಯತೆಯ ವಿಷಯವನ್ನು ಗಣನೆಗೆ ತೆಗೆದುಕೊಳ್ಳುತ್ತಿದ್ದಾರೆ ಎಂದು ತಿಳಿದುಬಂದಿದೆ. ಹಾಗಿದ್ರೆ, ಯಾರೆಲ್ಲಾ ಯಾವ ವಿಷಯಕ್ಕೆ ಆದ್ಯತೆ ನೀಡುತ್ತಾರೆ ಅನ್ನೋದನ್ನು ನೋಡೋಣ ಬನ್ನಿ.

ಸ್ಮಾರ್ಟ್‌ಫೋನ್‌ ಖರೀದಿ ವೇಳೆ ಗ್ರಾಹಕರು ಗಮನಿಸೋದು ಏನು?: ಸ್ಥಾಪಿತ ಬ್ರ್ಯಾಂಡ್‌ಗಳು ಹೊಸ ಸ್ಪರ್ಧಿಗಳಿಂದ ತೀವ್ರ ಸ್ಪರ್ಧೆಯನ್ನು ಎದುರಿಸುತ್ತಿರುವ ಬೆನ್ನಲ್ಲೇ ಮುಂಬರುವ ವರ್ಷದಲ್ಲಿ ಉತ್ತೇಜಕ ಮತ್ತು ಕ್ರಿಯಾತ್ಮಕ ಮಾರುಕಟ್ಟೆ ರಚನೆ ಸಹ ನಿರ್ಮಾಣ ಆಗಲಿದೆ. ಅದರಂತೆ ಭಾರತೀಯರು ಸ್ಮಾರ್ಟ್‌ಫೋನ್‌ನಲ್ಲಿ ಏನನ್ನು ಗಮನಿಸುತ್ತಾರೆ ಅನ್ನೋ ಹೊಸ ಅಧ್ಯಯನವು ಬದಲಾಗುತ್ತಿರುವ ಆದ್ಯತೆಗಳನ್ನು ಬಹಿರಂಗಪಡಿಸಿದೆ.

ಭಾರತೀಯ ಸ್ಮಾರ್ಟ್‌ಫೋನ್‌ಗಳ ಬಳಕೆದಾರರು ಆದ್ಯತೆಗಳ ವಿಷಯದಲ್ಲಿ ವಿಕಸನಗೊಂಡಿದ್ದು, ಈಗ 5G ತಂತ್ರಜ್ಞಾನ, ಸುಧಾರಿತ ಕ್ಯಾಮೆರಾ ಸಾಮರ್ಥ್ಯಗಳು ಮತ್ತು ದೀರ್ಘ ಬ್ಯಾಟರಿ ಅವಧಿಗೆ ಹೆಚ್ಚಿನ ಗಮನ ಹರಿಸುತ್ತಿದ್ದಾರೆ ಎಂದು ತಿಳಿದುಬಂದಿದೆ. ಸೈಬರ್ ಮೀಡಿಯಾ ರಿಸರ್ಚ್ (CMR) ನಡೆಸಿದ ಇತ್ತೀಚಿನ ಅಧ್ಯಯನವು ಭಾರತದಲ್ಲಿ ಸ್ಮಾರ್ಟ್‌ಫೋನ್ ಗ್ರಾಹಕರ ವಿಕಸನಗೊಳ್ಳುತ್ತಿರುವ ಆದ್ಯತೆಗಳ ಮೇಲೆ ಬೆಳಕು ಚೆಲ್ಲಿದೆ.

ಅದರಲ್ಲೂ ಐಕ್ಯೂ ಮತ್ತು ಲಾವಾ (IQOO, Lava) ನಂತಹ ಬ್ರ್ಯಾಂಡ್‌ಗಳು ಮಾರುಕಟ್ಟೆಯಲ್ಲಿ ಸ್ಥಾಪಿತ ಆಟಗಾರರ ಪ್ರಾಬಲ್ಯಕ್ಕೆ ದೊಡ್ಡ ಮಟ್ಟದ ಸವಾಲನ್ನು ನೀಡುತ್ತಿವೆ ಎಂದು ತಿಳಿದುಬಂದಿದೆ. ಅದರಂತೆ. ಐಕ್ಯೂ 75 ಪ್ರತಿಶತ ಬಳಕೆದಾರರಿಂದ ಮತ್ತು ಲಾವಾದ 68 ಪ್ರತಿಶತದಿಂದ ಈ ಸಂಬಂಧ ಶಿಫಾರಸುಗಳನ್ನು ಸ್ವೀಕರಿಸಲಾಗಿದೆ. ದೆಹಲಿ, ಮುಂಬೈ, ಕೋಲ್ಕತ್ತಾ, ಬೆಂಗಳೂರು, ಕಾನ್ಪುರ, ಜಬಲ್ಪುರ, ರಾಂಚಿ ಮತ್ತು ಮಧುರೈ ಸೇರಿದಂತೆ ಪ್ರಮುಖ ನಗರಗಳಾದ್ಯಂತ ಗ್ರಾಹಕರು ಮತ್ತು ರಿಟೇಲ್‌ ಸ್ಟೋರ್‌ ವ್ಯಾಪಾರಿಗಳನ್ನು ಒಳಗೊಂಡಿರುವ ಸಮಗ್ರ ಸಮೀಕ್ಷೆಯಲ್ಲಿ 500 ಕ್ಕೂ ಹೆಚ್ಚು ಸ್ಮಾರ್ಟ್‌ಫೋನ್‌ಗಳ ಬಳಕೆದಾರರು ಮತ್ತು 250 ಚಿಲ್ಲರೆ ವ್ಯಾಪಾರಿಗಳನ್ನು ಹೊಂದಿತ್ತು.

ಈ ಅಧ್ಯಯನದಲ್ಲಿ ಕಂಡುಬಂದಂತೆ 5G ಸಂಬಂಧಿ ವಿಷಯ (70 ಪ್ರತಿಶತ), ವರ್ಧಿತ ಕ್ಯಾಮೆರಾ ಕಾರ್ಯನಿರ್ವಹಣೆಗಳು (68 ಪ್ರತಿಶತ), ಮತ್ತು ವಿಸ್ತೃತ ಬ್ಯಾಟರಿ ಬಾಳಿಕೆ (66 ಪ್ರತಿಶತ) ನಂತಹ ಫೀಚರ್ಸ್‌ ಕಡೆಗೆ ಗ್ರಾಹಕರ ಆದ್ಯತೆಗಳಲ್ಲಿ ಗಮನಾರ್ಹ ಬದಲಾವಣೆಯನ್ನು ಕಂಡುಕೊಳ್ಳಲಾಗಿದೆ. ವಿಶ್ಲೇಷಕ-ಉದ್ಯಮ ಕನ್ಸಲ್ಟಿಂಗ್ ಗ್ರೂಪ್ (ICG), ಸೈಬರ್ ಮೀಡಿಯಾ ರಿಸರ್ಚ್ (CMR) ಅವರು ಪ್ರತಿಕ್ರಿಯೆ ನೀಡಿದ್ದು, ಭಾರತೀಯ ಸ್ಮಾರ್ಟ್‌ಫೋನ್ ಮಾರುಕಟ್ಟೆಯು ರೂಪಾಂತರಗೊಳ್ಳುವ ವರ್ಷಕ್ಕೆ ಸಿದ್ಧವಾಗಿದೆ ಎಂದಿದ್ದಾರೆ.

ಗ್ರಾಹಕರು ತಮ್ಮ ಡಿವೈಸ್‌ಗಳಿಂದ ಹೆಚ್ಚಿನ ಬೇಡಿಕೆಯನ್ನು ಪಡೆಯುತ್ತಿದ್ದಾರೆ. 5G, ಉನ್ನತ ಕ್ಯಾಮೆರಾಗಳು ಮತ್ತು ದೀರ್ಘ ಬ್ಯಾಟರಿ ಅವಧಿಯಂತಹ ಫೀಚರ್ಸ್‌ಗಳಿಗೆ ಆದ್ಯತೆ ನೀಡುತ್ತಾ ಬಂದಿದ್ದಾರೆ. ಈ ಬದಲಾಗುತ್ತಿರುವ ಆದ್ಯತೆಗಳು ಸ್ಮಾರ್ಟ್‌ಫೋನ್ ಬಳಕೆದಾರರ ದೈನಂದಿನ ಬಳಕೆಯ ಮಾದರಿಗಳಲ್ಲಿಯೂ ಸಹ ಸ್ಪಷ್ಟವಾಗಿ ಕಂಡುಬಂದಿದೆ. ಅವರು ಸಾಮಾಜಿಕ ಮಾಧ್ಯಮದಲ್ಲಿ ಗಮನಾರ್ಹ ಸಮಯವನ್ನು ಕಳೆಯುತ್ತಾರೆ. ಜೊತೆಗೆ ಹೆಚ್ಚಿನ ರೀಲ್‌ಗಳನ್ನು ವೀಕ್ಷಿಸುತ್ತಾರೆ ಮತ್ತು ಚಾಟ್ ಆಪ್‌ಗಳಲ್ಲಿ ತೊಡಗುತ್ತಾರೆ ಎಂದು ಕಂಡುಕೊಳ್ಳಲಾಗಿದೆ.

ಹೆಚ್ಚಿನ ಬ್ರ್ಯಾಂಡ್‌ಗಳು ಸಾಮಾನ್ಯವಾಗಿ ಶೇಕಡಾ 50 ಕ್ಕಿಂತ ಹೆಚ್ಚಿನ ತೃಪ್ತಿ ಮಟ್ಟವನ್ನು ಪಡೆದಿವೆ. ಇದರಲ್ಲಿ ರಿಯಲ್‌ಮಿ ಮತ್ತು ವಿವೋ (Realme, Vivo) ಈ ಮಾರ್ಕ್‌ಗಿಂತ ಸ್ವಲ್ಪ ಕೆಳಗೆ ಕ್ರಮವಾಗಿ 47 ಶೇಕಡಾ ಮತ್ತು 44 ಶೇಕಡಾಕ್ಕೆ ಇಳಿದಿವೆ. ಈ ಎರಡು ಬ್ರಾಂಡ್‌ಗಳ ಕ್ಯಾಮರಾ ಗುಣಮಟ್ಟ ಶೇ. 67, ಬ್ಯಾಟರಿ ಬಾಳಿಕೆ ಶೇ. 63, ಮತ್ತು ಹಣಕ್ಕೆ ತಕ್ಕ ಮೌಲ್ಯ ಶೇ. 63 ಆಗಿದ್ದು, ಸಂಬಂಧಿಸಿದ ಬಳಕೆದಾರರ ಅನುಭವಗಳಿಗೆ ಲಿಂಕ್ ಆಗಿದೆ.

ಹಾಗೆಯೇ ಅಸಮರ್ಪಕ ಬ್ಯಾಟರಿ ಬಾಳಿಕೆ 37 ಪ್ರತಿಶತ, ಮಂದಗತಿಯ ಕಾರ್ಯಕ್ಷಮತೆ 34 ಪ್ರತಿಶತ, ಮತ್ತು ಫೋಟೋ ಗುಣಮಟ್ಟ 32 ಪ್ರತಿಶತ ಸೇರಿದಂತೆ ಮುಂತಾದ ಸಮಸ್ಯೆಗಳಿಂದಾಗಿ ಬದಲಾವಣೆಯನ್ನು ಪರಿಗಣಿಸುವವರು ಮುಖ್ಯವಾಗಿ ಅತೃಪ್ತಿ ಬಗ್ಗೆ ವರದಿ ಮಾಡಿದ್ದಾರೆ. ಈ ಮೂಲಕ ಸುಧಾರಿತ ಫೀಚರ್ಸ್‌ ಅನ್ನು ಹೊಂದಿರುವ ಸ್ಮಾರ್ಟ್‌ಫೋನ್‌ಗಳ ಮೇಲೆ ಹೆಚ್ಚುತ್ತಿರುವ ಬಯಕೆಯನ್ನು ಒತ್ತಿಹೇಳಲಾಗಿದೆ. ಅದರಲ್ಲೂ ಪ್ರಮುಖವಾಗಿ 5G ಸಾಮರ್ಥ್ಯಕ್ಕೆ ಕೆಂದ್ರೀಕರಿಸಿದ್ದಾರೆ.

ಈ ವಿಭಾಗದಲ್ಲಿ ಧನಾತ್ಮಕ ಆವೇಗವನ್ನು ಅನುಭವಿಸುತ್ತಿರುವ ಬ್ರ್ಯಾಂಡ್‌ಗಳಲ್ಲಿ ಐಕ್ಯೂ ಹಾಗೂ ಲಾವಾ ಇದೆ. ಇದು ಕಳೆದ ವರ್ಷದಲ್ಲಿ ಅದರ ವಿಶ್ವಾಸಾರ್ಹತೆಯನ್ನು 20 ಪ್ರತಿಶತದಷ್ಟು ಸುಧಾರಿಸಿಕೊಂಡಿದೆ. 5G ತಂತ್ರಜ್ಞಾನ, ಮೇಕ್ ಇನ್ ಇಂಡಿಯಾ ಉಪಕ್ರಮ, ಎಐ ಚಾಲಿತ ಸ್ಮಾರ್ಟ್‌ಫೋನ್ ಗಳ ಅನಾವರಣವು ಭಾರತೀಯ ಸ್ಮಾರ್ಟ್‌ಫೋನ್ ಮಾರುಕಟ್ಟೆಯ ವಿಕಸನಗೊಳ್ಳುತ್ತಿರುವ ಭೂದೃಶ್ಯವನ್ನು ಇನ್ನಷ್ಟು ವಿವರಿಸುವ ಕೆಲಸ ಮಾಡುತ್ತಿದೆ.