ಐಪ್ಯಾಡ್‌ ಪ್ರೊ 2024 ಲಾಂಚ್‌! ಕಸ್ಟಮ್ M4 ಚಿಪ್, ರೆಟಿನಾ XDR OLED ಡಿಸ್‌ಪ್ಲೇ...

ಆಪಲ್ 'ಲೆಟ್ ಲೂಸ್' ಈವೆಂಟ್‌ನಲ್ಲಿ (Apple Let loose event 2024) ಐಪ್ಯಾಡ್ ಪ್ರೊ 2024 (iPad Pro 2024) ಅನ್ನು ಲಾಂಚ್‌ ಮಾಡಿದೆ. ಇನ್ನು ಈ ಮಾದರಿಯನ್ನು OLED ಡಿಸ್‌ಪ್ಲೇಗಳಿಗೆ ಶಿಫ್ಟ್ ಮಾಡಲಾಗಿದ್ದು, M4 ಚಿಪ್‌ಸೆಟ್ ನಲ್ಲಿ ಕಾರ್ಯನಿರ್ವಹಿಸಲಿದೆ.

ಹೌದು, ಐಪ್ಯಾಡ್ ಪ್ರೊ 2024 ಅನ್ನು ಲಾಂಚ್‌ ಮಾಡಲಾಗಿದ್ದು, ಇದು ಹಿಂದೆಂದಿಗಿಂತಲೂ ತೆಳ್ಳಗಿದೆ. ಇದರ ಜೊತೆಗೆ ಈ ಟ್ಯಾಬ್ 256GB ಹಾಗೂ 512GB ಸ್ಟೋರೇಜ್‌ ಆಯ್ಕೆಯೊಂದಿಗೆ ಒಟ್ಟಾರೆ ನಾಲ್ಕು ಸ್ಟೋರೇಜ್‌ ಆಯ್ಕೆಯ ಡಿವೈಸ್‌ಗಳನ್ನು ಕಾಣಬಹುದಾಗಿದೆ. ಇದರ ಜೊತೆಗೆ 120Hz ರಿಫ್ರೆಶ್ ರೇಟ್‌ ಅನ್ನು ಇದು ಬೆಂಬಲಿಸಲಿದೆ. ಹಾಗಿದ್ರೆ, ಈ ಡಿವೈಸ್‌ನ ಪ್ರಮುಖ ಫೀಚರ್ಸ್‌ ಹಾಗೂ ಇದರ ಬೆಲೆ ವಿವರ ಇಲ್ಲಿದೆ ನೋಡಿ.

ಐಪ್ಯಾಡ್ ಪ್ರೊ 2024: ಈ ಟ್ಯಾಬ್‌ OLED ಪ್ಯಾನೆಲ್ ಹೊಂದಿದ್ದು, ಇದನ್ನು ಆಪಲ್ ಅಲ್ಟ್ರಾ ರೆಟಿನಾ XDR ಡಿಸ್‌ಪ್ಲೇ ಎಂದು ಕರೆದಿದೆ. ಈ ಡಿಸ್‌ಪ್ಲೇ ಪ್ರೊಮೋಷನ್‌ ತಂತ್ರಜ್ಞಾನವನ್ನು ಸಹ ಬೆಂಬಲಿಸಲಿದ್ದು, ಇದು 120Hz ರಿಫ್ರೆಶ್ ರೇಟ್‌ ಅನ್ನು ಪಡೆದುಕೊಂಡಿದೆ. ಈ ಮೂಲಕ ಬಳಕೆದಾರರಿಗೆ ವಿಶೇಷ ವೀಕ್ಷಣಾ ಅನುಭವವನ್ನು ನೀಡಲಿದೆ.

ಇನ್ನು ಐಪ್ಯಾಡ್‌ ಪ್ರೊ OLED ಮಾದರಿಗಳಿಗೆ ಮತ್ತೊಂದು ಪ್ರಮುಖ ಅಪ್‌ಗ್ರೇಡ್ ಎಂದರೆ ಹೊಸ M4 ಚಿಪ್‌ಸೆಟ್ ಆಗಿದೆ. ಇದು ಹಿಂದಿನ ಜನ್‌ನಲ್ಲಿ ಬಳಕೆ ಮಾಡಲಾದ M2 ಪ್ರೊಸೆಸರ್‌ಗಿಂತ 50% ವೇಗವಾಗಿದೆ. ಹೊಸ M4 ಚಿಪ್ M2 ಪ್ರೊಸೆಸರ್‌ನಂತೆ ಅದೇ ಕಾರ್ಯಕ್ಷಮತೆಯನ್ನು ನೀಡುತ್ತದೆ ಎಂದು ಆಪಲ್‌ ಈ ವೇಳೆ ಮಾಹಿತಿ ನೀಡಿದೆ. ಹೆಚ್ಚುವರಿಯಾಗಿ, ಟೆಕ್ ದೈತ್ಯ ಐಪ್ಯಾಡ್ ಪ್ರೊ OLED ನಲ್ಲಿನ ಉಷ್ಣ ಕಾರ್ಯಕ್ಷಮತೆಯು 20% ರಷ್ಟು ಸುಧಾರಿಸಿದೆ ಎಂದು ಹೇಳುತ್ತದೆ. M4 ನ ನ್ಯೂರಲ್ ಎಂಜಿನ್ ಸುಧಾರಿತ ಡಿವೈಸ್‌ನ ಎಐ ಕಾರ್ಯಕ್ಷಮತೆಯನ್ನು ಸಹ ನೀಡುತ್ತದೆ. ಇನ್ನು ಈ ಡಿವೈಸ್‌ ಐಪ್ಯಾಡ್‌ಓಎಸ್‌ 17 ಅನ್ನು ರನ್ ಮಾಡುತ್ತದೆ.

ಇದರ ಕ್ಯಾಮೆರಾ ವಿಚಾರಕ್ಕೆ ಬಂದರೆ 12 ಮೆಗಾಪಿಕ್ಸೆಲ್‌ ಮುಖ್ಯ ಕ್ಯಾಮೆರಾ, 10 ಮೆಗಾಪಿಕ್ಸೆಲ್‌ ಅಲ್ಟ್ರಾವೈಡ್ ಕ್ಯಾಮೆರಾ ಮತ್ತು LiDAR ಸ್ಕ್ಯಾನರ್ ಅನ್ನು ಒಳಗೊಂಡಿವೆ. ಇದರ ಜೊತೆಗೆ 12 ಮೆಗಾಪಿಕ್ಸೆಲ್‌ ಅಲ್ಟ್ರಾವೈಡ್ ಫ್ರಂಟ್ ಕ್ಯಾಮೆರಾವನ್ನು ಈ ಡಿವೈಸ್‌ನಲ್ಲಿ ಕಾಣಬಹುದಾಗಿದೆ. ಗಮನಿಸಬೇಕಾದ ವಿಷಯ ಏನೆಂದರೆ ಈ ಕ್ಯಾಮೆರಾವನ್ನು ಲ್ಯಾಂಡ್‌ಸ್ಕೇಪ್ ಸ್ಥಾನಕ್ಕೆ ಬದಲಾಯಿಸಲಾಗಿದೆ. ಉಳಿದಂತೆ ಈ ಡಿವೈಸ್‌ ಫೇಸ್ ಐಡಿ ಮತ್ತು ಸೆಂಟರ್ ಸ್ಟೇಜ್ ಅನ್ನು ಬೆಂಬಲಿಸುತ್ತದೆ.

ಉನ್ನತ-ಮಟ್ಟದ, ಬಣ್ಣ-ನಿರ್ವಹಣೆಯ ವರ್ಕ್‌ಫ್ಲೋಗಳು ಅಥವಾ ಸವಾಲಿನ ಬೆಳಕಿನ ಪರಿಸ್ಥಿತಿಗಳಲ್ಲಿ ಕೆಲಸ ಮಾಡುವ ಬಳಕೆದಾರರಿಗೆ, ಐಪ್ಯಾಡ್ ಪ್ರೊ ಹೊಸ ನ್ಯಾನೊ-ಟೆಕ್ಸ್ಚರ್ ಗ್ಲಾಸ್ ಆಯ್ಕೆಯನ್ನು ಸಹ ನೀಡುತ್ತದೆ. ಇದನ್ನು ನ್ಯಾನೋಮೀಟರ್ ಪ್ರಮಾಣದಲ್ಲಿ ನಿಖರವಾಗಿ ರೂಪಿಸಲಾಗಿದೆ. ಇದರ ಜೊತೆಗೆ ಥಂಡರ್ಬೋಲ್ಟ್ 3 ಮತ್ತು ಯುಎಸ್‌ಬಿ 4 ಬೆಂಬಲದೊಂದಿಗೆ ಉನ್ನತ-ಕಾರ್ಯಕ್ಷಮತೆಯ ಯುಎಸ್‌ಬಿ ಟೈಪ್‌-ಸಿ ಕನೆಕ್ಟರ್ ಅನ್ನು ಒಳಗೊಂಡಿದೆ. ಇದು ವೈ-ಫೈ 6E ಮತ್ತು 5G ಅನ್ನು ಸಹ ಬೆಂಬಲಿಸುತ್ತದೆ.

ಐಪ್ಯಾಡ್ ಪ್ರೊ 2024 ಬೆಲೆ ಹಾಗೂ ಲಭ್ಯತೆ: 11 ಇಂಚಿನ ಐಪ್ಯಾಡ್ ಪ್ರೊ OLED ಆರಂಭಿಕ ಬೆಲೆ $999 (ಸುಮಾರು 83,400 ರೂ.ಗಳು), ಹಾಗೆಯೇ 13 ಇಂಚಿನ ಐಪ್ಯಾಡ್ ಪ್ರೊ OLED ಬೆಲೆ $1,299 (ಸುಮಾರು 1,08,450 ರೂ.ಗಳು) ಆಗಿದೆ. .ಈ ಹೊಸ ಐಪ್ಯಾಡ್‌ ಪ್ರೊ ಮಾದರಿಗಳು 256GB, 512GB, 1TB ಮತ್ತು 2TB ಇಂಟರ್‌ ಸ್ಟೋರೇಜ್‌ ಆಯ್ಕೆಯಲ್ಲಿ ಲಭ್ಯ ಇವೆ.

ಆಪಲ್ ಪೆನ್ಸಿಲ್ ಪ್ರೊ: ಇದರ ಜೊತೆಗೆ ಆಪಲ್‌ ಹೊಸ ಆಪಲ್ ಪೆನ್ಸಿಲ್ ಪ್ರೊ ಅನ್ನು ಬಿಡುಗಡೆ ಲಾಂಚ್‌ ಮಾಡಿದೆ. ಇದು ಸ್ಕ್ವೀಜ್, ಬ್ಯಾರೆಲ್ ರೋಲ್ ಮತ್ತು ಹ್ಯಾಪ್ಟಿಕ್ ಫೀಡ್‌ಬ್ಯಾಕ್‌ನಂತಹ ಸುಧಾರಿತ ಫೀಚರ್ಸ್‌ ಅನ್ನು ಪಡೆದುಕೊಂಡಿದೆ. ಇಷ್ಟೇ ಅಲ್ಲದೆ ಈ ಹೊಸ ಪೆನ್ಸಿಲ್ ಫೈಂಡ್ ಮೈ ಫೀಚರ್ಸ್‌ನೊಂದಿಗೆ ಬರುತ್ತದೆ ಮತ್ತು ಐಪ್ಯಾಡ್‌ನ ಬದಿಯಲ್ಲಿ ಕಾಂತೀಯವಾಗಿ ಸ್ಟೋರ್‌ ಮಾಡಬಹುದು ಎಂದು ಆಪಲ್‌ ಹೇಳಿಕೊಂಡಿದೆ.

ಅದರಲ್ಲೂ ಈ ಆಪಲ್ ಪೆನ್ಸಿಲ್ ಪ್ರೊ ಬ್ಯಾರೆಲ್‌ನಲ್ಲಿ ಹೊಸ ಸೆನ್ಸರ್‌ ಅನ್ನು ಹೊಂದಿದ್ದು, ಇದು ಟೂಲ್ಸ್‌ಗಳು, ಲೈನ್ ತೂಕಗಳು ಮತ್ತು ಬಣ್ಣಗಳನ್ನು ತ್ವರಿತವಾಗಿ ಬದಲಾಯಿಸಲು ಟೂಲ್ ಪ್ಯಾಲೆಟ್ ಅನ್ನು ತರಲು ಬಳಕೆದಾರರ ಸ್ಕ್ವೀಜ್ ಅನ್ನು ಗ್ರಹಿಸುತ್ತದೆ. ಇದರಲ್ಲಿನ ಕಸ್ಟಮ್ ಹ್ಯಾಪ್ಟಿಕ್ ಎಂಜಿನ್ ಬಳಕೆದಾರರು ಸ್ಕ್ವೀಝ್ ಮಾಡಿದಾಗ, ಡಬಲ್-ಟ್ಯಾಪ್ ಅನ್ನು ಬಳಸುವಾಗ ಅಥವಾ ಸ್ಮಾರ್ಟ್ ಆಕಾರಕ್ಕೆ ಸ್ನ್ಯಾಪ್ ಮಾಡಿದಾಗ ದೃಢೀಕರಣವನ್ನು ಒದಗಿಸುವ ಲೈಟ್ ಟ್ಯಾಪ್ ಅನ್ನು ನೀಡುತ್ತದೆ.