iPhone: ಐಫೋನ್‌ 14 ಫೋನ್‌ಗೆ 14,000 ರೂ. ರಿಯಾಯಿತಿ! ಸೀಮಿತ ಅವಧಿಗೆ ಮಾತ್ರ

ಯಾರೆಲ್ಲಾ ಆಫರ್ ಬೆಲೆಗೆ ಐಫೋನ್‌ ಖರೀದಿ ಮಾಡಲು ಮುಂದಾಗಿದ್ದೀರೋ ಅವರಿಗೆ ಇದು ಗುಡ್‌ ನ್ಯೂಸ್‌. ಸೀಮಿತ ಅವಧಿಗೆ ಈ ವಿಶೇಷ ಆಫರ್ ಘೋಷಣೆ ಮಾಡಲಾಗಿದ್ದು, ಈ ಮೂಲಕ ಐಫೋನ್‌ 14 (iPhone 14) ಫೋನ್‌ ಖರೀದಿಯಲ್ಲಿ 14,000 ರೂ. ರಿಯಾಯಿತಿ ಪಡೆಯಬಹುದಾಗಿದೆ.

ಹೌದು, ಐಫೋನ್‌ಗಳು ದುಬಾರಿ ಅನ್ನೋದು ನಿಮಗೆ ತಿಳಿದ ವಿಚಾರ. ಆದರೆ ಕೆಲವು ಬಾರಿ ಪ್ರಮುಖ ಇ-ಕಾಮರ್ಸ್ ಸೈಟ್‌ಗಳು ವಿಶೇಷ ಸೇಲ್‌ ಅನ್ನು ಘೋಷಣೆ ಮಾಡುವ ಮೂಲಕ ಭಾರೀ ಆಫರ್ ಬೆಲೆಗೆ ಈ ಫೋನ್‌ಗಳನ್ನು ನೀಡುತ್ತವೆ. ಅದರಂತೆ ಈಗ ಐಫೋನ್ 14 ಖರೀದಿ ಮೇಲೆ ಭಾರೀ ಹಣ ಉಳಿತಾಯ ಮಾಡಬಹುದಾಗಿದೆ. ಹಾಗಿದ್ರೆ, ಎಲ್ಲಿ ಈ ಆಫರ್, ಈ ಫೋನ್‌ನ ಫೀಚರ್ಸ್‌ ಏನು ಅನ್ನೋ ಮಾಹಿತಿ ಇಲ್ಲಿದೆ ನೋಡಿ.

ಐಫೋನ್ 14: ಪ್ರಮುಖ ಇ-ಕಾಮರ್ಸ್‌ ಸೈಟ್‌ ಆಗಿರುವ ಫ್ಲಿಪ್‌ಕಾರ್ಟ್‌ನಲ್ಲಿ (Flipkart) ಇದೀಗ ಈ ಆಫರ್ ಘೋಷಣೆ ಮಾಡಲಾಗಿದೆ. 128GB ಸ್ಟೋರೇಜ್‌ ಆಯ್ಕೆಯ ಐಫೋನ್ 14 ಅನ್ನು 55,999ರೂ. ಗಳಲ್ಲಿ ನೀಡುತ್ತಿದೆ. 2022 ರಲ್ಲಿ ಭಾರತದಲ್ಲಿ ಅದರ ಮೂಲ ಬೆಲೆ 79,900ರೂ.ಗಳಾಗಿತ್ತು. ಇದಕ್ಕೆ ಹೋಲಿಕೆ ಮಾಡಿದ್ರೆ 23,901 ರೂ. ಡಿಸ್ಕೌಂಟ್ ಇದಕ್ಕೆ ಇದೆ ಆದರೆ. ಐಫೋನ್ 15‌ ಅನ್ನು ಲಾಂಚ್‌ ಮಾಡಿದ ನಂತರ ಒಟ್ಟಾರೆ 13,000 ರೂ.ಗಳ ಬೆಲೆಯಲ್ಲಿ ಈ ಫೋನ್‌ಗೆ ಇಳಿಕೆ ಮಾಡಲಾಗಿತ್ತು.

ಐಫೋನ್ 15 ಆಪಲ್‌ನ ಇತ್ತೀಚಿನ ಕೊಡುಗೆಯಾಗಿದ್ದರೂ ಸಹ ಐಒಎಸ್ ಡಿವೈಸ್‌ ಅನ್ನು ಅಪ್‌ಗ್ರೇಡ್ ಮಾಡಲು ಅಥವಾ ಆಂಡ್ರಾಯ್ಡ್‌ನಿಂದ ಬದಲಾಯಿಸಲು ಬಯಸುವವರಿಗೆ ಐಫೋನ್ 14 ಉತ್ತಮ ಆಯ್ಕೆಯಾಗಿದೆ. ಇದರ ಪ್ರೀಮಿಯಂ ವಿನ್ಯಾಸ, ಪ್ರಭಾವಶಾಲಿ ಫೀಚರ್ಸ್‌ಗಳು ಮತ್ತು ಶಕ್ತಿಯುತವಾದ ಕಾರ್ಯಕ್ಷಮತೆಯು ಉತ್ತಮ ಫೋನ್ ಬೇಕು ಅನ್ನೋರಿಗೆ ಬೆಸ್ಟ್‌ ಎನಿಸಿದೆ.

ಇನ್ನು ಫ್ಲಿಪ್‌ಕಾರ್ಟ್ ಪ್ರಸ್ತುತ ಐಫೋನ್ 14 ನ 128GB ವೇರಿಯಂಟ್‌ ಅನ್ನು ಬ್ಲೂ ಬಣ್ಣದ ಆಯ್ಕೆಯಲ್ಲಿ ನೀಡುತ್ತಿದ್ದು, 55,999 ರೂ. ಗಳ ಬೆಲೆ ನಿಗದಿ ಮಾಡಲಾಗಿದೆ. ಆದರೂ ಸಹ ನೀವು ಫ್ಲಿಪ್‌ಕಾರ್ಟ್ ಆಕ್ಸಿಸ್ ಕ್ರೆಡಿಟ್ ಕಾರ್ಡ್‌ ಬಳಕೆ ಮಾಡಿಕೊಂಡು ಖರೀದಿ ಮಾಡಿದ್ರೆ 53,199 ರೂ.ಗಳಿಗೆ ಈ ಫೋನ್‌ ಅನ್ನು ಖರೀದಿ ಮಾಡಬಹುದಾಗಿದೆ. ಯಾಕೆಂದರೆ ಈ ಕಾರ್ಡ್‌ ಮೇಲೆ ನಿಮಗೆ ಕ್ಯಾಶ್‌ಬ್ಯಾಕ್‌ ಸಿಗಲಿದೆ. ಜೊತೆಗೆ ನೀವು ಫ್ಲಿಪ್‌ಕಾರ್ಟ್‌ನ ಟ್ರೇಡ್-ಇನ್ ಪ್ರೋಗ್ರಾಂ ಮೂಲಕ ಹೆಚ್ಚುವರಿ ರಿಯಾಯಿತಿಯನ್ನು ಸಹ ಪಡೆಯಬಹುದು. ನಿಮ್ಮ ಪ್ರಸ್ತುತ ಡಿವೈಸ್‌ ಅನ್ನು ಅವಲಂಬಿಸಿ ನೀವು ರೂ 41,000 ವರೆಗೆ ಉಳಿಸಬಹುದು.

ಅಂದರೆ ನಿಮ್ಮ ಐಫೋನ್ 13 ದೋಷರಹಿತ ಸ್ಥಿತಿಯಲ್ಲಿ ನೀವು 26,000 ರೂ.ವರೆಗೆ ರಿಯಾಯಿತಿ ಪಡೆಯಬಹುದು. ಈ ಟ್ರೇಡ್-ಇನ್ ಕೊಡುಗೆಗಳು ನೀವು ಪಾವತಿಸುವ ಅಂತಿಮ ಬೆಲೆಯನ್ನು ಗಮನಾರ್ಹವಾಗಿ ಕಡಿಮೆ ಮಾಡಬಹುದು. ಹೆಚ್ಚುವರಿಯಾಗಿ, ಫ್ಲಿಪ್‌ಕಾರ್ಟ್ ಚೆಕ್‌ಔಟ್ ಸಮಯದಲ್ಲಿ ನಿರ್ದಿಷ್ಟ ಕ್ರೆಡಿಟ್ ಅಥವಾ ಡೆಬಿಟ್ ಕಾರ್ಡ್‌ಗಳೊಂದಿಗೆ ಹೆಚ್ಚಿನ ರಿಯಾಯಿತಿಗಳು ಅಥವಾ ಕ್ಯಾಶ್‌ಬ್ಯಾಕ್ ಅನ್ನೂ ಸಹ ನೀಡುತ್ತದೆ.

ಐಫೋನ್ 14 ಖರೀದಿ ಮಾಡಲು ಯೋಗ್ಯವೇ? : ಐಫೋನ್ 15 ಬ್ಲಾಕ್‌ನಲ್ಲಿರುವ ಹೊಸ ಮಗು ಆಗಿರಬಹುದು. ಆದರೆ, ಐಫೋನ್ 14 ತನ್ನ ಮೌಲ್ಯವನ್ನು ಮಾತ್ರ ಕಳೆದುಕೊಂಡಿಲ್ಲ. ಐಫೋನ್ 14 ಬೆರಗುಗೊಳಿಸುವ ಡಿಸ್‌ಪ್ಲೇ, ಶಕ್ತಿಯುತ ಕಾರ್ಯಕ್ಷಮತೆ, ಪ್ರಭಾವಶಾಲಿ ಕ್ಯಾಮೆರಾಗಳು ಮತ್ತು ಸುಧಾರಿತ ಬ್ಯಾಟರಿ ಸೌಲಭ್ಯ ಪಡೆದಿದ್ದು, ರಿಯಾಯಿತಿ ಬೆಲೆಯಲ್ಲಿ ಈಗ ಈ ಫೋನ್ ಲಭ್ಯ ಇದೆ.

ಇನ್ನು ಈ ಫೋನ್ 6.1 ಇಂಚಿನ ಸೂಪರ್ ರೆಟಿನಾ XDR OLED ಡಿಸ್‌ಪ್ಲೇಯನ್ನು ಹೊಂದಿದ್ದು, ಇದು ಗರಿಗರಿಯಾದ ಮತ್ತು ರೋಮಾಂಚಕ ದೃಶ್ಯಗಳನ್ನು ನೀಡುತ್ತದೆ. ಹೆಚ್‌ಡಿಆರ್‌ ಗಾಗಿ ಇದರ ಬೆಂಬಲವು ವ್ಯಾಪಕ ಶ್ರೇಣಿಯ ಹೊಳಪು ಮತ್ತು ಕಾಂಟ್ರಾಸ್ಟ್ ಅನ್ನು ಖಾತ್ರಿಗೊಳಿಸುತ್ತದೆ, ನೀವು ವಿಡಿಯೋಗಳನ್ನು ವೀಕ್ಷಿಸುತ್ತಿರಲಿ ಅಥವಾ ಕಂಟೆಂಟ್‌ ಮೂಲಕ ಸ್ಕ್ರೋಲಿಂಗ್ ಮಾಡುತ್ತಿರಲಿ ನಿಮ್ಮ ವೀಕ್ಷಣೆಯ ಅನುಭವವನ್ನು ಉನ್ನತ ದರ್ಜೆಗೆ ತರುತ್ತದೆ.

ಇದರ ಜೊತೆಗೆ ಆಪಲ್‌ನ A15 ಬಯೋನಿಕ್ ಚಿಪ್‌ನೊಂದಿಗೆ ಇದು ಕಾರ್ಯನಿರ್ವಹಿಸಲಿದೆ. ಇದು ಅಸಾಧಾರಣ ಕಾರ್ಯಕ್ಷಮತೆಯನ್ನು ನೀಡಲಿದ್ದು, ಬಹುಕಾರ್ಯಕ ಮತ್ತು ಬೇಡಿಕೆಯ ಆಪ್‌ಗಳನ್ನು ಸುಲಭವಾಗಿ ನಿಭಾಯಿಸುತ್ತದೆ. ಇದರ ಜೊತೆಗೆ 12MP ಮುಖ್ಯ ಕ್ಯಾಮೆರಾ ಮತ್ತು 12MP ಅಲ್ಟ್ರಾ ವೈಡ್ ಕ್ಯಾಮೆರಾದೊಂದಿಗೆ ಡ್ಯುಯಲ್ ಕ್ಯಾಮೆರಾ ರಚನೆ ಪಡೆದಿದ್ದು,ಎಂತಹ . ಸವಾಲಿನ ಬೆಳಕಿನ ಪರಿಸ್ಥಿತಿಗಳಲ್ಲಿಯೂ ಸಹ ಬೆರಗುಗೊಳಿಸುವ ಫೋಟೋಗಳು ಮತ್ತು ವಿಡಿಯೋಗಳನ್ನು ಸೆರೆಹಿಡಿಯಲು ಅನುಮತಿಸುತ್ತದೆ.

ಅಲ್ಲದೆ ಐಫೋನ್ 14 ಅದರ ಹಿಂದಿನ ಐಫೋನ್ 13 ಗಿಂತ ಸ್ವಲ್ಪ ಉತ್ತಮ ಬ್ಯಾಟರಿ ಬ್ಯಾಕಪ್‌ ಅನ್ನು ನೀಡುತ್ತದೆ. ಅಂದರೆ ಈ ಫೋನ್ 3,279 mAh ಸಾಮರ್ಥ್ಯದ ಬ್ಯಾಟರಿ ಆಯ್ಕೆ ಪಡೆದಿದೆ. ಇದರ ಜೊತೆಗೆ ನೀವು 20 ಗಂಟೆಗಳ ವೀಡಿಯೊ ಪ್ಲೇಬ್ಯಾಕ್, 16 ಗಂಟೆಗಳ ಸ್ಟ್ರೀಮ್ ಮಾಡಿದ ವಿಡಿಯೋ ಮತ್ತು 80 ಗಂಟೆಗಳ ಆಡಿಯೊ ಪ್ಲೇಬ್ಯಾಕ್‌ ಸೌಲಭ್ಯ ಪಡೆಯಬಹುದಾಗಿದೆ.