ಅಬ್ಬಬ್ಬಾ..ಜಸ್ಟ್‌ 2,499ರೂ.ಗೆ ಫ್ಲಿಪ್‌ ಫೋನ್‌ ಲಾಂಚ್‌!..ಗ್ಲಾಸ್ ಫಿನಿಶ್‌ ಕೀ ಪ್ಯಾಡ್‌ ಇದೆ!

ಪ್ರಸ್ತುತ ಸ್ಮಾರ್ಟ್‌ಫೋನ್‌ಗಳ ಭರಾಟೆಯ ನಡುವೆ ಇಂದಿಗೂ ಕೀಪ್ಯಾಡ್ ಮೊಬೈಲ್‌ಗಳು ತಮ್ಮ ಜನಪ್ರಿಯತೆ ಉಳಿಸಿಕೊಂಡಿವೆ ಎಂಬುದು ಅಚ್ಚರಿಯ ಸಂಗತಿಯೇ ಸರಿ. ಈ ನಿಟ್ಟಿನಲ್ಲಿ ಪ್ರಮುಖ ಬ್ರ್ಯಾಂಡ್‌ಗಳು ಬಳಕೆದಾರರ ಅಗತ್ಯಗಳಿಗೆ ಅನುಸಾರವಾಗಿ ಕೀಪ್ಯಾಡ್ ಮೊಬೈಲ್‌ಗಳನ್ನು ಪರಿಚಯಿಸುತ್ತಾ ಮುನ್ನಡೆದಿವೆ. ಸದ್ಯ ಐಟೆಲ್‌ ಸಂಸ್ಥೆಯು ಹೊಸದೊಂದು ಫೀಚರ್‌ ಫೋನ್‌ ಲಾಂಚ್ ಮಾಡಿದ್ದು, ಅದುವೇ ಐಟೆಲ್‌ ಫ್ಲಿಪ್‌ 1 (itel Flip 1) ಆಗಿದೆ.

ಹೌದು, ಐಟೆಲ್‌ ಸಂಸ್ಥೆಯು ಹೊಸದಾಗಿ ಐಟೆಲ್ ಫ್ಲಿಪ್‌ 1 (itel Flip 1) ಫೋನ್‌ ಭಾರತದ ಮಾರುಕಟ್ಟೆಯಲ್ಲಿ ಬಿಡುಗಡೆ ಮಾಡಿದೆ. ಈ ಮೊಬೈಲ್‌ ಫ್ಲಿಪ್‌ ಮಾದರಿಯ ರಚನೆ ಅನ್ನು ಪಡೆದಿರುವುದು ವಿಶೇಷ, ಹಾಗೆಯೇ ಗ್ಲಾಸ್ ಫಿನಿಶ್‌ ಕೀ ಪ್ಯಾಡ್‌ ಹಾಗೂ ಲೆದರ್‌ ಬ್ಯಾಕ್‌ ವಿನ್ಯಾಸವನ್ನು ಹೊಂದಿದೆ. ಇದರ ಜೊತೆಗೆ ಬಿಗ್‌ ಬ್ಯಾಟರ್‌ ಸೌಲಭ್ಯ ಒಳಗೊಂಡಿದ್ದು, ಮತ್ತೊಂದು ಪ್ರಮುಖ ಹೈಲೈಟ್‌ ಆಗಿದೆ.

ಐಟೆಲ್‌ ಸಂಸ್ಥೆಯ ಈ ನೂತನ ಮೊಬೈಲ್‌ ಆರೆಂಜ್‌, ಲೈಟ್‌ ಬ್ಲೂ ಹಾಗೂ ಬ್ಲ್ಯಾಕ್‌ ಕಲರ್‌ ಆಯ್ಕೆಗಳನ್ನು ಒಳಗೊಂಡಿದೆ. ಇದು 13 ಭಾರತೀಯ ಭಾಷೆಗಳನ್ನು ಸಪೋರ್ಟ್ ಮಾಡುತ್ತದೆ ಜೊತೆಗೆ ಕ್ಯಾಮೆರಾ ಹಾಗೂ ಎಫ್‌ಎಮ್‌ ರೇಡಿಯೋ ಸೌಲಭ್ಯ ಸಹ ಪಡೆದುಕೊಂಡಿದೆ. ಹಾಗಾದರೇ ಐಟೆಲ್ ಫ್ಲಿಪ್‌ 1 (itel Flip 1) ಫೋನಿನ ಇತರೆ ಫೀಚರ್ಸ್‌ ಬಗ್ಗೆ ಮುಂದೆ ತಿಳಿಯೋಣ ಬನ್ನಿರಿ.

ಐಟೆಲ್ ಫ್ಲಿಪ್‌ 1 ಫೋನ್‌ ಫೀಚರ್ಸ್‌

ಐಟೆಲ್ ಫ್ಲಿಪ್‌ 1 (itel Flip 1) ಫೋನ್‌ 2.4 ಇಂಚಿನ OVGA ಡಿಸ್‌ಪ್ಲೇ ರಚನೆ ಅನ್ನು ಪಡೆದಿದ್ದು, ಗಾಜಿನ ಕೀಪ್ಯಾಡ್ ವಿನ್ಯಾಸ ಹೊಂದಿದೆ. ಹಾಗೆಯೇ ಇದು ಫ್ಲಿಪ್ ವಿನ್ಯಾಸ ಹಾಗೂ ಟೆಕ್ಸ್ಚರ್ಡ್ ಲೆದರ್ ಬ್ಯಾಕ್ ಲುಕ್‌ ಅನ್ನು ಪಡೆದುಕೊಂಡಿದೆ. ಅಲ್ಲದೇ ಈ ಫೀಚರ್‌ ಮೊಬೈಲ್‌ ಬ್ಲೂಟೂತ್ ಕರೆ ಅನ್ನು ಕೂಡಾ ಸಪೋರ್ಟ್‌ ಮಾಡುತ್ತದೆ.

ಐಟೆಲ್ ಫ್ಲಿಪ್‌ 1 ಫೋನ್‌ VGA ಕ್ಯಾಮೆರಾ ಸೆಟ್‌ಅಪ್‌ ಅನ್ನು ಒಳಗೊಂಡಿದ್ದು, ಜೊತೆಗೆ FM ರೇಡಿಯೋ ಹಾಗೂ ಡ್ಯುಯಲ್ ಸಿಮ್ ಬೆಂಬಲ ಕೂಡಾ ಪಡೆದುಕೊಂಡಿದೆ. ಅಲ್ಲದೇ ಈ ಫೋನ್‌ 1200mAh ಬ್ಯಾಟರಿ ಬ್ಯಾಕ್‌ಅಪ್‌ ಅನ್ನು ಪಡೆದುಕೊಂಡಿದ್ದು, ಟೈಪ್-ಸಿ ಚಾರ್ಜಿಂಗ್‌ ಸಪೋರ್ಟ್‌ ಪಡೆದಿದೆ. ಒಮ್ಮೆ ಪೂರ್ಣ ಚಾರ್ಜ್‌ ಮಾಡಿದರೆ, ಸುಮಾರು 7 ದಿನಗಳ ಬ್ಯಾಟರಿ ಬಾಳಿಕೆ ಬರುತ್ತದೆ ಎನ್ನಲಾಗಿದೆ.

ಅಲ್ಲದೇ ಈ ನೂತನ ಫೋನ್‌ 13 ಭಾರತೀಯ ಭಾಷೆಗಳಿಗೆ ಬೆಂಬಲ ಪಡೆದಿದ್ದು, ಜೊತೆಗೆ ಕಿಂಗ್ ವಾಯ್ಸ್ ಅಸಿಸ್ಟೆಂಟ್ ಅನ್ನು ಬೆಂಬಲಿಸುತ್ತದೆ. ಹಾಗೆಯೇ ಈ ಫೋನ್ ಬ್ಲೂಟೂತ್ ಕರೆಯನ್ನು ಸಪೋರ್ಟ್ ಮಾಡುತ್ತದೆ. ಬಳಕೆದಾರರು ತಮ್ಮ ಸ್ಮಾರ್ಟ್‌ಫೋನ್ ಸಂಪರ್ಕಗಳನ್ನು ಸಿಂಕ್ ಮಾಡುವ ಮೂಲಕ ಸಾಧನದಿಂದ ನೇರವಾಗಿ ಕರೆಗಳನ್ನು ನಿರ್ವಹಿಸಲು ಅನುವು ಮಾಡಿಕೊಡುತ್ತದೆ.

ಐಟೆಲ್ ಫ್ಲಿಪ್‌ 1 ಫೋನ್‌ ಹಗುರವಾದ ಮತ್ತು ಪೋರ್ಟಬಲ್ ಆಗಿದ್ದು, ಒಂದು ಕೈಯಿಂದ ಸುಲಭವಾಗಿ ಬಳಕೆ ಮಾಡಲು ವಿನ್ಯಾಸ ಮಾಡಲಾಗಿದೆ. ಇನ್ನು ಇದರ ಟೆಕ್ಸ್ಚರ್ಡ್ ಲೆದರ್ ಫಿನಿಶ್ ಫೋನಿನ ಸೊಬಗನ್ನು ಹೆಚ್ಚಿಸಿದೆ.

ಬೆಲೆ ಹಾಗೂ ಲಭ್ಯತೆಯ ಮಾಹಿತಿ

ಐಟೆಲ್ ಫ್ಲಿಪ್‌ 1 ಫೋನ್‌ (itel Flip 1) 2,499ರೂ. ಗಳ ಪ್ರೈಸ್‌ ಟ್ಯಾಗ್‌ ಅನ್ನು ಪಡೆದುಕೊಂಡಿದೆ. ಇನ್ನು ಗ್ರಾಹಕರು ಈ ಫೋನ್‌ ಅನ್ನು ಆರೆಂಜ್‌, ಲೈಟ್‌ ಬ್ಲೂ ಹಾಗೂ ಬ್ಲ್ಯಾಕ್‌ ಕಲರ್‌ ಆಯ್ಕೆಗಳಲ್ಲಿ ಖರೀದಿ ಮಾಡಬಹುದಾಗಿದೆ. ಈ ಫೋನ್‌ ಇಂದಿನಿಂದ ಭಾರತದಾದ್ಯಂತ ರೀಟೇಲ್ ಸ್ಟೋರ್‌ಗಳ ಮೂಲಕ ಖರೀದಿಗೆ ಲಭ್ಯ ಇರಲಿದೆ. ಹಾಗೆಯೇ ಈ ಮೊಬೈಲ್‌ 1 ವರ್ಷದ ವಾರಂಟಿಯೊಂದಿಗೆ ಬರುತ್ತದೆ.