ಚಿಕ್ಕ ವಯಸ್ಸಿನ ಆಕರ್ಷಣೆಗೆ 7 ಟನ್ ತೂಕದ ಸಂಚಾರಿ ರೋಬಾಟ್ ತಯಾರಿಸಿದ ಇಂಜಿನಿಯರ್!!

ಇಂಗ್ಲೀಷ್ ಚಿತ್ರಗಳಲ್ಲಿ ನಾವು ನೊಡುವ ದೈತ್ಯ ರೋಬಾಟ್​‌ಗಳಿಗೂ ಮತ್ತು ನಾವು ನಿಜ ಜೀವನದಲ್ಲಿ ಬಳಕೆ ಮಾಡಿಕೊಳ್ಳುತ್ತಿರುವ ದೈತ್ಯ ರೋಬಾಟ್​‌ಗಳಿಗೂ ಅಜಗಜಾಂತರ ವ್ಯತ್ಯಾಸವಿದೆ. ದೈತ್ಯ ರೋಬಾಟ್ ಚಿತ್ರಗಳಿಗಳನ್ನು ನೋಡಿದ ಎಲ್ಲರಿಗೂ ಇಂತಹ ಅನುಭವವಾಗಿರುತ್ತದೆ. ಇಂಗ್ಲೀಷ್‌ನ ಅವತಾರ್ ಸಿನಿಮಾ ನೋಡಿದವರಿಗೆ ಕ್ಷಣಮಾತ್ರದಲ್ಲಿ ಆ ರೋಬೊ ಚಿತ್ರಗಳು ಕಣ್ಣುಮುಂದೆ ಬಂದು ನಿಲ್ಲುತ್ತವೆ ಅಲ್ಲವೇ.?

ಇಂತಹುದೇ ರೋಬಾಟ್‌ಗಳ ಬಗ್ಗೆ ತನ್ನ ಚಿಕ್ಕ ವಯಸ್ಸಿನಲ್ಲಿಯೇ ಆಕರ್ಷಣೆಗೆ ಒಳಗಾದ ಜಪಾನ್​ನ ಒಬ್ಬ ಇಂಜಿನಿಯರ್​ಗೆ ಕಾಮಿಕ್ ಬುಕ್​ಗಳಲ್ಲಿ ಬರುತ್ತಿದ್ದ ರೋಬಾಟ್​ಗಳನ್ನು ನಿಜರೂಪದಲ್ಲಿ ರೂಪಿಸಿದ್ದಾನೆ. ತಾವು ಓದಿದ ಇಂಜಿನಿಯರಿಂಗ್​ನ ಜ್ಞಾನ ಬಳಸಿಕೊಂಡು ದೈತ್ಯಕಾರದ ರೋಬಾಟ್​ಗಳನ್ನು ತಯಾರಿಸಿದ್ದಾನೆ. ದೈತ್ಯ ಎಂದರೆ ಅತ ನಿರ್ವಿುಸಿದ ರೋಬಾಟ್​ನ ಎತ್ತರ ಬರೋಬ್ಬರಿ 8.5 ಮೀ.(28 ಅಡಿ) ಇದ್ದು 7 ಟನ್ ತೂಕವನ್ನು ಹೊಂದಿದೆ. !

ಮಸಾಕಿ ನಗುಮೊಗೆ ಎಂಬ ಜಪಾನಿ ಯುವಕನಿಗೆ 'ಮೊಬೈಲ್ ಸೂಟ್ ಗುಂಡಾಮ್ ಹೆಸರಿನ ಅನಿಮೇಷನ್ ಸರಣಿ ತುಂಬ ಪ್ರಿಯವಾಗಿತ್ತು. ಅದರಲ್ಲಿನ ಬೃಹತ್ ರೋಬಾಟ್​ಗಳು ಅವರನ್ನು ಆಕರ್ಷಿಸುತ್ತಿದ್ದವು. ತಾವು ಕೂಡ ಇಂಥ ರೋಬಾಟ್​ಗಳನ್ನು ತಯಾರಿಸಿ ಅದರೊಳಗೆ ಕೂತು ಚಾಲನೆ ಮಾಡಬೇಕು ಎಂಬ ಪ್ರಬಲ ಇಚ್ಛೆ ಅವರನ್ನು ಯಾವಾಗಲೂ ಕಾಡುತ್ತಿತ್ತಂತೆ. ಅದನ್ನು ಅವರು ಇದೀಗ ನನಸು ಮಾಡಿಕೊಂಡಿದ್ದಾರೆ.

ಬೃಹತ್ ರೋಬಾಟ್​ಗಳನ್ನು ತಯಾರಿಸುವ ಇಚ್ಚೆಯಿಂದಾಗಿ ಮಸಾಕಿ ಅವರು, ಸಕಾಕಿಬರಾ ಕಿಕಾಯಿ ಎಂಬ ಕೃಷಿ ಸಾಧನಗಳನ್ನು ತಯಾರಿಸುವ ಕಂಪನಿಯನ್ನು ಕೇಳಿಕೊಂಡಿದ್ದಾರೆ. ಸಕಾಕಿಬರಾ ಕಿಕಾಯಿ ಕಂಪೆನಿ ಕೂಡ ಮಸಾಕಿ ಕನಸಿಗೆ ಬೆಂಬಲವಾಗಿ ನಿಂತು ಮೊನೊನೊಫು ಎಂಬ ದೈತ್ಯ ರೋಬಾಟ್ ತಯಾರಿಸಲು ಸಹಕಾರ ನೀಡಿದೆ. ಈಗ ತಯಾರಾಗಿರು ಈ ರೋಬಾಟ್ ಮೂಲಕ ಸಂಚರಿಸಲು ಪ್ರತಿ ಗಂಟೆಗೆ 61 ಸಾವಿರ ರೂ. ಬಾಡಿಗೆ ವಿಧಿಸುತ್ತಿದ್ದಾರೆ.

ಓದಿರಿ: 5ಜಿ ಬಂದರೆ ಜಿಯೋ, ಏರ್‌ಟೆಲ್ ಅಂತ್ಯ ಕಾಣುತ್ತಂವತೆ!!..ಏಕೆ ಗೊತ್ತಾ?