JCB phones: ಜೆಸಿಬಿ ಟಫ್‌ಫೋನ್, ಟಫ್‌ಫೋನ್ ಮ್ಯಾಕ್ಸ್ ಲಾಂಚ್‌; ಇವುಗಳಿಗೆ ಚಂಡಮಾರುತ ಲೆಕ್ಕಕ್ಕಿಲ್ಲ!

ಸ್ಮಾರ್ಟ್‌ಫೋನ್‌ಗಳು ಒಂದಕ್ಕೊಂದು ಭಿನ್ನತೆಯಿಂದ ಕೂಡಿದ್ದು, ಬಳಕೆದಾರರಿಗೆ ಅನುಕೂಲ ಆಗುವ ಹಾಗೆ ಹಲವಾರು ಸೌಲಭ್ಯಗಳನ್ನು ನೀಡುತ್ತಾ ಬರುತ್ತಿವೆ. ಅದರಲ್ಲೂ ಪ್ರಮುಖ ಕಂಪೆನಿಗಳು ಈ ಫೋನ್‌ಗಳಲ್ಲಿ ಅಚ್ಚರಿ ಪಡುವ ಫೀಚರ್ಸ್‌ಗಳನ್ನು ನೀಡುವ ಮೂಲಕ ಗ್ರಾಹಕರನ್ನು ಆಕರ್ಷಿಸುತ್ತವೆ. ಈ ನಡುವೆ ಮಾರುಕಟ್ಟೆಯಲ್ಲಿ ಈ ಹೊಸ ಫೋನ್ ಸುನಾಮಿ ಸೃಷ್ಟಿಸಲಿದೆ.

ಹೌದು, ನಾವು ಈ ಫೋನ್‌ ಬಗ್ಗೆ ಹೇಳುವ ಮುನ್ನ ಒಮ್ಮೆ ನೀವು ಜೆಸಿಬಿ (JCB) ಯಂತ್ರದ ಕೆಲಸವನ್ನು ಈ ನೆನಪಿಸಿಕೊಂಡರೆ ಉತ್ತಮ. ಇದು ಎಂತಹುದೇ ಕಠಿಣ ಪ್ರದೇಶವಿರಲಿ,ಗುಡ್ಡ ಗಾಡು ಇರಲಿ ಎಲ್ಲಿಬೇಕಾದರೂ ಕೆಲಸ ಮಾಡುತ್ತದೆ. ಅದೇ ರೀತಿ ಈಗ ಜೆಸಿಬಿ ಕಂಪೆನಿಯು ಜೆಸಿಬಿ ಟಫ್‌ಫೋನ್ ಮತ್ತು ಜೆಸಿಬಿ ಟಫ್‌ಫೋನ್ ಮ್ಯಾಕ್ಸ್ ಅನ್ನು ಪರಿಚಯಿಸಿದ್ದು, ಈ ಫೋನ್‌ಗಳು ಮಳೆ, ಶಾಖ, ಚಳಿ, ಚಂಡಮಾರುತದಂತಹ ನೈಸರ್ಗಿಕ ವಿಕೋಪಗಳಿಗೆ ಸೆಡ್ಡು ಹೊಡೆಯಲಿದೆ. ಹಾಗಿದ್ರೆ, ಬನ್ನಿ ಈ ಫೋನ್‌ಗಳ ಪ್ರಮುಖ ಫೀಚರ್ಸ್‌ ಹಾಗೂ ಬೆಲೆ ವಿವರ ತಿಳಿಯೋಣ.

ಜಿಸಿಬಿ ಟಫ್‌ಫೋನ್ ಫೀಚರ್ಸ್‌: ಈ ಜೆಸಿಬಿ ಫೋನ್ 5.7 ಇಂಚಿನ ಹೆಚ್‌ಡಿ+ ಐಪಿಎಸ್‌ ಎಲ್‌ಸಿಡಿ ಡಿಸ್‌ಪ್ಲೇ ಹೊಂದಿದ್ದು, ಗೊರಿಲ್ಲಾ ಗ್ಲಾಸ್ ರಕ್ಷಣೆ ಪಡೆದುಕೊಂಡಿದೆ. ಇದರೊಂದಿಗೆ ಒದಗಿಸಲಾಗಿದೆ. ಮೀಡಿಯಾಟೆಕ್‌ ಹಿಲಿಯೋ P22 ಪ್ರೊಸೆಸರ್‌ ಬಲ ಹೊಂದಿದ್ದು, ಈ ಫೋನ್‌ ಅನ್ನು ಆಂಡ್ರಾಯ್ಡ್‌ 13 ಓಎಸ್‌ ರನ್‌ ಮಾಡಲಿದೆ. ಹಾಗೆಯೇ 6GB RAM + 128GB ಇಂಟರ್‌ ಸ್ಟೋರೇಜ್‌ ಆಯ್ಕೆ ನೀಡಲಾಗಿದೆ.

ಉಳಿದಂತೆ 20 ಮೆಗಾಪಿಕ್ಸೆಲ್ ಕ್ಯಾಮೆರಾ ಸಾಮರ್ಥ್ಯ ಈ ಫೋನ್‌ಗೆ ಇದ್ದು, ಈ ಮೂಲಕ ಅತ್ಯುತ್ತಮ ಫೋಟೋಗಳನ್ನು ಸೆರೆಹಿಡಿಯಲು ಅನುವು ಮಾಡಿಕೊಡುತ್ತದೆ. ಜೊತೆಗೆ ಸೆಲ್ಫಿ ಉದ್ದೇಶಕ್ಕಾಗಿ 20 ಮೆಗಾಪಿಕ್ಸೆಲ್ ಕ್ಯಾಮೆರಾ ಆಯ್ಕೆ ನೀಡಲಾಗಿದೆ. ಈ ಫೀಚರ್ಸ್‌ನೊಂದಿಗೆ ಈ ಜೆಸಿಬಿ ಟಫ್‌ಫೋನ್ 4,050mAh ಸಾಮರ್ಥ್ಯದ ಬ್ಯಾಟರಿಯಿಂದ ಪ್ಯಾಕ್‌ ಆಗಿದ್ದು, ಅತ್ಯುತ್ತಮವಾದ ಬ್ಯಾಕಪ್‌ ನೀಡಲಿದೆ. ಆದರೆ ವೇಗದ ಚಾರ್ಜಿಂಗ್ ಹೊಂದಿರುವ ಬಗ್ಗೆ ಮಾಹಿತಿ ತಿಳಿದುಬಂದಿಲ್ಲ.

ಜೆಸಿಬಿ ಟಫ್‌ಫೋನ್ ಮ್ಯಾಕ್ಸ್ ಫೀಚರ್ಸ್‌: ಮತ್ತೊಂದು ಫೋನ್‌ ಆಗಿರುವ ಜೆಸಿಬಿ ಟಫ್‌ಫೋನ್ ಮ್ಯಾಕ್ಸ್ ವಿಷಯಕ್ಕೆ ಬರುವುದಾದರೆ ಇದು 6.7 ಇಂಚಿನ ಫುಲ್ ಹೆಚ್‌ಡಿ ಪ್ಲಸ್ (FHD+) ಐಪಿಎಸ್‌ ಎಲ್‌ಸಿಡಿ ಡಿಸ್‌ಪ್ಲೇ ಹೊಂದಿದ್ದು, ಮೀಡಿಯಾ ಟೆಕ್ ಡೈಮೆನ್ಸಿಟಿ 700 ಪ್ರೊಸೆಸರ್‌ನಲ್ಲಿ ಕಾರ್ಯನಿರ್ವಹಿಸುತ್ತದೆ. ಇದರೊಂದಿಗೆ ಆಂಡ್ರಾಯ್ಡ್ 12 ಓಎಸ್‌ ಮೂಲಕ ರನ್‌ ಆಗುವ ಈ ಫೋನ್‌ 8GB RAM ಹಾಗೂ 256GB ಇಂಟರ್‌ ಸ್ಟೋರೇಜ್‌ ಆಯ್ಕೆ ಪಡೆದುಕೊಂಡಿದೆ.

ಉಳಿದಂತೆ ಈ ಫೋನ್ ಟ್ರಿಪಲ್‌ ರಿಯಲ್‌ ಕ್ಯಾಮೆರಾ ಆಯ್ಕೆ ಪಡೆದುಕೊಂಡಿದ್ದು, ಅದರಲ್ಲಿ 48 ಮೆಗಾಪಿಕ್ಸೆಲ್ ಮುಖ್ಯ ಕ್ಯಾಮೆರಾ ಹಾಗೂ 16 ಮೆಗಾಪಿಕ್ಸೆಲ್ ಅಲ್ಟ್ರಾ ವೈಡ್ ಲೆನ್ಸ್ , 2 ಮೆಗಾಪಿಕ್ಸೆಲ್ ಮ್ಯಾಕ್ರೋ ಲೆನ್ಸ್ ಕ್ಯಾಮೆರಾ ಆಯ್ಕೆ ಇದರಲ್ಲಿದೆ. ಈ ಫೋನ್‌ನ ಮತ್ತೊಂದು ಪ್ರಮುಖ ಫೀಚರ್ಸ್‌ ಕಡೆ ಕಣ್ಣಾಯಿಸುವುದಾದರೆ ಇದು 12,200 mAh ಸಾಮರ್ಥ್ಯದ ಬ್ಯಾಟರಿ ಹೊಂದಿದೆ. ಈ ಮೂಲಕ ಒಂದು ಬಾರಿ ಚಾರ್ಜ್‌ ಮಾಡಿದರೆ ಸ್ಟ್ಯಾಂಡ್‌ಬೈನಲ್ಲಿ 30 ದಿನಗಳ ಇರಲಿದೆ.

ಇನ್ನು ಈ ಫೋನ್‌ಗಳು ಮಳೆ, ಬಿಸಿಲು ಮತ್ತು ಚಳಿಯನ್ನು ಸುಲಭವಾಗಿ ತಡೆದುಕೊಳ್ಳುವಂತೆ ನಿರ್ಮಾಣ ಮಾಡಲಾಗಿದ್ದು, MIL-SPEC 810G ಗುಣಮಟ್ಟದ ಪ್ರಮಾಣೀಕರಣವನ್ನು ಹೊಂದಿವೆ. ಜೊತೆಗೆ ಫೋನ್‌ಗಳ ಹೊರಭಾಗವು ಪಾಲಿಕಾರ್ಬೊನೇಟ್ ಮತ್ತು ಲೋಹದಿಂದ ಮಾಡಲ್ಪಟ್ಟಿದ್ದು, ನೀರಿನಲ್ಲಿ ಮುಳುಗಿದರೂ, ಬಂಡೆಯ ಮೇಲೆ ಬೀಳಿಸಿದರೂ, ಎಸೆದರೂ ಸುರಕ್ಷಿತವಾಗಿರಲಿದೆ.

ಜಿಸಿಬಿ ಟಫ್‌ಫೋನ್‌ಗಳ ಬೆಲೆ ಹಾಗೂ ಲಭ್ಯತೆ: ಈ ಜಿಸಿಬಿ ಟಫ್‌ಫೋನ್‌ ಮ್ಯಾಕ್ಸ್‌ಗೆ 600 ಯುರೋ ನಿಗದಿ ಪಡಿಸಲಾಗಿದೆ. ಅಂದರೆ ಭಾರತದಲ್ಲಿ ಇದರ ಬೆಲೆ 62,530ರೂ.ಗಳಾಗುತ್ತದೆ. ಹಾಗೆಯೇ ಜಿಸಿಬಿ ಟಫ್‌ಫೋನ್‌ಗೆ 300 ಯುರೋಗಳಾಗಿದ್ದು, ಭಾರತದಲ್ಲಿ ಇದು 31,265ರೂ.ಗಳ ಬೆಲೆಯಲ್ಲಿ ಲಭ್ಯ ಇರಲಿದೆ. ಈ ಫೋನ್‌ಗಳು ಜುಲೈನಲ್ಲಿ ಮಾರಾಟವಾಗಲಿದೆ ಎಂದು ಹೇಳಲಾಗುತ್ತಿದ್ದು, ಶೀಘ್ರದಲ್ಲೇ ಭಾರತದಲ್ಲೂ ಲಾಂಚ್‌ ಆಗುವ ನಿರೀಕ್ಷೆ ಇದೆ.