ಅಮೆಜಾನ್ ಮಾಲಿಕ ನೀಡಿದ್ದು ವಿಶ್ವದಲ್ಲೇ ಅತೀ ದುಬಾರಿ ಮೊತ್ತದ ಡಿವೋರ್ಸ್!

|

ಪ್ರಖ್ಯಾತ ಇ-ಕಾಮರ್ಸ್ ಜಾಲತಾಣ ಅಮೆಜಾನ್ ಸಂಸ್ಥೆಯ ಮಾಲಿಕ ಹಾಗೂ ವಿಶ್ವದ ಅತ್ಯಂತ ಶ್ರೀಮಂತ ವ್ಯಕ್ತಿಯಾದ ಜೆಫ್​​ ಬೆಜೊಸ್​​ ಆಸ್ತಿ ಒಂದೇ ದಿನಕ್ಕೆ ₹2.4 ಲಕ್ಷ ಕೋಟಿಯಷ್ಟು ಕರಗಿದೆ. ಹಾಗಂತ ಅಮೆಜಾನ್‌ಗೆ ಇಷ್ಟು ನಷ್ಟವಾಗಿದೆ ಎಂದುಕೊಳ್ಳಬೇಡಿ. ಏಕೆಂದರೆ, ಮೂರು ತಿಂಗಳ ಹಿಂದೆಯೇ ಜೆಫ್​ ಹಾಗೂ ಮ್ಯಾಕೆನ್ಸಿ ದಂಪತಿಯ ವಿಚ್ಛೇದನ ಒಪ್ಪಂದ ಇಂದು ಫೈನಲ್​ ಆಗಿದ್ದು, ವಿಶ್ವದಲ್ಲೇ ಈವರೆಗಿನ ಅತೀ ಹೆಚ್ಚಿನ ಜೀವನಾಂಶ ಮೊತ್ತವನ್ನು ಜೆಫ್​​ ಬೇಸೋಸ್ ಅವರು ತಮ್ಮ ಮಾಜಿ ಧರ್ಮಪತ್ನಿಗೆ ನೀಡಿದ್ದಾರೆ.

ಹೌದು, 1993ರಲ್ಲಿ ಮದುವೆಯಾಗಿದ್ದ ಜೆಫ್​ ​ ಹಾಗೂ ಮ್ಯಾಕೆನ್ಸಿ ಅವರು 25 ವರ್ಷಗಳ ದಾಂಪತ್ಯ ಜೀವನಕ್ಕೆ ಅಂತ್ಯ ಹಾಡಿದ್ದು, ಪರಸ್ಪರ ಒಪ್ಪಿಗೆ ಮೇರೆಗೆ ಇಬ್ಬರೂ ವಿಚ್ಛೇದನ ಪಡೆದಿದ್ದಾರೆ. ಇವರಿಬ್ಬರೂ ಬೇರ್ಪಡುತ್ತಿರುವ ಬಗ್ಗೆ ಘೋಷಿಸಿದ ಮೂರು ತಿಂಗಳಲ್ಲೇ ವಿಚ್ಛೇದನ ಒಪ್ಪಂದ ಫೈನಲ್ ಆಗಿದೆ. ಅಮೇಜಾನ್​​ನ ಶೇ.75 ರಷ್ಟು ಷೇರು ಹಾಗೂ ವೋಟಿಂಗ್​ ಪವರ್​​ ಜೆಫ್​​ ಬಳಿಯೇ ಉಳಿಯಲಿದೆ ಎಂದು ಮ್ಯಾಕೆನ್ಸಿ ತಿಳಿಸಿದ್ದು, ಜೀವನಾಂಶ ನೀಡಿದ ಬಳಿಕವೂ ಜೆಫ್​ ಬೆಜೊಸ್​​ ವಿಶ್ವದ ಅತ್ಯಂತ ಶ್ರೀಮಂತ ವ್ಯಕ್ತಿಯಾಗಿಯೇ ಉಳಿಯಲಿದ್ದಾರೆ.

ಅಮೆಜಾನ್ ಮಾಲಿಕ ನೀಡಿದ್ದು ವಿಶ್ವದಲ್ಲೇ ಅತೀ ದುಬಾರಿ ಮೊತ್ತದ ಡಿವೋರ್ಸ್!

ಈ ಬಗ್ಗೆ ಮ್ಯಾಕೆನ್ಸಿ ಟ್ವೀಟ್​ ಮಾಡಿದ್ದು, ಅಮೆಜಾನ್​​ನ ಶೇ.75 ರಷ್ಟು ಷೇರು ಹಾಗೂ ವೋಟಿಂಗ್​ ಪವರ್​​ ಜೆಫ್​​ ಬಳಿಯೇ ಉಳಿಯಲಿದೆ ಎಂದು ತಿಳಿಸಿದ್ದಾರೆ. ಹಾಗಾಗಿ, ಜೆಫ್​​ ಬೆಜೊಸ್ ಹಾಗೂ ಪತ್ನಿ ಮ್ಯಾಕೆನ್ಸಿ ವಿಚ್ಛೇದನ ಪಡೆಯುತ್ತಿರುವುದಾಗಿ ಘೋಷಿಸಿದ ಬಳಿಕ ಅಮೆಜಾನ್​​ನ ಗತಿ ಏನು ಅನ್ನೋ ಚಿಂತೆಯಲ್ಲಿದ್ದ ಷೇರುದಾರರ ಆತಂಕ ದೂರವಾಗಿದೆ. ಇನ್ನು ವಿಶ್ವದಾದ್ಯಂತ ಕುತೋಹಲಕ್ಕೆ ಕಾರಣವಾಗಿದ್ದ ಜೆಫ್​ ​ಹಾಗೂ ಮ್ಯಾಕೆನ್ಸಿ ದಂಪತಿ ಆಸ್ತಿಯನ್ನ ಹೇಗೆ ಹಂಚಿಕೊಳ್ಳಲಿದ್ದಾರೆ ಮತ್ತು ಹೇಗೆ ಹಂಚಿಕೊಳ್ಳುತ್ತಾರೆ ಎಂಬುದು ಸಹ ಫೈನಲ್​ ಆಗಿದೆ.

ಅಮೆಜಾನ್​​ ಸಂಸ್ಥೆಯ ಒಟ್ಟಾರೆ ಮೌಲ್ಯ 900 ಬಿಲಿಯನ್ ಡಾಲರ್(ಅಂದಾಜು ₹62 ಲಕ್ಷ ಕೋಟಿ) ಆಗಿದ್ದು, ಮ್ಯಾಕೆನ್ಸಿಗೆ ಜೆಫ್ ಶೇ. 4ರಷ್ಟು​​ ಅಮೆಜಾನ್​​ ಷೇರನ್ನ ಜೀವನಾಂಶವಾಗಿ ನೀಡ್ತಿದ್ದಾರೆ. ಇದರ ಮೊತ್ತ 36 ಬಿಲಿಯನ್ ಡಾಲರ್ ಆಗಲಿದೆ. ​(ಅಂದಾಜು ₹2.4 ಲಕ್ಷ ಕೋಟಿ). ₹2.4 ಲಕ್ಷ ಕೋಟಿ ಕರಗಿನ ಜೆಫ್​​ರ ಸದ್ಯದ ಆಸ್ತಿ 114 ಬಿಲಿಯನ್ ಡಾಲರ್ ಎನ್ನಲಾಗಿದ್ದು, (​​ಅಂದಾಜು ₹7 ಲಕ್ಷ ಕೋಟಿ).ಶೇ. 75ರಷ್ಟು ಸ್ಟಾಕ್​ ಹೊಂದುವ ಮೂಲಕ ಅಮೆಜಾನ್​ನ​ ನಿಯಂತ್ರಣವನ್ನು ಕೂಡ ಜೆಫ್​​​ ಅವರೇ ಹಿಡಿದಿಟ್ಟುಕೊಂಡಿದ್ದಾರೆ.

ಅಮೆಜಾನ್ ಮಾಲಿಕ ನೀಡಿದ್ದು ವಿಶ್ವದಲ್ಲೇ ಅತೀ ದುಬಾರಿ ಮೊತ್ತದ ಡಿವೋರ್ಸ್!

ಮತ್ತೊಂದು ಕುತೋಹಲದ ಸಂಗತಿ ಎಂದರೆ, ಸದ್ಯದ ಬ್ಲೂಮ್​ಬರ್ಗ್​​ ಬಿಲಿಯನೇರ್ಸ್​​ ಇಂಡೆಕ್ಸ್​ ರ್ಯಾಕಿಂಗ್ ಪ್ರಕಾರ ಜಗತ್ತಿನ ಶ್ರೀಮಂತ ಮಹಿಳೆಯರ ಲಿಸ್ಟ್​ನಲ್ಲಿ ಮ್ಯಾಕೆನ್ಸಿ ಒಂದೇ ದಿನದಲ್ಲಿ ನಾಲ್ಕನೇ ಸ್ಥಾನದಲ್ಲಿದ್ದಾರೆ. ವಿಶ್ವದಲ್ಲೇ ಅತೀ ದುಬಾರಿ ಮೊತ್ತದ ಡಿವೋರ್ಸ್​ ಇದಾಗಿದ್ದರೆ, 2014ರಲ್ಲಿ ಅಮೆರಿಕಾದ ತೈಲ ಉದ್ಯಮಿ ಹಾರೋಲ್ಡ್​​ ಹ್ಯಾಮ್​​​​ ತನ್ನ ವಿಚ್ಛೇದಿತ ಪತ್ನಿ ಸೂ ಆ್ಯನ್ ಅರ್ನಾಲ್​​ಗೆ 972 ಮಿಲಿಯನ್ ಡಾಲರ್( ಅಂದಾಜು ₹6 ಸಾವಿರ ಕೋಟಿ)​​ ಹಣವನ್ನ ಜೀವನಾಂಶವಾಗಿ ನೀಡಿರುವುದು ಇಲ್ಲಿಯವರೆಗಿನ ದಾಖಲೆಯಾಗಿತ್ತು.

ಓದಿರಿ: 'ಹಾನರ್ 9ಎನ್' ಭಾರೀ ಬೆಲೆ ಇಳಿಕೆಗೆ ಹೆದರಿದ ಶಿಯೋಮಿ!..ಇದು ಬೆಸ್ಟ್ ಡೀಲ್!!

Most Read Articles
Best Mobiles in India

English summary
Jeff Bezos settles the most expensive divorce; who will control Amazon now?. to know more visit to kannada.gizbot.com

ಉತ್ತಮ ಫೋನ್‌ಗಳು

ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X