ಬಂಪರ್ ಆಫರ್ ಕೊಟ್ಟ ಜಿಯೋ: ಮಾರುಕಟ್ಟೆಯಲ್ಲಿಯೇ ಅತೀ ಕಡಿಮೆ ಬೆಲೆಗೆ ಆಡ್‌ಆನ್‌ ಡೇಟಾ..!

ಆಡ್ ಆನ್‌ ಪ್ಯಾಕ್‌ಗಳು:

ಜಿಯೋ ತನ್ನ ಆಡ್ ಆನ್ ಪ್ಯಾಕ್‌ಗಳನ್ನು ಆಪ್‌ಡೇಟ್ ಮಾಡಿದ್ದು, ರೂ.11, ರೂ.21, ರೂ.51 ಮತ್ತು ರೂ.101 ಪ್ಯಾಕ್‌ಗಳು ಬಳಕೆದಾರರಿಗೆ ತೆರೆದುಕೊಂಡಿದ್ದು, ಗ್ರಾಹಕರಿಗೆ ಅಗತ್ಯವಿರುವ ಹೆಚ್ಚಿನ ಡೇಟಾವನ್ನು ಪೂರೈಸಲಿದೆ ಎನ್ನಲಾಗಿದೆ. ಪ್ರತಿ ಆಡ್ ಆನ್ ಪ್ಯಾಕ್‌ಗಳು ತಮ್ಮದೇ ವಿಶೇಷತೆಗಳನ್ನು ಹೊಂದಿದೆ.

ಪ್ಯಾಕ್‌ಗಳು:

ರೂ.11 ಆಡ್ ಆನ್‌ ಪ್ಯಾಕ್‌ನಲ್ಲಿ 400MB ಡೇಟಾ ಬಳಕೆಗೆ ದೊರೆಯಲಿದ್ದು, ರೂ.21 ರಲ್ಲಿ 1GB ಡೇಟಾ ಬಳಕೆಗೆ ದೊರೆಯಲಿದೆ. ಹಾಗೇ ರೂ.51ಕ್ಕೆ 3GB 4G ವೇಗದ ಡೇಟಾ ಲಭ್ಯವಿದ್ದು, ರೂ.101 ಪ್ಯಾಕ್‌ನಲ್ಲಿ 6GB ಡೇಟಾವನ್ನು ನೀಡಲಿದೆ. ಆದರೆ ಈ ಪ್ಯಾಕ್‌ಗಳಲ್ಲಿ ಬಳಕೆದಾರರಿಗೆ ಯಾವುದೇ ವ್ಯಾಲಿಡಿಟಿಯೂ ದೊರೆಯುವುದಿಲ್ಲ ಎನ್ನಲಾಗಿದೆ.

Jio Fi ಬಳಸಿ 2G ಮತ್ತು 3G ಗ್ರಾಹಕರು ಕಾಲ್ ಮಾಡುವುದು ಹೇಗೆ?

ಬೆಲೆಗಳಲ್ಲಿ ಭಾರೀ ಇಳಿಕೆ:

ತನ್ನ ಡೇಟಾ ಪ್ಲಾನ್‌ಬೆಲೆಗಳನ್ನು ಇಳಿಕೆ ಮಾಡಿದ ರೀತಿಯಲ್ಲಿಯೇ ಜಿಯೋ ಆಡ್ ಆನ್‌ ಪ್ಯಾಕ್‌ ಬೆಲೆಯಲ್ಲಿಯೂ ಇಳಿಕೆಯನ್ನು ಮಾಡಿದ್ದು, ಈ ಮೂಲಕ ಗ್ರಾಹಕರು ಅತೀ ಕಡಿಮೆ ಬೆಲೆಗೆ ಹೆಚ್ಚಿನ ಡೇಟಾ ಲಾಭವನ್ನು ಪಡೆದುಕೊಳ್ಳಬಹುದಾಗಿದೆ. ಈ ಹಿಂದೆ ಇದೇ ಮಾದರಿಯ ಆಡ್ ಆನ್‌ ಪ್ಯಾಕ್‌ಗಳು ಹೆಚ್ಚಿನ ಬೆಲೆಗೆ ಮಾರಾಟವಾಗುತ್ತಿದ್ದವು.

ಬೇರೆ ಎಲ್ಲಿಯೂ ಇಲ್ಲ:

ಜಿಯೋ ತನ್ನ ಬಳಕೆದಾರರಿಗೆ ನೀಡುತ್ತಿರುವ ಆಡ್‌ ಆನ್ ಪ್ಯಾಕ್ ಮಾದರಿಯ ಆಫರ್ ಅನ್ನು ಬೇರೆ ಟೆಲಿಕಾಂ ಕಂಪನಿಗಳು ನೀಡುತ್ತಿಲ್ಲ. ಬೇರೆ ಕಂಪನಿಗಳು ಗ್ರಾಹಕರಿಗೆ ನೀಡುವ ಡೇಟಾದಲ್ಲಿಯೇ ಕಡಿತವನ್ನು ಮಾಡುತ್ತಿದ್ದರೇ ಜಿಯೋ ಮಾತ್ರವೇ ಹೆಚ್ಚುವರಿ ಡೇಟಾವನ್ನು ಬಳಕೆಗೆ ನೀಡಲು ಮುಂದಾಗಿದೆ.