ಜಿಯೋ ಗ್ರಾಹಕರೇ ಧನ್ ಧನಾ ಧನ್ ಆಫರ್ ಬಗ್ಗೆ ನೀವು ತಿಳಿಯಲೇ ಬೇಕಾದ ವಿಷಯಗಳು..!!!

ಏನೀದು ಧನ್ ಧನಾ ಧನ್ ಆಫರ್:

ಟ್ರಾಯ್ ಆದೇಶದ ಮೇರೆಗೆ ಜಿಯೋ ತಾನು ನೀಡಿದ್ದ ಸಮ್ಮರ್ ಸರ್ಪ್ರೈಸ್ ಆಫರ್ ಅನ್ನು ಹಿಂಪಡೆದ ಬೆನ್ನಲೇ ತನ್ನ ಗ್ರಾಹಕರಿಗಾಗಿ ನೀಡಿದ ಮತ್ತೊಂದು ಆಫರ್ ಹೆಸರೇ ಧನ್ ಧನಾ ಧನ್. ಈ ಹಿಂದಿನ ಸಮ್ಮರ್ ಸರ್ಪ್ರೇಸ್ ಆಫರ್ ಮಾದರಿಯಲ್ಲೇ ಹೊಸ ಕೊಡುಗೆ ಸಹ ಮೂರು ತಿಂಗಳ ವ್ಯಾಲಿಡಿಟಿ ಅಂದೇ 84 ದಿನಗಳ ಕಾಲ ಸೇವೆಯನ್ನು ನೀಡಲಿದೆ. ಹೀಗಾಗಿ ಜಿಯೋ ಗ್ರಾಹಕರು ಮತ್ತೇ ಮೂರು ತಿಂಗಳು ಉಚಿತ ಸೇವೆಯ ಲಾಭವನ್ನು ಪಡೆಯಬಹುದಾಗಿದೆ.

ಯಾವಾಗ ಧನ್ ಧನಾ ಧನ್ ಆಫರ್ ಆರಂಭ:

ಜಿಯೋ ಸಮ್ಮರ್ ಸರ್ಪ್ರೈಸ್ ಆಫರ್ ಬದಲಿಗೆ ನೀಡುವ 'ಧನ್ ಧನಾ ಧನ್' ಆಫರ್ ಘೋಷಣೆ ಮಾಡಿದ್ದು, ಈ ನೂತನ ಆಫರ್ ಏಪ್ರಿಲ್ 16 ರಿಂದ ಕಾರ್ಯಾರಂಭವನ್ನು ಮಾಡಲಿದೆ. ಏಪ್ರಿಲ್ 16ರಿಂದ ಗ್ರಾಹಕರಿಗೆ ಈ ಕೊಡುಗೆಯ ಲಾಭವು ದೊರೆಯಲಿದೆ.

ಧನ್ ಧನಾ ಧನ್ ಆಫರ್ ವ್ಯಾಲಿಡಿಟಿ:

ಜಿಯೋ ಧನ್ ಧನಾ ಧನ್ ಆಫರ್ ಜಿಯೋ ಗ್ರಾಹಕರ ಮೊದಲ ರೀಚಾರ್ಜ್ ಗೆ ದೊರೆಯುವ ಆಫರ್ ಆಗಿದ್ದು, ಇತರೇ ಟೆಲಿಕಾಂ ಕಂಪನಿಗಳಂತೆ ಯಾವುದೇ ಷರತ್ತು ಆಫರ್‌ಗೆ ಅನ್ವಯಿಸುವುದಿಲ್ಲ. ಅಲ್ಲದೇ ಇದು ಮೂರು ತಿಂಗಳ ವ್ಯಾಲಿಡಿಟಿ. ಅಂದರೇ 84 ದಿನಗಳು ಮಾತ್ರ ಉಚಿತ ಕೊಡುಗೆಯನ್ನು ನೀಡಲಿದೆ.

ಧನ್ ಧನಾ ಧನ್ ಆಫರ್ ಲಾಭಗಳೇನು:

ಜಿಯೋ ಹೊಸದಾಗಿ ಘೋಷಣೆ ಮಾಡಿರುವ 'ಧನ್‌ ಧನಾ ಧನ್' ಆಫರ್ ನಲ್ಲಿ ಗ್ರಾಹಕರಿಗೆ ಎರಡು ಆಯ್ಕೆಗಳು ದೊರೆಯುತ್ತಿದೆ. ಒಂದು 84 ದಿನಗಳ ಕಾಲ ಪ್ರತಿ ನಿತ್ಯ 1 GB ಹೈಸ್ಪೀಡ್ 4G ಡೇಟಾ ಬಯಸುವವರಿಗೆ 309ರೂ. ಆಫರ್ ಹಾಗೆಯೇ ಪ್ರತಿ ನಿತ್ಯ 2 GB ಹೈಸ್ಪೀಡ್ 4G ಡೇಟಾ ಬೇಕು ಎಂದವರಿಗಾಗಿ 509 ರೂ. ಆಫರ್ ನೀಡಲು ಮುಂದಾಗಿದೆ. ಈ ಕೊಡುಗೆಯಲ್ಲಿ ಜಿಯೋ ಗ್ರಾಹಕರಿಗೆ ಉಚಿತ ಕರೆ ಮಾಡುವ, ಉಚಿತ ಮೇಸೆಜ್ ಕಳುಹಿಸುವ ಮತ್ತು ಉಚಿತ ವಾಗಿ ಜಿಯೋ ಆಪ್‌ಗಳ ಬಳಕೆ ಮಾಡುವ ಅವಕಾಶವನ್ನು ನೀಡಲಾಗಿದೆ.

ರೀಚಾರ್ಜ್ ಮಾಡಿಸುವುದು ಹೇಗೆ..:?

ಜಿಯೋ ಪ್ರೈಮ್ ಸದಸ್ಯರೂ ಸೇರಿದಂತೆ ಜಿಯೋ ಗ್ರಾಹಕರು ಈ ಹೊಸ ಕೊಡುಗೆಯನ್ನು ತಮ್ಮದಾಗಿಸಿಕೊಳ್ಳಬಹುದಾಗಿದೆ. ಒಂದೇ ರೀಚಾರ್ಜ್ ನಲ್ಲಿ ಮೂರು ತಿಂಗಳು ಉಚಿತ ಸೇವೆಯನ್ನು ಪಡೆಯಬಹುದಾಗಿದೆ. ಈಗಾಗಲೇ ಪ್ರೈಮ್ ಸದಸ್ಯರಾದವರು 309 ರೂ ರೀಚಾರ್ಜ್ ಮಾಡಿಸಿದರೆ, ಹೊಸ ಗ್ರಾಹಕರು ರೂ. 408(309+99) ರೀಚಾರ್ಜ್ ಮಾಡಿಸಬೇಕಾಗಿದೆ. ಜಿಯೋ ಮನಿ ಇಲ್ಲವೇ ಜಿಯೋ ಔಟ್ ಲೆಟ್‌ಗಳಲ್ಲಿ ರೀಚಾರ್ಜ್ ಮಾಡಿಸಿಕೊಳ್ಳಬಹುದಾಗಿದೆ.

ಹೊಸ ಗ್ರಾಹಕರಿಗೂ ಮೂರು ತಿಂಗಳ ಆಫರ್:

ಹೊಸದಾಗಿ ಜಿಯೋ ಸೇರಿದ ಗ್ರಾಹಕರು ಸಹ ಪ್ರೈಮ್ ಸದಸ್ಯರಲ್ಲದಿದ್ದರೂ 'ಧನ್ ಧನಾ ಧನ್' ಆಫರ್ ಲಾಭವನ್ನು ಪಡೆಯಬಹುದಾಗಿದೆ. ಇದಕ್ಕಾಗಿ ಯಾವುದೇ ಹೆಚ್ಚಿನ ದರವನ್ನು ನೀಡಲಬೇಕಾಗಿಲ್ಲ. ಜಿಯೋ ಪ್ರೈಮ್ ಸದಸ್ಯತ್ವ ಶುಲ್ಕ ಮತ್ತು ಧನ್ ಧನಾ ಧನ್ ರೀಚಾರ್ಜ್ ಮೊತ್ತವನ್ನು ಪಾವತಿ ಮಾಡಿದರೆ ಸಾಕು.