ಜಿಯೋ ಫೈಬರ್‌ಗೆ ಮುಳುವಾಗಲಿದೆಯಾ BSNLನ 'ಭಾರತ್ ಫೈಬರ್' ಪ್ಲ್ಯಾನ್!

ಹೌದು, ಬಿಎಸ್‌ಎನ್‌ಎಲ್ ಸಂಸ್ಥೆಯು ತನ್ನ 'ಭಾರತ್ ಫೈಬರ್‌' ಬ್ರಾಡ್‌ಬ್ಯಾಂಡ್ ಪ್ಲ್ಯಾನ್‌ಗಳ ಲಿಸ್ಟಿಗೆ ಇದೀಗ 1,999ರೂ.ಗಳ ಹೊಸ ಪ್ಲ್ಯಾನ್‌ ಅನ್ನು ಸೇರಿಸಿದೆ. ಈ ಪ್ಲ್ಯಾನಿನಲ್ಲಿ ಗ್ರಾಹಕರಿಗೆ ಪ್ರತಿದಿನ 33GB ಡೇಟಾ ಲಭ್ಯವಾಗಲಿದ್ದು, ಇದರೊಂದಿಗೆ ಅನಿಯಮಿತ ಉಚಿತ ಕರೆಗಳ ಸೌಲಭ್ಯವನ್ನು ನೀಡುತ್ತಿದೆ. ಹಾಗಾದರೇ ಬಿಎಸ್‌ಎನ್‌ಎಲ್ ಸಂಸ್ಥೆಯ ಹೊಸ 1,999ರೂ ಪ್ಲ್ಯಾನ್‌ ಏನೆಲ್ಲಾ ಆಫರ್‌ ಒಳಗೊಂಡಿದೆ ಮತ್ತು ಇತರೆ ಭಾರತ್ ಫೈಬರ್‌ ಪ್ಲ್ಯಾನ್‌ಗಳು ಯಾವುವು ಎಂಬುದನ್ನು ಮುಂದೆ ನೋಡೋಣ ಬನ್ನಿರಿ.

ಬಿಎಸ್‌ಎನ್ಎಲ್ ಸಂಸ್ಥೆಯು ಜಿಯೋ ಫೈಬರ್‌ಗೆ ಎದುರಾಗಿ 1,999ರೂ. ಪ್ಲ್ಯಾನ್‌ ಬಿಡುಗಡೆ ಮಾಡಿದ್ದು, ಈ ಪ್ಲ್ಯಾನ್‌ನಲ್ಲಿ ಗ್ರಾಹಕರಿಗೆ ಪ್ರತಿ ದಿನ 33GB ಡೇಟಾ ಲಭ್ಯವಾಗಲಿದೆ. ಅಂದರೇ ತಿಂಗಳಿಗೆ 990GB ಡೇಟಾ ಸಿಗಲಿದ್ದು, ಅದು 100Mbps ವೇಗದಲ್ಲಿರಲಿದೆ. ಗ್ರಾಹಕರಿಗೆ ಲಭ್ಯವಿರುವ ದಿನದ ಡೇಟಾ ಮುಗಿದ ಬಳಿಕ 4Mbps ವೇಗದಲ್ಲಿ ಇಂಟರ್ನೆಟ್‌ ಮುಂದುವರೆಯಲಿದೆ.

ಬಿಎಸ್‌ಎನ್‌ಎಲ್ ಭಾರತ್ ಬ್ರಾಡ್‌ಬ್ಯಾಂಡ್‌ನ ಇತರೆ ಜನಪ್ರಿಯ ಪ್ಲ್ಯಾನ್‌ಗಳು ಇಂತಿವೆ. 1,277ರೂ ಪ್ಲ್ಯಾನ್‌ನಲ್ಲಿ ತಿಂಗಳಿಗೆ ಒಟ್ಟು 750GB ಡೇಟಾ ಸಿಗಲಿದೆ. ಹಾಗೆಯೇ 2,499ರೂ. ಪ್ಲ್ಯಾನ್‌ನಲ್ಲಿ ಪ್ರತಿದಿನ 40GB ಡೇಟಾ ಲಭ್ಯವಾಗಲಿದೆ. 9,999ರೂ. ಪ್ಲ್ಯಾನ್‌ ಸಂಸ್ಥೆಯ ತಿಂಗಳ ದುಬಾರಿ ಪ್ಲ್ಯಾನ್‌ ಆಗಿ ಎನಿಸಿಕೊಂಡಿದ್ದು, ಪ್ರತಿದಿನ ಒಟ್ಟು 120GB ಡೇಟಾ ಒಳಗೊಂಡಿದೆ.

ಜಿಯೋ 1,299ರೂ.ಗಳಿಗೆ 500GB ಡೇಟಾ ನೀಡಲಿದೆ ಜೊತೆಗೆ 250GB ಡೇಟಾ ಸಹ ಸಿಗಲಿದೆ. ಹಾಗೆಯೇ 2,499ರೂ. ಪ್ಲ್ಯಾನ್‌ನಲ್ಲಿ 1,250GB ಡೇಟಾ ದೊರೆಯಲಿದ್ದು, ಹೆಚ್ಚುವರಿಯಾಗಿ 250GB ಸಿಗಲಿದೆ. ಇದರೊಂದಿಗೆ ಜಿಯೋ ಆಪ್‌, ಜಿಯೋ ಟಿವಿ ಮತ್ತು ಅನಿಯಮಿತ ರಾಷ್ಟ್ರೀಯ ಹಾಗೂ ಸ್ಥಳೀಯ ಕರೆಗಳು ಉಚಿತವಾಗಿ ಲಭ್ಯವಾಗಲಿವೆ. ಬಿಎಸ್‌ಎನ್‌ಎಲ್‌ನ ಹೊಸ 1,999ರೂ ಪ್ಲ್ಯಾನ್‌ ಜಿಯೋದ 2,499ರೂ ಪ್ಲ್ಯಾನ್‌ಗೆ ಫೈಟ್‌ ನೀಡಲಿದೆ.