ಜಿಯೋ ಬಳಕೆದಾರರಿಗೆ ಶಾಕಿಂಗ್ ನ್ಯೂಸ್: ಫೆ.27ಕ್ಕೆ ಜಿಯೋ ಪ್ರಮುಖ ಸೇವೆ ಸ್ಥಗಿತ..!

ಫೆಬ್ರವರಿ 27 ಕೊನೆ:

ರಿಲಯನ್ಸ್ ಜಿಯೋ ತನ್ನ 'ಜಿಯೋ ಮನಿ ಮೊಬೈಲ್ ವಾಲೆಟ್' ನಿಂದ ಬ್ಯಾಂಕ್‌ಗೆ ಹಣ ವರ್ಗಾವಣೆ ಮಾಡುವ ಸೇವೆಯನ್ನು ಫೆಬ್ರವರಿ 27 ನಂತರ ಸ್ಥಗಿತಗೊಳಿಸಲಿದೆ ಎನ್ನಲಾಗಿದೆ. ಜಿಯೋ ಈ ಮಾಹಿತಿಯನ್ನು ಗ್ರಾಹಕರಿಗೆ ಈಗಾಗಲೇ SMS ಮೂಲಕ ತಿಳಿಸಿದೆ.

ಆರ್‌ಬಿಐ ಮಾರ್ಗದರ್ಶನ:

ಫೆಬ್ರವರಿ 27 ರಿಂದ ಮೊಬೈಲ್ ವ್ಯಾಲೆಟ್ ಜಿಯೋ ಮನಿ ಆಪ್‌ ಮೂಲಕ ಬ್ಯಾಂಕ್ಗೆ ಹಣವನ್ನು ವರ್ಗಾವಣೆ ಮಾಡುವ ಸೌಲಭ್ಯವನ್ನು ಸ್ಥಗಿತಗೊಳಿಸಲು ಆರ್‌ಬಿಐ ಮಾರ್ಗದರ್ಶನ ನೀಡಿದ್ದು, ಈ ಹಿನ್ನಲೆಯಲ್ಲಿ ಜಿಯೋ ಈ ಸೇವೆಯನ್ನು ನಿಲ್ಲಿಸಲಿದೆ.

ನಿಮ್ಮ Aadhaar ದುರುಪಯೋಗವಾಗಿದೆಯೇ..? ಪತ್ತೆ ಹಚ್ಚುವುದು ಹೇಗೆ..?

ಫೆಬ್ರವರಿ 26 ಕೊನೆ:

ಜಿಯೋ ಮನಿ ವ್ಯಾಲೆಟ್ ನಲ್ಲಿರುವ ಹಣವನ್ನು ಫೆಬ್ರವರಿ 28ರ ಒಳಗೆ ಬಳಕೆದಾರರು ವರ್ಗಾಹಿಸಿಕೊಳ್ಳಬೇಕಾಗಿದೆ. ಇದಕ್ಕೇ ಯಾವುದೇ ಶುಲ್ಕವನ್ನು ವಿಧಿಸುವುದಿಲ್ಲ ಎನ್ನಲಾಗಿದೆ. ಇದಾದ ನಂತರದಲ್ಲಿ ಈ ಸೇವೆಯೂ ಸ್ಥಗಿತಗೊಳ್ಳಲಿದೆ.

ಜಿಯೋ ಪೇಮೆಂಟ್ ಬ್ಯಾಂಕ್:

ಜಿಯೋ ತನ್ನದೇ ಪೇಮೆಂಟ್ ಬ್ಯಾಂಕ್ ತೆರೆಯಲು ಯೋಜನೆಯನ್ನು ರೂಪಿಸಿದ್ದು, ಈ ಹಿನ್ನಲೆಯಲ್ಲಿ ಜಿಯೋ ಮನಿ ವ್ಯಾಲೆಟ್ ನಲ್ಲಿ ಬ್ಯಾಂಕಿಗೆ ಹಣವನ್ನು ಪಾವತಿ ಮಾಡುವ ಸೇವೆಯನ್ನು ನಿಲ್ಲಿಸಲಿದೆ ಎನ್ನಲಾಗಿದೆ. ಇದರಿಂದಾಗಿ ಕೊಂಚ ದಿನಗಳಿಗೆ ಗ್ರಾಹಕರಿಗೆ ತೊಂದರೆಯಾಗಲಿದ್ದು, ನಂತರ ಸರಿಯಾಗಲಿದೆ.

ಏರ್‌ಟೆಲ್‌ಗೆ ಸೆಡ್ಡು;

ಈಗಾಗಲೇ ಏರ್‌ಟೆಲ್ ತನ್ನದೇ ಪೇಮೆಂಟ್ ಬ್ಯಾಂಕ್ ತೆರೆದಿದ್ದು, ಇದಕ್ಕೆ ಸೆಡ್ಡು ಹೊಡೆಯುವ ಸಲುವಾಗಿ ಈ ಹೊಸ ಪ್ರಯತ್ನಕ್ಕೆ ಜಿಯೋ ಮುಂದಾಗಿದೆ. ಇದಲ್ಲದೇ ತನ್ನ ಬಳಕೆದಾರರಿಗೆ ಹೊಸ ಆಫರ್ ಗಳನ್ನು ಈ ಪೇಮೆಂಟ್ ಬ್ಯಾಂಕ್ ಮೂಲಕ ನೀಡಲಿದೆ ಎನ್ನುವ ಮಾಹಿತಿಯೂ ದೊರೆತಿದೆ.