10 ಕೋಟಿ ಗ್ರಾಹಕರನ್ನು ಹೊಂದುವ ಗುರಿ: ಜಿಯೋದಿಂದ ಮತ್ತೊಂದು ಭರ್ಜರಿ ಆಫರ್..!!

10 ಕೋಟಿ ಗ್ರಾಹಕರ ಗುರಿ:

ದೇಶಿಯ ಟೆಲಿಕಾಂ ವಲಯದಲ್ಲಿ ದೈತ್ಯ ಮಟ್ಟಕ್ಕೆ ಬೆಳೆಯುತ್ತಿರುವ ಜಿಯೋ, ಕಡಿಮೆ ಕಾಲದಲ್ಲಿ ಅತೀ ಹೆಚ್ಚಿನ ಗ್ರಾಹಕರನ್ನು ತನ್ನ ಬಳಿಗೆ ಸೆಳೆದುಕೊಂಡಿದ್ದು, ಈ ಹಿನ್ನಲೆಯಲ್ಲಿ ಮಾರ್ಚ್ ಅಂತ್ಯದ ವೇಳೆಗೆ ಜಿಯೋ ಬಳಕೆದಾರರ ಸಂಖ್ಯೆಯನ್ನು 10 ಕೋಟಿಗೆ ಏರಿಸಿಕೊಳ್ಳುವ ಗುರಿಯನ್ನು ಇಟ್ಟುಕೊಂಡಿದೆ ಎನ್ನಲಾಗಿದೆ.

ಇದೇ ಸಂಭ್ರಮದಲ್ಲಿ ಮತ್ತೊಂದು ಆಫರ್:

ಜಿಯೋ ಲಾಂಚ್ ಆದ ಸಂಭ್ರಮದಲ್ಲಿ ಗ್ರಾಹಕರಿಗೆ 'ವೆಲ್‌ಕಮ್ ಆಫರ್' ಹೆಸರಿನಲ್ಲಿ ಮೂರು ತಿಂಗಳು ಉಚಿತ ಕರೆ, ಮೂರು ತಿಂಗಳು ಉಚಿತ 4G ಇಂಟರ್‌ನೆಟ್‌ ಸೇವೆಯನ್ನು ನೀಡಿತ್ತು. ಇದಾದ ನಂತರದಲ್ಲಿ 'ಹ್ಯಾಪಿ ನ್ಯೂ ಇಯರ್' ಎಂದು ಮತ್ತೊಂದು ಆಫರ್ ನೀಡಿದ ಜಿಯೋ ಮತ್ತೆ ಮೂರು ತಿಂಗಳು ಉಚಿತ ಕರೆ ಮತ್ತು ಉಚಿತ 4G ಇಂಟರ್‌ನೆಟ್ ಸೇವೆಯನ್ನು ನೀಡಿತ್ತು. ಈಗ 10 ಕೋಟಿ ಗ್ರಾಹಕರ ಹೊಂದುವ ಸಂಭ್ರಮದಲ್ಲಿ ಮತ್ತೊಂದು ಆಫರ್ ನೀಡಲಿದೆ.

100 ರೂ ಆಫರ್:

ರಿಲಯನ್ಸ್ ಮಾಲೀಕತ್ವದ ಜಿಯೋ ಉಚಿತ ಸೇವೆಯನ್ನು ನೀಡಲು ಮುಂದಾದರು ಬೇರೆ ಕಂಪನಿಗಳು ಇದಕ್ಕೆ ಅಡ್ಡಗಾಲು ಹಾಕುತ್ತಿದ್ದು, ಇದಕ್ಕೆ ಸರಿಯಾಗಿ ಜಿಯೋ ಸಹ ತನ್ನ ಆಫರ್‌ನಲ್ಲಿ ಕೊಂಚ ಬದಾಲವಣೆಯನ್ನು ಮಾಡುತ್ತಾ ಗ್ರಾಹಕರಿಗೆ ಉತ್ತಮ ಆಫರ್ ನೀಡಲು ಮುಂದಾಗಿದೆ. ಹಾಗೇ ಈ ಬಾರಿ ಗ್ರಾಹಕರಿಗೆ ಉಚಿತ ಸೇವೆಯನ್ನು ನೀಡುವ ಬದಲು, ಕೇಲವ 100 ರೂಗೆ ರಿಜಾರ್ಜ್ ಮಾಡಿಸಿಕೊಂಡು ಅಲ್‌ಲಿಮಿಟೆಡ್ ಕರೆಗಳು ಮತ್ತು ಉಚಿತ 4G ಇಂಟರ್‌ನೆಟ್ ಸೇವೆಯನ್ನು ನೀಡುವ ಯೋಜನೆಯಲ್ಲಿದೆ. ಹಾಗಾಗಿ ಜೂನ್ ತಿಂಗಳ ವರೆಗೂ ಜಿಯೋ ಉಚಿತ ಸೇವೆ ಮುಂದುವೆರೆಯಲಿದೆ.

ಲೈಫ್‌ಟೈಮ್ ಉಚಿತ ಸೇವೆಯ ಗುರಿ:

ಸದ್ಯ ಮತ್ತೆ 90 ದಿನಗಳ ಕಾಲ ಉಚಿತ ಸೇವೆಯನ್ನು ನೀಡಲು ಮನಸ್ಸು ಮಾಡಿರುವ ಜಿಯೋ, ತನ್ನ ಗ್ರಾಹಕರಿಗೆ ಉಚಿತ ಕರೆ ಸೇವೆಯನ್ನು ಲೈಫ್‌ಟೈಮ್ ನೀಡುವ ಆಲೋಚನೆಯಲ್ಲಿದೆ. ಕೇವಲ ಡೇಟಾ ಸೇವೆಗೆ ಮಾತ್ರ ದರ ವಿಧಿಸಿ ತನ್ನ ಗ್ರಾಹಕರನ್ನು ಸಂತೋಷ ಪಡಿಸಲು ಮುಂದಾಗಿದೆ ಎನ್ನಲಾಗಿದೆ.
ಸದ್ಯ ಮತ್ತೆ