ದುಡ್ಡಿಗೆ ಜಿಯೋ ಸಿಮ್ ಮಾರಾಟ ಮಾಡುವವರೇ ಎಚ್ಚರ: ಜೈಲು ಸೇರಬೇಕಾದಿತು..!!

ದೇಶದಲ್ಲಿ ಉಚಿತವಾಗಿ ಗ್ರಾಹರಕರಿಗೆ ಸೇವೆಯನ್ನು ನೀಡುತ್ತಿದ್ದು, ಅಲ್ಲದೇ ಸಿಮ್ ಅನ್ನು ಉಚಿತವಾಗಿ ಹಂಚುತ್ತಿದೆ. ಆದರೆ ಇಂದೋರ್‌ನಲ್ಲಿ ಜಿಯೋ ಸಿಮ್ ಅನ್ನು ದುಡ್ಡಿಗಾಗಿ ಮಾರುತ್ತಿದ್ದ ಆರು ಮಂದಿಯನ್ನು ಪೊಲೀಸರು ಬಂಧಿಸಿದ್ದಾರೆ. ನೀವು ಹೀಗೆ ಮಾಡುತ್ತಿದ್ದರೆ ನಿಮ್ಮನ್ನು ಬಂಧಿಸಬಹುದು ಎಚ್ಚರ.

ಓದಿರಿ: ಭಾರತದಲ್ಲಿ ವಾಯುಮಾಲಿನ್ಯದಿಂದ ಪ್ರತಿ ನಿಮಿಷಕ್ಕೆ ಎರಡು ಸಾವು: ಸುರಕ್ಷಿತರಾಗಿರುವುದು ಹೇಗೆ..?

ಜಿಯೋ ಸಿಮ್ ಮಾರಾಟ ಮಾಡುತ್ತಿದ್ದ ಈ ಆರು ಮಂದಿ ಯಾವುದೇ ದಾಖಲೆಗಳು ಇಲ್ಲದೇ ಸಿಮ್ ಮಾರಾಟ ಮಾಡುತ್ತುದ್ದರು ಎನ್ನಲಾಗಿದ್ದು, ಒಂದು ಸಿಮ್‌ಗೆ 100 ರಿಂದ 1000 ರೂಗೆ ಮಾರಾಟ ಮಾಡುತ್ತಿದ್ದರು ಎನ್ನಲಾಗಿದೆ.

ಈ ಆರು ಮಂದಿ ತಮ್ಮ ಜಿಯೋ ಸಿಮ್ ಪಡೆಯಲು ಬಂದವರಿಂದ ಆಧಾರ್ ಕಾರ್ಡ್‌ ಪಡೆದು ಎರಡು ಸಿಮ್‌ಗಳನ್ನು ಪಡೆದುಕೊಂಡು ಒಂದನ್ನು ಅವರಿಗೆ ನೀಡಿ ಮತ್ತೊಂದನ್ನು ಬೇರೆಯವರಿಗೆ ಯಾವುದೇ ಡಾಕ್ಯುಮೆಂಟ್ ಇಲ್ಲದೇ ಅನಧಿಕೃತವಾಗಿ ಮಾರಾಟ ಮಾಡುತ್ತಿದ್ದರು ಎನ್ನಲಾಗಿದೆ.

ಓದಿರಿ: 10 ಕೋಟಿ ಗ್ರಾಹಕರನ್ನು ಹೊಂದುವ ಗುರಿ: ಜಿಯೋದಿಂದ ಮತ್ತೊಂದು ಭರ್ಜರಿ ಆಫರ್..!!

ಈ ಸಿಮ್‌ಗಳನ್ನು ಬಳಸಿಕೊಂಡು ಬೇರೆಯವರು ಕ್ರಿಮಿನಲ್ ಚಟುವಟಿಕೆ ನಡೆಸುತ್ತಿದ್ದರು ಎನ್ನಲಾಗಿದೆ, ಈ ಹಿನ್ನಲೆಯಲ್ಲಿ ಸಿಮ್ ಮಾರಾಟ ಮಾಡಿದವರನ್ನು ಬಂಧಿಸಲಾಗಿದ್ದು, ಸದ್ಯ ವಿಚಾರಣೆ ನಡೆಯುತ್ತಿದ್ದು, ಇನ್ನು ಹಲವರನ್ನು ಬಂಧಿಸಲಾಗುವುದು ಎಂದು ಪೊಲೀಸರು ತಿಳಿಸಿದ್ದಾರೆ.