ಜಿಯೋ ಪ್ರೈಮ್ ಸದಸ್ಯತ್ವ ಕೊನೆ ಆಯ್ತು: ಉಳಿದ ಜಿಯೋ ಗ್ರಾಹಕರ ಕಥೆ ಏನು..?

ಜಿಯೋ ಪಾವತಿ ಸೇವೆ ಆರಂಭ:

ಜಿಯೋ ಸೇವೆ ಆರಂಭಿಸಿದ ನಂತರದಲ್ಲಿ ಮೊದಲ ಭಾರಿಗೆ ಸಂಫೂರ್ಣ ಪ್ರಮಾಣದ ಪಾವತಿ ಸೇವೆಯನ್ನು ಆರಂಭಿಸಿದ್ದು, ಜಿಯೋ ಗ್ರಾಹಕರು ಮೂರು ತಿಂಗಳ ಸೇವೆಗಾಗಿ 303 ರೂ. ಇಲ್ಲವೇ 509 ರೂ. ಹಣ ಪಾವತಿ ಮಾಡಬೇಕಾಗಿದೆ. 'ಧನ್ ಧನಾ ಧನ್' ಆಫರ್ ಕೇವಲ ಜಿಯೋ ಪ್ರೈಮ್ ಸದಸ್ಯರಿಗೆ ಮಾತ್ರವೇ ಲಭ್ಯವಿದ್ದು, ಪ್ರೈಮ್ ಸದಸ್ಯತ್ವ ಪಡೆದು ಕೊಂಡವರು ಮಾತ್ರ ಈ ಸೇವೆ ಲಾಭ ಪಡೆಯಬಹುದಾಗಿದೆ.

ಜಿಯೋ ಪ್ರೈಮ್ ಸದಸ್ಯತ್ವ ಕೊನೆ:

ಮಾರ್ಚ್ 31ರ ವರೆಗೆ ಜಿಯೋ ನೀಡಿದ್ದ ಹ್ಯಾಪಿ ನ್ಯೂಯಿರ್ ಸೇವೆಯನ್ನು ಒಂದು ವರ್ಷಗಳ ಕಾಲ ಯಾವುದೇ ತಡೆ ಇಲ್ಲದೇ ಪಡೆದುಕೊಳ್ಳಬೇಕಾದರೆ ರೂ.99 ಪಾವತಿಸಿ ಜಿಯೋ ಪ್ರೈಮ್ ಪ್ರೈಮ್ ಸದಸ್ಯತ್ವ ನೊಂದಾಯಿಸಿಕೊಳ್ಳಬೇಕಾಗಿತ್ತು. ಪ್ರೈಮ್ ಸದಸ್ಯತ್ವವನ್ನು ಪಡೆದುಕೊಂಡವರಿಗಾಗಿ 'ಧನ್ ಧನಾ ಧನ್' ಹೆಸರಿನ ಮೂರು ತಿಂಗಳ ಉಚಿತ ಸೇವೆ ಲಭ್ಯವಿತ್ತು. ಮಾರ್ಚ್ 31ಕ್ಕೆ ಕೊನೆಯಾಗಬೇಕಿದ್ದ ಜಿಯೋ ಪ್ರೈಮ್ ಸದಸ್ಯತ್ವ 15 ದಿನಗಳ ಕಾಲ ವಿಸ್ತರಣೆಗೊಂಡಿತ್ತು, ಈ ಹಿನ್ನಲೆಯಲ್ಲಿ ಏಪ್ರಿಲ್ 15ಕ್ಕೆ ಪ್ರೈಮ್ ಸದಸ್ಯತ್ವ ಕೊನೆಯಾಗಿದೆ.

ಧನ್ ಧನಾ ಧನ್' ಆಫರ್ ಕಥೆ ಏನು..?

ರಿಲಯನ್ಸ್ ಪ್ರೈಮ್ ಸದಸ್ಯರಿಗಾಗಿಯೇ ಹೊಸದಾಗಿ ಘೋಷಣೆ ಮಾಡಿದ ಮತ್ತೆ ಮೂರು ತಿಂಗಳ ಪಾವತಿ ಸೇವೆ ಇದಾಗಿದೆ. ಇಲ್ಲಿ ಪ್ರೈಮ್ ಸದಸ್ಯರು 84 ದಿನಗಳ ಕಾಲದ ಕೊಡುಗೆಗಾಗಿ ರೂ.309 ಇಲ್ಲವೇ ರೂ. 509 ಪಾವತಿ ಮಾಡಬೇಕಾಗಿದೆ. ಪ್ರತಿ ನಿತ್ಯ 1GB ಇಲ್ಲವೇ 2GB ಡೇಟಾ, ಉಚಿತ ಕರೆ, ಉಚಿತ ಜಿಯೋ ಆಪ್‌ಗಳನ್ನು ಬಳಸುವ ಅವಕಾಶವನ್ನು ಮಾಡಿಕೊಡಲಾಗಿತ್ತು.

ಈಗ ಧನ್ ಧನಾ ಧನ್' ಆಫರ್ ರೀಚಾರ್ಜ್ ಮಾಡಿಸಿಕೊಳ್ಳಬಹುದೇ..?

ಜಿಯೋ ಪ್ರೈಮ್ ಸದಸ್ಯತ್ವವನ್ನು ಪಡೆದುಕೊಂಡು ಸಮ್ಮರ್ ಸರ್ಪ್ರೈಸ್ ಆಫರ್ ರೀಜಾರ್ಜ್ ಮಾಡಿಸಿಕೊಳ್ಳದೇ ಇದ್ದವರು ಧನ್ ಧನಾ ಧನ್ ಆಫರ್ ರೀಚಾರ್ಜ್ ಮಾಡಿಸಿಕೊಳ್ಳಬಹುದು. ಆದರೆ ಜಿಯೋ ಪ್ರೈಮ್ ಸದಸ್ಯತ್ವವನ್ನೇ ಪಡೆದುಕೊಳ್ಳದೇ ಇರುವವರು ಧನ್ ಧನಾ ಧನ್' ಆಫರ್ ಲಾಭವನ್ನು ಪಡೆದುಕೊಳ್ಳಲು ಸಾಧ್ಯವಿಲ್ಲ.

ಜಿಯೋ ಪ್ರೈಮ್ ಸದಸ್ಯತ್ವ ಪಡೆಯದವರಿಗಾಗಿ:

ಏಪ್ರಿಲ್ 15ರ ಒಳಗೆ ಜಿಯೋ ಪ್ರೈಮ್ ಸದಸ್ಯತ್ವವನ್ನು ಪಡೆದುಕೊಳ್ಳದೇ ಇರುವ ಜಿಯೋ ಗ್ರಾಹಕರಿಗಾಗಿ 149 ರೂ. ಪ್ಲಾನ್‌ವೊಂದನ್ನು ಬಿಡುಗಡೆ ಮಾಡಲಾಗಿದೆ. 149 ರೂ. ಪ್ಲಾನ್ 28 ದಿನಗಳ ಅವಧಿಗೆ 1 GB 4G ಡೇಟಾ ದೊರೆಯಲಿದ್ದು, ಉಚಿತ ಕರೆ ಮಾಡುವ ಸೇವೆ ಲಭ್ಯವಿರಲಿದೆ. ಹಾಗೆಯೇ ಜಿಯೋ ಪ್ರೈಮ್ ಸದಸ್ಯರಿಗಿಂತ ಜಿಯೋ ಗ್ರಾಹಕರು ಅರ್ಧಷ್ಟು ಕಡಿಮೆ ಲಾಭವನ್ನು ಪಡೆದುಕೊಳ್ಳದ್ದಾರೆ.