ಕ್ಯಾಸ್ಪರ್ಸ್ಕಿ ಅಂಟಿ ವೈರಸ್ ಬಳಕೆ ತಕ್ಷಣವೇ ನಿಲ್ಲಿಸಿ: ಅಮೆರಿಕಾದಲ್ಲಿ ನಿಷೇಧ ವಿಧಿಸಿದ ಟ್ರಂಪ್! ಕಾರಣ?

By Srinidhi

Updated: Wednesday, December 13, 2017, 18:53 [IST]

ಅಂಟಿವೈರಸ್ ಸಾಫ್ಟ್‌ವೇರ್ ವಿಭಾಗದಲ್ಲಿ ಸಾಕಷ್ಟು ಸದ್ದು ಮಾಡುತ್ತಿರುವ ಕ್ಯಾಸ್ಪರ್ಸ್ಕಿ ಸಾಫ್ಟ್‌ವೇರ್ ಅನ್ನು ಅಮೆರಿಕಾದ ಸರಕಾರಿ ಕಚೇರಿಗಳಲ್ಲಿ ಬಳಕೆ ಮಾಡದಂತೆ ಈ ಹಿಂದೆಯೇ ಸೂಚಿಸಲಾಗಿತ್ತು. ಆದರೆ ಇಂದು ಅಮೆರಿಕಾದ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಕ್ಯಾಸ್ಪರ್ಸ್ಕಿ ಸಾಫ್ಟ್‌ವೇರ್‌ಗಳನ್ನು ಅಮೆರಿಕಾದ ಸರಕಾರಿ ಕಚೇರಿಗಳಲ್ಲಿ ಬಳಕೆ ಮಾಡದಂತೆ ನಿ‍ಷೇಧಿಸುವ ಆದೇಶಕ್ಕೆ ಸಹಿ ಹಾಕಿದ್ದಾರೆ ಎನ್ನಲಾಗಿದೆ.

ಕ್ಯಾಸ್ಪರ್ಸ್ಕಿ ಅಂಟಿ ವೈರಸ್ ಬಳಕೆ ತಕ್ಷಣವೇ ನಿಲ್ಲಿಸಿ: ಕಾರಣ?

ಓದಿರಿ: ಫ್ಲಿಪ್‌ಕಾರ್ಟ್‌ನಲ್ಲಿ ಸ್ಮಾರ್ಟ್‌ಫೋನ್ ಮೆಗಾ ಸೇಲ್: ಮಿಸ್‌ ಮಾಡಿದ್ರೆ ನಿಮಗೆ ಲಾಸ್‌...!

ಕ್ಯಾಸ್ಪರ್ಸ್ಕಿ ಸಾಫ್ಟ್‌ವೇರ್ ಬಳಕೆದಾರರ ಮಾಹಿತಿಗಳನ್ನು ಕದಿಯುವುದಲ್ಲದೇ ಇದನ್ನು ರಷ್ಯಾಗೆ ವರ್ಗಹಿಸುತ್ತಿದೆ ಎಂದು ಅಮೆರಿಕಾದ ಗುಪ್ತಚರ ಮೂಲಗಳು ಮಾಹಿತಿಯನ್ನು ನೀಡಿರುವ ಕಾರಣಕ್ಕೆ ಅಮೆರಿಕಾದ ಸರಕಾರಿ ಕಚೇರಿಗಳಲ್ಲಿ ಬಳಕೆ ಮಾಡದಂತೆ ನಿ‍ಷೇಧಿಸಿಲಾಗಿದೆ ಎನ್ನಲಾಗಿದೆ. ಈ ಸಾಫ್ಟ್‌ವೇರ್ ಬಳಕೆಯಿಂದಾಗಿ ದೇಶದ ಭದ್ರತೆಗೆ ಅಪಾಯ ಉಂಟಾಗಲಿದೆ.

ಸೈಬರ್ ದಾಳಿ:

ಎರಡನೇ ಮಹಾ ಯುದ್ದದ ನಂತರದಲ್ಲಿ ಯುದ್ದ ಸೈಬರ್ ಮೂಲಕವೇ ನಡೆಯಲಿದ್ದು, ಇದರಿಂದಾಗಿ ರಷ್ಯಾ ಮೂಲದ ಕ್ಯಾಸ್ಪರ್ಸ್ಕಿ ಸಾಫ್ಟ್‌ವೇರ್ ಗಳನ್ನು ಬಳಸುವುದು ಸುರಕ್ಷಿತವಲ್ಲ ಎನ್ನಲಾಗಿದೆ. ಇದರಿಂದಾಗಿ ಈ ಆಪ್‌ ಬಳಕೆಯನ್ನು ತಕ್ಷಣವೇ ನಿಲ್ಲಿಸಿ.

ರಷ್ಯಾಗೆ ಮಾಹಿತಿ:

ಈಗಾಗಲೇ ಕ್ಯಾಸ್ಪರ್ಸ್ಕಿ ಸಾಫ್ಟ್‌ವೇರ್ ರಷ್ಯಾ ಮೂಲದ ಸರ್ವರ್ ವೊಂದಕ್ಕೆ ತನ್ನ ಎಲ್ಲಾ ಬಳಕೆದಾರರ ಮಾಹಿತಿಯನ್ನು ರವಾನಿಸುತ್ತಿದೆ ಎನ್ನುವ ಮಾಹಿತಿಯೂ ಬಹಿರಂಗಗೊಂಡಿದ್ದು, ಅತೀ ಹೆಚ್ಚು ಮಂದಿ ಈಗಾಗಲೇ ಕ್ಯಾಸ್ಪರ್ಸ್ಕಿ ಸಾಫ್ಟ್‌ವೇರ್ ಬಳಕೆಯನ್ನು ನಿಲ್ಲಿಸಿದ್ದಾರೆ.

ನಿಮಗೆ ಅಪಾಯ:

ಕ್ಯಾಸ್ಪರ್ಸ್ಕಿ ಸಾಫ್ಟ್‌ವೇರ್ ಅನ್ನು ರಷ್ಯಾ ಮೂಲದ ಹ್ಯಾಕರ್ ಗಳು ಸುಲಭವಾಗಿ ಬ್ರೇಕ್ ಮಾಡುವ ಸಾಧ್ಯತೆ ಇದೆ. ಹೀಗಾಗಿ ನಿಮ್ಮ ವೈಯಕ್ತಿಕ ಮಾಹಿತಿಗಳು ಹಾಗೂ ವ್ಯವಹಾರಗಳು ಬಹಿರಂಗಗೊಳ್ಳುವ ಸಾಧ್ಯತೆ ದಟ್ಟವಾಗಿದೆ ಎನ್ನಲಾಗಿದೆ.