ಅಂತರ್‌ ಜಿಲ್ಲಾ ಇ-ಪಾಸ್‌ನಲ್ಲಿ ಈಗ ಟು-ವೇ ಪ್ರಯಾಣಕ್ಕೆ ಅನುಮತಿ!

Updated: Monday, May 11, 2020, 17:27 [IST]

ದೇಶದಲ್ಲಿ ಕೊರೊನಾ ವೈರಸ್‌ ವ್ಯಾಪಕವಾಗಿ ಹರಡುವುದನ್ನು ನಿಯಂತ್ರಿಸಲು ಕೇಂದ್ರ ಸರ್ಕಾರ ಮೂರನೇ ಹಂತದಲ್ಲಿ ಲಾಕ್‌ಡೌನ್ ಜಾರಿ ಮುಂದುವರೆಸಿದೆ. ಈ ಸಂದರ್ಭದಲ್ಲಿ ಸಾಮಾಜಿಕ ಅಂತರ ಕಾಯ್ದುಕೊಳ್ಳುವುದು ಮತ್ತು ಮನೆಯಲ್ಲಿಯೇ ಇರುವುದು ಅಗತ್ಯವಾಗಿದೆ. ಆದರೆ ಜನರಿಗೆ ಅಗತ್ಯ ಸೇವೆಗಳ ಪೂರೈಕೆಗೆ ತೊಂದರೆ ಆಗಬಾರದೆಂದು, ಅಗತ್ಯ ಸಾಮಗ್ರಿಗಳ ವ್ಯಾಪಾರಸ್ಥರಿಗಾಗಿ ಈಗಾಗಲೇ ಇ-ಪಾಸ್ ವ್ಯವಸ್ಥೆ ಮಾಡಿದೆ. ಹಾಗೆಯೇ ಲಾಕ್‌ಡೌನ್‌ನಿಂದಾಗಿ ಬೇರೆ ಜಿಲ್ಲೆಗಳಲ್ಲಿ ಸಿಲುಕಿರುವ ಜನರಿಗೂ ಈಗ ಪಾಸ್ ನೀಡಲಾಗುತ್ತಿದೆ.

ಹೌದು, ಲಾಕ್‌ಡೌನ್‌ ಜಾರಿ ಮಾಡಿದಾಗಿನಿಂದಲೂ ಅನೇಕರು ಅವರು ಕೆಲಸ ಮಾಡುವ ಜಿಲ್ಲೆಗಳಲ್ಲಿಯೇ ಸಿಲುಕಿದ್ದಾರೆ. ಹೀಗೆ ಲಾಕ್‌ಡೌನ್‌ನಿಂದಾಗಿ ಬೇರೆ ಜಿಲ್ಲೆಯಲ್ಲಿ ಉಳಿದುಕೊಂಡವರು ಅವರ ಜಿಲ್ಲೆಗೆ ಹೋಗಲು ಸಾರ್ವಜನಿಕರಿಗೆ ಪೊಲೀಸ್‌ ಇಲಾಖೆಯಿಂದ ಅಂತರ್ ಜಿಲ್ಲಾ ಓಡಾಟಕ್ಕೆ ಪಾಸ್ ವಿತರಿಸಲಾಗುತ್ತದೆ. ಹೀಗಾಗಿ ಅಂತರ್‌ ಜಿಲ್ಲೆಗಳ ನಡುವೆ ಪ್ರಯಾಣ ಮಾಡಲು ಜನರು ಆನ್‌ಲೈನ್‌ ಮೂಲಕ ಪಾಸ್‌ ಪಡೆಯಬಹುದಾಗಿದೆ. ಚೆಕ್‌ಪೋಸ್ಟ್‌ನಲ್ಲಿ ಪಾಸ್‌ ತೋರಿಸಿ, ಆರೋಗ್ಯ ತಪಾಸಣೆಗೆ ಒಳಗಾಗಿ ಸಂಚರಿಸಬಹುದಾಗಿದೆ.

ಈ ಮೊದಲು ಅಂತರ್ ಜಿಲ್ಲಾ ಇ-ಪಾಸ್‌ನಲ್ಲಿ ಒಂದು ಅವಧಿಗೆ ಮಾತ್ರ ಬಳಸಲು ಅನುಮತಿ ನೀಡಲಾಗಿತ್ತು. ಆದರೆ ಇ-ಪಾಸ್‌ನಲ್ಲಿ ಇದೀಗ ಟು-ವೇ ಓಡಾಟಕ್ಕೆ ಅನುಮತಿ ನೀಡಲಾಗಿದೆ. ಹೀಗಾಗಿ ಇ-ಪಾಸ್‌ ಪಡೆದು ಲಾಕ್‌ಡೌನ್‌ನಿಂದಾಗಿ ಬೇರೆ ಜಿಲ್ಲೆಯಲ್ಲಿ ಇರುವ ತಮ್ಮ ಕುಟುಂಬದವರನ್ನು ಕರೆದುಕೊಂಡು ಮರಳಿ ಹಿಂದಿರುಗಬಹುದಾಗಿದೆ. ಆದರೆ ಪಾಸ್‌ ಅನ್ನು ದುರುಪಯೋಗಕ್ಕೆ ಬಳಸುವುದು ಡಿಎಂ ಕಾಯ್ದೆಯಡಿ ಶಿಕ್ಷಾರ್ಹ ಆಗಿದೆ. ಪಾಸ್‌ ಪಡೆಯಲು https://kspclearpass.idp.mygate.com/ ಭೇಟಿ ನೀಡಿ. ಹಾಗೂ ಆನ್‌ಲೈನ್‌ನಲ್ಲಿ ಪಾಸ್‌ಗೆ ಅಪ್ಲೈ ಮಾಡುವುದು ಹೇಗೆ ಎಂಬುದನ್ನು ತಿಳಿಯಲು ಮುಂದೆ ಓದಿರಿ.