5180mAh ಬ್ಯಾಟರಿ ಶಕ್ತಿಯ 'ಲೆನೊವೊ ಟ್ಯಾಬ್‌ ವಿ7' ಬಿಡುಗಡೆ!

ಡಿಸ್‌ಪ್ಲೇ ವಿನ್ಯಾಸ

ಲೆನೊವೊ ಟ್ಯಾಬ್‌ ವಿ7 ಟ್ಯಾಬ್‌ ಡಿವೈಸ್‌ ತೆಳುವಾದ ರಚನೆಯನ್ನು ಪಡೆದಿದ್ದು, 1080×21606 ಪಿಕ್ಸಲ್ ರೆಸಲ್ಯೂಶನ್‌ ಸಾಮರ್ಥ್ಯದೊಂದಿಗೆ 9 ಇಂಚಿನ LCD ಡಿಸ್‌ಪ್ಲೇಯನ್ನು ಹೊಂದಿದೆ. ಡಿಸ್‌ಪ್ಲೇಯ ಅನುಪಾತವು 18:9ರಷ್ಟಾಗಿದ್ದು, ಹಾಗೆಯೇ ಡಿಸ್‌ಪ್ಲೇಯ ಬ್ರೈಟ್ನೆಸ್‌ ಪ್ರಮಾಣವು 350 nits ಆಗಿದೆ. ಶೇ.81% ರಷ್ಟು ಸ್ಥಳವನ್ನು ಡಿಸ್‌ಪ್ಲೇ ಆವರಿಸಿಕೊಂಡಿದ್ದು, ವೀಕ್ಷಣೆಗೆ ಅತ್ಯುತ್ತಮ ಎನಿಸಲಿದೆ.

ಪ್ರೊಸೆಸರ್‌ ಸಾಮರ್ಥ್ಯ

ಸ್ನ್ಯಾಪ್‌ಡ್ರಾಗನ್ 450 SoC ಪ್ರೊಸೆಸರ್‌ನಲ್ಲಿ ಕಾರ್ಯನಿರ್ವಹಿಸಲಿದ್ದು, ಇದರೊಂದಿಗೆ ಆಂಡ್ರಾಯ್ಡ್‌ 9.0 ಪೈ ಓಎಸ್‌ ಬೆಂಬಲವು ಇದೆ. ಹಾಗೆಯೇ 3GB ಮತ್ತು 4GB RAM ಸಾಮರ್ಥ್ಯದ ಆಯ್ಕೆಗಳಿದ್ದು, ಅವು ಕ್ರಮವಾಗಿ 32GB ಮತ್ತು 64GB ಆಂತರಿಕ ಸ್ಟೋರೇಜ್ ಆಯ್ಕೆಗಳನ್ನು ಪಡೆದಿವೆ. ಬಾಹ್ಯ ಸಂಗ್ರಹಕ್ಕಾಗಿ ಎಸ್‌ಡಿ ಕಾರ್ಡ್‌ ಮೂಲಕ 128GB ವಿಸ್ತರಿಸಬಹುದಾಗಿದೆ.

ಡ್ಯುಯಲ್ ಕ್ಯಾಮೆರಾ

ಈ ಡಿವೈಸ್‌ನಲ್ಲಿ ಡ್ಯುಯಲ್ ಕ್ಯಾಮೆರಾ ನೀಡಲಾಗಿದ್ದು, ಅವುಗಳಲ್ಲಿ ಡಿವೈಸ್‌ ಹಿಂಬದಿಯಲ್ಲಿನ ಕ್ಯಾಮೆರಾವು 13ಎಂಪಿ ಸೆನ್ಸಾರ್‌ನೊಂದಿಗೆ ಆಟೋಫೋಕಸ್‌ ಸಾಮರ್ಥ್ಯವನ್ನು ಪಡೆದಿದೆ. ಹಾಗೆಯೇ ಮುಂಬದಿಯ ಸೆಲ್ಫಿ ಕ್ಯಾಮೆರಾವು 5ಎಂಪಿ ಫಿಕ್ಸಡ್‌ ಪೋಕಸ್‌ ಸೆನ್ಸಾರ್‌ ಸಾಮರ್ಥ್ಯದಲ್ಲಿದೆ. ಇನ್ನು ಹೆಚ್‌ಆರ್‌ಡಿ ಮೋಡ್‌, ಪನೋರಮಾ, ನೈಟ್‌ಶಾಟ್‌ ಮೋಡ್‌ ಆಯ್ಕೆಗಳನ್ನು ಸಹ ಹೊಂದಿವೆ.

ಬ್ಯಾಟರಿ

ಲೆನೊವೊ ಟ್ಯಾಬ್‌ ವಿ7 ಟ್ಯಾಬ್‌ ಡಿವೈಸ್‌ 5180mAh ಬಲವಾದ ಬ್ಯಾಟರಿ ಸಾಮರ್ಥ್ಯವನ್ನು ಹೊಂದಿದೆ. ಸುಮಾರು 30ಗಂಟೆಗಳ ನಿರಂತರ ಟಾಕ್‌ಟೈಮ್‌ ಸಾಮರ್ಥ್ಯವಿದ್ದು, ಹಾಗೆಯೇ ನಿರಂತರ 10ಗಂಟೆ ವಿಡಿಯೊ ಪ್ಲೇಬ್ಯಾಕ್‌ ಮತ್ತು ಇಂಟರ್ನೆಟ್‌ ಬ್ರೌಸಿಂಗ್ ಮಾಡುವ ಪವರ್ ಒದಗಿಸಲಿದೆ. ಜೊತೆಗೆ ಯುಎಸ್‌ಬಿ ಟೈಪ್‌ ಸಿ ಫೋರ್ಟ್‌ ಆಯ್ಕೆ ನೀಡಲಾಗಿದೆ.

ಬೆಲೆ ಮತ್ತು ಲಭ್ಯತೆ

ಲೆನೊವೊ ಟ್ಯಾಬ್‌ ವಿ7 ಟ್ಯಾಬ್‌ ಡಿವೈಸ್‌ ಸ್ಲೆಟ್‌ ಕೇವಲ ಬ್ಲ್ಯಾಕ್‌ ಬಣ್ಣದ ಆಯ್ಕೆಯನ್ನು ಹೊಂದಿದ್ದು, 3GB RAM ಬೆಲೆಯು 12,990ರೂ.ಗಳು ಆಗಿದೆ. ಮತ್ತು 4GB RAM ವೇರಿಯಂಟ್ ಬೆಲೆಯು 14,990ರೂ.ಗಳು ಆಗಿದೆ. ಇದೇ ಅಗಷ್ಟ್ 1 ದಿಂದ ಫ್ಲಿಪ್‌ಕಾರ್ಟ್‌, ಅಮೆಜಾನ್ ಇ ಕಾಮರ್ಸ್‌ ತಾಣಗಳು ಸೇರಿದಂತೆ ಕ್ರೋಮಾ ಮತ್ತು ರಿಲಾಯನ್ಸ್ ಡಿಜಿಟಲ್ ಮಳಿಗೆಗಳಲ್ಲಿ ಲಭ್ಯವಾಗಲಿದೆ.