LG smart tv: ಎಲ್‌ಜಿಯಿಂದ 97 ಇಂಚಿನ 4K ಸ್ಮಾರ್ಟ್‌ಟಿವಿ ಲಾಂಚ್: ತಲ್ಲೀನಗೊಳಿಸುವ ಫೀಚರ್ಸ್‌, ಬೆಲೆ ಎಷ್ಟು?

ಎಲ್‌ಜಿ ಸ್ಮಾರ್ಟ್‌ ಡಿವೈಸ್‌ಗಳ (LG smart device) ವಿಭಾಗದಲ್ಲಿ ಹೆಚ್ಚು ಸದ್ದು ಮಾಡುತ್ತಿರುವುದು ಸ್ಮಾರ್ಟ್‌ಟಿವಿಗಳು(Smart TVs). ಈಗಾಗಲೇ ಸಾಕಷ್ಟು ವಿಶೇಷ ಫೀಚರ್ಸ್‌ ಹೊಂದಿರುವ ಎಲ್‌ಜಿ ಸ್ಮಾರ್ಟ್‌ಟಿವಿಗಳು (LG SmartTV) ಮಾರುಕಟ್ಟೆಯಲ್ಲಿ ಲಭ್ಯ ಇದ್ದು, ಇವುಗಳ ಸಾಲಿಗೆ ಈಗ ವಿಶೇಷವಾಗಿ ಹೊಸ ಸ್ಮಾರ್ಟ್‌ಟಿವಿ ಸೇರ್ಪಡೆಯಾಗಿದೆ.

ಹೌದು, ಲೋಟಸ್ ಇಲೆಕ್ಟ್ರಾನಿಕ್ಸ್ (Lotus Electronics) ಇಂದೋರ್‌ನಲ್ಲಿ ಎಲ್‌ಜಿ G2 97 ಇಂಚಿನ 4K OLED ಸ್ಮಾರ್ಟ್‌ಟಿವಿಯನ್ನು ಲಾಂಚ್ ಮಾಡಲಾಗಿದೆ. ಈ ಸ್ಮಾರ್ಟ್‌ಟಿವಿ 120Hz ರಿಫ್ರೆಶ್ ರೇಟ್‌ನೊಂದಿಗೆ ಅಸಾಧಾರಣವಾದ ಮನೆ ಅತ್ಯುತ್ತಮವಾದ ಪ್ರೊಸೆಸರ್ ಬಲ ಪಡೆದುಕೊಂಡಿದೆ. ಇದರೊಂದಿಗೆ ಎಐ 4K ಅಪ್‌ಸ್ಕೇಲಿಂಗ್, ಫಿಲ್ಮ್‌ಮೇಕರ್ ಮೋಡ್ ಸೇರಿದಂತೆ ವಿವಿಧ ಸೌಲಭ್ಯ ಈ ಸ್ಮಾರ್ಟ್‌ಟಿವಿಯಲ್ಲಿದೆ. ಹಾಗಿದ್ರೆ, ಇದರ ಇತರೆ ಪ್ರಮುಖ ಫೀಚರ್ಸ್‌ ಹಾಗೂ ಬೆಲೆ ವಿವರ ಇಲ್ಲಿದೆ ನೋಡಿ.

ಎಲ್‌ಜಿ G2 97 ಇಂಚಿನ 4K OLED ಸ್ಮಾರ್ಟ್‌ಟಿವಿ ಡಿಸ್‌ಪ್ಲೇ: ಈ ಸ್ಮಾರ್ಟ್‌ಟಿವಿ ಮನೆಯಲ್ಲಿ ಮನರಂಜನೆಯಲ್ಲಿ ಇನ್ನಷ್ಟು ಹೆಚ್ಚು ಮಾಡಲಿದೆ. 97 ಇಂಚಿನ 4K OLED ಡಿಸ್‌ಪ್ಲೇ ಆಯ್ಕೆ ಪಡೆದಿದ್ದು, ಪ್ರೀಮಿಯಂ ವಿಭಾಗದಲ್ಲಿ ಉತ್ತಮ ಎನಿಸಿದೆ. ಇದರ ಜೊತೆಗೆ ಈ ಡಿಸ್‌ಪ್ಲೇ 3840 x 2160 ಪಿಕ್ಸೆಲ್‌ ಸ್ಕ್ರೀನ್‌ ರೆಸಲ್ಯೂಶನ್‌ ಸಾಮರ್ಥ್ಯ ಹಾಗೂ 120Hz ರಿಫ್ರೆಶ್‌ ರೇಟ್ ನಿಮ್ಮ ವೀಕ್ಷಣೆಯ ಅನುಭವವನ್ನು ಶ್ರೀಮಂತಗೊಳಿಸಲಿದೆ.

ಎಲ್‌ಜಿ G2 97 ಇಂಚಿನ 4K OLED ಸ್ಮಾರ್ಟ್‌ಟಿವಿ ಫೀಚರ್ಸ್: ಇನ್ನು ಈ ಸ್ಮಾರ್ಟ್‌ಟಿವಿ ಉತ್ತಮವಾದ ದೃಶ್ಯ ಮತ್ತು ಆಡಿಯೊ ಗುಣಮಟ್ಟವನ್ನು ನೀಡಿದೆ. ಈ ಮೂಲಕ ಉನ್ನತ ದರ್ಜೆಯ ಅನುಭವವನ್ನು ಬಯಸುವವರಿಗೆ ಉತ್ತಮ ಆಯ್ಕೆಯಾಗಿದೆ. ಅಂದರೆ ಅಲ್ಫಾ 9 ಜನ್‌5 ಎಐ ಪ್ರೊಸೆಸರ್‌ನಲ್ಲಿ ಕಾರ್ಯನಿರ್ವಹಿಸಲಿದ್ದು, ಡಾಲ್ಬಿ ವಿಷನ್ ಐಕ್ಯೂ, ಹೆಚ್‌ಡಿಆರ್‌10, ಹೆಚ್‌ಎಲ್‌ಜಿ ಸೌಲಭ್ಯ ಪಡೆದಿದೆ.

ಇಷ್ಟೇ ಅಲ್ಲದೆ 4K 120 fps ಸಾಮರ್ಥ್ಯ, ಜಿ ಸಿಂಕ್, ಫ್ರೀ ಸಿಂಕ್ ಹೊಂದಾಣಿಕೆ, ಎಲ್‌ಎಲ್‌ಎಮ್‌, ವಿಆರ್‌ಆರ್‌ ಗೇಮಿಂಗ್ ಫೀಚರ್ಸ್‌ ಆಯ್ಕೆ ಪಡೆದಿದ್ದು, ಗೇಮರ್‌ಗಳಿಗಂತೂ ಹೊಸ ಲೋಕವನ್ನೇ ತೋರಿಸಲಿದೆ. ಜೊತೆಗೆ ಆಡಿಯೋ ವಿಭಾಗದಲ್ಲಿ ವರ್ಚುವಲ್ 7.1.2 ಅಪ್ ಮಿಕ್ಸ್‌ನೊಂದಿಗೆ ಎಐ ಸೌಂಡ್ ಪ್ರೊ ಸಿಸ್ಟಮ್ ಹೊಂದಿದೆ.

ಹಾಗೆಯೇ ಎಐ 4K ಅಪ್‌ಸ್ಕೇಲಿಂಗ್, ಫಿಲ್ಮ್‌ಮೇಕರ್ ಮೋಡ್, ಹೆಚ್‌ಜಿಐಜಿ ಮೋಡ್‌ನ ಹೆಚ್ಚುವರಿ ಫೀಚರ್ಸ್ ಆಯ್ಕೆ ಈ ಸ್ಮಾರ್ಟ್‌ಟಿವಿಯಲ್ಲಿದೆ. ಉಳಿದಂತೆ ಮ್ಯಾಜಿಕ್ ಮೋಷನ್ ರಿಮೋಟ್ ಕಂಟ್ರೋಲ್‌ ಆಯ್ಕೆ ಇದ್ದು, ಈ ಮೂಲಕ ಸಿನಿಮಾ ಹಾಗೂ ಇತರೆ ವಿಡಿಯೋ ವೀಕ್ಷಣೆಯಲ್ಲಿ ರೋಮಾಂಚಕ ಅನುಭವ ಪಡೆಯಬಹುದಾಗಿದೆ.

ಈ ಸಂಬಂಧ ಮಾಹಿತಿ ನೀಡಿರುವ ಎಲ್‌ಜಿ ಇಲೆಕ್ಟ್ರಾನಿಕ್ಸ್ ಪ್ರೈವೇಟ್‌ನ ವ್ಯವಸ್ಥಾಪಕ ನಿರ್ದೇಶಕ ಹಾಂಗ್ ಹು ಜಿಯೋನ್, ಎಲ್‌ಜಿ G2 97 ಇಂಚಿನ 4K OLED TV ಯ ಪರಿಚಯದೊಂದಿಗೆ, ನಾವು ಲೋಟಸ್ ಎಲೆಕ್ಟ್ರಾನಿಕ್ಸ್ ಇಂದೋರ್‌ನಲ್ಲಿ ಮಹತ್ವದ ಮೈಲಿಗಲ್ಲನ್ನು ಸ್ಮರಿಸುತ್ತಿದ್ದೇವೆ. ನಾವು ಕೇವಲ ದೂರದರ್ಶನವನ್ನು ಪ್ರಾರಂಭಿಸುತ್ತಿಲ್ಲ, ಗಡಿಗಳನ್ನು ಮೀರಿದ ಹೋಮ್ ಎಂಟರ್‌ಟೈನ್‌ಮೆಂಟ್‌ನ ಹೊಸ ಯುಗವನ್ನು ಬಹಿರಂಗಪಡಿಸುತ್ತಿದ್ದೇವೆ ಎಂದಿದ್ದಾರೆ.

ಹಾಗೆಯೇ ಲೋಟಸ್ ಎಲೆಕ್ಟ್ರಾನಿಕ್ಸ್‌ನ ನಿರ್ದೇಶಕರಾದ ಗೌರವ್ ಪಹ್ವಾ ಮಾಹಿತಿ ನೀಡಿ, ಎಲ್‌ಜಿ ಯೊಂದಿಗಿನ ನಮ್ಮ ಸಹಯೋಗವು ಲೋಟಸ್ ಎಲೆಕ್ಟ್ರಾನಿಕ್ಸ್‌ ನಲ್ಲಿ ನಮಗೆ ಹೆಮ್ಮೆಯನ್ನು ನೀಡುತ್ತದೆ. ಇದು ನಮ್ಮ ಗ್ರಾಹಕರಿಗೆ ಉನ್ನತ ಮಟ್ಟದ ತಂತ್ರಜ್ಞಾನವನ್ನು ತಲುಪಿಸುವ ನಮ್ಮ ಬದ್ಧತೆಯನ್ನು ಪ್ರತಿಬಿಂಬಿಸುತ್ತದೆ. ಎಲ್‌ಜಿ ಯೊಂದಿಗಿನ ಈ ಸಹಭಾಗಿತ್ವವು ಮಧ್ಯ ಭಾರತಕ್ಕೆ ಸರಿಸಾಟಿಯಿಲ್ಲದ ಸ್ಮಾರ್ಟ್‌ಟಿವಿ ಅನುಭವವನ್ನು ಒದಗಿಸಲು ನಮಗೆ ಸ್ಫೂರ್ತಿ ನೀಡುತ್ತದೆ ಎಂದು ಹೇಳಿದ್ದಾರೆ.

ಎಲ್‌ಜಿ G2 97 ಇಂಚಿನ 4K OLED ಸ್ಮಾರ್ಟ್‌ಟಿವಿ ಬೆಲೆ ಹಾಗೂ ಲಭ್ಯತೆ: ಎಲ್‌ಜಿ G2 97 ಇಂಚಿನ 4K OLED ಟಿವಿಯ ಬೆಲೆಯನ್ನು ಈ ಸಮಯದಲ್ಲಿ ಘೋಷಣೆ ಮಾಡಿಲ್ಲ. ಇದನ್ನು ಲೋಟಸ್ ಎಲೆಕ್ಟ್ರಾನಿಕ್ಸ್ನ ಇಂದೋರ್ ಅಂಗಡಿಯಲ್ಲಿ ಮಾರಾಟ ಮಾಡಲಾಗುತ್ತಿದೆ. ಅದಾಗ್ಯೂ ಇದನ್ನು ಕಂಪನಿಯ ಅಧಿಕೃತ ಆನ್‌ಲೈನ್ ಸ್ಟೋರ್‌ನಲ್ಲಿ ಪಟ್ಟಿ ಮಾಡಲಾಗಿಲ್ಲ.