WhatsApp: ವಾಟ್ಸಾಪ್‌ಗೆ ಕೆಲವೇ ದಿನಗಳಲ್ಲಿ ಸೇರಲಿವೆ ಬಹುನಿರೀಕ್ಷಿತ ಈ ಫೀಚರ್ಸ್‌! ಇವುಗಳಿಂದ ಏನೆಲ್ಲಾ ಲಾಭ?

ವಾಟ್ಸಾಪ್‌ (WhatsApp) ಪ್ರಮುಖ ಇ-ಮೆಸೆಜಿಂಗ್‌ ಪ್ಲಾಟ್‌ಫಾರ್ಮ್ ವಿಭಾಗದಲ್ಲಿ ಅಗ್ರಸ್ಥಾನದಲ್ಲಿದ್ದು, ಈ ನಡುವೆ ವಾಟ್ಸಾಪ್‌ ಸಾಕಷ್ಟು ಭಿನ್ನ ಫೀಚರ್ಸ್‌ ಆಯ್ಕೆ ಪಡೆದುಕೊಂಡಿದೆ. ಈ ಮೂಲಕ ಬಳಕೆದಾರರಿಗೆ ಹೆಚ್ಚಿನ ಭದ್ರತೆ ಆಯ್ಕೆ ನೀಡಲಾಗಿದೆ. ಈ ನಡುವೆ ವಾಟ್ಸಾಪ್‌ನಲ್ಲಿ ಕೆಲವೇ ದಿನಗಳಲ್ಲಿ ಪ್ರಮುಖ ಐದು ಫೀಚರ್ಸ್‌ ಲಭ್ಯವಾಗಲಿವೆ.

ಹೌದು, ವಾಟ್ಸಾಪ್‌ನಲ್ಲಿ ಇನ್ನೇನು ಕೆಲವೇ ದಿನಗಳಲ್ಲಿ ವಿಶೇಷ ಫೀಚರ್ಸ್‌ಗಳು ಲಭ್ಯವಾಗಲಿವೆ. ಈ ಫೀಚರ್ಸ್‌ ವಿಭಾಗದಲ್ಲಿ ಚಾಟ್ ಫಿಲ್ಟರ್‌ಗಳು, ಖಾಸಗಿ ಮೆನ್ಶನ್‌ ಸೇರಿದಂತೆ ವಿವಿಧ ಫೀಚರ್ಸ್‌ ಲಭ್ಯವಾಗಲಿವೆ. ಈ ನಡುವೆ ಆಪ್‌ಗೆ ಹೊಸ ಸೇರ್ಪಡೆಗಳನ್ನು ವಾಟ್ಸಾಪ್‌ ನ್ಯೂಸ್‌ರೂಮ್ ಮೂಲಕ ಅಥವಾ ಮೆಟಾ ಸಿಇಒ ಮಾರ್ಕ್ ಜುಕರ್‌ಬರ್ಗ್ ಅವರ ಅಧಿಕೃತ ವಾಟ್ಸಾಪ್‌ ಚಾನೆಲ್ ಮೂಲಕ ಘೋಷಿಸಿದ್ದಾರೆ. ಹಾಗಿದ್ರೆ ಬನ್ನಿ ಯಾವೆಲ್ಲಾ ಫೀಚರ್ಸ್‌ ಅನ್ನು ಘೋಷಣೆ ಮಾಡಲಾಗುತ್ತದೆ ಎಂದು ತಿಳಿಯೋಣ.

ಚಾಟ್ ಫಿಲ್ಟರ್ಸ್‌: ಸ್ಥಿರ ಆವೃತ್ತಿಗಾಗಿ ಚಾಟ್ ಫಿಲ್ಟರ್‌ಗಳನ್ನು (Chat filters) ಪ್ರಾರಂಭಿಸುವುದಾಗಿ ಮೆಟಾ ಇದೀಗ ಘೋಷಣೆ ಮಾಡಲಾಗಿದೆ. ಈ ಫಿಲ್ಟರ್‌ಗಳು ಚಾಟ್ ಲಿಸ್ಟ್‌ನ ಮೇಲೆ ಗೋಚರಿಸುತ್ತವೆ. ಬಳಕೆದಾರರು ತಮ್ಮ ಸಂಭಾಷಣೆಗಳನ್ನು ಓದದಿರುವ ಮತ್ತು ಗ್ರೂಪ್‌ಗಳ ಮೂಲಕ ಫಿಲ್ಟರ್ ಮಾಡಲು ಅನುಮತಿಸುತ್ತದೆ. ಈ ಫೀಚರ್ಸ್‌ ಅನ್ನು ಶೀಘ್ರದಲ್ಲೇ ಲಾಂಚ್‌ ಮಾಡಲಾಗುತ್ತಿದ್ದು, ಎಲ್ಲರಿಗೂ ಲಭ್ಯವಾಗಲಿದೆ ಎಂದು ತಿಳಿದುಬಂದಿದೆ.

ಪ್ರೈವೇಟ್‌ ಮೆನ್ಶನ್‌: WABetaInfo ಈ ಬಗ್ಗೆ ಮಾಹಿತಿ ನೀಡಿದ್ದು, ಆಂಡ್ರಾಯ್ಡ್ ಬೀಟಾ ಆಪ್‌ನಲ್ಲಿ ಈ ಫೀಚರ್ಸ್ (Private Mention)‌ ಅನ್ನು ನೀಡಲು ವಾಟ್ಸಾಪ್‌ ಮುಂದಾಗಿದೆ. ಇದು ಸ್ಟೇಟಸ್‌ ಅಪ್‌ಡೇಟ್‌ನಲ್ಲಿ ಸಂಪರ್ಕಗಳನ್ನು ಖಾಸಗಿಯಾಗಿ ನಮೂದಿಸಲು ಬಳಕೆದಾರರನ್ನು ಅನುಮತಿಸುತ್ತದೆ. ಬಳಕೆದಾರರು ತಮ್ಮ ಸ್ಟೇಟಸ್‌ ಅಪ್‌ಡೇಟ್‌ನಲ್ಲಿ ನಿರ್ದಿಷ್ಟ ಸಂಪರ್ಕಗಳನ್ನು ನಮೂದಿಸಿದಾಗಲೆಲ್ಲಾ ನೇರವಾಗಿ ನೋಟಿಫಿಕೇಶನ್‌ ಅನ್ನು ಕಳುಹಿಸಲು ಅನುಮತಿಸುತ್ತದೆ. ಈ ಫೀಚರ್ಸ್‌ ಸಂಪರ್ಕಗಳ ನಡುವೆ ವಾಟ್ಸಾಪ್‌ನಲ್ಲಿ ತೊಡಗಿಸಿಕೊಳ್ಳುವಿಕೆಯನ್ನು ಹೆಚ್ಚಿಸುವ ನಿರೀಕ್ಷೆಯಿದೆ.

ಚಾನಲ್ ಅಪ್‌ಡೇಟ್ ರಿಪ್ಲೇ: ಇತ್ತೀಚಿನ iOS ಬೀಟಾ ಆವೃತ್ತಿಯಲ್ಲಿ, ವಾಟ್ಸಾಪ್‌ ಹೊಸ ಫೀಚರ್ಸ್‌ನಲ್ಲಿ (Channel update replay) ಕಾರ್ಯನಿರ್ವಹಿಸುತ್ತಿದೆ ಎಂದು ತಿಳಿದುಬಂದಿದೆ. ಇದುಚಾನಲ್ ಮಾಲೀಕರಿಗೆ ತಮ್ಮ ಅಪ್‌ಡೇಟ್‌ಗಳಿಗೆ ಪ್ರತ್ಯುತ್ತರಿಸಲು ಅನುಮತಿಸುತ್ತದೆ. ಚಾನೆಲ್ ಮಾಲೀಕರು ತಮ್ಮ ಚಾನಲ್ ಅಪ್‌ಡೇಟ್‌ಗಳಿಗೆ ಪ್ರತ್ಯುತ್ತರಿಸಲು ಸಾಧ್ಯವಿಲ್ಲದ ಕಾರಣ, ಹಿಂದೆ ಹಂಚಿಕೊಂಡ ನಿರ್ದಿಷ್ಟ ಅಪ್‌ಡೇಟ್‌ಗಳನ್ನು ಉಲ್ಲೇಖಿಸಲು ಯಾವುದೇ ಮಾರ್ಗವಿಲ್ಲ.

ಪಿನ್ ಚಾನೆಲ್ಸ್‌: WABetaInfo ವರದಿಯ ಪ್ರಕಾರ, iOS ಬೀಟಾ ಆವೃತ್ತಿಯಲ್ಲಿ ಚಾನಲ್‌ಗಳನ್ನು ಪಿನ್ (Pin Channels) ಮಾಡುವ ಸಾಮರ್ಥ್ಯವನ್ನು ನೀಡಲು ವಾಟ್ಸಾಪ್‌ ಕಾರ್ಯನಿರ್ವಹಿಸುತ್ತದೆ ಎಂದು ತಿಳಿದುಬಂದಿದೆ. ಈ ಫೀಚರ್ಸ್‌ ಬಳಕೆದಾರರಿಗೆ ತಮ್ಮ ನೆಚ್ಚಿನ ಚಾನಲ್‌ಗಳನ್ನು ಅಪ್‌ಡೇಟ್‌ಗಳ ಟ್ಯಾಬ್‌ನಲ್ಲಿ ಆದ್ಯತೆಯ ಕ್ರಮದಲ್ಲಿ ಮೇಲಕ್ಕೆ ಇರಿಸಲು ಅನುಮತಿಸುತ್ತದೆ. ಜೊತೆಗೆ ಸುಲಭ ಪ್ರವೇಶವನ್ನು ಅನುಮತಿಸುತ್ತದೆ. ಈ ಫೀಚರ್ಸ್‌ ಮೊದಲು ಆಂಡ್ರಾಯ್ಡ್ ಬೀಟಾ ಆವೃತ್ತಿಯಲ್ಲಿ ಕಾರ್ಯನಿರ್ವಹಿಸುತ್ತಿದೆ.

ವಾಟ್ಸಾಪ್‌ ಎಐ: ಮೆಟಾ ವಾಟ್ಸಾಪ್‌ನಲ್ಲಿ ಲಾಮಾ ಚಾಲಿತ ಜನರೇಟಿವ್ ಎಐ ಫೀಚರ್ಸ್ (WhatsApp AI) ‌ ಅನ್ನು ಪರೀಕ್ಷಿಸುತ್ತಿದೆ, ಬಳಕೆದಾರರಿಗೆ ಪ್ರಶ್ನೆಗಳನ್ನು ಕೇಳಲು ಮತ್ತು ಆಪ್‌ಗಳಲ್ಲಿ ಚಿತ್ರಗಳನ್ನು ರಚಿಸಲು ಇದು ಅನುಮತಿಸುತ್ತದೆ ಎನ್ನಲಾಗಿದೆ. ಈಗಾಗಲೇ ಹಲವಾರು ಬಳಕೆದಾರರು ವಾಟ್ಸಾಪ್‌ನಲ್ಲಿ ಲಾಮಾ-ಚಾಲಿತ ಜನರೇಟಿವ್ ಎಐ ಫೀಚರ್ಸ್‌ ಅನ್ನು ಸ್ವೀಕರಿಸಲು ಪ್ರಾರಂಭಿಸಿದ್ದಾರೆ. ಪ್ರಸ್ತುತ ಆಯ್ದ ಸಂಖ್ಯೆಯ ಬಳಕೆದಾರರಿಗೆ ಯಾದೃಚ್ಛಿಕವಾಗಿ ಹೊರಹೊಮ್ಮುತ್ತಿದೆ.

ವಾಟ್ಸಾಪ್‌ನ ಹೊಸ ಎಐ ಸಾಮರ್ಥ್ಯವು ಆಯ್ದ ಆಂಡ್ರಾಯ್ಡ್‌ ಮತ್ತು ಐಓಎಸ್‌ ಬಳಕೆದಾರರಿಗೆ ಲಭ್ಯವಿದೆ ಮತ್ತು ಬಳಕೆದಾರರು ಮೆಟಾ ಎಐ ಅನ್ನು ಏನು ಬೇಕಾದರೂ ಕೇಳಿ ಎಂದು ಹೇಳುವ ಮೆಟಾ ಎಐ ಚಾಟ್ ಮೂಲಕ ಆಪ್‌ನಲ್ಲಿ ಪ್ರವೇಶಿಸಬಹುದು. ಮೆಟಾ ವಾಟ್ಸಾಪ್‌ನಲ್ಲಿ ಜನರೇಟಿವ್ ಎಐ ಫೀಚರ್ಸ್‌ ಅನ್ನು ಪರಿಚಯಿಸುತ್ತಿರುವುದು ಇದೇ ಮೊದಲಲ್ಲ, ಏಕೆಂದರೆ ಕಂಪನಿಯು ಕೆಲವು ತಿಂಗಳ ಹಿಂದೆ ವಾಟ್ಸಾಪ್‌ನಲ್ಲಿ ಎಐ ರಚಿತ ಚಿತ್ರಗಳನ್ನು ಪರೀಕ್ಷಿಸಲು ಪ್ರಾರಂಭಿಸಿತು. ಆದರೆ ಅದು ಆಯ್ದ ಬಳಕೆದಾರರಿಗೆ ಸೀಮಿತವಾಗಿದೆ.