ಮೆಟಾ ಸಂಸ್ಥೆಯಿಂದ AR glasses ಅನಾವರಣ; ಅಚ್ಚರಿಯ ಫೀಚರ್ಸ್‌!

ಟೆಕ್ ದೈತ್ಯ ಮೆಟಾ ಸಂಸ್ಥೆಯ ಮೆಟಾ ಕನೆಕ್ಟ್ 2024 (Meta Connect 2024) ಕಾರ್ಯಕ್ರಮದಲ್ಲಿ, ಸಂಸ್ಥೆಯು ತನ್ನ ಮೊದಲ AR ಗ್ಲಾಸ್‌ಗಳನ್ನು ಪರಿಚಯಿಸಿದ್ದು, ಅದಕ್ಕೆ ಓರಿಯನ್ (Orion) ಎಂದು ಹೆಸರಿಸಿದೆ. ಈ ಹೊಸ ಗ್ಲಾಸ್‌ಗಳು ಸಿಲಿಕಾನ್-ಕಾರ್ಬೈಡ್ ಆರ್ಕಿಟೆಕ್ಚರ್‌ ರಚನೆಯೊಂದಿಗೆ ಡಿಸ್‌ಪ್ಲೇ ತಂತ್ರಜ್ಞಾನವನ್ನು ಅತ್ಯುತ್ತಮಗೊಳಿಸಿವೆ. ಹಾಗೆಯೇ ವಿವಿಧ ಆಯಾಮಗಳ ಹೊಲೊಗ್ರಾಫಿಕ್ ಪ್ರೊಜೆಕ್ಷನ್‌ಗಳನ್ನು ಭೌತಿಕ ಪರಿಸರದೊಂದಿಗೆ ಸಂಯೋಜಿಸಲು ಅನುವು ಮಾಡಿಕೊಡುತ್ತದೆ.

ಕಾರ್ಯಕ್ರಮದಲ್ಲಿ ನೂತನ ಓರಿಯನ್‌ ಗ್ಲಾಸ್‌ ಪ್ರದರ್ಶಿಸಿದ ಮಾರ್ಕ್ ಜುಕರ್‌ಬರ್ಗ್, ಈ ಗ್ಲಾಸ್‌ AI ವಾಯಿಸ್‌ ಅಸಿಸ್ಟಂಟ್‌, ಹ್ಯಾಂಡ್‌ ಟ್ರ್ಯಾಕಿಂಗ್, ಐ ಟ್ರ್ಯಾಕಿಂಗ್ ಮತ್ತು ಮುಂಗೈಯ ಆಧಾರಿತ ನ್ಯೂರಲ್ ಇಂಟರ್‌ಫೇಸ್‌ನೊಂದಿಗೆ ಸಜ್ಜುಗೊಂಡಿದೆ ಎಂದು ಹೇಳಿದರು. ಅಲ್ಲದೇ ಇದು ಬಳಕೆದಾರರಿಗೆ ಮೆದುಳಿನ ಸಂಕೇತಗಳನ್ನು ಬಳಸಿಕೊಂಡು ಕಾರ್ಯಗಳನ್ನು ನಿಯಂತ್ರಿಸಲು ಅನುವು ಮಾಡಿಕೊಡುತ್ತದೆ. ಭವಿಷ್ಯದಲ್ಲಿ ಸ್ಮಾರ್ಟ್‌ಫೋನ್‌ಗಳಿಗೆ ಪೈಪೋಟಿ ನೀಡುವ ಸೂಚನೆಗಳನ್ನು ಮೆಟಾ ಓರಿಯನ್ ಗ್ಲಾಸ್‌ ಸೂಚಿಸಿದೆ.

ಈ ಹಿಂದಿನ ರೇ-ಬ್ಯಾನ್ ಸ್ಮಾರ್ಟ್ ಗ್ಲಾಸ್‌ಗಳಿಗಿಂತ ಈ ಹೊಸ ಗ್ಲಾಸ್‌ ಭಿನ್ನವಾಗಿ, ಓರಿಯನ್ ಗ್ಲಾಸ್‌ ಅಪ್‌ಡೇಟ್‌ AR ಸಾಮರ್ಥ್ಯಗಳ ಮೂಲಕ ನೈಜ-ಪ್ರಪಂಚದ ದೃಶ್ಯಗಳನ್ನು ಡಿಜಿಟಲ್ ಅಂಶಗಳೊಂದಿಗೆ ವಿಲೀನಗೊಳಿಸುತ್ತದೆ. ಈ ಬಗ್ಗೆ ಇನ್ನಷ್ಟು ಮಾಹಿತಿ ಮುಂದೆ ತಿಳಿಯೋಣ ಬನ್ನಿರಿ.

ಓರಿಯನ್ AR ಗ್ಲಾಸ್‌ಗಳ ಮಾಹಿತಿ

ಹೊಸ ಓರಿಯನ್ ಗ್ಲಾಸ್‌ ಒಂದು ರೀತಿಯ ಫೇಸ್ ಕಂಪ್ಯೂಟರ್ ಆಗಿದ್ದು, ಅದನ್ನು ನಾವು ಮಾರ್ವೆಲ್‌ನ ಐರನ್ ಮ್ಯಾನ್‌ ಜೊತೆಗೆ ವೀಕ್ಷಿಸುತ್ತಿದ್ದೇವೆ. ಇದುವರೆಗೆ ಸಣ್ಣ AR ಗ್ಲಾಸ್‌ಗಳ ರೂಪದಲ್ಲಿ ಓರಿಯನ್ ಅತ್ಯಂತ ದೊಡ್ಡ ಕ್ಷೇತ್ರವನ್ನು ಪಡೆದಿದೆ. ಇದು ಹಿಂದೆಂದೂ ನೋಡಿರದ ಹಲವಾರು ಉನ್ನತ ಮಟ್ಟದ ಕೆಲಸಗಳನ್ನು ಅನ್‌ಲಾಕ್‌ ಮಾಡುವ ಬಲವನ್ನು ಇದು ಹೊಂದಿದೆ.

ಮಲ್ಟಿ ಟಾಸ್ಕಿಂಗ್ ವಿಂಡೋ ಹಾಗೂ ದೊಡ್ಡ ಸ್ಕ್ರೀನ್‌ ಮನರಂಜನೆಯಿಂದ ಹಿಡಿದು ಜನರ ಜೀವನ ಗಾತ್ರದ ಹೊಲೊಗ್ರಾಮ್‌ಗಳವರೆಗೆ ಭೌತಿಕ ಜಗತ್ತಿನ ಜನರ ನೋಟದೊಂದಿಗೆ ಮನಬಂದಂತೆ ಬೆರೆಯುವ ಎಲ್ಲಾ ಡಿಜಿಟಲ್ ಕಂಟೆಂಟ್‌ಗಳು. ಈ ಗ್ಲಾಸ್‌ಗಳು ಹಗುರವಾಗಿದ್ದು, ಒಳಾಂಗಣ ಹಾಗೂ ಹೊರಾಂಗಣ ಬಳಕೆಗೆ ಸೂಕ್ತವಾಗಿದೆ. ದೂರದಿಂದಲೂ ಮುಖಾಮುಖಿ ಸಂಪರ್ಕವನ್ನು ಸಕ್ರಿಯಗೊಳಿಸುತ್ತದೆ ಎಂದು ಮೆಟಾ ತಿಳಿಸಿದೆ.

ಈ ಸ್ಮಾರ್ಟ್ ಗ್ಲಾಸ್ ನೋಡಲಿಕ್ಕೆ ನಿಜವಾಗಿಯೂ ಸಾಮಾನ್ಯ ಗ್ಲಾಸ್‌ ತರಹವೇ ಕಾಣಿಸುತ್ತದೆ. ಈ ಗ್ಲಾಸ್‌ಗಳು MR ಹೆಡ್‌ಸೆಟ್‌ಗಳು ಅಥವಾ ಇತರ AR ಗ್ಲಾಸ್‌ಗಳಿಗಿಂತ ಭಿನ್ನವಾಗಿ ಸಂಪೂರ್ಣ ಪಾರದರ್ಶಕ ಮಸೂರವನ್ನು ಪಡೆದಿವೆ. ಹೀಗಾಗಿ, ಬಳಕೆದಾರರು ಇನ್ನೂ ಇತರ ಜನರ ಕಣ್ಣುಗಳು ಮತ್ತು ಅಭಿವ್ಯಕ್ತಿಗಳನ್ನು ನೋಡಬಹುದು.

ಓರಿಯನ್‌ ಗ್ಲಾಸ್‌ - ಫೀಚರ್ಸ್‌ ಮಾಹಿತಿ

ಓರಿಯನ್‌ ಮೆಟಾ AI ನೊಂದಿಗೆ ಹೆಚ್ಚು ಸಂಯೋಜಿಸಲ್ಪಟ್ಟಿದ್ದು, ಭೌತಿಕ ಜಗತ್ತಿನಲ್ಲಿ ಏನನ್ನು ನೋಡುತ್ತಿರುವಿರಿ ಎಂಬುದನ್ನು ಇದು ಅರ್ಥಮಾಡಿಕೊಳ್ಳುತ್ತದೆ ಹಾಗೂ ಉಪಯುಕ್ತ ದೃಶ್ಯೀಕರಣಗಳೊಂದಿಗೆ ಬಳಕೆದಾರರಿಗೆ ನೆರವಾಗುತ್ತದೆ. ಉದಾಹರಣೆಗೆ - ನೀವು ನಿಮ್ಮ ರೆಫ್ರಿಜರೇಟರ್ ಅನ್ನು ತೆರೆಯಬಹುದು ಹಾಗೂ ಒಳಗೆ ಏನಿದೆ ಎಂಬುದರ ಆಧಾರದ ಮೇಲೆ ರೆಸಪಿಗಳನ್ನು ಕೇಳಬಹುದು. ಅಥವಾ ನೀವು ಪಾತ್ರೆಗಳನ್ನು ತೊಳೆಯುವಾಗ ಡಿಜಿಟಲ್ ಕುಟುಂಬ ಕ್ಯಾಲೆಂಡರ್ ಅನ್ನು ಸರಿಹೊಂದಿಸುವಾಗ ಸ್ನೇಹಿತರಿಗೆ ವೀಡಿಯೊ ಕರೆ ಮಾಡಬಹುದು.

ನೈಜ ಸಮಯದಲ್ಲಿ ಸ್ನೇಹಿತರು ಮತ್ತು ಕುಟುಂಬದೊಂದಿಗೆ ಕನೆಕ್ಟ್‌ ಮಾಡಲು ಹ್ಯಾಂಡ್ಸ್-ಫ್ರೀ ವೀಡಿಯೊ ಕರೆಯನ್ನು ತೆಗೆದುಕೊಳ್ಳಲು ಓರಿಯನ್ (Orion) ಬಳಕೆದಾರರಿಗೆ ನೆರವಾಗುತ್ತದೆ. ಹಾಗೆಯೇ ಮೆಸೆಜ್‌ಗಳನ್ನು ವೀಕ್ಷಿಸಲು ಮತ್ತು ಕಳುಹಿಸಲು ಬಳಕೆದಾರರು ವಾಟ್ಸಾಪ್‌ ಹಾಗೂ ಮೆಸೆಂಜರ್‌ನಲ್ಲಿ ಸಂಪರ್ಕದಲ್ಲಿರಬಹುದು. ಮೆಟಾ ಓರಿಯನ್ ಗ್ಲಾಸ್‌ಗಳು ಬಳಕೆದಾರರ ಫೋನ್ ಅನ್ನು ಹೊರತೆಗೆಯಲು, ಅದನ್ನು ಅನ್‌ಲಾಕ್ ಮಾಡಲು, ಸರಿಯಾದ ಆಪ್‌ ಅನ್ನು ಸರ್ಚ್‌ ಮಾಡಲು ಪೂರಕವಾಗಿ ಕೆಲಸ ಮಾಡುತ್ತದೆ ಹಾಗೂ ಬಳಕೆದಾರರ ಪ್ರಯತ್ನವನ್ನು ಕಡಿಮೆ ಮಾಡುತ್ತದೆ.