ಆಕಾಶದಿಂದ ಸಪ್ಪಳದೊಂದಿಗೆ ಭೂಮಿಗೆ ಅಪ್ಪಳಿಸಿದ ವಸ್ತು: ಜನರಲ್ಲಿ ಆತಂಕ!

ಸುಮಾರು 2.78 ಕೆಜಿ ತೂಕದ ಲೋಹದ ವಸ್ತುವೊಂದು ಆಕಾಶದಿಂದ ಬಿದಿರುವ ಪರಿಣಾಮವಾಗಿ ಸುಮಾರು 2 ಕಿ.ಮಿ ಗಳಷ್ಟು ದೂರದವರೆಗೆ ದೊಡ್ಡ ಶಬ್ದ ಕೇಳಿಸಿರುವ ಘಟನೆ ಶುಕ್ರವಾರ ಮುಂಜಾನೆ ಸುಮಾರು 6 ಗಂಟೆಯ ಹೊತ್ತಿಗೆ ನಡೆದಿರುವ ವರದಿಯಾಗಿದೆ. ಈ ಘಟನೆಯಿಂದ ಅಲ್ಲಿಯ ಸುತ್ತಮುತ್ತಲಿನ ಕ್ಷೇತ್ರಗಳಲ್ಲಿ ಭಯದ ವಾತಾವರಣ ನಿರ್ಮಾಣವಾಗಿದೆ.

ಭಾರಿ ದೊಡ್ಡ ಸದ್ದಿನೊಂದಿಗೆ ಅಪ್ಪಳಿಸಿರುವ ಲೋಹದ ವಸ್ತು ನೆಲಕ್ಕೆ ಬಿದ್ದ ಸುಮಾರು 3 ಗಂಟೆಗಳ ನಂತರವೂ ತುಂಬಾ ಬಿಸಿಯಾಗಿತ್ತು. ಇದನ್ನು ನಡಿದ ಕೆಲವು ಜನರು ಅದನ್ನು ಉಲ್ಕಾಪಾತ ಎಂದು ಹೇಳಿದ್ದಾರೆ. ಮತ್ತೆ ಕೆಲವರು ಹಡಗಿನ ತುಂಡಾದ ಭಾಗವಿರಬಹುದು ಎಂದು ಹೇಳಿದ್ದಾರೆ.

ಸ್ಥಳಕ್ಕೆ ಭೇಟಿ ನೀಡಿ ವಸ್ತುವನ್ನು ಪರೀಶಿಲಿಸಿದ ಅಧಿಕಾರಿಗಳು ಆಕಾಶದಿಂದ ಅಪ್ಪಳಿಸಿರುವ ವಸ್ತು ಮೇಲ್ನೋಟಕ್ಕೆ ಉಲ್ಕಾಶಿಲೆ ತುಂಡು ಎಂದು ತೋರುತ್ತದೆ ಎಂದಿದ್ದಾರೆ. ವಸ್ತುವಿನ ಕುರಿತಾಗಿ ಹೆಚ್ಚಿನ ಮಾಹಿತಿ ಪಡೆಯಲು ಭೌಗೋಳಿಕ ಸಮೀಕ್ಷೆ ಅಹಮದಾಬಾದ್ ಮತ್ತು ಜೈಪುರ ಕಚೇರಿಯಲ್ಲಿ ಭೂವಿಜ್ಞಾನಿಗಳ ತಂಡಗಳನ್ನು ಸಂಪರ್ಕಿಸಲಾಗಿದೆ. ಈ ವಸ್ತು ಪ್ರಸ್ತುತ ಸ್ಯಾಂಚೋರ್ ಪೊಲೀಸ್ ಠಾಣೆಯಲ್ಲಿದೆ ಎಂದು ವರದಿಯಾಗಿದೆ.