ಶಿಯೋಮಿಯಿಂದ 55 ಇಂಚಿನ ಸ್ಮಾರ್ಟ್‌ಟಿವಿಯ 2020 ಎಡಿಷನ್ ಲಾಂಚ್!

ಹೌದು, ಚೀನಾ ಮೂಲದ ಶಿಯೋಮಿ ಸಂಸ್ಥೆಯು ತನ್ನ 'ಮಿ ಟಿವಿ 4X' ಸ್ಮಾರ್ಟ್‌ಟಿವಿಯ 2020ರ ನೂತನ ಆವತರಣಿಕೆಯನ್ನು(ಎಡಿಷನ್‌) ಲಾಂಚ್ ಮಾಡಿದೆ. ಈ ಆವತರಣಿಕೆಯ ಟಿವಿಯು 10 ಬಿಟ್‌ HRD ಸಪೋರ್ಟ್‌ ಪಡೆದಿದ್ದು, 20W ಸಾಮರ್ಥ್ಯದ ಸ್ಪೀಕರ್ಸ್‌ಗಳನ್ನು ಒಳಗೊಂಡಿದೆ. ಹೀಗೆ ಅಗತ್ಯ ಫೀಚರ್ಸ್‌ಗಳಿಂದ ಗಮನ ಸೆಳೆದಿರುವ ಮಿ ಸ್ಮಾರ್ಟ್‌ಟಿವಿಯು ಏರ್‌ಟೆಲ್‌ ಡಿಜಿಟಲ್‌ ಟಿವಿಯ ವಿಶೇಷ ಕೊಡುಗೆಯನ್ನು ಒಳಗೊಂಡಿದೆ.

ಹೊಸ 'ಮಿ ಟಿವಿ 4X' ಸ್ಮಾರ್ಟ್‌ಟಿವಿ 2020 ಎಡಿಷನ್‌ 4K 10-bit HDR ಸಾಮರ್ಥ್ಯದ 55 ಇಂಚಿನ ಡಿಸ್‌ಪ್ಲೇ ಮಾದರಿಯನ್ನು ಹೊಂದಿದೆ. Vivid ಪಿಚ್ಚರ್ ಸೌಲಭ್ಯವನ್ನು ಪಡೆದಿದ್ದು, ಡಿಸ್‌ಪ್ಲೇಯ ಪ್ರಖರತೆ ಮತ್ತು ಸ್ಪಷ್ಟತೆ ಉತ್ತಮವಾಗಿದೆ. ಹಾಗೆಯೇ ಆಂಡ್ರಾಯ್ಡ್‌ 9 ಪೈ ಆಧಾರಿತ ಪಾಚ್‌ವಾಲ್ UI 2.0 ತಂತ್ರಂಶಾ ಹೊಂದಿದ್ದು, 20W ಸಾಮರ್ಥ್ಯದ ಸ್ಪೀಕರ್ಸ್‌ಗಳು ಡಾಲ್ಬಿ ಆಡಿಯೊ ಮತ್ತು ಆಟಮ್ ಸೌಂಡ್‌ ವ್ಯವಸ್ಥೆಯನ್ನು ಸಹ ಪಡೆದುಕೊಂಡಿದೆ.

ಇನ್ನು ಈ ಸ್ಮಾರ್ಟ್‌ ಟಿವಿಯು ಪ್ರಮುಖ ವಿಡಿಯೊ ಸ್ಟ್ರೀಮಿಂಗ್ ಆಪ್ಸ್‌ಗಳಾದ ನೆಟ್‌ಫ್ಲಿಕ್ಸ್, ಅಮೆಜಾನ್ ಪ್ರೈಮ್ ವಿಡಿಯೊ ಮತ್ತು ಹಾಟ್‌ಸ್ಟಾರ್‌ ಸೇರಿದಂತೆ 16 ವಿವಿಧ ವಿಡಿಯೊ ಸ್ಟ್ರೀಮಿಂಗ್ ಆಪ್ಸ್‌ಗಳ ಬೆಂಬಲವನ್ನು ಹೊಂದಿದೆ. ಇದರೊಂದಿಗೆ 7 ನೇರ ನ್ಯೂಸ್‌ ಚಾನೆಲ್‌ಗಳ ಲಭ್ಯತೆ ಸಹ ಇದೆ. ಗೂಗಲ್‌ ಸೇವೆಗಳಾದ ಗೂಗಲ್ ಅಸಿಸ್ಟಂಟ್, ಯೂಟ್ಯೂಬ್, ಕ್ರೋಮ್‌ಕಾಸ್ಟ್‌, ಡೇಟಾ ಸೇವರ್ ಮತ್ತು ಇನ್ನಿತರೆ ಸೌಲಭ್ಯಗಳ ಸಪೋರ್ಟ್‌ ಇದೆ.

ಈ ಹೊಸ ಟಿವಿ ಖರೀದಿಗೆ ಏರ್‌ಟೆಲ್‌ ಡಿಜಿಟಲ್ ಟಿವಿ ಕೊಡುಗೆ ಸಹ ಲಭ್ಯವಿದೆ. ಈ ಟಿವಿ ಖರೀದಿಯ ಗ್ರಾಹಕರಿಗೆ 1,800ರೂ.ಗಳಿಗೆ ನಾಲ್ಕು ತಿಂಗಳ ಚಂದಾದಾರಿಕೆ ಸೌಲಭ್ಯ ಸಿಗಲಿದೆ. ಅದೇ ಆಫರ್ ಹೊರತುಪಡಿಸಿ ನಾಲ್ಕು ತಿಂಗಳ ಚಂದಾ ಶುಲ್ಕ ಬೆಲೆಯು 3,450ರೂ. ಆಗಿದೆ. ಹೀಗಾಗಿ ಗ್ರಾಹಕರಿಗೆ ಒಟ್ಟು 1,650ರೂ.ಗಳ ಉಳಿತಾಯವಾಗುತ್ತದೆ. ಈ ಕೊಡುಗೆಯು ಶಿಯೋಮಿಯ 'ಮಿ ಟಿವಿ 4X' 2020 ಎಡಿಷನ್‌ ಸ್ಮಾರ್ಟ್‌ ಟಿವಿ ಖರೀದಿಸುವ ಗ್ರಾಹಕರಿಗೆ ಮಾತ್ರ ಅನ್ವಯವಾಗಲಿದೆ. ಟಿವಿ ಬೆಲೆಯು 34,999ರೂ.ಗಳಾಗಿದೆ.