ಮೈಕ್ರೋಮ್ಯಾಕ್ಸ್ ಕ್ಯಾನ್‌ವಾಸ್ ಸೆಲ್ಫೀ 13 ಎಮ್‌ಪಿ ಕ್ಯಾಮೆರಾ ಜತೆ

ಮೈಕ್ರೋಮ್ಯಾಕ್ಸ್ ಕ್ಯಾನ್‌ವಾಸ್ ಎಕ್ಸ್‌ಪ್ರೆಸ್ ಅನ್ನು ಲಾಂಚ್ ಮಾಡುತ್ತಿರುವಾಗಲೇ, ಕ್ಯಾನ್‌ವಾಸ್ ಸೆಲ್ಫೀ ಹೊಸ ಫೋನ್ ಅನ್ನು ಲಾಂಚ್ ಮಾಡುವ ನಿಟ್ಟಿನಲ್ಲಿದೆ. ಜನವರಿ ಎರಡನೇ ವಾರದಲ್ಲಿ ಮೈಕ್ರೋಮ್ಯಾಕ್ಸ್‌ನ ಕ್ಯಾನ್‌ವಾಸ್ ಸೆಲ್ಫೀ ಆನ್‌ಲೈನ್ ಮತ್ತು ಆಫ್‌ಲೈನ್ ಮಳಿಗೆಗಳಲ್ಲಿ ಲಭ್ಯವಾಗಲಿದೆ.

ಇದನ್ನೂ ಓದಿ: ಮಾರುಕಟ್ಟೆಯನ್ನಾಳುತ್ತಿರುವ ಸೂಪರ್ ಕಿಟ್‌ಕ್ಯಾಟ್ ಫೋನ್ಸ್

ಫೋಟೋ ತೆಗೆಯುವ ಹುಚ್ಚಿರುವವರಿಗಾಗಿಯೇ ಈ ಫೋನ್ ಅನ್ನು ಕಂಪೆನಿ ಹೊರತಂದಿದ್ದು ಇದು ಮುಂಭಾಗ ಮತ್ತು ಹಿಂಭಾಗದಲ್ಲಿ 13 ಮೆಗಾಪಿಕ್ಸೆಲ್ ಕ್ಯಾಮೆರಾವನ್ನು ಹೊಂದಿದೆ. ಐ ಎನ್‌ಹ್ಯಾನ್ಸ್‌ಮೆಂಟ್, ಫೇಸ್ ಸ್ಲಿಮ್ಮಿಂಗ್, ಸ್ಕಿನ್ ಸ್ಮೂತನಿಂಗ್, ಟೀತ್ ವೈಟನಿಂಗ್, ರಿಮೂವ್ ಆಯಿಲ್, ಫೇಡ್ ಡಾರ್ಕ್ ಸರ್ಕಲ್ಸ್ ಮತ್ತು ಮೇಕಪ್ ಮುಂತಾದ ಕ್ಯಾಮೆರಾ ಪರಿಕರಗಳೊಂದಿಗೆ ಬಂದಿದೆ.

ಕ್ಯಾನ್‌ವಾಸ್ ಸೆಲ್ಫೀ 1.7GHZ ಓಕ್ಟಾ ಕೋರ್ ಪ್ರೊಸೆಸರ್‌ನೊಂದಿಗೆ 2 ಜಿಬಿ RAM ಅನ್ನು ಪಡೆದುಕೊಂಡಿದ್ದು, ಆಂಡ್ರಾಯ್ಡ್ 4.4 ಕಿಟ್‌ಕ್ಯಾಟ್ ಇದರಲ್ಲಿ ಚಾಲನೆಯಾಗುತ್ತಿದೆ. ಡ್ಯುಯಲ್ ಸಿಮ್ ಬೆಂಬಲವನ್ನು ಡಿವೈಸ್ ಪಡೆದುಕೊಂಡಿದೆ.

4.7 ಇಂಚಿನ ಎಚ್‌ಡಿ ಐಪಿಎಸ್ ಡಿಸ್‌ಪ್ಲೇಯನ್ನು ಡಿವೈಸ್ ಪಡೆದುಕೊಂಡಿದ್ದು ಗೋರಿಲ್ಲಾ ಗ್ಲಾಸ್ 3 ಸುರಕ್ಷತೆ ಫೋನ್‌ಗಿದೆ. ಕ್ಯಾನ್‌ವಾಸ್ ಸೆಲ್ಫೀ 16ಜಿಬಿ ಸಂಗ್ರಹಣಾ ಸಾಮರ್ಥ್ಯದೊಂದಿಗೆ ಬಂದಿದ್ದು ಇದನ್ನು ಎಸ್‌ಡಿ ಕಾರ್ಡ್ ಬಳಸಿ 32ಜಿಬಿಗೆ ವಿಸ್ತರಿಸಬಹುದಾಗಿದೆ.

ಇನ್ನು ಫೋನ್‌ನ ಬ್ಯಾಟರಿ 2300mAh ಆಗಿದ್ದು ಸಂಪರ್ಕ ವ್ಯವಸ್ಥೆಗಳು ಬ್ಲ್ಯೂಟೂತ್ 4.0, ವೈ-ಫೈ, ಮೈಕ್ರೋ ಯುಎಸ್‌ಬಿ, ಜಿಪಿಆರ್‌ಎಸ್, ಮತ್ತು 3ಜಿಯಾಗಿದೆ. ಇದು ನೀಲಿ ಮತ್ತು ಬಿಳಿ ಬಣ್ಣಗಳಲ್ಲಿ ಲಭ್ಯವಿದೆ.