ಮಾನಸಿಕ ಒತ್ತಡ ನಿವಾರಣೆಗೆ ಮೈಕ್ರೋಸಾಫ್ಟ್‌ನಿಂದ ಸ್ಮಾರ್ಟ್‌ ಬ್ರಾ

ಮಹಿಳೆಯರ ಮಾನಸಿಕ ಒತ್ತಡ ನಿವಾರಣೆಗಾಗಿ ಮೈಕ್ರೋಸಾಫ್ಟ್‌ ಸೆನ್ಸರ್‌ಗಳನ್ನು ಒಳಗೊಂಡಿರುವ ಹೊಸ ವೇರಬಲ್‌ 'ಸ್ಮಾರ್ಟ್‌‌ ಬ್ರಾ ತಯಾರಿಸಲು ಮುಂದಾಗುತ್ತಿದೆ.

ಈ ಸೆನ್ಸರ್‌ಗಳು ಹೃದಯ ಬಡಿತ ಸಂಬಂಧಿ ಸಂದೇಶಗಳನ್ನು ಚರ್ಮದ ಆರೋಗ್ಯದ ಮಾಹಿತಿಯನ್ನು ಸ್ಮಾರ್ಟ್‌ಫೋನ್‌ನಲ್ಲಿರುವ ಆಪ್‌‌ಗೆ ರವಾನೆಯಾಗುವಂತೆ ವಿನ್ಯಾಸ ಪಡಿಸಲು ಮೈಕ್ರೋಸಾಫ್ಟ್‌‌ ಮುಂದಾಗಿದೆ.

ಸೇವಿಸುವ ಆಹಾರದಿಂದಾಗಿ ಕೆಲವೊಮ್ಮೆ ಒತ್ತಡ ಹೆಚ್ಚಾಗಿ ಮಾನಸಿಕ ಸಮಸ್ಯೆ ಸಿಲುಕುವ ಮಹಿಳೆಯರ ಸಂಖ್ಯೆ ಹೆಚ್ಚಾಗುತ್ತಿದೆ.ಈ ಸಮಸ್ಯೆ ನಿವಾರಣೆಗಾಗಿ ಈ ಹೊಸ ವೇರಬಲ್‌ ಬ್ರಾವನ್ನು ಅಭಿವೃದ್ಧಿ ಪಡಿಸಲು ಮೈಕ್ರೋಸಾಫ್ಟ್‌ ಮುಂದಾಗುತ್ತಿದೆ ಎಂದು ಸಂಶೋಧಕರು ಹೇಳಿದ್ದಾರೆ.

ವೈರ್‌ಲೆಸ್‌ ,ಬ್ಲೂಟೂತ್‌ ತಂತ್ರಜ್ಞಾನದ ಜೊತೆಗೆ ಗೈರೋಸ್ಕೋಪ್‌,ಎಕ್ಸಲರೋ ಮೀಟರ್‌ ಸೆನ್ಸರ್‌ ಬಳಸಿ ಈ ಹೊಸ ಸ್ಮಾರ್ಟ್‌ ಬ್ರಾವನ್ನು ಮೈಕ್ರೋಸಾಫ್ಟ್‌ ತಯಾರಿಸುತ್ತಿದೆ. ಈ ಬ್ರಾಗಳು ಹೃದಯದ ಹತ್ತಿರವೇ ಇರುವುದರಿಂದ ಮಹಿಳೆಯರ ಇಕೆಜಿ(ಎಲೆಕ್ಟ್ರೋರೇಡಿಯೊಗ್ರಫಿ) ಸಂಗ್ರಹಿಸಲು ಅತ್ಯುತ್ತಮ ಸಾಧನವಾಗಿದೆ ಎಂದು ಸಂಶೋಧಕರು ಹೇಳಿದ್ದಾರೆ.

ಈ ಹೊಸ ಸ್ಮಾರ್ಟ್‌ ಬ್ರಾವನ್ನು ಧರಿಸಿದ ಮಹಿಳೆ ವಿಶ್ವದ ಯಾವುದೇ ಮೂಲೆಯಲ್ಲಿ ಕೆಲಸದಲ್ಲಿದ್ದರೂ ಅವರ ಹೃದಯ ಸಂಬಂಧಿ ಮಾಹಿತಿಗಳನ್ನು ಇಂಟರ್‌ನೆಟ್‌ ಮೂಲಕ ಸಂಗ್ರಹಿಸಬಹುದಾಗಿದೆ.

ಇದನ್ನೂ ಓದಿ: ಮುಪ್ಪು ತಡೆಯಲು ಗೂಗಲ್‌ ಆಪಲ್‌ನಿಂದ ಹೊಸ ಕಂಪೆನಿ!