ಮಿಲಿಯನಷ್ಟು ಜನರು ಈಗಲೂ 123456 ಪಾಸ್‌ವರ್ಡ್‌ ಬಳಸುತ್ತಿದ್ದಾರೆ!

ವೈಯಕ್ತಿಕ ಮಾಹಿತಿ ಬೇಡ

ಪಾಸ್‌ವರ್ಡ್‌ ಅನ್ನು ಇಡುವಾಗ ಬೇಗ ನೆನಪಿಗೆ ಬರಲಿ ಎಂದು ನೀವು ನಿಮ್ಮ ಹೆಸರನ್ನೋ ಅಥವಾ ನಿಮ್ಮ ಮೊಬೈಲ್‌ ನಂಬರ್‌ ಅನ್ನೋ ಇಡಬೇಡಿ ಏಕೆಂದರೆ ಇವು ಸುರಕ್ಷಿತವಲ್ಲ. ಪಾಸ್‌ವರ್ಡ್‌ಗೆ ವೈಯಕ್ತಿಕ ಮಾಹಿತಿಗಳು ಇಡುವುದು ನಿಮಗೆ ಸರಳ ಎನಿಸಬಹುದು ಆದರೆ ನಿಮ್ಮ ಖಾತೆಗಳಿಗೆ ಈ ಪಾಸ್‌ವರ್ಡ್‌ಗಳು ಹೆಚ್ಚು ಭದ್ರತೆ ನೀಡುವುದಿಲ್ಲ ಹ್ಯಾಕ್‌ ಆಗುವ ಸಂಭವಗಳಿರುತ್ತವೆ.

ಪಾಸ್‌ವರ್ಡ್ ಕಠಿಣವಾಗಿರಲಿ

ಹೆಸರು, ನಂಬರ್‌ ಬಳಸಿ ಪಾಸ್‌ವರ್ಡ್‌ಗಳನ್ನು ಸರಳವಾಗಿ ಇಡಬೇಡಿ, ಸಾಧ್ಯವಾದಷ್ಟು ಕಠಿಣವಾಗಿರಲಿ. ನಿಮ್ಮ ಪಾಸ್‌ವರ್ಡ್‌ನಲ್ಲಿ ಸ್ಪೆಷಲ್ ಕ್ಯಾರೆಕ್ಟರ್ಸ್‌ಗಳನ್ನು ಬಳಸಿಕೊಳ್ಳುವುದರ ಮೂಲಕ ಕಠಿಣ ಪಾಸ್‌ವರ್ಡ್‌ ರಚಿಸಬಹುದಾಗಿದೆ.

ಒಂದೇ ಪಾಸ್‌ವರ್ಡ್‌ ಬೇಡ

ಆನ್‌ಲೈನ್‌ನಲ್ಲಿ ಮತ್ತು ಇತರೆ ಆಪ್‌ಗಳಿಗೆ ನೀವು ಹಲವಾರು ಖಾತೆಗಳನ್ನು ಹೊಂದಿರುತ್ತಿರಿ ಆ ಎಲ್ಲ ಖಾತೆಗಳಿಗೂ ಒಂದೇ ಪಾಸ್‌ವರ್ಡ್‌ ಬಳಸಬೇಡಿರಿ. ನೀವು ಒಂದೇ ಪಾಸ್‌ವರ್ಡ್‌ ಬಳಸುವುದರಿಂದ ನಿಮ್ಮ ಪಾಸ್‌ವರ್ಡ್ ಸುರಕ್ಷತೆ ಹ್ಯಾಕ್‌ ಆಗಲು ಸಾಧ್ಯತೆಗಳಿರುತ್ತವೆ.

ಪಾಸ್‌ವರ್ಡ್‌ ಬರೆದಿಡಬೇಡಿ

ಕೆಲವರು ಪಾಸ್‌ವರ್ಡ್‌ ಬೇಗ ನೆನಪಾಗಲಿ ಎಂದು ಪಾಸ್‌ವರ್ಡ್‌ಗಳನ್ನು ಪುಸ್ತಕದಲ್ಲಿ ನೋಟ್‌ ಮಾಡಿರುತ್ತಾರೆ ಆದರೆ ಕೆಲವು ಸಂದರ್ಭಗಳಲ್ಲಿ ಇತರರಿಂದ ದುರುಪಯೋಗ ಆಗುವ ಸಾಧ್ಯತೆಗಳು ಇರುತ್ತವೆ. ಒಂದು ವೇಳೆ ಬರೆದಿಟ್ಟರು ಅದು ನಿಮಗೆ ಮಾತ್ರ ತಿಳಿಯುವಂತಿರಲಿ.

ಪಾಸ್‌ವರ್ಡ್‌ ಬದಲಾಯಿಸಿ

ನಿಮ್ಮ ಎಲ್ಲ ಬಗೆಯ ಖಾತೆಗಳ ಪಾಸ್‌ವರ್ಡ್‌ಗಳನ್ನು ಬದಲಾಯಿಸುತ್ತಿರಬೇಕು. ಬಹುತೇಕರು ಖಾತೆ ತೆರೆದಾಗ ಇಟ್ಟ ಪಾಸ್‌ವರ್ಡ್ ಅನ್ನು ಮತ್ತೆ ಬದಲಾಯಿಸಿರುವುದೇ ಇಲ್ಲ. ಹಲವು ವರ್ಷಗಳ ಒಂದೇ ಪಾಸ್‌ವರ್ಡ್‌ ಬಳಕೆ ಹೆಚ್ಚು ಸುರಕ್ಷಿತವಲ್ಲ.