ಶೀಘ್ರದಲ್ಲೇ ಶಿಯೋಮಿ ಸ್ಮಾರ್ಟ್‌ಫೋನ್‌ಗಳ ಲುಕ್ ಸಂಪೂರ್ಣ ಬದಲಾಗಲಿದೆ!

ಹೌದು, ಶಿಯೋಮಿಯು ಸಂಸ್ಥೆಯು ಶೀಘ್ರದಲ್ಲಿಯೇ ಹೊಸದಾಗಿ MIUI 11ನೇ (MIUI 11 9.9.9) ವರ್ಷನ್‌ ಅನ್ನು ಪರಿಚಯಿಸಲಿದೆ ಎನ್ನುತ್ತಿವೆ ಲೀಕ್ ಮಾಹಿತಿಗಳು. ಇದು ಡಿಸ್‌ಪ್ಲೇ, ಸೆಟ್ಟಿಂಗ್ ಐಕಾನ್ಸ್‌ಗಳು ಮತ್ತು ಕಂಟೆಂಟ್ ಹಾಗೂ ವಾಲ್‌ಪೇಪರ್ ಡಿಸೈನ್ ಸೇರಿದಂತೆ ಹಲವು ಫೀಚರ್ಸ್‌ಗಳಿಗೆ ಹೊಸ ರೂಪ ನೀಡಲಿದೆ. ಹಾಗಾದರೇ ಶಿಯೋಮಿ MIUI 11 ಯಾವೆಲ್ಲಾ ವಿಶೇಷಗಳನ್ನು ಒಳಗೊಂಡಿರಲಿದೆ ಮತ್ತು ಯಾವೆಲ್ಲಾ ಸ್ಮಾರ್ಟ್‌ಫೋನ್‌ಗಳು ಹೊಸ ರೂಪ ಪಡೆದುಕೊಳ್ಳಲಿವೆ ಎಂಬುದನ್ನು ಮುಂದೆ ತಿಳಿಯೋಣ ಬನ್ನಿರಿ.

ಶಿಯೋಮಿ MIUI 11 ಅಪ್‌ಡೇಟ್‌ ನಂತರ ಸ್ಮಾರ್ಟ್‌ಫೋನ್‌ಗಳಲ್ಲಿ ಐಕಾನೋಗ್ರಾಫಿಯಲ್ಲಿ ಬದಲಾವಣೆ ಕಾಣಲಿದೆ. ಫೋನ್‌ಗಳ ಆಪರೇಟಿಂಗ್‌ನಲ್ಲಿನ ಐಕಾನ್‌ಗಳು ಸಂಪೂರ್ಣ ಬಣ್ಣ ಬಣ್ಣದ ಲುಕ್‌ನಲ್ಲಿ ಕಂಗೊಳಲಿದ್ದು, ನೋಡಲು ಆಕರ್ಷಕವಾಗಿಯೂ ಇರಲಿವೆ. ಆದರೆ ಐಕಾನಿಕ್ಸ್‌ಗಳ ಗಾತ್ರ ಮತ್ತು ಡಿಸೈನ್ ರಚನೆಗಳಲ್ಲಿ ಹೆಚ್ಚಿನ ಬದಲಾವಣೆ ಇರುವುದಿಲ್ಲ ಎನ್ನಲಾಗಿದೆ.

ಶಿಯೋಮಿ ಫೋನ್‌ಗಳಲ್ಲಿ MIUI 11 ಅಪ್‌ಡೇಟ್‌ ಆದ ನಂತರ ಸಿಸ್ಟಮ್ ಆಪ್ಸ್‌ಗಳಲ್ಲಿಯೂ ಬದಲಾವಣೆ ಆಗಲಿದ್ದು, ಎಂಪ್‌ವರಿಂಗ್‌ ದಿ ಪ್ರೊಡೆಕ್ಟಿವಿಟಿ ಪರಿಚಯಿಸಲಿದೆ. ಸ್ಕ್ರೀನ್‌ನಲ್ಲಿ ಕಾಣುವ ಅನಗತ್ಯ ಖಾಲಿ ವೈಟ್‌ ಸ್ಪೆಸ್‌ ಸ್ಥಳಾವಕಾಶವನ್ನು ಕಡಿತಗೊಳಿಸಲಿದ್ದು, ಸಿಸ್ಟಮ್‌ ಆಪ್ಸ್‌ ಗಾತ್ರ ಹಿರಿದು ಮಾಡಲಾಗುತ್ತದೆ. ಹಾಗೂ ಅವುಗಳ ಅಕ್ಷರದ ಗಾತ್ರವನ್ನು ಸಹ ದೊಡ್ಡದಾಗಿ ನೀಡಲಾಗುತ್ತದೆ.

MIUI 11 ಅಪ್‌ಡೇಟ್ ಸ್ಮಾರ್ಟ್‌ಫೋನ್‌ಗಳಲ್ಲಿ ಹಲವು ಹೊಸ ಫೀಚರ್ಸ್‌ಗಳನ್ನು ಪರಿಚಯಿಸಲಿದ್ದು, ಅವುಗಳಲ್ಲಿ ಕ್ರಾಸ್‌ ಡಿವೈಸ್‌ ಫೈಲ್ ಶೇರಿಂಗ್ ಆಯ್ಕೆ ಅಳವಡಿಸಲಿದೆ. ಇದರಲ್ಲಿ ಶಿಯೋಮಿ, ಒಪ್ಪೊ, ವಿವೋ ಸಂಯೋಜನೆಗಳ್ಳಲಿವೆ. ಡಿಸ್‌ಪ್ಲೇಯು ಆನ್‌ಮೋಡ್‌ನಲ್ಲಿರಲಿದ್ದು, ಕೆಲಿಡೋಸ್ಕೋಪ್-ಶೈಲಿ ಸೇರಲಿದೆ. ಪ್ರತಿ ಬಾರಿ ಸ್ಕ್ರೀನ್ ಟರ್ನ್ ಮಾಡಿದಾಗಲು 5 ಬಗೆಯ ವಿಭಿನ್ನ ಡಿವೈಸ್‌ ಕಾಣಿಸಲಿದೆ.

ಹಾಗೆಯೇ ಶಿಯೋಮಿ MIUI 11 ಅಪ್‌ಡೇಟ್ ಫೋನ್‌ಗಳಿಗೆ ಡೈನಾಮಿಕ್ ಸೌಂಡ್‌ ನೀಡಲಿದೆ. ಇದರೊಂದಿಗೆ ಕೆಲವು ಮೆಸೆಜ್ ಆಪ್ಸ್‌ಗಳಿಗೆ ಡಾರ್ಕ್‌ಮೋಡ್ ಶೆಡ್ಯೂಲರ್, ಕ್ವಿಕ್‌ ರಿಪ್ಲೇ, ಆಯ್ಕೆಗಳು ಸೇರಿಕೊಳ್ಳಲಿವೆ. ಆದರೆ ಶಿಯೋಮಿಯ ರೆಡ್ಮಿ ಕೆ20 ಪ್ರೊ, ಮಿ ಮಿಕ್ಸ್ 2ಎಸ್‌ ಮತ್ತು ಶಿಯೋಮಿ ಮಿ6 ಸ್ಮಾರ್ಟ್‌ಫೋನ್‌ಗಳು MIUI 11 ಬಿಡುಗಡೆಗೂ ಮೊದಲೆ ಹೊಸ ಅಪ್‌ಡೇಟ್‌ ಅನ್ನು ಪಡೆದಿವೆ ಎನ್ನಲಾಗಿದೆ.