ಮಕ್ಕಳಿಗೆ ಸ್ಮಾರ್ಟ್‌ಫೋನ್ ಕೊಡುವ ಮುನ್ನ ಎಚ್ಚರ: ಬೆರಳು ಕಳೆದುಕೊಂಡ ಬಾಲಕ..!

ಹಾಡು ಕೇಳುತ್ತಿದ್ದೆ:

ನನ್ನ ಅಮ್ಮನ ಮೊಬೈಲಿನಲ್ಲಿ ಹಾಡು ಕೇಳುತ್ತಾ, ಕೈನಲ್ಲಿ ಮೊಬೈಲ್ ಫೋನ್ ಹಿಡಿದುಕೊಂಡು ಮಂಚದ ಮೇಲೆ ಮಲಗಿದ್ದೆ. ಇದಕ್ಕಿದ್ದ ಹಾಗೆ ಮೊಬೈಲ್ ಬ್ಲಾಸ್ ಆಯಿತು, ನನ್ನ ಕೈನ ಬೆರಳುಗಳು ತುಂಡಾಗಿ ಆಗಿ ಗಾಳಿಯಲ್ಲಿ ಹಾರಿದವು ಎಂದು ಬಾಲಕನು ವಿವರಣೆಯನ್ನು ನೀಡಿದ್ದಾನೆ.

ಹೆಚ್ಚಿನ ಗಾಯ:

ಮಲಗಿದ್ದ ಸಂದರ್ಭದಲ್ಲಿ ಹೊಟ್ಟೆಯ ಮೇಲೆ ಕೈನಲ್ಲಿ ಮೊಬೈಲ್ ಇಟ್ಟುಕೊಂಡಿದ್ದ ಕಾರಣದಿಂದಾಗಿ ಬಾಲಕನ ಹೊಟ್ಟೆಯ ಭಾಗಕ್ಕೂ ಗಾಯಗಳಾಗಿದ್ದು, ಕೈನಲ್ಲಿ ಮೂರು ಬೆರಳುಗಳೇ ಕಟ್ ಆಗಿದೆ ಎನ್ನಲಾಗಿದೆ. ಬೆರಳು ತುಂಡಾಗಿರುವ ಕಾರಣದಿಂದಾಗಿ ಹೆಚ್ಚಿನ ಪ್ರಮಾಣದಲ್ಲಿ ರಕ್ತ ಸೋರಿಕೆಯಾಗಿದೆ.

ಮರಳಿ ಜೋಡಿಸಲಿದ್ದಾರೆ:

ಕರ್ನೂಲ್ ಜಿಲ್ಲಾ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿರುವ ಬಾಲಕನ ಕೈ ಬೆರಳುಗಳನ್ನು ಪ್ಲಾಸ್ಟಿಕ್ ಸರ್ಜರಿಯ ಮೂಲಕ ಮರುಜೋಡನೆ ಮಾಡಲು ವೈದ್ಯರು ಮುಂದಾಗಿದ್ದಾರೆ ಎನ್ನಲಾಗಿದ್ದು, ಈಗಾಗಲೇ ಈ ಕಾರ್ಯದಲ್ಲಿ ತೊಡಗಿಕೊಂಡಿದ್ದಾರೆ. ಇದರಿಂದಾಗಿ ಮತ್ತೆ ಬಾಲಕನ ಬೆರಳುಗಳು ಜೋಡಣೆಯಾಗಲಿದೆ.

ಮೊಬೈಲ್ ಯಾವುದು..?

ಬಾಲಕ ಬಳಸುತ್ತಿದ್ದ ಮೊಬೈಲ್ ಯಾವುದು, ಯಾವ ಕಂಪನಿಯೂ ನಿರ್ಮಾಣ ಮಾಡಿದ್ದು ಎನ್ನುವ ವಿಷಯಗಳ ಕುರಿತು ಯಾವುದೇ ಮಾಹಿತಿಯೂ ಲಭ್ಯವಾಗಿಲ್ಲ. ಈ ಕುರಿತು ಮಾಹಿತಿಯನ್ನು ಕಲೆ ಹಾಕಲಾಗುತ್ತಿದೆ.

ಎಚ್ಚರ:

ನಿಮ್ಮ ಮಕ್ಕಳ ಕೈಗೆ ಸ್ಮಾರ್ಟ್‌ಫೋನ್‌ಗಳನ್ನು ಕೊಡುವ ಮುನ್ನ ಎಚ್ಚರ. ಯಾವ ಕ್ಷಣದಲ್ಲಿ ಯಾವ ರೀತಿಯ ತೊಂದರೆಗಳು ಎದುರಾಗುತ್ತದೆಯೋ ತಿಳಿಯದು. ಏಕೆಂದರೆ ಸ್ಮಾರ್ಟ್‌ಫೋನ್ ಬಳಕೆಯಿಂದ ಮಕ್ಕಳ ಮಾನಸಿಕ ಮತ್ತು ದೈಹಿಕ ಬೆಳವಣಿಗೆ ತೊಂದರೆಗಳೇ ಹೆಚ್ಚು. ಈ ಹಿನ್ನಲೆಯಲ್ಲಿ ನಿಮ್ಮ ಮಕ್ಕಳು ಸ್ಮಾರ್ಟ್‌ಫೋನ್ ಬಳಕೆ ಮಾಡುವ ಸಂದರ್ಭದಲ್ಲಿ ಅವರೊಂದಿಗೆ ನೀವು ಇರಿ. ಇಲ್ಲವಾದರೆ ಅವರಿಗೆ ಫೋನ್‌ಗಳನ್ನು ನೀಡಬೇಡಿ.