ಮೊಟೊದಿಂದ ಬರಲಿದೆ ಹೊಸ ಅಗ್ಗದ ಸ್ಮಾರ್ಟ್‌ಫೋನ್‌!..ವಿಶೇಷ ಏನಿದೆ?

ಮೊಟೊರೊಲಾ ಸಂಸ್ಥೆಯು ತನ್ನ ಮೊಟೊ G ಸರಣಿಯಲ್ಲಿ ಹಲವು ಫೋನ್‌ಗಳನ್ನು ಪರಿಚಯಿಸಿ ಸೈ ಎನಿಸಿಕೊಂಡಿದೆ. ಅದರ ಮುಂದುವರಿದ ಭಾಗವಾಗಿ ಈಗ ಸಂಸ್ಥೆಯು ಶೀಘ್ರದಲ್ಲೇ ಮೊಟೊ G04 (Moto G04) ಸ್ಮಾರ್ಟ್‌ಫೋನ್ ಅನ್ನು ಭಾರತೀಯ ಮಾರುಕಟ್ಟೆಯಲ್ಲಿ ಬಿಡುಗಡೆ ಮಾಡಲು ಸಜ್ಜಾಗಿದೆ ಎಂದು ವರದಿಯಾಗಿದೆ.

ಹೌದು, ಮೊಟೊ ಸಂಸ್ಥೆಯು ಕಂಪನಿಯು ಮೊಟೊ G04 (Moto G04) ಸ್ಮಾರ್ಟ್‌ಫೋನ್ ಬಿಡುಗಡೆ ಮಾಡಲು ಅಣಿಯಾಗುತ್ತಿದೆ. ಈ ಬಗ್ಗೆ ಸಂಸ್ಥೆಯು ಸಾಮಾಜಿಕ ಮಾಧ್ಯಮ ಪ್ಲಾಟ್‌ಫಾರ್ಮ್‌ಗಳಲ್ಲಿ ಮುಂಬರುವ ಬಿಡುಗಡೆಗಾಗಿ ಮೊದಲ ಟೀಸರ್ ಅನ್ನು ಬಿಟ್ಟಿದೆ. ಆದರೆ ಮುಂಬರುವ ಫೋನ್‌ನ ಬಗ್ಗೆ ಹೆಚ್ಚಿನ ಮಾಹಿತಿ ಅನ್ನು ಅದು ಬಹಿರಂಗಪಡಿಸಲಿಲ್ಲ. ಆದಾಗ್ಯೂ, ಮುಂಬರುವ ಫೋನ್‌ ಮೊಟೊ G04 ಆಗಿರಬಹುದು ಎಂದು ಸೂಚಿಸುತ್ತದೆ.

ಎಕ್ಸ್‌ ತಾಣದಲ್ಲಿ ( ಈ ಹಿಂದೆ ಟ್ವಿಟರ್) ಮೊಟೊರೊಲಾ ಶೇರ್ ಮಾಡಿರುವ ಟೀಸರ್ ಪ್ರಕಾರ ಮುಂಬರುವ ಸ್ಮಾರ್ಟ್‌ಫೋನ್ ಗ್ರೀನ್‌, ಬ್ಲೂ, ಬ್ಲ್ಯಾಕ್‌ ಮತ್ತು ಆರೆಂಜ್‌ ಬಣ್ಣದ ಆಯ್ಕೆಗಳ ಆಯ್ಕೆ ಪಡೆದಿರುತ್ತದೆ ಎಂದು ತಿಳಿಸುತ್ತದೆ. ಮುಂಬರುವ ಮೊಟೊರೊಲಾ ಹ್ಯಾಂಡ್‌ಸೆಟ್ ಮೊಟೊ G04 ಈ ಆಯ್ಕೆಗಳಲ್ಲಿ ಫೋನ್ ಅನ್ನು ಬಿಡುಗಡೆ ಮಾಡಲಾಗಿದೆ ಎಂದು ಬಣ್ಣದ ಯೋಜನೆ ಸೂಚಿಸುತ್ತದೆ.

ಮೊಟೊ G04 ಮೊಬೈಲ್‌ ಎಂಟ್ರಿ ಲೆವೆಲ್‌ ಮಾದರಿಯ ಸ್ಮಾರ್ಟ್‌ಫೋನ್ ಆಗಿದ್ದು, ಇದು ಯುರೋಪಿಯನ್ ಮಾರುಕಟ್ಟೆಯಲ್ಲಿ €119 (ಅಂದಾಜು ಸುಮಾರು 11,000ರೂ) ಕ್ಕೆ ಮಾರಾಟವಾಗುತ್ತದೆ. ಈ ಫೋನ್‌ UniSoC T606 ಪ್ರೊಸೆಸರ್ ಪವರ್‌ ಪಡೆದಿದ್ದು ಮತ್ತು 4GB RAM ನಿಂದ ಕೆಲಸ ಮಾಡಲಿದೆ. ಹಾಗೆಯೇ ಆಂಡ್ರಾಯ್ಡ್ 14 ನೊಂದಿಗೆ ಮೊದಲೇ ಲೋಡ್ ಆಗಿದೆ, ಆದರೆ ಇದು ಕಂಪನಿಯ ಸ್ವಾಮ್ಯದ MyUX ಸ್ಕಿನ್ ಆಪ್ ಟಾಪ್ ಅನ್ನು ಒಳಗೊಂಡಿದೆ.

ಹಾಗೆಯೇ ಮೊಟೊ G04 ಫೋನ್‌ ಹೈ-ಬ್ರೈಟ್‌ನೆಸ್ ಮೋಡ್‌ನೊಂದಿಗೆ 90Hz LCD ಡಿಸ್‌ಪ್ಲೇ ವಿನ್ಯಾಸ ಪಡೆದಿದೆ. ಈ ಫೋನ್‌ ಎಲ್ಇಡಿ ಫ್ಲ್ಯಾಷ್ನೊಂದಿಗೆ 16 ಮೆಗಾ ಪಿಕ್ಸಲ್‌ ಹಿಂಬದಿಯ ಪ್ರಾಥಮಿಕ ಕ್ಯಾಮರಾವನ್ನು ಪಡೆದಿರಲಿದೆ. ಫೋನಿನಲ್ಲಿ ಸೆಲ್ಫಿಗಳು ಮತ್ತು ವೀಡಿಯೊ ಕರೆಗಳನ್ನು 5 ಮೆಗಾ ಪಿಕ್ಸಲ್‌ ಫ್ರಂಟ್ ಶೂಟರ್ ಸೌಲಭ್ಯ ಇರಲಿದೆ.

ಅದೇ ರೀತಿ ಈ ಫೋನ್‌ 10W ಚಾರ್ಜಿಂಗ್ ಸಪೋರ್ಟ್ ಪಡೆದಿರಲಿದ್ದು, 5000mAh ಬ್ಯಾಟರಿ ಬ್ಯಾಕ್‌ಅಪ್‌ ಸೌಲಭ್ಯ ಕೂಡಾ ಪಡೆದಿರುತ್ತದೆ. ಇದರ ಜೊತೆಗೆ ಈ ಮೊಬೈಲ್‌ ಸೈಡ್-ಮೌಂಟೆಡ್ ಫಿಂಗರ್‌ಪ್ರಿಂಟ್ ಸ್ಕ್ಯಾನರ್ ಅನ್ನು ಒದಗಿಸುತ್ತದೆ.

ಹಾಗೆಯೇ ಇತ್ತೀಚಿನ ಮೊಟೊ ಸಂಸ್ಥೆಯ ಮೊಟೊ g24 ಪವರ್ ಸ್ಮಾರ್ಟ್‌ಫೋನ್‌ 6.65 ಇಂಚಿನ ಹೆಚ್‌ಡಿ ಪ್ಲಸ್‌ ಎಲ್‌ಸಿಡಿ ಡಿಸ್‌ಪ್ಲೇ ಅನ್ನು ಹೊಂದಿದೆ. ಇನ್ನು ಡಿಸ್‌ಪ್ಲೇ 1612 x 720 ಪಿಕ್ಸೆಲ್‌ ಸ್ಕ್ರೀನ್‌ ರೆಸಲ್ಯೂಶನ್‌ ಸಾಮರ್ಥ್ಯದ ಆಯ್ಕೆಯನ್ನು ಪಡೆದಿದೆ. ಇದು ಮೀಡಿಯಾಟೆಕ್‌ ಹಿಲಿಯೋ G85 SoC ಪ್ರೊಸೆಸರ್‌ ವೇಗವನ್ನು ಹೊಂದಿದೆ. ಇದು ಆಂಡ್ರಾಯ್ಡ್‌ 14 ಬೆಂಬಲದೊಂದಿಗೆ ರನ್‌ ಆಗುತ್ತದೆ.

ಅಲ್ಲದೇ ಈ ಫೋನ್ ಡ್ಯುಯಲ್‌ ರಿಯರ್‌ ಕ್ಯಾಮೆರಾ ರಚನೆ ಅನ್ನು ಒಳಗೊಂಡಿದ್ದು, ಇದರಲ್ಲಿ ಮುಖ್ಯ ಕ್ಯಾಮೆರಾ 50 ಮೆಗಾ ಪಿಕ್ಸೆಲ್‌ ಸೆನ್ಸಾರ್‌ ಅನ್ನು ಹೊಂದಿದೆ.ಹಾಗೆಯೇ ಮೊಟೊ g24 ಪವರ್ ಸ್ಮಾರ್ಟ್‌ಫೋನ್‌ 6000mAh ಸಾಮರ್ಥ್ಯದ ಬ್ಯಾಟರಿ ಬ್ಯಾಕ್‌ಅಪ್‌ ಅನ್ನು ಹೊಂದಿದೆ. ಇದು 30W ವೇಗದ ಚಾರ್ಜಿಂಗ್‌ ಬೆಂಬಲದೊಂದಿಗೆ ಕೆಲಸ ಮಾಡಲಿದೆ.

ಇನ್ನು ಈ ಫೋನ್‌ ಸೈಡ್-ಮೌಂಟೆಡ್ ಫಿಂಗರ್‌ಪ್ರಿಂಟ್ ಸ್ಕ್ಯಾನರ್ ಅನ್ನು ಒಳಗೊಂಡಿದೆ. ಇನ್ನು ಕನೆಕ್ಟಿವಿಟಿ ಆಯ್ಕೆಗಳಲ್ಲಿ ಹಾಟ್‌ಸ್ಪಾಟ್‌, ಬ್ಲೂಟೂತ್‌, ವೈಫೈ, ಯುಎಸ್‌ಬಿ ಟೈಪ್‌ ಸಿ ಪೋರ್ಟ್‌ ಹಾಗೂ 3.5mm ಆಡಿಯೋ ಜಾಕ್, ಸ್ಟೀರಿಯೋ ಸ್ಪೀಕರ್‌ಗಳು, ಡಾಲ್ಬಿ ಅಟ್ಮಾಸ್, FM ರೇಡಿಯೋ ಅನ್ನು ಬೆಂಬಲಿಸಲಿದೆ.