ಕೇವಲ 5 ರೂ.ಗೆ ಒಂದು ತಿಂಗಳು 'ನೆಟ್‌ಫ್ಲಿಕ್ಸ್' ಸೇವೆ!

ಹೌದು, ಜನಪ್ರಿಯ ವಿಡಿಯೊ ಕಂಟೆಂಟ್ ತಾಣ ನೆಟ್‌ಫ್ಲಿಕ್ಸ್‌ ಇದೀಗ ಭರ್ಜರಿ ಆಫರ್ ಘೋಷಿಸಿದೆ. ಬಳಕೆದಾರರಿಗೆ ಕೇವಲ 5 ರೂ.ಗೆ ಒಂದು ತಿಂಗಳ ಚಂದಾದಾರಿಕೆಯನ್ನು ಒದಗಿಸುವುದಾಗಿ ಹೇಳಿದೆ. ಮೊದಲ ಬಾರಿ ನೆಟ್‌ಫ್ಲಿಕ್ಸ್‌ ರೀಚಾರ್ಜ್ ಮಾಡುವ ಚಂದಾದಾರರಿಗೆ ಈ ಆಫರ್ ಲಭ್ಯವಾಗಲಿದೆ. ಭಿನ್ನ ವಿಡಿಯೊ ಕಂಟೆಂಟ್‌ ಮತ್ತು ವೆಬ್ ಸಿರೀಸ್‌ ಕಾರ್ಯಕ್ರಮಗಳಿಂದ ಗ್ರಾಹಕರನ್ನು ಸೆಳೆದಿರುವ ನೆಟ್‌ಫ್ಲಿಕ್ಸ್ ಇನ್ನಷ್ಟು ಜನಪ್ರಿಯತೆ ಗಳಿಸಲು ಈಗ ಹೊಸ ದಾರಿ ಕಂಡುಕೊಂಡಿದೆ.

ಭಾರತದಲ್ಲಿ ಮೊದಲ ಬಾರಿಗೆ ನೆಟ್‌ಫ್ಲಿಕ್ಸ್‌ಗೆ ಸದಸ್ಯತ್ವ/ಬಳಕೆದಾರರಿಗೆ ಪಡೆಯುವ ಗ್ರಾಹಕರಿಗೆ 5 ರೂ.ಗೆ ಒಂದು ತಿಂಗಳ ಚಂದಾದಾರಿಕೆ ಸಿಗಲಿದೆ. ಆ ನಂತರದಿಂದ ಈ ಶುಲ್ಕ ಮುಂದುವರೆಯುವುದಿಲ್ಲ. ಕಳೆದ ಡಿಸೆಂಬರ್‌ನಲ್ಲಿ ಭಾರತ ಮತ್ತು ಇತರ ಮಾರುಕಟ್ಟೆಗಳಲ್ಲಿ ಕಂಪನಿಯು ತನ್ನ ಒಂದು ತಿಂಗಳ ಉಚಿತ ಪ್ರಯೋಗ ಪ್ರಸ್ತಾಪವನ್ನು ಹಿಂತೆಗೆದುಕೊಂಡಿದ್ದರಿಂದ ನೆಟ್‌ಫ್ಲಿಕ್ಸ್‌ನ ಹೊಸ ಕೊಡುಗೆ ಆಶ್ಚರ್ಯಕರವಲ್ಲ. ಈಗಾಗಲೇ ನೆಟ್‌ಫ್ಲಿಕ್ಸ್‌ ತನ್ನ ಪ್ಲಾಟ್‌ಫಾರ್ಮ್‌ನಲ್ಲಿ ಹಲವು ವೈವಿಧ್ಯಮಯ ಕಾರ್ಯಕ್ರಮಗಳ ಸರಣಿಗಳನ್ನು ಪ್ರಸಾರ ಮಾಡಿದೆ. ಕೆಲವೊಂದು ಕಾರ್ಯಕ್ರಮಗಳ ಮಿಂಚಿನ ವೇಗದಲ್ಲಿ ಮುನ್ನುಗುತ್ತಿವೆ.

ನೆಟ್‌ಫ್ಲಿಕ್ಸ್ ಈ ವಿಶೇಷ ಆಫರ್ ಬಳಕೆದಾರರ ಸಂಖ್ಯೆಯನ್ನು ಹೆಚ್ಚಿಸಿಕೊಳ್ಳುವ ಒಂದು ಕ್ರಮವಾಗಿದೆ ಹಾಗೂ ಬಳಕೆದಾರರನ್ನು ಸೆಳೆಯುವ ಮಾರುಕಟ್ಟೆಯ ಹೊಸ ತಂತ್ರವಾಗಿದೆ. ಹಾಗೆಯೇ ಸಂಸ್ಥೆಯ ಈ ಕೊಡುಗೆಯಿಂದ ಬಹಳಷ್ಟು ಬಳಕೆದಾರರಿಗೆ ಅನುಕೂಲ ಸಹ ಆಗಲಿದೆ. ಈ ಯೋಜನೆಯ ಯಶಸ್ಸಿನ ನಂತರ ಮತ್ತಷ್ಟು ಆಕರ್ಷಕ ಯೋಜನೆಯನ್ನು ಅನುಷ್ಠಾನ ಮಾಡುವ ಯೋಜನೆಗಳು ಇವೆ ಎಂದು ನೆಟ್‌ಫ್ಲಿಕ್ಸ್‌ ವಕ್ತಾರರು ಹೇಳಿದ್ದಾರೆ.

ನೆಟ್‌ಫ್ಲಿಕ್ಸ್‌ ಹೊಸ ಬಳಕೆದಾರರಿಗೆ ಕೇವಲ ರೂ 5.ಗೆ ಒಂದು ತಿಂಗಳ ಚಂದಾದಾರಿಕೆ ಯೋಜನೆ ಸಿಗಲಿದೆ. ಹಾಗೆಯೇ ನೆಟ್‌ಫ್ಲಿಕ್ಸ್‌ನ ಇತರೆ ಯೋಜನೆಗಳ ಭಿನ್ನ ಬೆಲೆಯಲ್ಲಿವೆ. 199 ರೂ. ರೀಚಾರ್ಜ್ ಪ್ಲ್ಯಾನ್ ಮೊಬೈಲ್ ಯೋಜನೆ ಆಗಿದೆ. ಹಾಗೆಯೆ 499 ರೂ. ಯೋಜನೆಯ ಆಯ್ಕೆ ಇದೆ. 649 ರೂ.ಗೆ ಸ್ಟ್ಯಾಂಡರ್ಡ್ ಯೋಜನೆ ಆಯ್ಕೆ ಇದೆ ಮತ್ತು 799 ರೂ.ಗೆ ಪ್ರೀಮಿಯಂ ಯೋಜನೆ ಆಯ್ಕೆ ಇದೆ.