ಬೆಂಗಳೂರು ಲೈವ್ ಟ್ರಾಫಿಕ್‌ ಮಾಹಿತಿ ತಿಳಿಯಲು ಹೊಸ ಆಪ್‌

Posted By:

ಬೆಂಗಳೂರಿನ ಟ್ರಾಫಿಕ್‌ ಮಾಹಿತಿಯನ್ನು ಜನರಿಗೆ ತಿಳಿಸಲು ಬೆಂಗಳೂರು ಟ್ರಾಫಿಕ್‌ ಪೊಲೀಸ್‌‌ ಬಿಟಿಪಿ ಹೆಸರಿನ‌ ಹೊಸ ಆಂಡ್ರಾಯ್ಡ್ ಆಪ್‌ನ್ನು ಬಿಡುಗಡೆ ಮಾಡಿದೆ.

ಈ ಆಪ್‌ ಈಗ ಇರುವ ಆಪ್‌ಗಳಿಗಿಂತ ಭಿನ್ನವಾಗಿದ್ದು ಪ್ರತಿ ಕ್ಷಣದಲ್ಲಿ ಯಾವ ಮೂಲೆಯಲ್ಲಿ ಟ್ರಾಫಿಕ್‌ ಜ್ಯಾಮ್‌ ಆದರೂ ಜನರೇ ಮಾಹಿತಿಯನ್ನು ಟ್ರಾಫಿಕ್‌ ಪೊಲೀಸರಿಗೆ ನೇರವಾಗಿ ಈ ಆಪ್‌ ಮೂಲಕ ಕಳುಹಿಸಬಹುದು. ಬೆಂಗಳೂರು ಟ್ರಾಫಿಕ್‌ ಪೊಲೀಸರೇ ಈ ಆಪ್‌ನ್ನು ನಿಯಂತ್ರಿಸುತ್ತಿರುವುದರಿಂದ ನಗರದಲ್ಲಿ ಎಲ್ಲೇ ಟ್ರಾಫಿಕ್‌ ಜ್ಯಾಮ್‌ ಆದರೂ ನಿಖರವಾದ ಟ್ರಾಫಿಕ್‌
ಮಾಹಿತಿ ಅಪ್‌ನಲ್ಲಿ ನಿರಂತರವಾಗಿ ಬರುತ್ತಿರುತ್ತದೆ.

 ಬೆಂಗಳೂರು ಲೈವ್ ಟ್ರಾಫಿಕ್‌ ಮಾಹಿತಿ ತಿಳಿಯಲು ಹೊಸ ಆಪ್‌

ಅಪಘಾತದ ಮಾಹಿತಿ, ಆಟೋ ರಿಕ್ಷಾಗಳ ಬಗ್ಗೆ ದೂರು, ವಾಹನ ನಂಬರ್‌‌ ದಾಖಲಿಸಿ ಹಿಂದಿನ ಸಂಚಾರ ಉಲ್ಲಂಘನೆಯ ದಂಡವನ್ನು ಈ ಆಪ್‌‌ನಲ್ಲಿ ತಿಳಿದಿಕೊಳ್ಳಬಹುದು.

ಈ ಆಪ್‌ನ ಇನ್ನೊಂದು ವಿಶೇಷವೆನೆಂದರೆ ಜನರೇ ಸಂಚಾರ ನಿಯಮವನ್ನು ಉಲ್ಲಂಘಿಸುತ್ತಿರುವ ವಾಹನದ ನಂಬರ್‌ ಪ್ಲೇಟ್‌ ಇರುವ ಚಿತ್ರವನ್ನು ಆಪ್‌ ಮೂಲಕ ಕಳುಹಿಸಬಹುದು. ಆದರೆ ಈ ಆಪ್‌ಗಾಗಿ ಆಪ್‌ನಲ್ಲೇ ಇರುವ ಪಬ್ಲಿಕ್‌ ಐ ಆಪ್‌ನ್ನು ಡೌನ್‌ಲೋಡ್‌ ಮಾಡಬೇಕಾಗುತ್ತದೆ.

ಆಂಡ್ರಾಯ್ಡ್‌ ಪ್ಲೇ ಸ್ಟೋರ್‌ನಲ್ಲಿ ಈ ಆಪ್‌ ಉಚಿತವಾಗಿದ್ದು ಸದ್ಯದಲ್ಲೇ ಐಓಎಸ್‌ನಲ್ಲೂ ಈ ಆಪ್‌ನ್ನು ಬಿಡುಗಡೆ ಮಾಡಲಾಗುವುದು ಬೆಂಗಳೂರು ಟ್ರಾಫಿಕ್‌ ಪೊಲೀಸ್‌‌ ತನ್ನ ಫೇಸ್‌ಬುಕ್‌  ಪೇಜ್‌ನಲ್ಲಿ ತಿಳಿಸಿದೆ.

Please Wait while comments are loading...
Opinion Poll

Social Counting

ಇಡೀ ದಿನದ ತಾಜಾ ಸುದ್ದಿಗಳನ್ನು ಒಂದೇ ಕ್ಲಿಕ್ ನಲ್ಲಿ ಪಡೆಯಿರಿಿ- Kannada Gizbot