ಆನ್‌ಲೈನಿನಲ್ಲಿ ರೂ.10 ಹೊಸ ನೋಟಿನದ್ದೇ ಸದ್ದು..!

ಚಿಕ್ಕದಾದ ಚೊಕ್ಕ ನೋಟು:

ರೂ.10 ಹೊಸ ನೋಟು ಪ್ರಸಕ್ತ ಚಾಲ್ತಿಯಲ್ಲಿರುವ ನೋಟಿನ ಅದೇ ಉದ್ದ ಹೊಂದಿದ್ದರೂ ಅಗಲ ಮಾತ್ರ ಕೊಂಚ ಕಡಿಮೆಯಾಗಿದೆ. ಮಹಾತ್ಮ ಗಾಂಧಿ ಸರಣಿಯ ಚಾಕಲೇಟ್ ಕಂದು ಬಣ್ಣದ ಈ ಹೊಸ ನೋಟುಗಳನ್ನು ಈಗಾಗಲೇ ಭಾರತೀಯ ರಿಸರ್ವ್ ಬ್ಯಾಂಕ್ ಮುದ್ರಿಸಿದೆ. ಹೊಸ ಬಣ್ಣದ ಬಗ್ಗೆ ಟ್ವಿಟರ್‌ನಲ್ಲಿ ಚರ್ಚೆ ಜೋರಾಗಿ ನಡೆಯುತ್ತಿದೆ.

ಸೂರ್ಯ ದೇವಾಲಯ:

ರೂ.10 ಹೊಸ ನೋಟಿನಲ್ಲಿ ಬಣ್ಣ ಹಾಗೂ ವಿನ್ಯಾಸದೊಂದಿಗೆ ಒಡಿಶಾದ ಕೋನರ್ಕ್ ಸೂರ್ಯ ದೇವಾಲಯದ ಚಿತ್ರವನ್ನು ಕಾಣಬಹುದು. ಹಳೇ ನೋಟಿನಲ್ಲಿ ಆನೆ, ಹುಲಿ ಹಾಗೂ ಘೇಂಡಾಮೃಗದ ಚಿತ್ರವಿದೆ. ಹೊಸ ನೋಟುಗಳಲ್ಲಿ ಎರಡೂ ನಂಬರ್ ಪ್ಯಾನೆಲ್‍ನಲ್ಲಿ ಎಲ್ ಅಕ್ಷರ ಹಾಗೂ ಊರ್ಜಿತ್ ಪಟೇಲ್ ಅವರ ಹಸ್ತಾಕ್ಷರವಿರಲಿದೆ.

2 ನಿಮಿಷದಲ್ಲಿ Aadhaar-ಮೊಬೈಲ್ ಲಿಂಕ್ ಮಾಡುವುದು ಹೇಗೆ..? ಸಿಂಪಲ್ ಟಿಪ್ಸ್..!

ಹಳೇ ನೋಟುಗಳು ಇರಲಿದೆ:

ಹೊಸದಾಗಿ ಬಿಡುಗಡೆಯಾಗುವ ಹೊಸ 10 ರೂ. ಮುಖಬೆಲೆಯ ನೋಟುಗಳೊಂದಿಗೆ ಹಳೇಯ ಹೊಸ ನೋಟುಗಳು ಚಲಾವಣೆಯಲ್ಲಿರಲಿವೆ ಎಂದು ಆರ್‌ಬಿಐ ಹೇಳಿದೆ. ಕೇಂದ್ರ ಸರಕಾರ ನೂತನವಾಗಿ ಬಿಡುಗಡೆಗೊಳಿಸಿದ ನೋಟುಗಳ ವಿನ್ಯಾಸ ಮತ್ತು ಬಣ್ಣವನ್ನು ಬದಲಿಸಿ ಹೆಚ್ಚಿನ ಭದ್ರತೆಯೊಂದಿಗೆ ಚಲಾವಣೆಗೆ ತರುತ್ತಿವೆ ಎನ್ನಲಾಗಿದೆ. ಹೊಸ ಬಣ್ಣದ ನೋಟಿಗೆ ಹಲವರು ಟೀಕೆ ಮಾಡಿದರೆ ಇನ್ನು ಕೆಲವರು ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.