IPL ಆಗಿದೆ ಸ್ಮಾರ್ಟ್‌: ಇಲ್ಲಿದೆ ನೂತನ ತಂತ್ರಜ್ಞಾನ ಪ್ರಮುಖ ಅಂಶ..!!

ಮೈದಾನದಲ್ಲಿ 5G ಸೇವೆ:

ಈ ಬಾರಿ IPL ಮ್ಯಾಚ್‌ಗಳು ನಡೆಯುವ ಮೈದಾನದಲ್ಲಿ MIMO ಪ್ರಿ 5G ಸೇವೆಯನ್ನು ಏರ್‌ಟೆಲ್ ಮತ್ತು ಜಿಯೋ ನೀಡುತ್ತಿವೆ. 5G ಸೇವೆಯನ್ನು ಪರೀಕ್ಷೆ ಮಾಡಲು ಮುಂದಾಗಿರುವ ಜಿಯೋ-ಏರ್‌ಟೆಲ್ IPL ಅನ್ನು ಬಳಕೆ ಮಾಡಿಕೊಳ್ಳು ಮುಂದಾಗಿದೆ. ಇದು ಬಳಕೆದಾರರಿಗೆ ಹೊಸ ಸೇವೆಯ ಅನುಭವನ್ನು ನೀಡಲಿದೆ.

ಸ್ಮಾರ್ಟ್‌ಫೋನಿನಲ್ಲಿ IPL:

ಈ ಬಾರಿ ಸ್ಮಾರ್ಟ್‌ಫೋನಿನಲ್ಲಿ ಲೈವ್ ಮ್ಯಾಚ್ ನೋಡುವ ಸಲುವಾಗಿ ದೈತ್ಯ ಟೆಲಿಕಾಂ ಕಂಪನಿಗಳಾದ BSNL, ಜಿಯೋ ಮತ್ತು ಏರ್‌ಟೆಲ್ ಬಳಕೆದಾರರಿಗೆ ಹೆಚ್ಚುವರಿ ಡೇಟಾ ಆಫರ್ ಅನ್ನು ನೀಡುತ್ತಿವೆ. ಈ ಹಿನ್ನಲೆಯಲ್ಲಿ ಈ ಬಾರಿ IPL ಅನ್ನು ಸ್ಮಾರ್ಟ್‌ IPL ಎಂದರೆ ತಪ್ಪಾಗುವುದಿಲ್ಲ.

ವಿಆರ್ (V R) ನಲ್ಲಿ IPL ನೋಡಿ:

ಇದೇ ಮೊದಲ ಬಾರಿಗೆ IPL ಪಂದ್ಯಗಳನ್ನು ಸ್ಚಾರ್ ಇಂಡಿಯಾ ವಿಆರ್ (Virtual Reality) ನಲ್ಲಿ ಪ್ರಸಾರ ಮಾಡಲಿದೆ. ಹಾಟ್ ಸ್ಟಾರ್ ಮೂಲಕ ಸ್ಮಾರ್ಟ್‌ಫೋನಿನಲ್ಲಿ ಮ್ಯಾಚ್ ಅನ್ನು ನೋಡಲು ಅವಕಾಶವನ್ನು ನೀಡಲಿದೆ. ಇದಾದ ನಂತರದಲ್ಲಿ ವಿಆರ್ ಗ್ಲಾಸ್ ಮೂಲಕ ನೇರ ಪ್ರಸಾರವನ್ನು ನೀಡಲು ಮುಂದಾಗಿದೆ. ಐಪಿಎಲ್ ಟೂರ್ನಿಯನ್ನು ಮೊಬೈಲ್ ನಲ್ಲಿ ವೀಕ್ಷಿಸುವ ಹೊಸ ಅವಕಾಶವನ್ನು ಮಾಡಿಕೊಡಲಿದೆ.

ದೂರದರ್ಶನದಲ್ಲಿಯೂ IPL:

ಈ ಬಾರಿ ದೂರದರ್ಶನದಲ್ಲಿಯೂ IPL ನೋಡುವ ಅವಕಾಶವನ್ನು ಮಾಡಿಕೊಡಲಾಗಿದೆ. ಖಾಸಗಿ ಚಾನಲ್ ನಲ್ಲಿ ಮಾತ್ರವೇ ಪ್ರಸಾರವಾಗುತ್ತಿದ್ದ IPL ಪಂದ್ಯವನ್ನು ಸರಕಾರಿ ಚಾನಲ್ ನಲ್ಲಿಯೂ ಪ್ರಸಾರವನ್ನು ಮಾಡಲು ಮುಂದಾಗಿದೆ. ದೇಶದ ಅತೀ ದೊಡ್ಡ ವಾಹಿನಿ ದೂರದರ್ಶನದಲ್ಲಿ ಐಪಿಎಲ್ ಸೀಸನ್ 11 ಪಂದ್ಯಗಳು ನೇರ ಪ್ರಸಾರವಾಗಲಿದೆ. ಈ ಸಂಬಂಧ ಸ್ಟಾರ್ ಇಂಡಿಯಾ ಮತ್ತು ದೂರದರ್ಶನ ಒಪ್ಪಂದ ಮಾಡಿಕೊಂಡಿದೆ.

IPLನಲ್ಲಿ DRS ಬಳಕೆ:

T20 ವಿಶ್ವಕಪ್‌ನಲ್ಲಿ ಬಳಕೆ ಮಾಡಿಕೊಳ್ಳಲಿದ್ದ DRS (ಡಿಸಿಷನ್ ರಿವ್ಯೂ ಸಿಸ್ಟಮ್) ಅನ್ನು IPL ನಲ್ಲಿ ಬಳಕೆ ಮಾಡಿಕೊಳ್ಳಲು ಯೋಜನೆಯನ್ನು ಮಾಡಲಾಗಿದೆ. ICC ಮನವಿಗೆ ಇದೇ ಮೊದಲ ಬಾರಿಗೆ BCCI ಒಪ್ಪಿಗೆ ನೀಡಿದೆ. ಪ್ರಸಕ್ತ ವರ್ಷದಿಂದ IPL ನಲ್ಲೂ DRS ಅಳವಡಿಸಲಾಗಿದ್ದು, ಇದು ಪಂದ್ಯದ ರೋಚಕತೆ ಹೆಚ್ಚಿಸಲು ನೆರವಾಗಲಿದೆ.