ಬೆಲೆ ಇಳಿಕೆ ಕಂಡ 'ನೋಕಿಯಾ 6.1' ಸ್ಮಾರ್ಟ್‌ಫೋನ್‌!

ಡಿಸ್‌ಪ್ಲೇ ಮತ್ತು ಡಿಸೈನ್

ಅತ್ಯಾಕರ್ಷಕ ವಿನ್ಯಾಸದಲ್ಲಿ ಮಾರುಕಟ್ಟೆಗೆ ಎಂಟ್ರಿ ನೀಡಿರುವ ನೋಕಿಯಾ 6.1 ಪ್ಲಸ್ ಸ್ಮಾರ್ಟ್‌ಪೋನ್ 1920 x 1080 ಪಿಕ್ಸಲ್ ಸಾಮರ್ಥ್ಯದೊಂದಿಗೆ 5.5 ಇಂಚಿನ ಐಪಿಎಸ್ ಎಲ್‌ಸಿಡಿ ಫುಲ್‌ ಹೆಚ್‌ಡಿ ಡಿಸ್‌ಪ್ಲೇಯನ್ನು ಹೊಂದಿದೆ. ಡಿಸ್‌ಪ್ಲೇ ಅನುಪಾತವು 19: 9 ಆಕಾರ ಇದ್ದು, ಸ್ಕ್ರೀನ್‌ ರಕ್ಷಣೆಗೆ ಗೊರಿಲ್ಲಾ ಗ್ಲಾಸ್‌ 3 ಪಡೆದುಕೊಂಡಿದೆ. ಇದರ ಸುತ್ತಳತೆಯು 148.8 x 75.8 x 8.6mm ಆಗಿದೆ.

ಪ್ರೊಸೆಸರ್ ಮತ್ತು ಮೆಮೊರಿ

ನೋಕಿಯಾ 6.1 ಎರಡು ವೇರಿಯಂಟ್‌ ಆಯ್ಕೆಗಳನ್ನು ಹೊಂದಿದ್ದು, ಅವುಗಳು ಕ್ರಮವಾಗಿ 3GB RAM ಮತ್ತು 32GB ಸ್ಟೋರೇಜ್‌ ಹಾಗೂ 4GB RAM ಮತ್ತು 64GB ಸ್ಟೋರೇಜ್‌ ಸ್ಥಳಾವಕಾಶದ ಸಾಮರ್ಥ್ಯದಲ್ಲಿವೆ. ಕ್ವಾಲ್ಕಂ ಸ್ನ್ಯಾಪ್‌ಡ್ರಾಗನ್ 630 ಎಸ್‌ಒಸಿ ಪ್ರೊಸೆಸರ್ ಇದ್ದು, ಆಂಡ್ರಾಯ್ಡ್ 9 ಪೈ ಬೆಂಬಲ ಪಡೆದಿದೆ. ಎಸ್‌ಡಿ ಕಾರ್ಡ್ ಮೂಲಕ ಬಾಹ್ಯ ಮೆಮೊರಿಯನ್ನು 128GB ವರೆಗೂ ವಿಸ್ತರಿಸುವ ಅವಕಾಶವಿದೆ.

ಕ್ಯಾಮೆರಾ ವಿಶೇಷತೆ

ನೋಕಿಯಾ 6.1 ಸ್ಮಾರ್ಟ್‌ಪೋನ್ ಡ್ಯುಯಲ್ ರಿಯರ್ ಕ್ಯಾಮೆರಾಗಳನ್ನು ಹೊಂದಿದ್ದು, ಪ್ರಾಥಮಿಕ ಕ್ಯಾಮೆರಾವು 16 ಮೆಗಾಪಿಕ್ಸೆಲ್‌ನಲ್ಲಿದ್ದು, ಅಪಾರ್ಚರ್ f/2.0 ಆಗಿದೆ ಮತ್ತು ಡ್ಯುಯಲ್‌ ಟ್ಯೂನ್‌ ಫ್ಲ್ಯಾಶ್‌ ಇದೆ. ಹಾಗೂ ಸೆಕೆಂಡರಿ ಕ್ಯಾಮೆರಾವು 5 ಮೆಗಾಪಿಕ್ಸಲ್‌ನಲ್ಲಿದ್ದು, f/2.2 ಅಪಾರ್ಚರ್‌ ಹೊಂದಿದೆ. ಇನ್ನು ಸೆಲ್ಫಿಗಾಗಿ 8 ಮೆಗಾಪಿಕ್ಸೆಲ್ ಕ್ಯಾಮರಾವನ್ನು ಈ ಸ್ಮಾರ್ಟ್‌ಫೋನ್‌ ಒಳಗೊಂಡಿದೆ.

ಬ್ಯಾಟರಿ ಶಕ್ತಿ

ನೋಕಿಯಾ 6.1 ಸ್ಮಾರ್ಟ್‌ಪೋನ್ 3000 mAh ಸಾಮರ್ಥ್ಯದ ಬ್ಯಾಟರಿ ಶಕ್ತಿಯನ್ನು ಹೊಂದಿದ್ದು, ಇದರೊಂದಿಗೆ ಅತ್ಯುತ್ತಮ ಚಾರ್ಜರ್ ಒದಗಿಸಲಾಗಿದೆ. ಇನ್ನು ಯುಎಸ್‌ಬಿ ಟೈಪ್ ಸಿ ಪೋರ್ಟ್‌ ಮತ್ತು 3.5MM ಹೆಡ್‌ಪೋನ್ ಜಾಕ್ ಅನ್ನು ಸಹ ಈ ಸ್ಮಾರ್ಟ್‌ಫೋನ್‌ ಒಳಗೊಂಡಿದ್ದು, ನೋಕಿಯಾ OZO ಆಡಿಯೊ ಬೆಂಬಲದ ಎರಡು ಮೈಕ್ರೋಫೋನ್ ಸೌಲಭ್ಯವು ಸಹ ಇದೆ.

ಇತರೆ ಫೀಚರ್ಸ್‌ಗಳು

ನೋಕಿಯಾ 6.1 ಸ್ಮಾರ್ಟ್‌ಫೋನ್‌ ಆಂಬಿಯಂಟ್‌ ಲೈಟ್‌ ಸೆನ್ಸಾರ್‌, ಪ್ರೊಕ್ಸಿಮಿಟಿ ಸೆನ್ಸಾರ್‌, ಇ-ಕಂಪಾಸ್‌, ಫಿಂಗರ್‌ಪ್ರಿಂಟ್‌ ಸೆನ್ಸಾರ್‌, ಬ್ಲೂಟೂತ್, ವೈಫೈ ಕನೆಕ್ಟಿವಿಟಿ, ಅಕ್ಸೆಲೆರೊಮೀಟರ್, ಗೈರೊಸ್ಕೋಪ್ ಸೇರಿದಂತೆ ಜಿಪಿಎಸ್‌ ಸೌಲಭ್ಯದ ಆಯ್ಕೆಯನ್ನು ಸಹ ಹೊಂದಿದೆ. ಬ್ಲ್ಯಾಕ್‌ ಮತ್ತು ಕಾಪರ್‌, ವೈಟ್‌ ಮತ್ತು ಐರನ್‌ ಹಾಗೂ ಬ್ಲೂ ಮತ್ತು ಗೋಲ್ಡ್‌ ಬಣ್ಣಗಳ ಆಯ್ಕೆಯನ್ನು ಹೊಂದಿದೆ.