Nokia: ನೋಕಿಯಾದ ಈ ಫೋನ್‌ ಅಗ್ಗದ ಬೆಲೆಗೆ! 13% ರಿಯಾಯಿತಿ.. 64 GB ಸ್ಟೋರೇಜ್ ಆಯ್ಕೆ

ನೋಕಿಯಾದ ಫೋನ್‌ಗಳಿಗೆ (Nokia phone) ಅದರಲ್ಲೂ ಸ್ಮಾರ್ಟ್‌ಫೋನ್‌ಗಳಿಗೆ ಇತ್ತೀಚಿನ ದಿನಗಳಲ್ಲಿ ಭಾರೀ ಬೇಡಿಕೆ ಉಂಟಾಗಿದೆ. ಯಾಕೆಂದರೆ ಈ ಫೋನ್‌ಗಳು ಅಗ್ಗದ ದರದಲ್ಲಿ ಅತ್ಯುತ್ತಮವಾದ ಫೀಚರ್ಸ್‌ ಆಯ್ಕೆ ಪಡೆದಿದ್ದು, ದಿನನಿತ್ಯದ ಸಾಮಾನ್ಯ ಬಳಕೆಗೆ ಈ ಫೋನ್‌ಗಳು ಯೋಗ್ಯವಾಗಿವೆ. ಈ ನಡುವೆ ಬಜೆಟ್‌ ಬೆಲೆಯ ಫೋನ್‌ಗೆ ಮತ್ತೇ ರಿಯಾಯಿತಿ ನೀಡಲಾಗಿದೆ.

ಹೌದು, ನೋಕಿಯಾ C22 ಸ್ಮಾರ್ಟ್‌ಫೋನ್‌ (Nokia C22 smartphone) ಅನ್ನು ಈಗ ಇನ್ನೂ ಕಡಿಮೆ ದರದಲ್ಲಿ ಖರೀದಿ ಮಾಡಬಹುದಾಗಿದೆ. ಈ ಸ್ಮಾರ್ಟ್‌ಫೋನ್ ಸಾಮಾನ್ಯ ಬಳಕೆದಾರರಿಗೆ ಯೋಗ್ಯವಾದ ಫೋನ್ ಆಗಿದೆ. ಅಂದರೆ 64 GB ಸ್ಟೋರೇಜ್ ಆಯ್ಕೆ ಪಡೆದಿದ್ದು, 13 ಮೆಗಾಪಿಕ್ಸೆಲ್‌ ಮುಖ್ಯ ಕ್ಯಾಮೆರಾ ಆಯ್ಕೆಯೊಂದಿಗೆ ಕಾಣಿಸಿಕೊಂಡಿದೆ. ಹಾಗಿದ್ರೆ, ಈ ಫೋನ್‌ಗೆ ಇರುವ ಆಫರ್ ವಿವರ ಹಾಗೂ ಫೀಚರ್ಸ್ ಏನು ಅನ್ನೋದನ್ನು ಈ ಲೇಖನದಲ್ಲಿ ತಿಳಿಸಿಕೊಡಲಾಗಿದೆ ಓದಿರಿ.

ನೋಕಿಯಾ C22 ಆಫರ್ ವಿವರ: ಈ ಫೋನ್ ಆನ್‌ಲೈನ್‌ನಲ್ಲಿ 8,999 ರೂ.ಗಳ ಬೆಲೆಗೆ ಕಾಣಿಕೊಂಡಿದೆ. ಆದರೆ ನೀವು ಈಗ ಈ ಫೋನ್‌ ಅನ್ನು 7,799 ರೂ.ಗಳಿಗೆ ಖರೀದಿ ಮಾಡಬಹುದಾಗಿದೆ. ಯಾಕೆಂದರೆ ಪ್ರಮುಖ ಇ-ಕಾಮರ್ಸ್‌ ಸೈಟ್‌ ಆಗಿರುವ ಫ್ಲಿಪ್‌ಕಾರ್ಟ್‌ನಲ್ಲಿ (Flipkart) ಇದಕ್ಕೆ 13% ರಷ್ಟು ರಿಯಾಯಿತಿ ನೀಡಲಾಗಿದೆ. ಅದಾಗ್ಯೂ ಇನ್ನೂ ಕಡಿಮೆ ಬೆಲೆಗೆ ಈ ಫೋನ್ ಬೇಕು ಎಂದರೆ ಬ್ಯಾಂಕ್‌ ಆಫರ್ ಬಳಕೆ ಮಾಡಿಕೊಳ್ಳಬಹುದು.

ಈ ಫೋನ್ ಖರೀದಿ ಸಮಯದಲ್ಲಿ ನೀವು ಫ್ಲಿಪ್‌ಕಾರ್ಟ್‌ ಆಕ್ಸಿಸ್‌ ಬ್ಯಾಂಕ್‌ ಕಾರ್ಡ್ (Flipkart Axis Bank Card) ಬಳಕೆ ಮಾಡಿಕೊಂಡು ಖರೀದಿ ಮಾಡಿದ್ರೆ 5% ಕ್ಯಾಶ್‌ಬ್ಯಾಕ್ ಹಾಗೂ ವಿಶೇಷ ಬೆಲೆ ಹೆಚ್ಚುವರಿ 1200 ರೂ.ಗಳ ರಿಯಾಯಿತಿಯೊಂದಿಗೆ 275 ರೂ.ಗಳಿಂದ ಆರಂಭ ಆಗುವ ಇಎಮ್‌ಐ ಸೌಲಭ್ಯದ ಮೂಲಕ ಈ ಫೋನ್‌ ಅನ್ನು ಖರೀದಿ ಮಾಡಬಹುದಾಗಿದೆ. ಈ ಮೂಲಕ ಅಗ್ಗದ ದರದಲ್ಲಿ ಅತ್ಯುತ್ತಮ ಫೋನ್‌ ಅನ್ನು ನಿಮ್ಮದಾಗಿಸಿಕೊಳ್ಳಬಹುದಾಗಿದೆ.

ನೋಕಿಯಾ C22 ಡಿಸ್‌ಪ್ಲೇ ವಿವರ: ಈ ಸ್ಮಾರ್ಟ್‌ಫೋನ್ ಅನ್ನು ಕಡಿಮೆ ಬೆಲೆಯಲ್ಲಿ ಖರೀದಿ ಮಾಡುವ ಮುನ್ನ ಇದರ ಪ್ರಮುಖ ಫೀಚರ್ಸ್‌ ಕಡೆ ಕಣ್ಣಾಯಿಸಿ. ಅದರಂತೆ ಈ ಫೋನ್ 6.5-ಇಂಚಿನ ಐಪಿಎಸ್‌ ಎಲ್‌ಸಿಡಿ ಡಿಸ್‌ಪ್ಲೇ ಆಯ್ಕೆ ಪಡೆದಿದ್ದು, ಆಕರ್ಷಕ ಮತ್ತು ಸೊಗಸಾದ ನೋಟವನ್ನು ನೀಡುತ್ತದೆ. ಹಾಗೆಯೇ ಈ ಡಿಸ್‌ಪ್ಲೇ 20:9 ರ ಆಕಾರ ಅನುಪಾತ ಮತ್ತು 720 x 1600 ಪಿಕ್ಸೆಲ್‌ ಸ್ಕ್ರೀನ್‌ ರೆಸಲ್ಯೂಶನ್‌ನೊಂದಿಗೆ ಅತ್ಯುತ್ತಮ ಡಿಸ್‌ಪ್ಲೇ ಅನುಭವ ಸಿಗಲಿದೆ.

ನೋಕಿಯಾ C22 ಪ್ರೊಸೆಸರ್‌ ಮಾಹಿತಿ: ಈ ಸ್ಮಾರ್ಟ್‌ಫೋನ್ ಅಕ್ಟಾಕೋರ್‌ ಯೂನಿಸೋಕ್ SC9863A ಸಿಪಿಯು ಬಲ ಪಡೆದಿದ್ದು, ಇದು 1.6 GHz ಗಡಿಯಾರದ ವೇಗವನ್ನು ಹೊಂದಿದೆ. ಇದರೊಂದಿಗೆ ಈ ಸ್ಮಾರ್ಟ್‌ಫೋನ್ 5000mAh ಸಾಮರ್ಥ್ಯದ ಬ್ಯಾಟರಿ ಆಯ್ಕೆ ಪಡೆದಿದ್ದು, ಇದು ಒಂದೇ ಚಾರ್ಜ್‌ನಲ್ಲಿ ಎರಡು ದಿನಗಳವರೆಗೆ ಬ್ಯಾಕಪ್‌ ನೀಡುತ್ತದೆ ಎಂದು ಕಂಪೆನಿ ಹೇಳಿಕೊಂಡಿದೆ.

ನೋಕಿಯಾ C22 ಕ್ಯಾಮೆರಾ ರಚನೆ: ಈ ಸ್ಮಾರ್ಟ್‌ಫೋನ್‌ ಡ್ಯುಯಲ್‌ ರಿಯರ್‌ ಕ್ಯಾಮೆರಾ ಆಯ್ಕೆ ಪಡೆದಿದ್ದು, ಅದರಲ್ಲಿ ಕ್ಲೋಸ್ ಅಪ್ ಫೋಟೋಗಳನ್ನು ತೆಗೆದುಕೊಳ್ಳಲು 2 ಮೆಗಾಪಿಕ್ಸೆಲ್‌ ಮ್ಯಾಕ್ರೋ ಕ್ಯಾಮೆರಾ ಮತ್ತು ವಿಶಾಲವಾದ ಶಾಟ್‌ಗಳನ್ನು ತೆಗೆಯಲು 13 ಮೆಗಾಪಿಕ್ಸೆಲ್‌ಮುಖ್ಯ ಕ್ಯಾಮೆರಾದ ಆಯ್ಕೆ ನೀಡಲಾಗಿದೆ. ಈ ಕ್ಯಾಮರಾ ಹೆಚ್‌ಡಿಆರ್‌ ಫೀಚರ್ಸ್‌ ಮತ್ತು ಎಲ್ಇಡಿ ಫ್ಲ್ಯಾಶ್‌ ಲೈಟ್‌ ಆಯ್ಕೆ ಪಡೆದಿದೆ. ಉಳಿದಂತೆ ಸೆಲ್ಫಿ ಹಾಗೂ ವಿಡಿಯೋ ಕರೆಗಳಿಗಾಗಿ 8 ಮೆಗಾಪಿಕ್ಸೆಲ್‌ ಕ್ಯಾಮೆರಾ ಆಯ್ಕೆ ನೀಡಲಾಗಿದೆ.

ಈ ಸ್ಮಾರ್ಟ್‌ಫೋನ್‌ ಈ ಬೆಲೆಗೆ ತಕ್ಕ ಫೀಚರ್ಸ್‌ ಆಯ್ಕೆ ಪಡೆದುಕೊಂಡಿದೆ ಎಂದು ಈ ಮೂಲಕ ಹೇಳಬಹುದಾಗಿದೆ. ಅದರಲ್ಲೂ ಬ್ಯಾಟರಿ ವಿಚಾರಕ್ಕೆ ಬಂದರೆ ಈ ಫೋನ್‌ ಅತ್ಯುತ್ತಮ ಬ್ಯಾಕಪ್‌ ನೀಡಲಿದ್ದು, ಹಳ್ಳಿಗಾಡಿನ ಹಾಗೂ ವಿದ್ಯುತ್‌ ಸಮಸ್ಯೆ ಇರುವ ಪ್ರದೇಶಗಳಲ್ಲಿ ಈ ಫೋನ್‌ ಅನ್ನು ಉತ್ತಮವಾಗಿ ಬಳಕೆ ಮಾಡಬಹುದಾಗಿದೆ. ಅದರಲ್ಲೂ ನಿತ್ಯವೂ ಸಾಮಾನ್ಯ ಬಳಕೆಗೆ ಈ ಫೋನ್ ಇತರೆ ಫೋನ್‌ಗಳಿಗಿಂತ ಯೋಗ್ಯವಾಗಿದೆ.