ನಥಿಂಗ್‌ ಫೋನ್ (2a) ವಿಶೇಷ ಆವೃತ್ತಿ ಘೋ‍ಷಣೆ! ಜೂನ್ 5 ರಿಂದ ಲಭ್ಯ... ಬೆಲೆ ಎಷ್ಟು?

ನಥಿಂಗ್ ಫೋನ್‌ಗಳಿಗೆ ವಿಶೇಷ ಬೇಡಿಕೆ ಇದ್ದು, ಲಂಡನ್ ಮೂಲದ ಟೆಕ್ ಕಂಪನಿ ನಥಿಂಗ್ (Nothing) ತನ್ನ ಇತ್ತೀಚಿನ ಉತ್ಪನ್ನವಾದ ಫೋನ್ (2a) (Nothing Phone 2a) ವಿಶೇಷ ಆವೃತ್ತಿಯನ್ನು ಅನಾವರಣಗೊಳಿಸಿದೆ. ಈ ಹೊಸ ಫೋನ್‌ನ ಪ್ರಾಥಮಿಕ ಬಣ್ಣಗಳ ಎದ್ದುಕಾಣುವ ಮಿಶ್ರಣವನ್ನು ಪ್ರದರ್ಶಿಸುತ್ತದೆ. ಒಂದೇ ಉತ್ಪನ್ನದಲ್ಲಿ ಮೊದಲ ಬಾರಿಗೆ ಅದರ ವಿನ್ಯಾಸದಲ್ಲಿ ಕೆಂಪು, ಹಳದಿ ಮತ್ತು ನೀಲಿ ಬಣ್ಣವನ್ನು ಕಾಣಬಹುದಾಗಿದೆ. ಇನ್ನು ಲಂಡನ್‌ನ ಕಿಂಗ್ಸ್ ಕ್ರಾಸ್‌ನಲ್ಲಿರುವ ನಥಿಂಗ್ ಇಂಡಸ್ಟ್ರಿಯಲ್ ಡಿಸೈನ್ ತಂಡದಿಂದ ರಚಿಸಲಾದ ವಿನ್ಯಾಸವು ಬ್ರ್ಯಾಂಡ್‌ನ ಪಾರದರ್ಶಕತೆ ಮತ್ತು ಸರಳತೆ, ಪ್ರಮುಖ ಮೌಲ್ಯಗಳನ್ನು ಒತ್ತಿಹೇಳುತ್ತದೆ.

ಹೌದು, ನಥಿಂಗ್‌ನ ವಿನ್ಯಾಸ ನಿರ್ದೇಶಕ ಆಡಮ್ ಬೇಟ್ಸ್, ಫೋನ್ (2a) ವಿಶೇಷ ಆವೃತ್ತಿಯು ಸ್ಮಾರ್ಟ್‌ಫೋನ್‌ಗಳಿಗೆ ತಾಜಾ ಸೌಂದರ್ಯವನ್ನು ರಚಿಸುವಾಗ ಸಾಂಪ್ರದಾಯಿಕ ವಿನ್ಯಾಸದ ವ್ಯಕ್ತಿಗಳಿಂದ ಸ್ಫೂರ್ತಿ ಪಡೆಯುತ್ತದೆ ಎಂದು ಮಾಹಿತಿ ನೀಡಿದ್ದಾರೆ.ಜೊತೆಗೆ ಈ ಫೋನ್ (2a) ವಿಶೇಷ ಆವೃತ್ತಿಯನ್ನು ಅನಾವರಣಗೊಳಿಸಲು ನಾವು ತುಂಬಾ ಸಂತೋಷಪಡುತ್ತೇವೆ. ನಮ್ಮ ಪ್ರಾಥಮಿಕ ಬಣ್ಣಗಳ ಪ್ಯಾಲೆಟ್ ಅನ್ನು ಅನ್ವೇಷಿಸುವ ಮೊದಲ ಉತ್ಪನ್ನವಾಗಿದೆ ಎಂದು ವಿವರಿಸಿದ್ದಾರೆ. ಹಾಗಿದ್ರೆ, ಈ ಫೋನ್‌ನ ಬೆಲೆ ಎಷ್ಟು?, ಇದು ಏನೆಲ್ಲಾ ಫೀಚರ್ಸ್‌ ಪಡೆದಿದೆ ಎಂಬ ಮಾಹಿತಿಯನ್ನು ಈ ಲೇಖನದಲ್ಲಿ ತಿಳಿಸಿಕೊಡಲಾಗಿದೆ ಓದಿರಿ.

ನಥಿಂಗ್ ಫೋನ್ (2a) : ಈ ವಿಶೇಷ ಆವೃತ್ತಿಯು ಪ್ರಬಲವಾದ ಮೀಡಿಯಾ ಟೆಕ್ ಡೈಮೆನ್ಸಿಟಿ 7200 ಪ್ರೊ ಪ್ರೊಸೆಸರ್ ಬಲ ಪಡೆದಿದ್ದು, ನಥಿಂಗ್ ಓಎಸ್ ಮತ್ತು 5,000 mAh ಸಾಮರ್ಥ್ಯದ ಬ್ಯಾಟರಿಯನ್ನು ಹೊಂದಿದೆ. ಜೊತೆಗೆ ಈ ಫೋನ್ 6.7 ಇಂಚಿನ ಅಮೋಲೆಡ್ ಡಿಸ್‌ಪ್ಲೇ ಮತ್ತು ಡ್ಯುಯಲ್ 50 ಮೆಗಾಪಿಕ್ಸೆಲ್‌ ಕ್ಯಾಮೆರಾ ರಚನೆ ಪಡೆದಿದ್ದು, ಹೆಚ್ಚುವರಿಯಾಗಿ, ಇದು ಗ್ಲಿಫ್ ಇಂಟರ್ಫೇಸ್ ಸೇರಿದಂತೆ ನಥಿಂಗ್‌ನ ವಿಶಿಷ್ಟ ವಿನ್ಯಾಸದ ಅಂಶಗಳನ್ನು ಉಳಿಸಿಕೊಂಡಿದೆ.

ಈ ಫೋನ್ (2a) ನಥಿಂಗ್ ಸಾಫ್ಟ್‌ವೇರ್ ತಂಡದಿಂದ ಗಮನಾರ್ಹವಾದ ನವೀಕರಣಗಳನ್ನು ಪಡೆದುಕೊಂಡಿದೆ. ಕ್ಯಾಮರಾ ಕಾರ್ಯಕ್ಷಮತೆ ಮತ್ತು ಒಟ್ಟಾರೆ ಬಳಕೆದಾರರ ಅನುಭವವನ್ನು ಹೆಚ್ಚಿಸುತ್ತದೆ. ಅಲ್ಲದೆ ನಥಿಂಗ್ ಆಡಿಯೊ ಉತ್ಪನ್ನಗಳ ಮೂಲಕ ನಥಿಂಗ್ ಅಥವಾ ಸಿಎಮ್‌ಎಫ್‌ ನೊಂದಿಗೆ ಜೋಡಿಸಿದಾಗ ಉದ್ಯಮದ ಮೊದಲ ಚಾಟ್‌ಜಿಪಿಟಿ ಏಕೀಕರಣವನ್ನು ಒಳಗೊಂಡಿರುತ್ತದೆ. ಬಳಕೆದಾರರು ತಮ್ಮ ಹೋಮ್ ಸ್ಕ್ರೀನ್‌ನಿಂದ ನೇರವಾಗಿ ಹೊಸ ಚಾಟ್‌ಜಿಪಿಟಿ ವಿಜೆಟ್‌ಗಳನ್ನು ಪ್ರವೇಶಿಸಬಹುದು ಮತ್ತು ಆಂಡ್ರಾಯ್ಡ್‌ 15 ಡೆವಲಪರ್ ಪೂರ್ವವೀಕ್ಷಣೆಯನ್ನು ಅನ್ವೇಷಿಸಬಹುದಾಗಿದೆ.

ನಥಿಂಗ್‌ಫೋನ್ (2a) ಬೆಲೆ ಹಾಗೂ ಲಭ್ಯತೆ: ನಥಿಂಗ್ ಫೋನ್ (2a) ವಿಶೇಷ ಆವೃತ್ತಿಯು 12GB RAM + 256GB ಸ್ಟೋರೇಜ್ ಕಾನ್ಫಿಗರೇಶನ್‌ನಲ್ಲಿ ಲಭ್ಯ ಇದ್ದು, ಇದಕ್ಕೆ 27,999 ರೂ.ಗಳ ಬೆಲೆ ನಿಗದಿ ಮಾಡಲಾಗಿದೆ. ಆದರೆ ನೀವು ಕೆಲವು ಕಾರ್ಡ್‌ಗಳನ್ನು ಬಳಕೆ ಮಾಡುವ ಮೂಲಕ 1,000 ರೂ.ಗಳ ತ್ವರಿತ ರಿಯಾಯಿತಿಯೊಂದಿಗೆ ಈ ಹೊಸ ಫೋನ್‌ ಅನ್ನು ಖರೀದಿ ಮಾಡಬಹುದಾಗಿದೆ. ಈ ಫೋನ್ ಜೂನ್ 5 ರಿಂದ ಫ್ಲಿಪ್‌ಕಾರ್ಟ್‌ನಲ್ಲಿ ಸೀಮಿತ ಪ್ರಮಾಣದಲ್ಲಿ ಲಭ್ಯವಿರುತ್ತದೆ ಅನ್ನೋದು ನಿಮ್ಮ ಗಮನಕ್ಕೆ ಇರಲಿ.

ನಥಿಂಗ್ ಫೋನ್ 3 ವಿನ್ಯಾಸ ಲೀಕ್‌: ಐಫೋನ್ 16 ವದಂತಿಗಳು ಹೆಚ್ಚು ಸದ್ದು ಮಾಡುತ್ತಿರುವಾಗಲೇ ನಥಿಂಗ್ ಫೋನ್ 3 (Nothing phone 3) ಫೋನ್‌ ಬಗ್ಗೆಯೂ ಕೆಲವು ಮಾಹಿತಿ ಲೀಕ್‌ ಆಗುತ್ತಿವೆ. X ನಲ್ಲಿನ ಪೋಸ್ಟ್‌ನಲ್ಲಿ, ಕಾರ್ಲ್ ಪೀ ಅವರು ಈ ಫೋನ್‌ ಬಗ್ಗೆ ಹಿಂಟ್‌ ನೀಡಿದ್ದಾರೆ. ಈ ಮೂಲಕ ಮುಂಬರುವ ಫೋನ್‌ನ ವಿನ್ಯಾಸವನ್ನು ಅವರು ಆಕಸ್ಮಿಕವಾಗಿ ಸೋರಿಕೆ ಮಾಡಿರಬಹುದು ಎಂದು ತೋರುತ್ತದೆ.

ಪೀ ಅವರ ಪೋಸ್ಟ್‌ನಲ್ಲಿ ತೋರಿಸಿರುವ ಫೋನ್ ತ್ವರಿತವಾಗಿ ಬ್ರ್ಯಾಂಡ್‌ನ ಅಭಿಮಾನಿಗಳ ಗಮನ ಸೆಳೆದಿದೆ. ಏಕೆಂದರೆ ಇದು ಪ್ರಸ್ತುತ ನಥಿಂಗ್ ಫೋನ್ 2 ಗೆ ವಿಭಿನ್ನ ವಿನ್ಯಾಸವನ್ನು ಹೊಂದಿದೆ. ಅದಾಗ್ಯೂ ಇದು ನಥಿಂಗ್ ಫೋನ್ 3 ಎಂದು ಊಹಾಪೋಹಗಳಿದ್ದು, ಈ ಡಿವೈಸ್‌ನ ಬಲಭಾಗದಲ್ಲಿರುವ ಬಟನ್ ಆಯ್ಕೆ ನೀಡಲಾಗಿದೆ. ಇದು ಕಳೆದ ವರ್ಷದ ಐಫೋನ್ 15 ಪ್ರೊ ನಲ್ಲಿ ಆಕ್ಷನ್ ಬಟನ್‌ನ ಪರಿಚಯವನ್ನು ನೆನಪಿಸುತ್ತದೆ.