ಭಾರತದಲ್ಲಿ ಬಿಡುಗಡೆಗೆ ಸಜ್ಜಾದ 'ರೆಡ್‌ ಮ್ಯಾಜಿಕ್‌ 3' ಗೇಮಿಂಗ್‌ ಫೋನ್‌!

ವಿನ್ಯಾಸ

ನುಬಿಯಾ 'ರೆಡ್ ಮ್ಯಾಜಿಕ್ 3' ಗೇಮಿಂಗ್ ಸ್ಮಾರ್ಟ್‌ಫೋನ್ ಇನ್ನೂವೇಟಿವ್‌ ಬಾಹ್ಯ ಡಿಸೈನ್‌ ರಚನೆ ಆಕರ್ಷಕವಾಗಿದ್ದು, ಹಿಂಬದಿಯಲ್ಲಿ ಸಿಂಗಲ್‌ ಕ್ಯಾಮೆರಾ ಸೆಟ್‌ಅಪ್‌ ಅನ್ನು ಹೊಂದಿದೆ. ಕ್ಯಾಮೆರಾದೊಂದಿಗೆ ಫ್ಲ್ಯಾಶ್‌ ಲೈಟ್‌ ಸಹ ನೀಡಲಾಗಿದೆ. ಉಳಿದಂತೆ ಬಹುತೇಕ ಹಿಂಬದಿಯ ಡಿಸೈನ್‌ ಕಂಪನಿಯ ರೆಡ್‌ ಮಾರ್ಸ್‌ ಮ್ಯಾಜಿಕ್‌ ಫೋನಿನಂತೆ ಕಾಣಲಿದೆ.

ಡಿಸ್‌ಪ್ಲೇ

ಈ ಗೇಮಿಂಗ್‌ ಫೋನ್‌ 1080x2340 ಪಿಕ್ಸಲ್ ರೆಸಲ್ಯೂಶನ್ ಪಿಕ್ಸಲ್ ಸಾಮರ್ಥ್ಯದೊಂದಿಗೆ 6.65 ಇಂಚಿನ ಫುಲ್ ಹೆಚ್‌ಡಿ ಪ್ಲಸ್‌ HDR AMOLED ಡಿಸ್‌ಪ್ಲೇಯನ್ನು ಹೊಂದಿದ್ದು, ಡಿಸ್‌ಪ್ಲೇಯ ಪ್ರತಿ ಇಂಚಿನ ಪಿಕ್ಸಲ್ ಸಾಮರ್ಥ್ಯವು 388PPI ಆಗಿದ್ದು, ಡಿಸ್‌ಪ್ಲೇಯ ಅನುಪಾತವು 19.5:9 ಆಗಿದೆ. ವಿಶಾಲ ಡಿಸ್‌ಪ್ಲೇಯು ಗೇಮಿಂಗ್ ಆಡಲು ರೋಮಾಂಚಕಾರಿ ಅನುಭವ ನೀಡಲಿದೆ.

ಪ್ರೊಸೆಸರ್

ಅಧಿಕ ಡೇಟಾದ ಗೇಮ್ಸ್‌ಗಳು ಅತ್ಯುತ್ತಮ RAM ಸಾಮರ್ಥ್ಯ ಬೇಡುತ್ತವೆ. ಅದಕ್ಕಾಗಿ ಸ್ನ್ಯಾಪ್‌ಡ್ರಾಗನ್ 855 SoC ಸಾಮರ್ಥ್ಯದ ಪ್ರೊಸೆಸರ್ ಅನ್ನು ಒದಗಿಸಲಾಗಿದೆ. ಮೂರು ವೇರಿಯಂಟ್‌ ಮಾದರಿಯ ಆಯ್ಕೆಗಳನ್ನು ಹೊಂದಿದ್ದು, ಅದರಲ್ಲಿ ಹೈ ಎಂಡ್‌ ವೇರಿಯಂಟ್‌ ಫೋನ್‌ 12GB RAM ಮತ್ತು 256GB ಆಂತರಿಕ ಸಂಗ್ರಹ ಸಾಮರ್ಥ್ಯವನ್ನು ಹೊಂದಿದೆ.

ಕ್ಯಾಮೆರಾ

ಈ ಗೇಮಿಂಗ್ ಸ್ಮಾರ್ಟ್‌ಫೋನಿನ ಹಿಂಬದಿಯಲ್ಲಿ 48 ಮೆಗಾಪಿಕ್ಸಲ್ ಸಾಮರ್ಥ್ಯದ ಕ್ಯಾಮೆರಾ ಇದ್ದು, ಅಪರ್ಚರ್‌ f/1.7 ಆಗಿದೆ. ಮುಂಬದಿಯಲ್ಲಿ ಸೆಲ್ಫಿಗಾಗಿ 16 ಮೆಗಾಪಿಕ್ಸಲ್ ಸಾಮರ್ಥ್ಯದ ಕ್ಯಾಮೆರಾ ಒದಗಿಸಲಾಗಿದ್ದು, ಎಲ್‌ಇಡಿ ಫ್ಲ್ಯಾಶ್‌ ಲೈಟ್‌ ಸಹ ನೀಡಲಾಗಲಿದೆ. ಗೇಮಿಂಗ್‌ ಫೋನ್‌ ಆದರೂ ಅತ್ಯುತ್ತಮ ಕ್ಯಾಮೆರಾ ಒದಗಿಸಲಾಗಿದೆ.

ಬ್ಯಾಟರಿ

ನುಮಿಯಾದ ಈ ಗೇಮಿಂಗ್‌ ಫೋನ್‌ ಬ್ಯಾಟರಿ ಲೈಫ್ 5,000mAh ಸಾಮರ್ಥ್ಯದಲ್ಲಿದ್ದು, ಚಾರ್ಜರ್‌ 30W ಶಕ್ತಿ ಚಾರ್ಜಿಂಗ್‌ ಸೌಲಭ್ಯವನ್ನು ಪಡೆದಿದೆ. ಹೀಗಾಗಿ ಬಹುಬೇಗನೆ ಸ್ಮಾರ್ಟ್‌ಫೋನ್‌ ಚಾರ್ಜ್‌ ಪಡೆದುಕೊಳ್ಳುತ್ತದೆ. ಕೇವಲ 10 ನಿಮಿಷ ಫೋನ್‌ ಚಾರ್ಜ್‌ ಮಾಡಿದರೇ, ಗೇಮ್‌ ಆಡಲು ಸುಮಾರು ಒಂದು ಗಂಟೆ ಬ್ಯಾಟರಿ ಬೆಂಬಲ ಒದಗಿಸಲಿದೆ.

ಬೆಲೆ ಮತ್ತು ಲಭ್ಯತೆ

ಇದೇ ಜೂನ್‌ ತಿಂಗಳಲ್ಲಿ ಭಾರತೀಯ ಮಾರುಕಟ್ಟೆಗೆ ಬಿಡುಗಡೆ ಆಗಲಿದೆ. ಒಟ್ಟು ಮೂರು ವೇರಿಯಂಟ್‌ ಆಯ್ಕೆಗಳನ್ನು ಹೊಂದಿದ್ದು, 6GB + 128GB ವೇರಿಯಂಟ್‌ ಬೆಲೆಯು 33,200ರೂ.ಗಳು, 8GB + 128GB ವೇರಿಯಂಟ್‌ ಬೆಲೆಯು 36,300ರೂ ಮತ್ತು 12GB + 256GB ವೇರಿಯಂಟ್‌ ಬೆಲೆಯು 44,600ರೂ.ಗಳು ಆಗಿರಲಿದೆ ಎಂದು ನಿರೀಕ್ಷಿಸಲಾಗಿದೆ.