ಓಲಾ ಇ-ಸ್ಕೂಟರ್‌ ಮೈಲೇಜ್‌ ಎಷ್ಟು?..ಫಾಸ್ಟ್‌ ಚಾರ್ಜಿಂಗ್ ಇರಲಿದೆಯಾ?

ಹೌದು, ಓಲಾ ಕಂಪನಿ ಇದೇ ಆಗಸ್ಟ್ 15 ರಂದು ಇ-ಸ್ಕೂಟರ್ ಲಾಂಚ್ ಮಾಡುವುದಾಗಿ ತಿಳಿಸಿದೆ. ಈಗಾಗಲೇ ಒಂದು ಲಕ್ಷಕ್ಕೂ ಅಧಿಕ ಜನರು ಮುಂಗಡ ಬುಕಿಂಗ್ ಮಾಡಿದ್ದಾರೆ ಎಂದು ಕಂಪನಿ ಹೇಳಿದೆ. ಈಗಾಗಲೇ ಹಲವು ಎಲೆಕ್ಟ್ರಾನಿಕ್ ಬೈಕ್‌ಗಳು ಮಾರುಕಟ್ಟೆಯಲ್ಲಿ ಇವೆ. ಅದಾಗ್ಯೂ ಓಲಾ ಕಂಪನಿ ಹೊಸ ಇ-ಸ್ಕೂಟರ್ ಬೈಕ್ ಪ್ರಿಯರ ಗಮನ ಸೆಳೆದಿರುವುದಂತು ಸುಳ್ಳಲ್ಲ. ಹಾಗೆಯೇ ಬೆಲೆ ಎಷ್ಟು?..ಮೈಲೇಜ್‌ ಎಷ್ಟಿರಲಿದೆ? ಎನ್ನುವ ಕೆಲವು ಪ್ರಶ್ನೆಗಳು ಗ್ರಾಹಕರನ್ನು ಮೂಡಿವೆ. ಕಂಪನಿಯು ಇತ್ತೀಚಿಗಷ್ಟೆ ಸೋಶಿಯಲ್ ಮೀಡಿಯಾಗಳಲ್ಲಿ 17 ಸೆಕೆಂಡುಗಳ ವಿಡಿಯೋ ಶೇರ್ ಮಾಡಿದ್ದು, ಜನರಲ್ಲಿ ಮತ್ತಷ್ಟು ಕುತೂಹಲ ಮೂಡಿಸಿದೆ. ಓಲಾ ಇ-ಸ್ಕೂಟರ್ ಬಗ್ಗೆ ಕೆಲವು ಸಂಗತಿಗಳನ್ನು ಮುಂದೆ ತಿಳಿಯೋಣ ಬನ್ನಿರಿ.

499ರೂ.ಗೆ ಬುಕಿಂಗ್

ಓಲಾ ಕಂಪನಿಯು 499 ರೂ.ಗೆ ಮುಂಗಡ-ಬುಕಿಂಗ್ ಅನ್ನು ಜುಲೈ 15 ರಿಂದ ಪ್ರಾರಂಭಿಸಿತು. ಬುಕಿಂಗ್ ಮೊತ್ತವು ಅದನ್ನು ರೀಫಂಡ್ ಎಬಲ್ ಕೂಡ ಆಗಿದೆ. ಬುಕ್ಕಿಂಗ್‌ನ ಮೊದಲ 24 ಗಂಟೆಗಳಲ್ಲಿ ಕಂಪನಿಯು 1 ಲಕ್ಷಕ್ಕೂ ಹೆಚ್ಚು ಬುಕಿಂಗ್‌ಗಳನ್ನು ಪಡೆದುಕೊಂಡಿದೆ.

ಓಲಾ ಇ-ಸ್ಕೂಟರ್ ಬಣ್ಣದ ಆಯ್ಕೆಗಳು:

ಓಲಾ ಇ-ಸ್ಕೂಟರ್ ಹಲವು ಕಾರಣಗಳಿಂದಾಗಿ ಜನರನ್ನು ಆಕರ್ಷಿಸಿದೆ. ಆ ಪೈಕಿ ಬೈಕ್ ಕಲರ್‌ ಆಯ್ಕೆಯು ಒಂದಾಗಿದೆ. ಓಲಾದ ಇ-ಸ್ಕೂಟರ್ ಒಟ್ಟು 10 ನವೀನ ಬಣ್ಣದ ಆಯ್ಕೆಗಳನ್ನು ಒಳಗೊಂಡಿರಲಿದೆ ಎಂದು ಹೇಳಲಾಗಿದೆ. ಕಲರ್‌ಗಳ ಪಟ್ಟಿಯಲ್ಲಿ ಕಪ್ಪು, ಬಿಳಿ, ಬೂದು, ಹಳದಿ, ಕೆಂಪು, ನೀಲಿ ಸಹ ಸೇರಿವೆ. ಮ್ಯಾಟ್‌ ಕೋಟಿಂಗ್ ಬಣ್ಣದ ಆಯ್ಕೆಯು ಸಿಗಲಿದೆ ಎನ್ನಲಾಗಿದೆ.

ಓಲಾ ಇ-ಸ್ಕೂಟರ್‌ ಮೈಲೇಜ್‌ ಎಷ್ಟು?

ಓಲಾ ಕಂಪನಿಯ ಹೊಸ ಇ-ಸ್ಕೂಟರ್ ಚಾರ್ಜಿಂಗ್ ಬೈಕ್ ಆಗಿದೆ. ಒಂದು ಪೂರ್ಣ ಚಾರ್ಜ್‌ನಲ್ಲಿ 150 ಕಿಮೀ ವರೆಗೆ ಸುಲಭವಾಗಿ ಚಲಿಸಬಲ್ಲದು ಎಂದು ಹೇಳಲಾಗಿದೆ. ಇನ್ನು ಈ ಬೈಕ್‌ನ ಗರಿಷ್ಠ ವೇಗ ಗಂಟೆಗೆ 90 ಕಿಮೀ ಆಗಿರಲಿದೆ ಎಂದು ಹೇಳಲಾಗಿದೆ.

ಓಲಾ ಇ-ಸ್ಕೂಟರ್‌ನ ಇತರೆ ಫೀಚರ್ಸ್‌:

* ಓಲಾ ಇ-ಸ್ಕೂಟರ್‌ನ ಆಕರ್ಷಕ ಫೀಚರ್‌ ಎಂದರೇ ಇದನ್ನು ಹೋಮ್ ಚಾರ್ಜರ್‌ನೊಂದಿಗೆ ಬಿಡುಗಡೆ ಮಾಡಲಾಗುತ್ತಿದೆ. ಅಂದರೆ ಮನೆಯಲ್ಲಿ ಅಳವಡಿಸಲಾಗಿರುವ ಸಾಮಾನ್ಯ ಸಾಕೆಟ್ ನಿಂದ ಸ್ಕೂಟರ್ ಅನ್ನು ಚಾರ್ಜ್ ಮಾಡಬಹುದು.
* ಓಲಾ ಇ-ಸ್ಕೂಟರ್ ಗರಿಷ್ಠ ವೇಗ ಗಂಟೆಗೆ 90 ಕಿಮೀ ಆಗಿರುತ್ತದೆ.
* ಓಲಾ ಇ-ಸ್ಕೂಟರ್ ಅನ್ನು 18 ನಿಮಿಷಗಳಲ್ಲಿ 50% ವರೆಗೆ ಚಾರ್ಜ್ ಮಾಡಬಹುದು. ಅದಕ್ಕಾಗಿ ಇದು ವೇಗದ ಚಾರ್ಜಿಂಗ್ ಬೆಂಬಲದೊಂದಿಗೆ ಬರುತ್ತದೆ.
* ಸ್ಮಾರ್ಟ್ ಫೋನ್ ಸಂಪರ್ಕವು ಓಲಾ ಎಲೆಕ್ಟ್ರಿಕ್ ಸ್ಕೂಟರ್ ನಲ್ಲಿಯೂ ಲಭ್ಯವಿರುತ್ತದೆ.
* ಬೂಟ್ ಸ್ಥಳದ ದೃಷ್ಟಿಯಿಂದ ಇದು ಆಕರ್ಷಕವಾಗಿದೆ. ವೀಡಿಯೊ ಟೀಸರ್ ಎರಡು ಹೆಲ್ಮೆಟ್‌ಗಳನ್ನು ಬೂಟ್ ಜಾಗದಲ್ಲಿ ಇಟ್ಟಿರುವುದನ್ನು ತೋರಿಸುತ್ತದೆ. ಸಾಮಾನ್ಯವಾಗಿ ಸ್ಕೂಟರ್‌ನ ಬೂಟ್ ಜಾಗದಲ್ಲಿ ಕೇವಲ ಒಂದು ಹೆಲ್ಮೆಟ್ ಅನ್ನು ಮಾತ್ರ ಇಡಲು ಸ್ಥಳಾವಕಾಶ ನೀಡಿರುತ್ತಾರೆ.