ಒರೈಮೊದ ಹೊಸ 10,000mAh ಪವರ್‌ಬ್ಯಾಂಕ್ ಲಾಂಚ್!.ಫಾಸ್ಟ್‌ ಚಾರ್ಜಿಂಗ್ ಸೌಲಭ್ಯವಿದೆ!

ಒರೈಮೊ ಟೋಸ್ಟ್‌10 ಪವರ್‌ಬ್ಯಾಂಕ್

ಒರೈಮೊ ಕಂಪನಿಯ ಟೋಸ್ಟ್‌10 ಪವರ್‌ಬ್ಯಾಂಕ್‌ ಇದೀಗ ಲಾಂಚ್‌ ಆಗಿದ್ದು, ಈ ಡಿವೈಸ್‌ ಬೆಲೆಯು 1,099ರೂ.ಗಳು ಆಗಿದೆ. ಅಮೆಜಾನ್ ಇಂಡಿಯಾ ಇ ಕಾಮರ್ಸ್‌ ಜಾಲತಾಣದಲ್ಲಿ ಗ್ರಾಹಕರು ಖರೀದಿಸಬಹುದಾಗಿದೆ. ಸ್ಲಿಮ್‌ ಡಿಸೈನ್, ಸ್ಕ್ರಾಚ್‌ ಮುಕ್ತ ರಚನೆ, ಶಾರ್ಟ್‌ ಸರ್ಕ್ಯೂಟ್‌ ಪ್ರೊಟೆಕ್ಷನ್, ಎರಡು ಚಾರ್ಜಿಂಗ್ ಪೋರ್ಟ್‌ ಆಯ್ಕೆ ಮತ್ತು ಫಾಸ್ಟ್‌ ಚಾರ್ಜಿಂಗ್ ತಂತ್ರಜ್ಞಾನವನ್ನು ಹೊಂದಿರುವುದು ಈ ಪವರ್‌ಬ್ಯಾಂಕ್‌ನ ಹೈಲೈಟ್ಸ್‌ಗಳಾಗಿವೆ.

ಶಿಯೋಮಿ 10,000mAh ಪವರ್‌ಬ್ಯಾಂಕ್

ಶಿಯೋಮಿ ಕಂಪನಿಯ ಸ್ಮಾರ್ಟ್‌ ಆಕ್ಸಸ್‌ರಿಸಗಳು ಈಗಾಗಲೇ ಜನಪ್ರಿಯವಾಗಿದ್ದು, ಅವುಗಳಲ್ಲಿ ಮಿ 10,000mAh ಪವರ್‌ಬ್ಯಾಂಕ್ ಒರೈಮೊ ಪವರ್‌ಬ್ಯಾಂಕ್‌ಗೆ ಸ್ಪರ್ಧಿ ಎನಿಸಲಿದೆ. ಈ ಡಿವೈಸ್‌ ಹಗುರವಾದ ರಚನೆ ಮತ್ತು ಅಲ್ಟ್ರಾ ಸ್ಲಿಮ್ ಡಿಸೈನ್‌ ಅನ್ನು ಹೊಂದಿದ್ದು, ಹಾಗೆಯೇ ಎರಡು ಚಾರ್ಜಿಂಗ್ ಪೋರ್ಟ್‌ ಆಯ್ಕೆ ಮತ್ತು ಫಾಸ್ಟ್ ಚಾರ್ಜಿಂಗ್‌ನ ಬೆಂಬಲವನ್ನು ಪಡೆದಿದೆ. ಇದರ ಬೆಲೆಯು 899ರೂ.ಗಳು ಆಗಿದ್ದು, ಕಂಪನಿಯ ವೆಬ್‌ತಾಣ ಮತ್ತು ಇ ಕಾಮರ್ಸ್‌ ತಾಣಗಳಲ್ಲಿ ಲಭ್ಯ.

ಸಿಸ್ಕಾ 11,00mAh ಪವರ್‌ಬ್ಯಾಂಕ್

ಎಲೆಕ್ಟ್ರಾನಿಕ್ಸ್ ವಲಯದಲ್ಲಿ ಗುರುತಿಸಿಕೊಂಡಿರುವ ಸಿಸ್ಕಾ ಕಂಪನಿಯು ಸ್ಮಾರ್ಟ್‌ ಆಕ್ಸಸ್‌ರಿಗಳಿಂದಲೂ ಸುದ್ದಿಯಾಗಿದೆ. ಸಿಸ್ಕಾ 11,00mAh ಪವರ್‌ಬ್ಯಾಂಕ್ ಸಹ ಒರೈಮೊ ಪವರ್‌ಬ್ಯಾಂಕ್‌ಗೆ ಎದುರಾಳಿ ಎನಿಸುವ ಫೀಚರ್ಸ್‌ಗಳನ್ನು ಹೊಂದಿದೆ. ಈ ಡಿವೈಸ್‌ ಸಹ ಶಾರ್ಟ್‌ ಸರ್ಕ್ಯೂಟ್‌ ಪ್ರೊಟೆಕ್ಷನ್, ಓವರ್‌ಚಾರ್ಜಿಂಗ್‌ನಿಂದ ರಕ್ಷಣೆ, ಎರಡು ಚಾರ್ಜಿಂಗ್ ಪೋರ್ಟ್‌ ಆಯ್ಕೆ, ಹಗುರವಾದ ರಚನೆಯನ್ನು ಹೊಂದಿದೆ. ಹಾಗೂ ಇದರ ಬೆಲೆಯು 699ರೂ.ಗಳು.

ಒರೈಮೊ ಕಂಪನಿಯ ಉತ್ಪನ್ನಗಳು

ಒರೈಮೊ ಕಂಪನಿಯು ಪವರ್‌ಬ್ಯಾಂಕ್, ಹೆಡ್‌ಫೋನ್, ಇಯರ್‌ಫೋನ್, ಬ್ಲೂಟೂತ್ ಹೆಡ್‌ಫೋನ್, ವಾಯರ್‌ಲೆಸ್‌ ಇಯರ್‌ಫೋನ್, ಟ್ರೂ-ಇಯರ್‌ ಬಡ್ಸ್‌, ಪೋರ್ಟೆಬಲ್‌ ಸ್ಪೀಕರ್ಸ್‌, ಗೇಮಿಂಗ್ ಮೈಕ್ರೋ ಕೇಬಲ್, ಕಾರ ಚಾರ್ಜರ್‌, ಫಾಸ್ಟ್‌ ಚಾರ್ಜಿಂಗ್ ಕೇಬಲ್ಸ್, ಸ್ಮಾರ್ಟ್‌ ಫಿಟ್‌ಬ್ಯಾಂಡ್, ಮೈಕ್ರೋ ಎಸ್‌ಡಿ ಕಾರ್ಡ್‌, ಫ್ಲ್ಯಾಶ್‌ ಡ್ರೈವ್‌, ಸೆಲ್ಫಿ ಲೈಟ್‌, ಸೆಲ್ಫಿ ಸ್ಟಿಕ್‌, ಸೇರಿದಂತೆ ಇನ್ನು ಹಲವಾರು ಸ್ಮಾರ್ಟ್‌ ಆಕ್ಸಸ್‌ರಿಸಗಳನ್ನು ಹೊಂದಿದೆ.