Paytm: ಪೇಟಿಎಮ್‌ ಲೈಟ್‌ ಬಳಕೆದಾರರಿಗೆ ಗುಡ್‌ ನ್ಯೂಸ್‌! ವ್ಯಾಲೆಟ್‌ಗೆ 4000ರೂ.ಸೇರಿಸಲು ಅನುಮತಿ

Published: Tuesday, May 14, 2024, 17:59 [IST]

ಪೇಟಿಎಮ್‌(Paytm) ಈಗಾಗಲೇ ವಿವಿಧ ರೀತಿಯಲ್ಲಿ ಬಳಕೆದಾರಿಗೆ ವಿವಿಧ ರೀತಿಯಲ್ಲಿ ಅನುಕೂಲ ಮಾಡಿಕೊಡುತ್ತಿದೆ. ಈ ನಡುವೆ ಪೇಟಿಎಮ್‌ ಲೈಟ್‌ ಬಳಕೆ ಮಾಡುವ ಗ್ರಾಹಕರಿಗೆ ಗುಡ್‌ ನ್ಯೂಸ್‌ ನೀಡಲಾಗಿದೆ. ಇದರಿಂದಾಗಿ ಪಿನ್‌ ನಮೂದಿಸದೇ ಹೆಚ್ಚಿನ ಹಣ ಪಾವತಿ ಮಾಡಬಹುದಾಗಿದೆ.

ಹೌದು, ಪೇಟಿಮ್‌ ತಡೆರಹಿತ ಕಡಿಮೆ-ಮೌಲ್ಯದ ವ್ಯವಹಾರಗಳಿಗಾಗಿ ಯುಪಿಐ ಲೈಟ್ ವ್ಯಾಲೆಟ್ (UPI Lite Wallet) ಸೌಲಭ್ಯ ಕಲ್ಪಿಸಿಕೊಡುತ್ತಿದೆ. ಇದು ಬಳಕೆದಾರರಿಗೆ ಪಿನ್‌ ಅಗತ್ಯವಿಲ್ಲದೇ ದಿನಕ್ಕೆ 4000 ರೂ.ವರೆಗೆ ಸೇರಿಸಲು ಅನುವು ಮಾಡಿಕೊಡುತ್ತದೆ. ವ್ಯಾಲೆಟ್ ತ್ವರಿತ, ಸುರಕ್ಷಿತ ವ್ಯವಹಾರವನ್ನು ಖಾತ್ರಿಗೊಳಿಸುತ್ತದೆ ಮತ್ತು ಎಲ್ಲಾ ವ್ಯವಹಾರ ಕ್ರೋಢೀಕರಿಸುವ ಮೂಲಕ ಬ್ಯಾಂಕ್ ಹೇಳಿಕೆಗಳನ್ನು ಸರಳಗೊಳಿಸುತ್ತದೆ.

ಪೇಟಿಎಮ್‌ ಲೈಟ್‌ ಬಳಕೆದಾರರಿಗೆ ಗುಡ್‌ ನ್ಯೂಸ್‌! ...

ಪೇಟಿಮ್‌ ಲೈಟ್‌: ದೈನಂದಿನ ಕಡಿಮೆ ಮೌಲ್ಯದ ವಹಿವಾಟುಗಳಿಗೆ ವಾಲೆಟ್‌ಗಳನ್ನು ಆದ್ಯತೆ ನೀಡುವ ಬಳಕೆದಾರರನ್ನು ಪೂರೈಸಲು ಪೇಟಿಎಮ್‌ ಯುಪಿಐ ಲೈಟ್ ವ್ಯಾಲೆಟ್ (Paytm UPI Lite Wallet) ‌ನಲ್ಲಿ ತನ್ನ ಗಮನವನ್ನು ಅನಾವರಣಗೊಳಿಸಿದೆ. ಈ ಹೊಸ ಯುಪಿಐ ಲೈಟ್ ನಿಮ್ಮ ಡಿವೈಸ್‌ನಲ್ಲಿಯೇ ವ್ಯಾಲೆಟ್ ಆಗಿ ಕಾರ್ಯನಿರ್ವಹಿಸುತ್ತದೆ. ಬಳಕೆದಾರರು ಹಣವನ್ನು ಸಂಗ್ರಹಿಸಲು ಮತ್ತು ಪಿನ್‌ ಅಗತ್ಯವಿಲ್ಲದೇ ತ್ವರಿತವಾಗಿ ಪಾವತಿಗಳನ್ನು ಮಾಡಲು ಅನುವು ಮಾಡಿಕೊಡುತ್ತದೆ.

ಯುಪಿಐ ಲೈಟ್ ವ್ಯಾಲೆಟ್ ತ್ವರಿತ, ಸುರಕ್ಷಿತ ಮತ್ತು ವಿಶ್ವಾಸಾರ್ಹ ವ್ಯವಹಾರಗಳನ್ನು ಖಾತ್ರಿಗೊಳಿಸುತ್ತದೆ. ಬಳಕೆದಾರರಿಗೆ ಒಂದು ಬಾರಿಗೆ ಐದು ನೂರು ರೂ.ವರೆಗೆ ಪಾವತಿಗಳನ್ನು ಮಾಡಲು ಅನುವು ಮಾಡಿಕೊಡುತ್ತದೆ. ದಿನಸಿ ವಸ್ತುಗಳನ್ನು ಖರೀದಿಸುವುದು, ಪಾರ್ಕಿಂಗ್‌ಗೆ ಪಾವತಿಸುವುದು ಅಥವಾ ದೈನಂದಿನ ಪ್ರಯಾಣ ದರಗಳನ್ನು ಒಳಗೊಂಡಿರುವಂತಹ ಸಣ್ಣ ಪಾವತಿಗಳೊಂದಿಗೆ ಆಗಾಗ್ಗೆ ವ್ಯವಹರಿಸುತ್ತಿರುವವರಿಗೆ ಈ ಸೌಲಭ್ಯ ವಿಶೇಷವಾಗಿ ಪ್ರಯೋಜನಕಾರಿಯಾಗಿದೆ.

ಹೆಚ್ಚುವರಿಯಾಗಿ, ಮಾಡಿದ ಪಾವತಿ ಸಂಖ್ಯೆಯನ್ನು ಲೆಕ್ಕಿಸದೆ ಎಲ್ಲಾ ವ್ಯವಹಾರಗಳನ್ನು ಒಂದೇ ನಮೂದಿಗೆ ಕ್ರೋಢೀಕರಿಸುವ ಮೂಲಕ ಬ್ಯಾಂಕ್ ಹೇಳಿಕೆಗಳನ್ನು ಈ ಮೂಲಕ ಸರಳಗೊಳಿಸಲಾಗುತ್ತಿದೆ. ಈ ಸುವ್ಯವಸ್ಥಿತ ಪ್ರಕ್ರಿಯೆಯು ಬಳಕೆದಾರರಿಗೆ ಅಚ್ಚುಕಟ್ಟಾದ ಆರ್ಥಿಕ ಅವಲೋಕನವನ್ನು ಒದಗಿಸುತ್ತದೆ ಎಂದು ತಿಳಿದುಬಂದಿದೆ.

ಬಳಕೆದಾರರು ತಮ್ಮ ಯುಪಿಐ ಲೈಟ್ ವ್ಯಾಲೆಟ್‌ಗೆ ದಿನಕ್ಕೆ ಎರಡು ಬಾರಿ 2,000 ರೂ.ಗಳವರೆಗೆ ಸೇರಿಸಬಹುದು. ಒಟ್ಟು 4,000 ರೂ.ಗಳನ್ನು ಈ ಮೂಲಕ ಪಾವತಿ ಮಾಡಲು ಅನುಕೂಲ ಮಾಡಿಕೊಡಲಾಗಿದೆ. ಈ ಸರಳೀಕೃತ ವಿಧಾನವು ಬಳಕೆದಾರರಿಗೆ ತಮ್ಮ ಬ್ಯಾಂಕ್ ದಾಖಲೆಗಳಲ್ಲಿ ಬಹು ನಮೂದುಗಳ ತೊಂದರೆಯಿಲ್ಲದೆ ತಮ್ಮ ದೈನಂದಿನ ವೆಚ್ಚಗಳನ್ನು ಸಮರ್ಥವಾಗಿ ನಿರ್ವಹಿಸಲು ಸಹಾಯ ಮಾಡುತ್ತದೆ.

ಇದನ್ನು ಆಕ್ಟಿವ್ ಮಾಡುವುದು ಹೇಗೆ ?
ಪೇಟಿಎಮ್‌ ಆಪ್‌ ತೆರೆಯಿರಿ ಮತ್ತು ಮುಖಪುಟದಲ್ಲಿ 'ಯುಪಿಐ ಲೈಟ್ ಆಕ್ಟಿವೇಟ್' ಐಕಾನ್ ಮೇಲೆ ಕ್ಲಿಕ್ ಮಾಡಿ. ನಂತರದಲ್ಲಿ ಯುಪಿಐ ಲೈಟ್‌ನೊಂದಿಗೆ ಲಿಂಕ್ ಮಾಡಲು ಬಯಸಿದ ಬ್ಯಾಂಕ್ ಖಾತೆಯನ್ನು ಆಯ್ಕೆಮಾಡಿ. ಇದೆಲ್ಲಾ ಆದ ಮೇಲೆ ಪಾವತಿಗಳನ್ನು ಪ್ರಾರಂಭಿಸಲು ಯುಪಿಐ ಲೈಟ್‌ಗೆ ಸೇರಿಸಲು ಬಯಸಿದ ಮೊತ್ತವನ್ನು ನಮೂದಿಸಿ.

ನಂತರದಲ್ಲಿ ನಿಮ್ಮ ಯುಪಿಐ ಲೈಟ್ ಖಾತೆಯನ್ನು ರಚಿಸಲು MPIN ಅನ್ನು ಮೌಲ್ಯೀಕರಿಸಿ. ಬಳಿಕ ನಿಮ್ಮ ಯುಪಿಐ ಲೈಟ್ ಖಾತೆಯನ್ನು ಈಗ ಸುಲಭವಾದ, ಒಂದು-ಟ್ಯಾಪ್ ಪಾವತಿಗಳಿಗಾಗಿ ಹೊಂದಿಸಲಾಗುತ್ತದೆ. ಇದೆಲ್ಲಾ ಆದ ಮೇಲೆ ನೀವು ಯುಪಿಐ ಲೈಟ್ ವ್ಯಾಲೆಟ್ ಅನ್ನು ಬಳಸಿಕೊಂಡು ಪಾವತಿಗಳನ್ನು ಮಾಡಲು ಬಳಕೆದಾರರು ಯಾವುದೇ ಯುಪಿಐ ಕ್ಯೂಅರ್ ಕೋಡ್ ಅನ್ನು ಸ್ಕ್ಯಾನ್ ಮಾಡಬಹುದು. ಮೊಬೈಲ್ ಸಂಖ್ಯೆಯನ್ನು ನಮೂದಿಸಬಹುದು ಅಥವಾ ಅವರ ಪಟ್ಟಿಯಿಂದ ಸಂಪರ್ಕವನ್ನು ಆಯ್ಕೆ ಮಾಡಬಹುದು.

ಹಾಗೆಯೇ ಆಕ್ಸಿಸ್‌ ಬ್ಯಾಂಕ್‌, ಹೆಚ್‌ಡಿಎಫ್‌ಸಿ ಬ್ಯಾಂಕ್, ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾ (SBI), ಮತ್ತು ಯಸ್‌ ಬ್ಯಾಂಕ್ ನಂತಹ ಪ್ರಮುಖ ಪಾವತಿ ವ್ಯವಸ್ಥೆ ಪೂರೈಕೆದಾರರೊಂದಿಗೆ (PSPs) ಪೇಟಿ್ಮ್‌ನ ಸಹಯೋಗವು ಯುಪಿಐ ವಹಿವಾಟುಗಳಿಗೆ ದೃಢವಾದ ಚೌಕಟ್ಟನ್ನು ಖಚಿತಪಡಿಸುತ್ತದೆ.