Poco: ಮೇ 29 ಕ್ಕೆ ಪೊಕೊ F6 ಮೊದಲ ಸೇಲ್‌! ಖರೀದಿಸಲು 4 ಕಾರಣ, ಕೈಬಿಡಲು ಒಂದು ಕಾರಣ

ಪೊಕೊ (Poco) ಈಗಷ್ಟೇ ಹೊಸ ಫೋನ್‌ ಅನ್ನು ಲಾಂಚ್‌ ಮಾಡಿದ್ದು, ಈ ಮೂಲಕ ಸ್ಮಾರ್ಟ್‌ಫೋನ್‌ ವಲಯದಲ್ಲಿ ದೊಡ್ಡ ಸಂಚಲನವನ್ನೇ ಉಂಟು ಮಾಡಿದೆ. ಈ ನಡುವೆ ಪೊಕೊ F6 ಸ್ಮಾರ್ಟ್‌ಫೋನ್ (Poco F6 smartphone) ಮೇ 29 ಕ್ಕೆ ಸೇಲ್‌ ಆಗಲಿದೆ.

ಹೌದು, ಪೊಕೊ F6 ಸ್ಮಾರ್ಟ್‌ಫೋನ್‌ ಅನ್ನು ಭಾರತದಲ್ಲಿ ಲಾಂಚ್‌ ಮಾಡಿದ್ದು, ಈ ಮಿಡ್‌ ರೇಂಜ್ ಸ್ಮಾರ್ಟ್‌ಫೋನ್‌ ಅನ್ನು ಖರೀದಿ ಮಾಡಲು ಸಾಕಷ್ಟು ಗ್ರಾಹಕರು ಕಾತುರದಿಂದ ಕಾದು ಕುಳಿತಿದ್ದಾರೆ. ಈ ನಡುವೆ ನೀವು ಈ ಫೋನ್‌ ಅನ್ನು ಖರೀದಿಸಲು ನಾಲ್ಕು ಕಾರಣಗಳು ಹಾಗೂ ಖರೀದಿ ಮಾಡದೇ ಇರಲಿ ಒಂದು ಕಾರಣ ಏನು ಅನ್ನೋದನ್ನು ಈ ಲೇಖನದಲ್ಲಿ ತಿಳಿಸಿಕೊಡಲಾಗಿದೆ ಓದಿರಿ.

ಪೊಕೊ F6 ಸ್ಮಾರ್ಟ್‌ಫೋನ್‌: ಪೊಕೊ F6 ಸ್ಮಾರ್ಟ್‌ಫೋನ್‌ ಅನ್ನು ಭಾರತದಲ್ಲಿ ಬಿಡುಗಡೆ ಮಾಡಲಾಗಿದ್ದು, ಈ ಡಿವೈಸ್‌ ಮೇ 29 ರಂದು ಮಾರಾಟಕ್ಕೆ ಸಿದ್ಧವಾಗಿದೆ. ಇನ್ನು ಈ ಫೋನ್‌ ಕ್ವಾಲ್ಕಾಮ್ ನ ಹೊಸ ಸ್ನಾಪ್‌ಡ್ರಾಗನ್ 8s ಜನ್ 3 ಪ್ರೊಸೆಸರ್‌ ಅನ್ನು ಹೊಂದಿದ್ದು, ಈ ಮೂಲಕ ದೇಶದ ಮೊದಲ ಡಿವೈಸ್‌ ಆಗಿ ಹೊರಹೊಮ್ಮಿದೆ. ಅಲ್ಲದೆ ಐಕ್ಯೂ ನಿಯೋ 9 ಪ್ರೊ ಮತ್ತು ರಿಯಲ್‌ಮಿ GT 6T ಅನ್ನು ಅದರ ನೇರ ಪ್ರತಿಸ್ಪರ್ಧಿಯನ್ನಾಗಿ ಮಾಡಲಿದೆ.

ಪೊಕೊ F6 ಸ್ಮಾರ್ಟ್‌ಫೋನ್‌ ಬೆಲೆ ಹಾಗೂ ವಿವರ: ಹೊಸದಾಗಿ ಬಿಡುಗಡೆಯಾದ ಪೊಕೊ F6 ಸ್ಮಾರ್ಟ್‌ಫೋನ್‌ 29,999 ರೂ.ಗಳ ಬೆಲೆ ಹೊಂದಿದ್ದು, ಈ ಫೋನ್‌ ಅನ್ನು ಖರೀದಿ ಮಾಡುವಾಗ ಐಸಿಐಸಿಐ ಬ್ಯಾಂಕ್ ಕಾರ್ಡ್‌ಗಳೊಂದಿಗೆ 27,999ರೂ.ಗಳಿಗೆ ಖರೀದಿ ಮಾಡಬಹುದಾಗಿದೆ. ಈ ಫೋನ್ ಫ್ಲಿಪ್‌ಕಾರ್ಟ್ ಮೂಲಕ ಲಭ್ಯವಿದ್ದು, ಈ ಬೆಲೆ 256GB ಸ್ಟೋರೇಜ್ ಮಾದರಿಗೆ ನಿಗದಿ ಮಾಡಲಾಗಿದೆ. ಹಾಗಿದ್ರೆ, ಬನ್ನಿ ಖರೀದಿ ಮಾಡಲು ಯಾವೆಲ್ಲಾ ಕಾರಣಗಳು ಇವೆ ಅನ್ನೋದನ್ನು ತಿಳಿಯೋಣ.

ಪೊಕೊ F6 ಅನ್ನು ಖರೀದಿಸಲು ಪ್ರಮುಖ ಕಾರಣವೆಂದರೆ ಅದರ ಕಾರ್ಯಕ್ಷಮತೆ. ಕ್ವಾಲ್ಕಾಮ್‌ನ ಹೊಸ ಸ್ನಾಪ್‌ಡ್ರಾಗನ್ 8s ಜನ್ 3 ಚಿಪ್ ಸ್ನಾಪ್‌ಡ್ರಾಗನ್ 8 ಜನ್ 2 ಪ್ರೊಸೆಸರ್‌ನಂತೆಯೇ ಕಾರ್ಯಕ್ಷಮತೆಯನ್ನು ನೀಡಲು ಸಮರ್ಥವಾಗಿದೆ. ಇದು ಪೊಕೊ F6 ಅನ್ನು ಅದರ ಬೆಲೆ ಶ್ರೇಣಿಯಲ್ಲಿ ಅತ್ಯುತ್ತಮವಾಗಿ ಕಾರ್ಯನಿರ್ವಹಿಸುವ ಡಿವೈಸ್‌ಗಳಲ್ಲಿ ಒಂದಾಗಿದೆ.

ಇನ್ನು Antutu ಬೆಂಚ್‌ಮಾರ್ಕಿಂಗ್ ಪ್ಲಾಟ್‌ಫಾರ್ಮ್‌ನಲ್ಲಿ, ಪೊಕೊ F6 1.5 ಮಿಲಿಯನ್ ಗಳಿಸಿದೆ. ಆದರೆ ಐಕ್ಯೂ ನಿಯೋ 9 ಪ್ರೊ (ಎಸ್‌ಡಿ 8 ಜನ್ 2 ನೊಂದಿಗೆ) 1.6 ಮಿಲಿಯನ್ ಸ್ಕೋರ್ ಪಡೆಯುವಲ್ಲಿ ಯಶಸ್ವಿಯಾಗಿದೆ. ಆದಾಗ್ಯೂ, ಸುಮಾರು ಒಂದು ಗಂಟೆ ಭಾರೀ ಗೇಮಿಂಗ್‌ನ ನಂತರ ಪೊಕೊ ಬಿಸಿಯಾಗುತ್ತದೆ ಅನ್ನೋದು ನಿಮ್ಮ ಗಮನಕ್ಕೆ ಇರಲಿ.

ಹಾಗೆಯೇ ನಮ್ಮ ಆಂತರಿಕ ಪರೀಕ್ಷೆಯು ಡಿವೈಸ್‌ನ ಕ್ಯಾಮರಾ ಕಾರ್ಯಕ್ಷಮತೆಯು ಸಾಕಷ್ಟು ಉತ್ತಮವಾಗಿದೆ ಎಂದು ಬಹಿರಂಗಪಡಿಸಿದೆ. ಹಗಲಿನ ಫೋಟೋಗಳು ಆಕರ್ಷಕವಾಗಿವೆ ಮತ್ತು ಉತ್ಪತ್ತಿಯಾಗುವ ಬಣ್ಣಗಳು ಬಹುತೇಕ ನಿಖರವಾಗಿರಲಿವೆ. 50 ಮೆಗಾಪಿಕ್ಸೆಲ್‌ ಸೆನ್ಸರ್‌ನೊಂದಿಗೆ ಉತ್ತಮ ಫೋಟೋ ಸೆರೆಹಿಡಿಯಬಹುದಾಗಿದ್ದು, ಸಾಮಾನ್ಯ ಫೋಟೋ ಮೋಡ್ ಚಿತ್ರಗಳು ವಿವರವಾಗಿರುವುದಿಲ್ಲ ಮತ್ತು ಸಾಕಷ್ಟು ಮೃದುವಾಗಿರುತ್ತದೆ. ಆದರೆ ಇದರಲ್ಲಿ ಲೈಟ್ ಮೀಟರಿಂಗ್ ಅನ್ನು ಅವಲಂಬಿಸಿ ತೀಕ್ಷ್ಣತೆಯ ಮಟ್ಟ, ಬಣ್ಣಗಳು ಮತ್ತು ವಿವರಗಳೊಂದಿಗೆ ಉತ್ತಮ ಪೋಟ್ರೇಟ್ ಶಾಟ್‌ಗಳನ್ನು ತೆಗೆದುಕೊಳ್ಳಬಹುದು.

ಇನ್ನು ಪೊಕೊ F6 ಹಗುರವಾದ ವಿನ್ಯಾಸವನ್ನು ಹೊಂದಿದ್ದು, ದೊಡ್ಡ ಡಿಸ್‌ಪ್ಲೇ ಜೊತೆಗೆ ಬಂದಿದೆ. ಅಂದರೆ ಇದು 6.67 ಇಂಚಿನ 1.5K ಅಮೋಲೆಡ್‌ ಡಿಸ್‌ಪ್ಲೇಯನ್ನು ಹೊಂದಿದ್ದು, ಇದು ಮೃದುವಾದ 120Hz ರಿಫ್ರೆಶ್ ದರವನ್ನು ನೀಡುತ್ತದೆ. ಈ ಡಿಸ್‌ಪ್ಲೇ ಹೆಚ್‌ಡಿಆರ್‌10+, ಡಾಲ್ಬಿ ವಿಷನ್ ಮತ್ತು ವೈಡೆವಿನ್ L1 ಅನ್ನು ಬೆಂಬಲಿಸುತ್ತದೆ. ಇದರೊಂದಿಗೆ ಬಣ್ಣಗಳು ಮತ್ತು ಉತ್ತಮ ವೀಕ್ಷಣೆಯ ಅನುಭವವನ್ನು ಖಾತ್ರಿಗೊಳಿಸುತ್ತದೆ. 2,400ನಿಟ್ಸ್‌ ನ ಗರಿಷ್ಠ ಬ್ರೈಟ್‌ನೆಸ್‌ ಆಯ್ಕೆ ಮತ್ತು ಕಾರ್ನಿಂಗ್ ಗೊರಿಲ್ಲಾ ಗ್ಲಾಸ್ ವಿಕ್ಟಸ್ ರಕ್ಷಣೆಯೊಂದಿಗೆ ಉತ್ತಮ ವೀಕ್ಷಣೆ ಅನುಭವ ಪಡೆಯಬಹುದಾಗಿದೆ.

ಈ ಫೋನ್‌ ಸ್ಕಿಪ್‌ ಮಾಡಲು ಒಂದು ಕಾರಣ: ನೀವು ಬ್ಲೋಟ್‌ವೇರ್ ಅನ್ನು ಇಷ್ಟಪಡದಿದ್ದರೆ ಈ ಡಿವೈಸ್‌ ಅನ್ನು ಖರೀದಿಸುವುದನ್ನು ಬಿಟ್ಟುಬಿಡಬಹುದು. ಇದು ಬಹಳಷ್ಟು ಥರ್ಡ್‌ ಪಾರ್ಟಿ ಆಪ್‌ನೊಂದಿಗೆ ಬರುತ್ತದೆ. ಇಷ್ಟೇ ಅಲ್ಲದೆ ಬಳಕೆದಾರ ಇಂಟರ್ಫೇಸ್‌ನಲ್ಲಿ ಅದು ಪ್ರದರ್ಶಿಸುವ ಯಾದೃಚ್ಛಿಕ ಜಾಹೀರಾತುಗಳನ್ನು ತಪ್ಪಿಸುವುದು ತುಂಬಾ ಕಷ್ಟ. ಡಿವೈಸ್‌ನಲ್ಲಿ ಆಪ್‌ ಡ್ರಾಯರ್ ಅನ್ನು ತೆರೆದ ನಂತರ ಮತ್ತು ಆಪ್‌ಗಾಗಿ ಸರ್ಚ್‌ ಬಟನ್ ಅನ್ನು ಟ್ಯಾಪ್ ಮಾಡಿದ ನಂತರ ಇದು ನಿರ್ದಿಷ್ಟವಾಗಿ ಗೋಚರಿಸುತ್ತದೆ.

ಇಂಡಿಯಾ ಟುಡೇ ವರದಿ ಮಾಡಿರುವ ಪ್ರಕಾರ, ಅಮೆಜಾನ್ ಜಾಹೀರಾತು ಮತ್ತು ಹೈಪರ್‌ಓಎಸ್‌ ಬಳಸಲು ಶಿಫಾರಸು ಮಾಡುತ್ತಿರುವ ಕೆಲವು ಆಪ್‌ಗಳ ಹೆಸರುಗಳು ಕಾಣಿಸಿಕೊಂಡಿವೆಯಂತೆ. ಲಾಕ್ ಸ್ಕ್ರೀನ್‌ನಲ್ಲಿ ಕಿರಿಕಿರಿಗೊಳಿಸುವ ವಾಲ್‌ಪೇಪರ್‌ಗಳನ್ನು ಸಹ ಕಾಣಬಹುದಾಗಿದ್ದು, ಇದನ್ನು ನಿಷ್ಕ್ರಿಯಗೊಳಿಸಲು ಆಯ್ಕೆಯನ್ನು ಸಹ ನೀಡಲಾಗಿದೆ ಎಂದು ಈ ವರದಿಯಲ್ಲಿ ಉಲ್ಲೇಖ ಮಾಡಲಾಗಿದೆ. ಆದರೆ, ಕ್ಲೀನ್ ಯೂಸರ್ ಇಂಟರ್‌ಫೇಸ್ ಉತ್ತಮ ಅನುಭವವನ್ನು ನೀಡಲು ಸಹಾಯ ಮಾಡುತ್ತದೆ. ಹೀಗಾಗಿ ನೀವು ಈ ಮೇಲಿನ ವಿಷಯಗಳನ್ನು ಪರಿಗಣನೆಗೆ ತೆಗೆದುಕೊಂಡು ಈ ಫೋನ್‌ ಅನ್ನು ಖರೀದಿ ಮಾಡಬೇಕೋ ಅಥವಾ ಬೇಡವೋ ಅನ್ನೋದನ್ನು ನಿರ್ಧಾರ ಮಾಡಬಹುದಾಗಿದೆ.