ಪಬ್‌ಜಿ ಲೈಟ್‌ ವರ್ಷನ್ ಪ್ರಿ ರಿಜಿಸ್ಟ್ರೇಷನ್ ಮಾಡಿ ಪಡೆಯಿರಿ ಬೆಸ್ಟ್‌ ರಿವಾರ್ಡ್ಸ್‌!

ಇವೆಂಟ್ ಮತ್ತು ಗೇಮ್‌ ಕೋಡ್

ಕಂಪನಿಯು ಪಬ್‌ಜಿ ಲೈಟ್‌ ವರ್ಷನ್‌ ಗೇಮ್‌ ಅನ್ನು ರಿಲೀಸ್‌ ಮಾಡಲಿದ್ದು, ಅದಕ್ಕಾಗಿ 20.06.2019 (07:00:00) ~ 03.07.2019 (23:59:59) IST (UTC+5:30) ದಿನಾಂಕ ಮತ್ತು ಸಮಯ ತಿಳಿಸಿದೆ. ಹಾಗೆಯೇ ಪ್ರಿ ರಿಜಿಸ್ಟರ್ ಮಾಡಿದ ಆಟಗಾರರಿಗೆ ಅವರ ಇ-ಮೇಲ್‌ಗೆ ಇದೇ ಜುಲೈ 11ರ ಒಳಗಾಗಿ ಇವೆಂಟ್ ಕೋಡ್ ಸೆಂಡ್ ಮಾಡಲಾಗುವುದು ಎಂದು ತಿಳಿಸದೆ.

ಲೈಟ್‌ ವರ್ಷನ್ ಎಂಟ್ರಿ

ಪಬ್‌ಜಿ ಆನ್‌ಲೈನ್‌ ಗೇಮ್‌ ಆಗಿರುವುದರಿಂದ ಸಹಜವಾಗಿಯೇ ಹೆಚ್ಚಿನ ಡೇಟಾವನ್ನು ಅದು ಕಬಳಿಸುತ್ತದೆ. ಅದಕ್ಕಾಗಿ ಲೈಟ್‌ ವರ್ಷನ್ ಅನ್ನು ಕಂಪನಿಯು ಹುಟ್ಟುಹಾಕಿದ್ದು, ಈಗಾಗಲೇ ಹಾಂಗ್‌ಕಾಂಗ್, ತೈವಾನ್, ಬ್ರೆಜಿಲ್ ಮತ್ತು ಬಾಂಗ್ಲಾದೇಶಗಳಲ್ಲಿ ಪಬ್‌ಜಿ ಲೈಟ್‌ ವರ್ಷನ್‌ ಲಭ್ಯವಿದೆ. ಅದರ ಮುಂದುವರಿದ ಭಾಗವಾಗಿ ಈಗ ಭಾರತಕ್ಕೂ ಪಬ್‌ಜಿ ಲೈಟ್‌ ವರ್ಷನ್‌ ಬಿಡುಗಡೆ ಮಾಡಲು ಕಂಪನಿ ಸಿದ್ಧವಾಗಿದೆ.

ಓದಿರಿ : ನಿಮ್ಮ ಮಕ್ಕಳು ಸ್ಮಾರ್ಟ್‌ಫೋನ್‌ಗೆ ಅಡಿಕ್ಟ್‌ ಆಗದಿರಲು ಈ ಟಿಪ್ಸ್ ಅನುಸರಿಸಿ!

ಹೈ ಎಂಡ್‌ ಪಿಸಿ ಬೇಕಿಲ್ಲ

ಇನ್ಮುಂದೆ ಪಬ್‌ಜಿ ಆಡಲು ಹೈ ಎಂಡ್ ಹಾರ್ಡವೇರ್‌ ಸಾಮರ್ಥ್ಯವನ್ನು ಹೊಂದಿರುವ ಪಿಸಿ ಬೇಕಿಲ್ಲ. ಲೋವರ್‌ ಎಂಡ್‌ ಹಾರ್ಡ್‌ವೇರ್‌ ಫೀಚರ್ಸ್‌ಗಳನ್ನು ಹೊಂದಿರುವ ಪಿಸಿಗಳಲ್ಲಿಯೂ ಪಬ್‌ಜಿ ಆಡಬಹುದಾಗಿದ್ದು, ಅದಕ್ಕಾಗಿ ಪಬ್‌ಜಿ ಲೈಟ್‌ ವರ್ಷನ್‌ ಬಿಡುಗಡೆ ಆಗಲಿದೆ. ಇದರಿಂದ ಪಬ್‌ಜಿ ಕ್ರೇಜ್‌ ಇನ್ನಷ್ಟು ವಿಸ್ತರಿಸಿಕೊಳ್ಳಲಿದೆ.

ಪಬ್‌ಜಿ ಗೇಮ್‌ ಆಡಲು ಈ ಕೆಳಗಿನ ಫೀಚರ್ಸ್‌ಗಳು ಅಗತ್ಯವಾಗಿ ಇರಬೇಕು.

- OS ; ವಿಂಡೊಸ್ 7,8,10 64Bit
- CPU: ಕೋರ್ i3 @ 2.4Ghz
- RAM : 4GB
- GPU: ಇಂಟೆಲ್ HD4000
- HDD: 4GB

ಅತ್ಯುತ್ತಮ ಬೆಂಬಲಕ್ಕೆ ಈ ಫೀಚರ್ಸ್‌ಗಳು ಅಗತ್ಯ

- OS: Windows 7,8,10 64Bit
- CPU: Core i5 @2.8Ghz
- RAM: 8GB
- GPU: Nvidia GTX 660 ಅಥವಾ AMD ರೆಡಾನ್ HD 7870
- HDD: 4GB

ಪ್ರಿ ರಿಜಿಸ್ಟ್ರೇಷನ್ ರಿವಾರ್ಡ್ಸ್

ಪಬ್‌ಜಿ ಗೇಮ್‌ ಪಿಸಿ ಲೈಟ್‌ ವರ್ಷನ್‌ ರಿಲೀಸ್‌ಗೆ ಸಜ್ಜಾಗಿದ್ದು, ಅದಕ್ಕಾಗಿ ಪ್ರಿ ರಿಜಿಸ್ಟ್ರೇಷನ್ ಪ್ರಕ್ರಿಯೆ ಆರಂಭಿಸಿದೆ. ಭಾರತೀಯ ಪಬ್‌ಜಿ ಪ್ರಿಯರು ಕಂಪನಿಯ ವೆಬ್‌ಸೈಟ್‌ ಲಿಂಕ್‌ ಮೂಲಕ ಪ್ರಿ ರಿಜಿಸ್ಟರ್ ಮಾಡಿಕೊಳ್ಳಬಹುದಾಗಿದೆ. ಪ್ರಿ ರಿಜಿಸ್ಟರ್ ಮಾಡಿದವರಿಗೆ ಉಚಿತವಾಗಿ skins ಮತ್ತು cosmetics ರಿವಾರ್ಡ್ಸ್‌ಗಳನ್ನು ನೀಡುವ ಸಾಧ್ಯತೆಗಳಿವೆ ಎನ್ನಲಾಗಿದೆ.

ಓದಿರಿ : 'ಸಾಂಗ್‌ ಟ್ರಾಕ್‌' ಸರ್ಚ್ ಮಾಡಲು ಹೀಗೆ ಮಾಡಿ!