Click it and Unblock the Notifications
Realme: ಭಾರತಕ್ಕೆ ಶೀಘ್ರದಲ್ಲೇ ಬರಲಿದೆ ರಿಯಲ್ಮಿ 12x 5G ಸ್ಮಾರ್ಟ್ಫೋನ್! ಫೀಚರ್ಸ್ ಏನು?
ರಿಯಲ್ಮಿ ಸ್ಮಾರ್ಟ್ಫೋನ್ಗಳು (Realme smartphone) ಇದೀಗ ಹೆಚ್ಚು ಸೇಲ್ ಆಗುತ್ತಿರುವ ಹಾಗೂ ವಿಶೇಷ ಫೀಚರ್ಸ್ ಆಯ್ಕೆ ಇರುವ ಫೋನ್ಗಳಾಗಿ ಗುರುತಿಸಿಕೊಂಡಿವೆ. ಈ ನಡುವೆ 45W ವೇಗದ ಚಾರ್ಜಿಂಗ್ ಬೆಂಬಲದೊಂದಿಗೆ ಶೀಘ್ರದಲ್ಲೇ ಭಾರತದಲ್ಲಿ ಹೊಸ ಫೋನ್ ಲಾಂಚ್ ಆಗಲಿದೆ.
ಹೌದು, ಇನ್ನೇನು ಕೆಲವೇ ದಿನಗಳಲ್ಲಿ ರಿಯಲ್ಮಿ 12x 5G ಸ್ಮಾರ್ಟ್ಫೋನ್ (Realme 12x 5G smartphone) ಲಾಂಚ್ ಆಗಲಿದೆ. ಈ ಫೋನ್ನ ಭಾರತೀಯ ವೇರಿಯಂಟ್ ವೇಗದ ಚಾರ್ಜಿಂಗ್ ಮತ್ತು ಡೈನಾಮಿಕ್ ಬಟನ್ ಆಯ್ಕೆಯೊಂದಿಗೆ ಬರಲಿದೆ ಎಂದು ತಿಳಿದುಬಂದಿದೆ. ಹಾಗಿದ್ರೆ, ಈ ಫೋನ್ ಏನೆಲ್ಲಾ ನಿರೀಕ್ಷಿತ ಫೀಚರ್ಸ್ ಆಯ್ಕೆ ಪಡೆದುಕೊಂಡಿದೆ?, ಬೆಲೆ ಎಷ್ಟಿರಬಹುದು ಎಂಬ ಮಾಹಿತಿ ಇಲ್ಲಿದೆ ನೋಡಿ.
ರಿಯಲ್ಮಿ 12x 5G ಸ್ಮಾರ್ಟ್ಫೋನ್: ಈ ಸ್ಮಾರ್ಟ್ಫೋನ್ ಸಂಬಂಧ 91ಮೊಬೈಲ್ ವರದಿ ಮಾಡಿದೆ. ಆ ವರದಿ ಪ್ರಕಾರ, ಭಾರತದಲ್ಲಿ ಶೀಘ್ರವೇ ಎಂಟ್ರಿ ಕೊಡಲಿದೆಯಂತೆ. ಇನ್ನು ರಿಯಲ್ಮಿ 12x 5G ಅನ್ನು ಈ ವಾರ ಚೀನಾದಲ್ಲಿ ರಿಯಲ್ 12 ಸರಣಿ ವಿಭಾಗದಲ್ಲಿ ಘೋಷಣೆ ಮಾಡಲಾಗಿದೆ. ಆದರೆ, ಭಾರತಕ್ಕೆ ಬರುತ್ತಿರುವ ಈ ಫೋನ್ ಕೆಲವು ಭಿನ್ನ ಫೀಚರ್ಸ್ ಆಯ್ಕೆ ಪಡೆಯಲಿದೆ ಎಂದು ಈ ವರದಿಯಲ್ಲಿ ಉಲ್ಲೇಖ ಮಾಡಲಾಗಿದೆ.
ಮುಂಬರುವ ಈ ರಿಯಲ್ಮಿ ಸ್ಮಾರ್ಟ್ಫೋನ್ ಭಾರತದಲ್ಲಿ 45W ಸೂಪರ್ವೂಕ್ ಚಾರ್ಜಿಂಗ್ ಬೆಂಬಲದೊಂದಿಗೆ 5,000mAh ಸಾಮರ್ಥ್ಯದ ಬ್ಯಾಟರಿಯನ್ನು ಹೊಂದಿರಲಿದೆ ಎಂಬ ಮಾಹಿತಿ ದೃಢೀಕೃತವಾಗಿದೆ. ಚೀನಾದಲ್ಲಿ ಇದೇ ಫೋನ್ 15W ವೇಗದ ಚಾರ್ಜಿಂಗ್ ಅನ್ನು ಬೆಂಬಲಿಸುತ್ತದೆ. ಈ ನಡುವೆ ಭಾರತಕ್ಕೆ ಬರುತ್ತಿರುವ 45W ಚಾರ್ಜಿಂಗ್ ವೇಗದ ಬೆಂಬಲ ಇರುವ ಫೋನ್ 30 ನಿಮಿಷಗಳಲ್ಲಿ 50 % ಭರ್ತಿಯಾಗಲಿದೆ.
ಹಾಗೆಯೇ ರಿಯಲ್ಮಿ 12 ಸ್ಮಾರ್ಟ್ಫೋನ್ನಂತೆ ಈ ಫೋನ್ 'ಡೈನಾಮಿಕ್ ಬಟನ್' ಆಯ್ಕೆ ಪಡೆದಿರಲಿದ್ದು, ರಿಯಲ್ಮಿ 12+ ನಲ್ಲಿ, ಡಿಎನ್ಡಿ ಮತ್ತು ಏರ್ಪ್ಲೇನ್ ಮೋಡ್, ಸ್ಟ್ರೀಟ್ ಫೋಟೋಗ್ರಫಿ ಮತ್ತು ಗೂಗಲ್ ಸ್ಮಾರ್ಟ್ ಲೆನ್ಸ್ನಂತಹ ಕ್ಯಾಮೆರಾ ಮೋಡ್ಗಳನ್ನು ಆಕ್ಟಿವ್ ಮಾಡಲು ಡೈನಾಮಿಕ್ ಬಟನ್ ಅವಕಾಶ ನೀಡಲಿದೆ. ನಿಮ್ಮ ಆದ್ಯತೆಗೆ ತಕ್ಕಂತೆ ನೀವು ಹೊಂದಾಣಿಕೆ ಮಾಡಬಹುದಾಗಿದೆ.
ಇನ್ನು ಈ ರಿಯಲ್ಮಿ 12x 5G ಅನ್ನು ಈಗಾಗಲೇ BIS ಪ್ರಮಾಣೀಕರಣ ವೆಬ್ಸೈಟ್ನಲ್ಲಿ ಗುರುತಿಸಲಾಗಿದ್ದು, ಚೀನಾದಲ್ಲಿ ರಿಯಲ್ಮಿ 12x 5G 12GB+256GB ವೇರಿಯಂಟ್ಗೆ RMB 1,399 (ಭಾರತದಲ್ಲಿ 16,300 ರೂ.ಗಳು) ಮತ್ತು 12GB+512GB ವೇರಿಯಂಟ್ಗೆ RMB 1,599 (ಭಾರತದಲ್ಲಿ 18,700 ರೂ.ಗಳು) ಬೆಲೆ ನಿಗದಿ ಮಾಡಲಾಗಿದ್ದು, ಇದೇ ಬೆಲೆಯಲ್ಲಿ ಭಾರತದಲ್ಲೂ ಇದು ಕಾಣಿಸಿಕೊಳ್ಳಬಹುದು ಎನ್ನಲಾಗಿದೆ.
Realme 12x 5G ಫೀಚರ್ಸ್: ಈ ಫೋನ್ ಅನ್ನು ಈಗಾಗಲೇ ಚೀನಾದಲ್ಲಿ ಲಾಂಚ್ ಮಾಡಲಾಗಿದ್ದು, 6.67 ಇಂಚಿನ FHD+ ಡಿಸ್ಪ್ಲೇ ಜೊತೆಗೆ 120Hz ರಿಫ್ರೆಶ್ ರೇಟ್ ಮತ್ತು 625 ನಿಟ್ಸ್ ಗರಿಷ್ಠ ಬ್ರೈಟ್ನೆಸ್ ಆಯ್ಕೆ ಪಡೆದುಕೊಂಡಿದೆ. ಹಾಗೆಯೇ ಮೀಡಿಯಾಟೆಕ್ ಡೈಮೆನ್ಸಿಟಿ 6100+ ಪ್ರೊಸೆಸರ್ನಿಂದ ಸ್ಮಾರ್ಟ್ಫೋನ್ ಕಾರ್ಯನಿರ್ವಹಿಸಲಿದ್ದು, ಮಾಲಿ G57 ಜಿಪಿಯು ಬಲ ಪಡೆದುಕೊಂಡಿದೆ.
ಹಾಗೆಯೇ ಈ ಫೋನ್ 12GB RAM ಮತ್ತು 512GB ಸ್ಟೋರೇಜ್ ಆಯ್ಕೆಯ ಜೊತೆಗೆ ಮೈಕ್ರೋ ಎಸ್ಡಿ ಕಾರ್ಡ್ ಮೂಲಕ ಇಂಟರ್ ಸ್ಟೋರೇಜ್ ವಿಸ್ತರಣೆಗೂ ಅವಕಾಶ ನೀಡಿದೆ. ಉಳಿದಂತೆ ಈ ಫೋನ್ 50 ಮೆಗಾಪಿಕ್ಸೆಲ್ ಪ್ರಾಥಮಿಕ ಕ್ಯಾಮೆರಾ ಮತ್ತು ಸೆಲ್ಫಿಗಳಿಗಾಗಿ 8 ಮೆಗಾಪಿಕ್ಸೆಲ್ ಸೆಲ್ಫಿ ಕ್ಯಾಮರಾವನ್ನು ಹೊಂದಿದ್ದು, 5,000mAh ಸಾಮರ್ಥ್ಯದ ಬ್ಯಾಟರಿಯನ್ನು ಹೊಂದಿದೆ. ಆದರೆ 15W ಚಾರ್ಜಿಂಗ್ ಗೆ ಮಾತ್ರ ಬೆಂಬಲ ಪಡೆದಿದೆ.
-
54,999 -
36,599 -
39,999 -
38,990 -
1,29,900 -
79,990 -
38,900 -
18,999 -
19,300 -
69,999
-
79,900 -
1,09,999 -
1,19,900 -
21,999 -
1,29,900
-
12,999 -
44,999 -
15,999 -
7,332 -
17,091
-
29,999 -
7,999 -
8,999 -
45,835 -
77,935 -
48,030 -
29,616 -
57,999 -
12,670 -
79,470
-1763362932432.svg){kind=logo}
Continue with Google