Realme: ರಿಯಲ್‌ಮಿ 13 ಪ್ರೊ+ ನ ಭಾರತೀಯ ವೇರಿಯಂಟ್ ಫೀಚರ್ಸ್‌ ಲೀಕ್‌!

ರಿಯಲ್‌ಮಿ ಸ್ಮಾರ್ಟ್‌ಫೋನ್‌ಗಳು (Realme smartphone) ಭಾರತದಲ್ಲಿ ಭರ್ಜರಿ ಬೇಡಿಕೆ ಪಡೆದುಕೊಂಡಿವೆ. ಈ ಫೋನ್‌ಗಳ ಪ್ರಮುಖ ಫೀಚರ್ಸ್‌ನಿಂದಾಗಿ ಜನರು ಇವುಗಳನ್ನು ಹೆಚ್ಚು ಹೆಚ್ಚಾಗಿ ಖರೀದಿ ಮಾಡುತ್ತಾರೆ. ಈ ನಡುವೆ ರಿಯಲ್‌ಮಿ ಹೊಸ ಫೋನ್‌ ಅನ್ನು ಲಾಂಚ್ ಮಾಡಲು ಮುಂದಾಗಿದೆ. ಅದುವೇ ರಿಯಲ್‌ಮಿ 13 ಪ್ರೊ+(Realme 13 Pro+). ಈ ಸ್ಮಾರ್ಟ್‌ಫೋನ್‌ನ ಪ್ರಮುಖ ಫೀಚರ್ಸ್‌ ಲೀಕ್‌ ಆಗಿದ್ದು, ಗ್ರಾಹಕರ ಕುತೂಹಲ ಹೆಚ್ಚಾಗುವಂತೆ ಆಗಿದೆ. ಅಲ್ಲದೆ ಈ ಫೋನ್‌ ನಾಲ್ಕು ವೇರಿಯಂಟ್‌ ಹಾಗೂ ಎರಡು ಬಣ್ಣ್ ಆಯ್ಕೆಯಲ್ಲಿ ಭಾರತಕ್ಕೆ ಎಂಟ್ರಿ ಕೊಡಲಿದೆ ಎಂದು ತಿಳಿದುಬಂದಿದೆ. ಅಲ್ಲದೆ ಈ ಫೋನ್‌ ಆಲ್‌ರೌಂಡರ್‌ ಫೋನ್‌ ಆಗಿಯೂ ಗುರುತಿಸಿಕೊಳ್ಳಲಿದೆ ಎಂದು ತಿಳಿದುಬಂದಿದೆ.

ಹೌದು, ರಿಯಲ್‌ಮಿ 13 ಪ್ರೊ+ ಸ್ಮಾರ್ಟ್‌ಫೋನ್‌ ಮುಂದಿನ ತಿಂಗಳು ಚೀನಾದಲ್ಲಿ ಬಿಡುಗಡೆಯಾಗುವ ನಿರೀಕ್ಷೆಯಿದ್ದು, ಹೊಸ ಫ್ಲ್ಯಾಗ್‌ಶಿಪ್ ಮೋನೆಟ್ ಗೋಲ್ಡ್ ಮತ್ತು ಎಮರಾಲ್ಡ್ ಗ್ರೀನ್ ಎಂಬ ಎರಡು ಬಣ್ಣಗಳಲ್ಲಿ ಲಭ್ಯವಿರುತ್ತದೆ. ಅಲ್ಲದೆ ಈ ಫೋನ್ 3x ಆಪ್ಟಿಕಲ್ ಜೂಮ್‌ನೊಂದಿಗೆ 50 ಮೆಗಾಪಿಕ್ಸೆಲ್‌ ಪೆರಿಸ್ಕೋಪ್ ಟೆಲಿಫೋಟೋ ಕ್ಯಾಮರಾವನ್ನು ಹೊಂದಿರಬಹುದು ಎನ್ನಲಾಗಿದೆ. ಹಾಗಿದ್ರೆ, ಈ ಫೋನ್‌ನ ಭಾರತೀಯ ವೇರಿಯಂಟ್‌ ಹೇಗಿರಲಿದೆ?, ಇದರ ಪ್ರಮುಖ ಫೀಚರ್ಸ್‌ ಏನು ಅನ್ನೋ ಮಾಹಿತಿಯನ್ನು ಈ ಲೇಖನದಲ್ಲಿ ತಿಳಿಸಿಕೊಡಲಾಗಿದೆ ಓದಿರಿ.

ರಿಯಲ್‌ಮಿ 13 ಪ್ರೊ+ ಸ್ಮಾರ್ಟ್‌ಫೋನ್‌: ರಿಯಲ್‌ಮಿ GT 6 ರ ಜಾಗತಿಕ ಬಿಡುಗಡೆಯ ನಂತರ, ರಿಯಲ್‌ಮಿ 13 ಪ್ರೊ+ ಅನ್ನು ಪರಿಚಯಿಸಲು ಕಂಪೆನಿ ಯೋಜಿಸುತ್ತಿದೆ ಎಂದು ಮಾಹಿತಿ ಇದೆ. ಮೊದಲೇ ತಿಳಿಸಿದಂತೆ ಈ ಮುಂಬರುವ ರಿಯಲ್‌ಮಿ 13 ಪ್ರೊ+ ನಾಲ್ಕು ಕಾನ್ಫಿಗರೇಶನ್‌ಗಳು ಮತ್ತು ಎರಡು ವಿಭಿನ್ನ ಬಣ್ಣಗಳೊಂದಿಗೆ ಭಾರತವನ್ನು ಪ್ರವೇಶಿಸುವ ಸಾಧ್ಯತೆಯಿದೆ ಎಂದು ತಿಳಿದುಬಂದಿದೆ. ಟಿಪ್‌ಸ್ಟರ್ @SujanTharu66, ಈ ರಿಯಲ್‌ಮಿ ಫ್ಲ್ಯಾಗ್‌ಶಿಪ್ ಒಪ್ಪೋನ ಮರುಬ್ರಾಂಡೆಡ್ ಆವೃತ್ತಿಯಾಗಿದೆ ಮತ್ತು ಜೂನ್ 2024 ರಲ್ಲಿ ಚೀನಾದಲ್ಲಿ ಬಿಡುಗಡೆಯಾಗಲಿದೆ.

ಡಿಜಿಟಲ್ ಚಾಟ್ ಸ್ಟೇಷನ್‌ನ ಸೋರಿಕೆಯ ಪ್ರಕಾರ, ರಿಯಲ್‌ಮಿ 13 ಪ್ರೊ+ ನ ಭಾರತೀಯ ಆವೃತ್ತಿಯನ್ನು RMX3921 ಮಾಡೆಲ್ ಸಂಖ್ಯೆಯಿಂದ ಗುರುತಿಸಲಾಗಿದೆ. ಇನ್ನು ಲೀಕ್ ಆದ ಮಾಹಿತಿ ಪ್ರಕಾರ ಈ ಫೋನ್‌ ನಾಲ್ಕು ಕಾನ್ಫಿಗರೇಶನ್‌ಗಳಲ್ಲಿ ಭಾರತವನ್ನು ಪ್ರವೇಶಿಸುವ ನಿರೀಕ್ಷೆಯಿದೆ. ಅವುಗಳೆಂದರೆ 8GB+ 128GB, 8GB+256GB, 12GB+256GB ಮತ್ತು 12GB+512GB. ಇದರೊಂದಿಗೆ ಫ್ಲ್ಯಾಗ್‌ಶಿಪ್ ಸ್ನಾಪ್‌ಡ್ರಾಗನ್ 7s ಜನ್ 3 ಚಿಪ್‌ಸೆಟ್‌ನೊಂದಿಗೆ ಸಜ್ಜುಗೊಂಡಿರಬಹುದು ಮತ್ತು ಮೊನೆಟ್ ಗೋಲ್ಡ್ ಮತ್ತು ಎಮರಾಲ್ಡ್ ಗ್ರೀನ್ ಎಂಬ ಎರಡು ಬಣ್ಣಗಳಲ್ಲಿ ಲಭ್ಯವಿರಬಹುದು ಎಂಬ ಮಾಹಿತಿ ಇದೆ.

ಊಹಾಪೋಹದ ಪ್ರಕಾರ ಸ್ಮಾರ್ಟ್‌ಫೋನ್ 3x ಆಪ್ಟಿಕಲ್ ಜೂಮ್‌ನೊಂದಿಗೆ 50 ಮೆಗಾಪಿಕ್ಸೆಲ್ ಪೆರಿಸ್ಕೋಪ್ ಟೆಲಿಫೋಟೋ ಕ್ಯಾಮೆರಾವನ್ನು ಒಳಗೊಂಡಿರುವ ಸಾಧ್ಯತೆಯಿದೆ. ಅಲ್ಲದೆ @SujanTharu66 ಪ್ರಕಾರ, ಈ ಫೋನ್ ಪೆರಿಸ್ಕೋಪ್ ಕ್ಯಾಮೆರಾವನ್ನು ಒಳಗೊಂಡಿರುತ್ತದೆ. ಆದರೆ ಕಂಪನಿಯಿಂದ ಇನ್ನೂ ಯಾವುದೇ ಅಧಿಕೃತ ಅಧಿಸೂಚನೆ ಹೊರಬಿದ್ದಿಲ್ಲ. ಹಿಂದಿನ ಪ್ರಮುಖ, ರಿಯಲ್‌ಮಿ 12 ಪ್ರೊ+ 3x ಆಪ್ಟಿಕಲ್ ಜೂಮ್‌ನೊಂದಿಗೆ 64 ಮೆಗಾಪಿಕ್ಸೆಲ್‌ ಪೆರಿಸ್ಕೋಪ್ ಟೆಲಿಫೋಟೋ ಕ್ಯಾಮೆರಾವನ್ನು ಹೊಂದಿರುವುದನ್ನು ಈ ವೇಳೆ ನೆನಪು ಮಾಡಿಕೊಳ್ಳಬಹುದು.

ಭಾರತದಲ್ಲಿ ರಿಯಲ್‌ಮಿ GT 6 ಲಾಂಚ್: ಈ ನಡುವೆ GT 6T ನಂತರ ಮುಂದಿನ GT 6 ಅನ್ನು ಬಿಡುಗಡೆ ಮಾಡುವುದಾಗಿ ರಿಯಲ್‌ಮಿ ಅಧಿಕೃತವಾಗಿ ಘೋಷಿಸಿದೆ. ಮುಂಬರುವ ಡಿವೈಸ್‌ ಸುಧಾರಿತ ಎಐ ಫೀಚರ್ಸ್‌ನೊಂದಿಗೆ ಬರಲಿದೆ ಎನ್ನಲಾಗಿದ್ದು, GT 6 ಸ್ಮಾರ್ಟ್‌ಫೋನ್‌ GT ನಿಯೋ 6 ನ ರೀಬ್ರಾಂಡ್ ಆಗಿರಬಹುದು ಎಂದು ಊಹಿಸಲಾಗಿದೆ. ಟಿಪ್‌ಸ್ಟರ್ ಅಭಿಷೇಕ್ ಯಾದವ್ ಪ್ರಕಾರ, ರಿಯಲ್‌ಮಿ GT 6 ಅನ್ನು ಮುಂದಿನ ತಿಂಗಳು ಲಾಂಚ್ ಮಾಡಲಾಗುತ್ತದೆ ಎನ್ನಲಾಗಿದೆ.