ರೆಡ್‌ ಮ್ಯಾಜಿಕ್ 6 ಗೇಮಿಂಗ್ ಸ್ಮಾರ್ಟ್‌ಫೋನ್ ಲಾಂಚ್!..ದೈತ್ಯ ಫೀಚರ್ಸ್‌!

ಹೌದು, ಚೀನಾದ ನುಬಿಯಾ ಸಂಸ್ಥೆಯು 'ರೆಡ್ ಮ್ಯಾಜಿಕ್ 6' ಸ್ಮಾರ್ಟ್‌ಫೋನ್ ಸರಣಿಯನ್ನು ಬಿಡುಗಡೆ ಮಾಡಿದೆ. ಈ ಸರಣಿಯು ರೆಡ್ ಮ್ಯಾಜಿಕ್ 6 ಮತ್ತು ರೆಡ್ ಮ್ಯಾಜಿಕ್ 6 ಪ್ರೊ ಮಾಡೆಲ್‌ಗಳನ್ನು ಹೊಂದಿದೆ. ಇವುಗಳಲ್ಲಿ ರೆಡ್ ಮ್ಯಾಜಿಕ್ 6 ಗೇಮಿಂಗ್ ಸ್ಮಾರ್ಟ್‌ಫೋನ್ 5,050mAh ಬ್ಯಾಟರಿ, 8GB RAM ಹಾಗೂ 12GB RAM ಫೀಚರ್ಸ್‌ಗಳನ್ನು ತುಂಬಿಕೊಂಡಿದೆ. ಈ ಫೋನಿನ ಮುಖ್ಯ ಕ್ಯಾಮೆರಾವು 64ಎಂಪಿ ಸೆನ್ಸಾರ್‌ನಲ್ಲಿದೆ. ಹಾಗಾದರೇ ರೆಡ್ ಮ್ಯಾಜಿಕ್ 6 ಗೇಮಿಂಗ್ ಸ್ಮಾರ್ಟ್‌ಫೋನ್‌ ಇತರೆ ಫೀಚರ್ಸ್‌ಗಳೆನು ಮತ್ತು ಬೆಲೆ ಎಷ್ಟು ಎಂಬುದನ್ನು ತಿಳಿಯಲು ಮುಂದೆ ಓದಿರಿ.

ಹೈ ರೆಸಲ್ಯೂಶನ್ ಡಿಸ್‌ಪ್ಲೇ

ರೆಡ್ ಮ್ಯಾಜಿಕ್ 6 ಗೇಮಿಂಗ್ ಸ್ಮಾರ್ಟ್‌ಫೋನ್‌ 1080x2340 ಪಿಕ್ಸಲ್ ರೆಸಲ್ಯೂಶನ್ ಸಾಮರ್ಥ್ಯದೊಂದಿಗೆ 6.8 ಇಂಚಿನ ಪೂರ್ಣ ಹೆಚ್‌ಡಿ ಪ್ಲಸ್‌ ಪ್ಲಸ್‌ ಡಿಸ್‌ಪ್ಲೇಯನ್ನು ಹೊಂದಿದ್ದು, ಡಿಸ್‌ಪ್ಲೇಯ ಅನುಪಾತವು 19.5:9 ಆಗಿದೆ. ಹಾಗೆಯೇ ಈ ಗೇಮಿಂಗ್ ಫೋನಿನ ಡಿಸ್‌ಪ್ಲೇ ರೀಫ್ರೆಶ್‌ ರೇಟ್‌ 165Hz ಸಾಮರ್ಥ್ಯದಲ್ಲಿದ್ದು, ಸ್ಕ್ರೀನ್‌ ನಿಂದ ಬಾಹ್ಯ ಬಾಡಿಯ ನಡುವಿನ ಅಂತರ 91.28 ಆಗಿದೆ. ಪ್ರಖರತೆಯ ಸಾಮರ್ಥ್ಯವು ಅಧಿಕವಾಗಿದೆ.

ವೇಗದ ಪ್ರೊಸೆಸರ್

ರೆಡ್ ಮ್ಯಾಜಿಕ್ 6 ಗೇಮಿಂಗ್ ಸ್ಮಾರ್ಟ್‌ಫೋನ್‌ ಕ್ವಾಲ್ಕಮ್ ಸ್ನ್ಯಾಪ್ಡ್ರಾಗನ್ 888 ಪ್ರೊಸೆಸರ್ ಅನ್ನು ಹೊಂದಿದ್ದು, ಇದರೊಂದಿಗೆ ಆಂಡ್ರಾಯ್ಡ 11 ಓಎಸ್‌ ಸಪೋರ್ಟ್ ಸಹ ಪಡೆದಿದೆ. ಈ ಪ್ರೊಸೆಸರ್ ಗೇಮಿಂಗ್‌ಗೆ ಅತ್ಯುತ್ತಮ ವೇಗ ನೀಡಲಿದೆ. ಅವುಗಳು ಕ್ರಮವಾಗಿ 8GB RAM + 128GB ಮತ್ತು 12GB RAM + 256GB ಆಗಿವೆ.

64ಎಂಪಿ ಕ್ಯಾಮೆರಾ

ರೆಡ್ ಮ್ಯಾಜಿಕ್ 6 ಗೇಮಿಂಗ್ ಸ್ಮಾರ್ಟ್‌ಫೋನಿನಲ್ಲಿ ಟ್ರಿಪಲ್ ಕ್ಯಾಮೆರಾ ರಚನೆ ಇದ್ದು, ಮುಖ್ಯ ಕ್ಯಾಮೆರಾವು 64ಎಂಪಿ ಸೆನ್ಸಾರ್‌ ಸಾಮರ್ಥ್ಯದಲ್ಲಿದೆ. ಹಾಗೆಯೇ ಎರಡನೇ ಕ್ಯಾಮೆರಾವು 8ಎಂಪಿ ಹಾಗೂ ತೃತೀಯ 2ಎಂಪಿ ಸೆನ್ಸಾರ್‌ ಸಾಮರ್ಥ್ಯದಲ್ಲಿದೆ. ಸೆಲ್ಫಿಗಾಗಿ ಅತ್ಯುತ್ತಮ ಸೆನ್ಸಾರ್‌ ಸಾಮರ್ಥ್ಯದ ಕ್ಯಾಮೆರಾ ಒದಗಿಸಲಾಗಿದೆ.

ಪವರ್‌ಫುಲ್ ಬ್ಯಾಟರಿ

ರೆಡ್ ಮ್ಯಾಜಿಕ್ 6 ಗೇಮಿಂಗ್ ಸ್ಮಾರ್ಟ್‌ಫೋನ್‌ 5,050mAh ಸಾಮರ್ಥ್ಯದ ಪವರ್‌ಫುಲ್‌ ಬ್ಯಾಟರಿ ನೀಡಲಾಗಿದ್ದು, ಇದರೊಂದಿಗೆ 66W ಸಾಮರ್ಥ್ಯದ ಫಾಸ್ಟ್ ಚಾರ್ಜಿಂಗ್ ಸೌಲಭ್ಯವನ್ನು ಒದಗಿಸಲಾಗಿದೆ. ಇದರೊಂದಿಗೆ DTS:X ಆಡಿಯೊ ಬೆಂಬಲ, ಲಿಕ್ವಿಡ್‌ ಕೂಲಿಂಗ್, ಗೇಮ್‌ ಬೂಸ್ಟ್ ಬಟನ್ ಸೌಲಭ್ಯಗಳನ್ನು ನೀಡಲಾಗಿದೆ.

ಬೆಲೆ ಮತ್ತು ಲಭ್ಯತೆ

ರೆಡ್ ಮ್ಯಾಜಿಕ್ 6 ಗೇಮಿಂಗ್ ಸ್ಮಾರ್ಟ್‌ಫೋನ್‌ ಎರಡು ವೇರಿಯಂಟ್‌ಗಳಲ್ಲಿ ಬಿಡುಗಡೆ ಆಗಿದೆ. 8GB RAM + 128GB ವೇರಿಯಂಟ್ ಬೆಲೆಯು ಚೀನಾದಲ್ಲಿ CNY 3,799 (ಭಾರತದಲ್ಲಿ ಅಂದಾಜು 42,700ರೂ. ಆಗಿದೆ) ಇನ್ನು 12GB RAM + 256GB ವೇರಿಯಂಟ್ ಬೆಲೆಯು CNY 4,099 (ಭಾರತದಲ್ಲಿ ಅಂದಾಜು 46,000ರೂ. ಎನ್ನಲಾಗಿದೆ)