Redmi: ಎರಡು ಹೊಸ ಫೋನ್ ಬರಲಿವೆ.. ಫೀಚರ್ಸ್‌ ಬಹಿರಂಗ.. ಬೆಲೆ ಎಷ್ಟು?

ರೆಡ್ಮಿ (Redmi) ಎರಡು ಹೊಸ ಮೊಬೈಲ್‌ಗಳನ್ನು ಬಿಡುಗಡೆ ಮಾಡಲು ಸಜ್ಜಾಗಿದೆ. ಇವು, ರೆಡ್ಮಿ ಟರ್ಬೊ 4 (Redmi Turbo 4) ಮತ್ತು ರೆಡ್ಮಿ ಟರ್ಬೊ 4 ಪ್ರೊ (Redmi Turbo 4 Pro) ಹೆಸರಿನೊಂದಿಗೆ ಮಾರುಕಟ್ಟೆಗೆ ಲಗ್ಗೆ ಇಡಲಿವೆ. ಈ ಮೂಲಕ ಕಂಪನಿಯು, ತನ್ನ ರೆಡ್ಮಿ ಟರ್ಬೊ (Redmi Turbo) ಸರಣಿಯನ್ನು ವಿಸ್ತರಿಸಲಿದೆ. ಈಗಾಗಲೇ, ಕಂಪನಿಯು Redmi Turbo 3 ಅನ್ನು ಬಿಡುಗಡೆ ಮಾಡಿದೆ. ಇದೀಗ, ಮುಂಬರುವ ಸರಣಿಯು ಇದರ ಉತ್ತರಾಧಿಕಾರಿಯಾಗಿ ಬರಲಿದೆ. ಈ ಬಗ್ಗೆ ಇಲ್ಲಿದೆ ಸಂಪೂರ್ಣ ಮಾಹಿತಿ.

ರೆಡ್ಮಿ ಟರ್ಬೊ 4 ಸರಣಿಯ ಘೋಷಣೆಗೂ ಮುನ್ನವೇ ಪ್ರಮುಖ ವೈಶಿಷ್ಟ್ಯಗಳು ಸೋರಿಕೆಯಾಗಿವೆ. ಮೈಕ್ರೊ ಬ್ಲಾಗಿಂಗ್ ಸೈಟ್ ವೈಬೊದಲ್ಲಿ ಟಿಪ್‌ಸ್ಟರ್ ಡಿಜಿಟಲ್ ಚಾಟ್ ಸ್ಟೇಷನ್ ಮುಂಬರುವ ಎರಡು ರೆಡ್ಮಿ ಫೋನ್‌ಗಳ ಬಗ್ಗೆ ಮಾಹಿತಿಯನ್ನು ನೀಡಿದೆ. ಸೋರಿಕೆಯಲ್ಲಿ ಫೋನಿನ ಹೆಸರನ್ನು ಬಹಿರಂಗಪಡಿಸಿಲ್ಲ. ಆದರೆ, ಇವು ರೆಡ್ಮಿ ಟರ್ಬೊ 4 ಮತ್ತು ರೆಡ್ಮಿ ಟರ್ಬೊ 4 ಪ್ರೊ ಎಂದು ಹೇಳಲಾಗುತ್ತಿದೆ. ಫೋನ್ ಉತ್ತಮ ವಿನ್ಯಾಸ ಮತ್ತು ಕಾರ್ಯಕ್ಷಮತೆಯನ್ನು ನೀಡುತ್ತದೆ. ಈ ಫೋನಿನ ವಿಶೇಷತೆಗಳ ಬಗ್ಗೆ ತಿಳಿಯಲು ಮುಂದೆ ಓದಿ.

ವೈಬೊ ಪೋಸ್ಟ್ ಪ್ರಕಾರ, ರೆಡ್ಮಿ ಟರ್ಬೊ 4 ಮೊಬೈಲ್ ಮೀಡಿಯಾ ಟೆಕ್ ಡೈಮೆನ್ಸಿಟಿ 8400 ಪ್ರೊಸೆಸರ್‌ ಹೊಂದಿರಲಿದೆ. ರೆಡ್ಮಿ ಟರ್ಬೊ 4 ಪ್ರೊ ಸ್ಮಾರ್ಟ್‌ಫೋನ್ ಕ್ವಾಲ್ಕಾಮ್ ಸ್ನಾಪ್‌ಡ್ರಾಗನ್ 8S ಜೆನ್ 4 ಪ್ರೊಸೆಸರ್‌ನೊಂದಿಗೆ ಕೆಲಸ ನಿರ್ವಹಿಸಲಿದೆ. ಈ ಎರಡೂ ಪ್ರೊಸೆಸರ್‌ಗಳು ಅಧಿಕೃತವಾಗಿ ಬಿಡುಗಡೆಯಾಗಬೇಕಿದೆ. ಮುಂಬರುವ ರೆಡ್ಮಿ ಫೋನ್‌ಗಳು 1.5K ಫ್ಲಾಟ್ ಸ್ಕ್ರೀನ್ ಡಿಸ್ಪ್ಲೇ ಮತ್ತು 6000mAh ಬ್ಯಾಟರಿಯನ್ನು ಹೊಂದಿರಲಿದೆ. ಕ್ಯಾಮೆರಾ ಸೆಟಪ್ ಈ ಹಿಂದಿನ ಫೋನ್‌ಗಳನ್ನೇ ಹೋಲುತ್ತದೆ.

ರೆಡ್ಮಿ ಟರ್ಬೊ 4 ಸರಣಿ ಬಿಡುಗಡೆ ಯಾವಾಗ?

ಮುಂಬರುವ ರೆಡ್ಮಿ ಟರ್ಬೊ 4 ಮತ್ತು ರೆಡ್ಮಿ ಟರ್ಬೊ 4 ಪ್ರೊ ಮೊಬೈಲ್‌ ಅನ್ನು ಮೊದಲು ಚೀನಾದಲ್ಲಿ ಬಿಡುಗಡೆ ಮಾಡಲಾಗುತ್ತದೆ. ಕಂಪನಿಯು ಈ ವರ್ಷದ ಏಪ್ರಿಲ್‌ನಲ್ಲಿ ಟರ್ಬೊ 3 ಅನ್ನು ಬಿಡುಗಡೆ ಮಾಡಿತ್ತು. ಇದು Poco F6 5G ಎಂಬ ಹೆಸರಿನೊಂದಿಗೆ ಭಾರತದಲ್ಲಿ ಗುರುತಿಸಿಕೊಂಡಿದೆ. ಇದೇ ಮಾದರಿಯನ್ನು ಅನುಸರಿಸಿ, ಟರ್ಬೊ 4 ಅನ್ನು Poco F7 ಆಗಿ ಬಿಡುಗಡೆ ಮಾಡುವ ಸಾಧ್ಯತೆಯಿದೆ.

ರೆಡ್ಮಿ ಟರ್ಬೊ 3 ಫೋನಿನ ವೈಶಿಷ್ಟ್ಯಗಳು

ಡಿಸ್ಪ್ಲೇ ವಿವರ

ರೆಡ್ಮಿ ಟರ್ಬೊ 3 ಮೊಬೈಲ್ 6.67 ಇಂಚಿನ ಓಎಲ್‌ಇಡಿ ಡಿಸ್ಪ್ಲೇ ಹೊಂದಿದೆ. ಇದು 1.5K ರೆಸಲ್ಯೂಶನ್, 120Hz ರಿಫ್ರೆಶ್ ದರ ಮತ್ತು 2,400 ನಿಟ್ಸ್‌ ಗರಿಷ್ಠ ಬ್ರೈಟ್‌ನೆಸ್ ಬೆಂಬಲ ಹೊಂದಿದೆ.

ಪ್ರೊಸೆಸರ್ ಸಾಮರ್ಥ್ಯ

ಕಂಪನಿಯು ರೆಡ್ಮಿ ಟರ್ಬೊ 3 ಫೋನಿನಲ್ಲಿ ಕ್ವಾಲ್ಕಾಮ್ ಸ್ನಾಪ್‌ಡ್ರಾಗನ್ 8S ಜೆನ್ 3 ಪ್ರೊಸೆಸರ್‌ ಅಳವಡಿಸಿದೆ. ಇದರೊಂದಿಗೆ, ವಿಸಿ (VC) ಚೇಂಬರ್ ಮತ್ತು ಶಿಯೋಮಿನ ಐಸ್ ಕೂಲಿಂಗ್ ಸಿಸ್ಟಮ್ ಲಭ್ಯವಿದೆ. ಈ ಫೋನ್ 16GB RAM + 1TB ವರೆಗಿನ ಇಂಟರ್ನಲ್ ಸ್ಟೋರೇಜ್ ಸೌಲಭ್ಯವನ್ನು ಹೊಂದಿದೆ.

ಈ ಸುದ್ದಿ ಓದಿದ್ದೀರಾ?: ಕೇವಲ 7,249 ಸಾಕು! Itel P55T ಬೆಲೆ ಇಳಿಕೆ.. 28% ಡಿಸ್ಕೌಂಟ್.. ಈಗ ಬಿಟ್ಟರೆ ಮತ್ತೆ ಸಿಗಲ್ಲ!

ಕ್ಯಾಮೆರಾ ಸೆಟಪ್

ರೆಡ್ಮಿ ಟರ್ಬೊ 3 ಸ್ಮಾರ್ಟ್‌ಫೋನ್ ಡ್ಯುಯಲ್ ಕ್ಯಾಮೆರಾ ಸೆಟಪ್ ಹೊಂದಿದೆ. ಇದು OIS ಜೊತೆಗೆ 50 ಮೆಗಾಪಿಕ್ಸೆಲ್ ಸೋನಿ LYT-600 ಪ್ರಾಥಮಿಕ ಕ್ಯಾಮೆರಾ ಮತ್ತು 8 ಮೆಗಾಪಿಕ್ಸೆಲ್ ಅಲ್ಟ್ರಾ ವೈಡ್ ಆಂಗಲ್ ಕ್ಯಾಮೆರಾ ಹೊಂದಿದೆ. ಸೆಲ್ಫಿ ಮತ್ತು ವಿಡಿಯೋ ಕರೆಗಾಗಿ, 20 ಮೆಗಾಪಿಕ್ಸೆಲ್ ಫ್ರಂಟ್ ಕ್ಯಾಮೆರಾ ಇದೆ.

ಬ್ಯಾಟರಿ ಮತ್ತು ಚಾರ್ಜಿಂಗ್‌

ಈ ಮೊಬೈಲ್ 5,000mAh ಸಾಮರ್ಥ್ಯ ಬ್ಯಾಟರಿಯನ್ನು ಹೊಂದಿದೆ. ಇದು 90W ವೇಗದ ಚಾರ್ಜಿಂಗ್‌ನೊಂದಿಗೆ ಬರುತ್ತದೆ. ಈ ಫೋನಿನಲ್ಲಿ ಅನೇಕ ಎಐ (AI) ವೈಶಿಷ್ಟ್ಯಗಳು ಲಭ್ಯವಿದೆ. ಜೊತೆಗೆ, ಇನ್ ಡಿಸ್ಪ್ಲೇ ಫಿಂಗರ್‌ಪ್ರಿಂಟ್ ಸಂವೇದಕ, ಡ್ಯುಯಲ್ ಸಿಮ್, 5G, ಯುಎಸ್‌ಬಿ ಸಿ ಪೋರ್ಟ್, ವೈ ಫೈ 7, ಬ್ಲೂಟೂತ್ ಸೇರಿದಂತೆ ಹಲವು ಸೌಲಭ್ಯಗಳನ್ನು ಹೊಂದಿದೆ.