ಅಣ್ಣನ ಜಿಯೋ DTH ಆರ್ಭಟಕ್ಕೆ ಹೆದರಿದ ತಮ್ಮ: ರಿಲಯನ್ಸ್ ಡಿಜಿಟಲ್ ಟಿವಿ ನ.18ಕ್ಕೆ ಬಂದ್..!

ನವೆಂಬರ್ 18ಕ್ಕೆ ಕೊನೆ:

ಈಗಾಗಲೇ DTH ಮಾರುಕಟ್ಟೆಯಲ್ಲಿ ಸಾಕಷ್ಟು ಸ್ಪರ್ಧೆ ಏರ್ಪಟಿರುವ ಹಿನ್ನಲೆಯಲ್ಲಿ ಮತ್ತು ಹೊಸ ಹೊಸ ಕಂಪನಿಗಳು ಬರುತ್ತಿರುವ ಕಾರಣ ರಿಲಯನ್ಸ್ ಡಿಜಿಟಲ್ ಟಿವಿ ಪ್ರಾಮುಖ್ಯತೆಯನ್ನು ಕಳೆದುಕೊಳ್ಳುತ್ತಿದೆ. ಸೇವೆಯಿಂದ ಹಿಂದೆ ಸೆರೆಯಲಿದೆ. ಮೂಲಗಳ ಪ್ರಕಾರ ನವೆಂಬರ್ 18ಕ್ಕೆ ಕೊನೆಯಾಗಲಿದೆ.

ಭಾರತದಾದ್ಯಂತ ಸ್ಥಗಿತ:

ರಿಲಯನ್ಸ್ ಡಿಜಿಟಲ್ ಟಿವಿ ದೇಶದಾದ್ಯಂತ ಸೇವೆಯನ್ನು ನೀಡುತ್ತಿದ್ದು, ಮುಂದಿನ ತಿಂಗಳಿನಿಂದ ದೇಶದಾದ್ಯಂತ ತನ್ನ ಸೇವೆಯನ್ನು ಸ್ಥಗಿತಗೊಳ್ಳಿಸಲಿದೆ ಎನ್ನುವ ಮಾತು ಕೇಳಿ ಬಂದಿದೆ.

ಲೈಸೆನ್ಸ್ ಮುಕ್ತಾಯ:

ದೇಶದಲ್ಲಿ DTH ಸೇವೆಯನ್ನು ನೀಡಲು ಪಡೆದುಕೊಂಡಿದ್ದ ಪರವಾನಗಿಯ ಅವಧಿಯು ಮುಕ್ತಾಯಗೊಂಡಿದ್ದು, ಈ ಹಿನ್ನಲೆಯಲ್ಲಿ ಲೈಸೆಸ್ಸ್ ರಿನ್ಯೂ ಮಾಡಿಸಿಕೊಳ್ಳುವ ಬದಲು ತನ್ನ ಸೇವೆಯನ್ನು ನಿಲ್ಲಿಸಲು ಮುಂದಾಗಿದೆ.

ಬೇರೆ DHT ನೊಂದಿಗೆ ಸೇರ್ಪಡೆ:

ಸದ್ಯ ರಿಲಯನ್ಸ್ ಡಿಜಿಟಲ್ ಟಿವಿ ಸೇವೆಯನ್ನು ಪಡೆಯುತ್ತಿರುವ ಗ್ರಾಹಕರನ್ನು ಬೇರೆ DTH ಸೇವೆಯನ್ನು ನೀಡುತ್ತಿರುವ ಕಂಪನಿಗಳೊಂದಿಗೆ ಸೇರ್ಪಡೆ ಮಾಡುವ ಕ್ರಮಕ್ಕೆ ರಿಲಯನ್ಸ್ ಮುಂದಾಗಲಿದೆ.

ಸದ್ಯ ಇರುವ DHT ಕಂಪನಿಗಳು:

ಸದ್ಯ ದೇಶಿಯ ಮಾರುಕಟ್ಟೆಯಲ್ಲಿ ಜಿ ಒಡೆತದ ಡಿಶ್ ಟಿವಿ, ರಿಲಯನ್ಸ್ ಡಿಜಿಟಲ್ ಟಿವಿ, ಟಾಟಾ ಸ್ಕೈ, ವಿಡಿಯೋಕಾನ್ d2h, ಸನ್ ಡೈರೆಕ್ಟ್, ಏರ್‌ಟೆಲ್ ಡಿಜಿಟಲ್ ಟಿವಿ, ಮತ್ತು ಸರಕಾರಿ ಒಡೆತನದ DD ಡೈರೆಕ್ಟ್ ಪ್ಲಸ್ ಸೇವೆಯನ್ನು ನೀಡುತ್ತಿವೆ.

ಬರಲಿದೆ ಜಿಯೋ:

ಈಗಾಗಲೇ ಮಾರುಕಟ್ಟೆಗೆ ಪ್ರವೇಶ ಪಡೆಯಲು ಜಿಯೋ ತುದಿಗಾಲಿನಲ್ಲಿ ನಿಂತಿದ್ದು, ಜಿಯೋ ಬಂದರೆ ಮಾರುಕಟ್ಟೆಯಲ್ಲಿ ಹವಾ ಖಂಡಿತ ಸೃಷ್ಟಿಯಾಗಲಿದ್ದು, ಇದರಿಂದಾಗಿ ಬೇರೆ ಕಂಪನಿಗಳು ಈಗಾಗಲೇ ಸ್ಪರ್ಧೆಯನ್ನು ಎದುರಿಸಲು ಸಜ್ಜಾಗಿವೆ ಎನ್ನಲಾಗಿದೆ.