Reliance Jio: ಜಿಯೋ ಸ್ಪೇಸ್‌ ಫೈಬರ್ ಘೋಷಣೆ; ಹಳ್ಳಿ ಹಳ್ಳಿಗಳಲ್ಲೂ ಶರವೇಗದ ಇಂಟರ್ನೆಟ್‌ ಸೌಲಭ್ಯ!

ಭಾರತದಲ್ಲಿ ಜಿಯೋ (Reliance Jio) ಈಗಾಗಲೇ ಸಾಕಷ್ಟು ವಿಶೇಷ ಸೌಲಭ್ಯಗಳನ್ನು ನೀಡುವ ಮೂಲಕ ಜನರಿಗೆ ವಿವಿಧ ರೀತಿಯಲ್ಲಿ ಸಹಾಯ ಮಾಡುತ್ತಿದೆ. ಅದರಲ್ಲೂ ಜಿಯೋ ಕೇವಲ ಟೆಲಿಕಾಂ ಸೇವೆಯನ್ನಷ್ಟೇ ನೀಡದೆ ಇತರೆ ವಿಭಾಗಗಳಲ್ಲೂ ಮುಂಚೂಣಿಯಲ್ಲಿದ್ದು, ಈ ನಡುವೆ ಹೊಸ ಸೇವೆಯೊಂದನ್ನು ಘೋಷಣೆ ಮಾಡಿದೆ.

ಹೌದು, ಭಾರತದ ಗ್ರಾಮೀಣ ಪ್ರದೇಶಗಳಲ್ಲಿ ಇಂಟರ್ನೆಟ್ ಸೇವೆಗಳನ್ನು ಒದಗಿಸಲು ಜಿಯೋ ಸ್ಪೇಸ್ ಫೈಬರ್ (JioSpace Fiber) ಅನ್ನು ಪ್ರಾರಂಭಿಸಲಿದೆ. ಭಾರತದಲ್ಲಿ ಉಪಗ್ರಹ ಆಧಾರಿತ ಇಂಟರ್ನೆಟ್ ಸೇವೆಯಾದ ಇದು ಸೀಮಿತ ಅಥವಾ ಇಂಟರ್ನೆಟ್ ಪ್ರವೇಶವಿಲ್ಲದ ಪ್ರದೇಶಗಳಿಗೆ ಹೆಚ್ಚಿನ ವೇಗದ ಬ್ರಾಡ್‌ಬ್ಯಾಂಡ್ ಅನ್ನು ತರಲು ಉದ್ದೇಶಿಸಿದೆ. ಹಾಗಿದ್ರೆ, ಏನಿದು ಹೊಸ ಪ್ಲ್ಯಾನ್‌?, ಇದರಿಂದ ಹೇಗೆಲ್ಲಾ ಪ್ರಯೋಜನ ಆಗಲಿದೆ ಎಂಬಿತ್ಯಾದಿ ಮಾಹಿತಿ ಇಲ್ಲಿದೆ ನೋಡಿ.

ಜಿಯೋ ಸ್ಪೇಸ್ ಫೈಬರ್: ಉಪಗ್ರಹ ಆಧಾರಿತ ಇಂಟರ್ನೆಟ್ ಸೇವೆಯಾದ ಜಿಯೋ ಸ್ಪೇಸ್ ಫೈಬರ್ ಅನ್ನು ಈಗಾಗಲೇ ಲಾಂಚ್‌ ಮಾಡಲಾಗಿರುವ ಬ್ರಾಡ್‌ಬ್ಯಾಂಡ್ ಸೇವೆಗಳಾದ ಜಿಯೋ ಫೈಬರ್‌ ಮತ್ತು ಜಿಯೋ ಏರ್‌ಫೈಬರ್‌ನೊಂದಿಗೆ (Jio Fiber and Jio AirFiber) ಸೇರಿಸುತ್ತದೆ. ಈ ಮೂಲಕ ಎಲ್ಲಾ ಭಾರತೀಯರಿಗೆ ಇಂಟರ್ನೆಟ್ ಸಂಪರ್ಕವನ್ನು ಪ್ರವೇಶಿಸುವಂತೆ ಮಾಡುವ ಗುರಿಯನ್ನು ಜಿಯೋ ಹೊಂದಿದೆ.

ಜಿಯೋ ಸ್ಪೇಸ್ ಫೈಬರ್ ಎಂದು ಕರೆಯಲ್ಪಡುವ ಈ ವ್ಯವಸ್ಥೆಯನ್ನು ಸೀಮಿತ ಅಥವಾ ಇಂಟರ್ನೆಟ್‌ಗೆ ಪ್ರವೇಶವಿಲ್ಲದ ಭಾರತದ ಪ್ರದೇಶಗಳಿಗೆ ಹೆಚ್ಚಿನ ವೇಗದ ಬ್ರಾಡ್‌ಬ್ಯಾಂಡ್ ಅನ್ನು ತರಲು ಹೊಂದಿಸಲಾಗಿದೆ. ಈ ಜಿಯೋ ಸ್ಪೇಸ್ ಫೈಬರ್ ಅನ್ನು ಇಂಡಿಯಾ ಮೊಬೈಲ್ ಕಾಂಗ್ರೆಸ್‌ನಲ್ಲಿ ಘೋಷಣೆ ಮಾಡಲಾಗಿದ್ದು, ಇದು ದೇಶದ ಡಿಜಿಟಲ್ ಲ್ಯಾಂಡ್‌ಸ್ಕೇಪ್‌ನಲ್ಲಿ ಗೇಮ್ ಚೇಂಜರ್ ಆಗಲಿದೆ ಎಂದು ಜಿಯೋ ಸಂತಸ ಹೊರಹಾಕಿದೆ.

ಪ್ರಸ್ತುತ ರಿಲಯನ್ಸ್ ಜಿಯೋ ಈಗಾಗಲೇ ವೇಗದ ಬ್ರಾಡ್‌ಬ್ಯಾಂಡ್ ಮತ್ತು ವೈರ್‌ಲೆಸ್ ಇಂಟರ್ನೆಟ್‌ನೊಂದಿಗೆ 450 ಮಿಲಿಯನ್‌ಗಿಂತಲೂ ಹೆಚ್ಚು ಗ್ರಾಹಕರಿಗೆ ಸೇವೆ ಸಲ್ಲಿಸುತ್ತಿದೆ. ಪ್ರತಿ ಭಾರತೀಯ ಮನೆಗೂ ಡಿಜಿಟಲ್ ಸೇವೆಗಳನ್ನು ಪ್ರವೇಶಿಸುವಂತೆ ಮಾಡುವ ಧ್ಯೇಯವನ್ನು ಹೆಚ್ಚಿಗೆ ಮಾಡುವ ಭಾಗವಾಗಿ ಈ ಸೇವೆ ಸೇರ್ಪಡೆ ಆಗಲಿದೆ. ಈ ಕ್ರಮವು ಭಾರತದಲ್ಲಿನ ಗ್ರಾಹಕರು ಮತ್ತು ವ್ಯವಹಾರಗಳು ತಮ್ಮ ಸ್ಥಳವನ್ನು ಲೆಕ್ಕಿಸದೆ ವಿಶ್ವಾಸಾರ್ಹ, ಕಡಿಮೆ-ಸುಪ್ತತೆ ಮತ್ತು ಹೆಚ್ಚಿನ-ವೇಗದ ಇಂಟರ್ನೆಟ್ ಸೌಲಭ್ಯಗಳನ್ನು ಪಡೆದುಕೊಳ್ಳಬಹುದು ಎಂದು ಜಿಯೋ ಮಾಹಿತಿ ನೀಡಿದೆ.

ಜಿಯೋ ಸ್ಪೇಸ್ ಫೈಬರ್ ವಿಶೇಷ ಏನೆಂದರೆ ಜಿಯೋ, ಎಸ್‌ಇಎಸ್(SES), ಪ್ರಮುಖ ಉಪಗ್ರಹ ಆಪರೇಟರ್ ನಡುವಿನ ಪಾಲುದಾರಿಕೆ. ಎಸ್‌ಇಎಸ್ ಜಿಯೋಗೆ ಅತ್ಯಾಧುನಿಕ ಮಧ್ಯಮ ಭೂಮಿಯ ಕಕ್ಷೆ (MEO) ಉಪಗ್ರಹ ತಂತ್ರಜ್ಞಾನದ ಪ್ರವೇಶವನ್ನು ಒದಗಿಸುತ್ತದೆ. ಈ ಮೂಲಕ ಜಿಯೋ ಈ ಅದ್ಭುತ ತಂತ್ರಜ್ಞಾನದ ಏಕೈಕ ಪೂರೈಕೆದಾರನಾಗಿ ಜನಪ್ರಿಯವಾಗುವುದರಲ್ಲಿ ಎರಡು ಮಾತಿಲ್ಲ. ಇದರೊಂದಿಗೆ ಜಿಯೋ ಸ್ಪೇಸ್ ಫೈಬರ್ ವ್ಯಾಪ್ತಿಯನ್ನು ಪ್ರದರ್ಶಿಸಲು, ಭಾರತದ ನಾಲ್ಕು ಅತ್ಯಂತ ದೂರದ ಸ್ಥಳಗಳನ್ನು ಈಗಾಗಲೇ ಪರೀಕ್ಷಿಸಲಾಗಿದೆ.

ಅಂದರೆ ಗುಜರಾತ್‌ನ ಗಿರ್, ಛತ್ತೀಸ್‌ಗಢದ ಕೋರ್ಬಾ, ಒಡಿಶಾದ ನಬರಂಗಪುರ ಹಾಗೂ ಅಸ್ಸಾಂನ ONGC-ಜೋರ್ಹತ್‌ನಲ್ಲಿ ಈ ಜಿಯೋ ಸ್ಪೇಸ್ ಫೈಬರ್ ಅನ್ನು ಪರೀಕ್ಷೆಗೆ ಒಳಪಡಿಲಾಗಿದೆ. ಅಂದರೆ ಇಂಟರ್ನೆಟ್‌ ಸಾಮರ್ಥ್ಯ ಕಡಿಮೆ ಇರುವ ಪ್ರದೇಶಗಳಲ್ಲಿ ಡಿಜಿಟಲ್ ವಿಭಜನೆಯನ್ನು ಕಡಿಮೆ ಮಾಡಲು ಮತ್ತು ಹೆಚ್ಚಿನ ವೇಗದ ಬ್ರಾಡ್‌ಬ್ಯಾಂಡ್ ಅನ್ನು ಅಗತ್ಯವಿರುವಲ್ಲಿ ಇದು ಅತ್ಯುತ್ತಮವಾಗಿ ಕೆಲಸ ಮಾಡಲಿದೆ.

ಈ ಸಂಬಂಧ ಎಸ್‌ಇಎಸ್‌ನ ಮುಖ್ಯ ಕಾರ್ಯತಂತ್ರ ಅಧಿಕಾರಿ ಜಾನ್-ಪಾಲ್ ಹೆಮಿಂಗ್‌ವೇ ಅವರು ಜಿಯೋ ಜೊತೆಗಿನ ಸಹಯೋಗವನ್ನು ಶ್ಲಾಘಿಸಿದ್ದಾರೆ. ಹಾಗೆಯೇ ಭಾರತದ ಡಿಜಿಟಲ್ ಇಂಡಿಯಾ ಉಪಕ್ರಮವನ್ನು ಬೆಂಬಲಿಸುವಲ್ಲಿ ತಮ್ಮ ಸೇವೆಯ ಪಾತ್ರವನ್ನು ಎತ್ತಿ ತೋರಿಸಿದ್ದಾರೆ. ಈ ಅನನ್ಯ ಪರಿಹಾರವು ಭಾರತದ ಯಾವುದೇ ಸ್ಥಳಕ್ಕೆ ಪ್ರತಿ ಸೆಕೆಂಡಿಗೆ ಬಹು ಗಿಗಾಬಿಟ್‌ಗಳನ್ನು ತಲುಪಿಸುವ ಗುರಿಯನ್ನು ಹೊಂದಿದೆ ತಿಳಿಸಿದ್ದಾರೆ.