ಪ್ರಸಕ್ತ ವರ್ಷ ಸಿಎಸ್ಆರ್ ಯೋಜನೆಗಳಿಗೆ 1,140 ಕೋಟಿ ವ್ಯಯಿಸಿದ ರಿಲಯನ್ಸ್!

|

ರಿಲಯನ್ಸ್ ಇಂಡಸ್ಟ್ರೀಸ್ ಲಿಮಿಟೆಡ್ ಮಾರ್ಚ್ 2021ಕ್ಕೆ ಕೊನೆಗೊಂಡ ಹಣಕಾಸು ವರ್ಷದಲ್ಲಿ ಕೋವಿಡ್ -19 ನೆರವು, ಗ್ರಾಮಗಳ ಪರಿವರ್ತನೆ, ಶಿಕ್ಷಣ, ಆರೋಗ್ಯ, ಕ್ರೀಡೆ ಮತ್ತು ವಿಪತ್ತು ನಿರ್ವಹಣೆ ಸೇರಿದಂತೆ ಕಾರ್ಪೊರೇಟ್ ಸಾಮಾಜಿಕ ಜವಾಬ್ದಾರಿ (ಸಿಎಸ್ಆರ್) ಚಟುವಟಿಕೆಗಳಿಗಾಗಿ 1,140 ಕೋಟಿ ರೂ. ವ್ಯಯ ಮಾಡಿದೆ. ಕಂಪನಿಯ ಇತ್ತೀಚಿನ ವಾರ್ಷಿಕ ವರದಿಯ ಪ್ರಕಾರ, ಸಿಎಸ್ಆರ್ ಕಾರ್ಯಕ್ರಮಗಳಿಗಾಗಿ ರಿಲಯನ್ಸ್ 2019-20ರಲ್ಲಿ 1,022 ಕೋಟಿ ರೂಪಾಯಿ ವೆಚ್ಚ ಮಾಡಿತ್ತು.

ಭಾರತದ

ಸಾಂಕ್ರಾಮಿಕ ರೋಗದ ವಿರುದ್ಧ ಭಾರತದ ಹೋರಾಟಕ್ಕೆ ಕೈಜೋಡಿಸಿದ ರಿಲಯನ್ಸ್, ಕಳೆದ ಒಂದು ವರ್ಷದಿಂದ ಆರೋಗ್ಯ ರಕ್ಷಣೆಗಾಗಿ ವೈದ್ಯಕೀಯ ದರ್ಜೆಯ ಲಿಕ್ವಿಡ್ ಆಕ್ಸಿಜನ್, ಆಹಾರ ಮತ್ತು ಮಾಸ್ಕ್ ಗಳನ್ನು ಒದಗಿಸಿದೆ. ದಿನಕ್ಕೆ ಸುಮಾರು 1 ಲಕ್ಷ ರೋಗಿಗಳ ಅಗತ್ಯಗಳನ್ನು ಪೂರೈಸುವ, ಅಂದರೆ ದಿನಕ್ಕೆ 1,000 ಟನ್ ಆಮ್ಲಜನಕವನ್ನು ಉಚಿತವಾಗಿ ನೀಡಲು ಜಾಮ್ನಗರ್ ಘಟಕವನ್ನು ಮರುರೂಪಿಸಿತ್ತು.

ಕೋವಿಡ್

ಸಂಸ್ಥೆಯು 27 ಲಕ್ಷಕ್ಕೂ ಹೆಚ್ಚು ಫಲಾನುಭವಿಗಳಿಗೆ 5.5 ಕೋಟಿಗೂ ಹೆಚ್ಚು ಬಾರಿ ಊಟವನ್ನು ವಿತರಿಸಿದೆ. ಕೋವಿಡ್ ಆರೈಕೆ ಮತ್ತು ಚಿಕಿತ್ಸೆಗಾಗಿ 2,300+ ಹಾಸಿಗೆಗಳ ಭಾರತದ ಮೊದಲ ಕೋವಿಡ್ ಆಸ್ಪತ್ರೆಯನ್ನು ಮುಂಬೈನಲ್ಲಿ ಸ್ಥಾಪಿಸಿತು. 50 ಲಕ್ಷ ಮುಂಚೂಣಿ ಕಾರ್ಯಕರ್ತರು ಮತ್ತು ಅಗತ್ಯ ಸೇವಾ ಪೂರೈಕೆದಾರರಿಗೆ 81 ಲಕ್ಷ ಮರುಬಳಕೆ ಮಾಡಬಹುದಾದ ಮಾಸ್ಕ್‌ಗಳನ್ನು ವಿತರಿಸಿದೆ. 21 ರಾಜ್ಯಗಳು ಮತ್ತು 2 ಕೇಂದ್ರಾಡಳಿತ ಪ್ರದೇಶಗಳಲ್ಲಿ ಹಾಗೂ 18 ರಾಜ್ಯಗಳ 249 ಜಿಲ್ಲೆಗಳಲ್ಲಿ 14,000+ ಘೋಷಿತ ಆಂಬ್ಯುಲೆನ್ಸ್‌ಗಳು ಮತ್ತು ಕೋವಿಡ್-19 ಸೇವೆಗಳಲ್ಲಿ ತೊಡಗಿರುವ ವಾಹನಗಳಿಗೆ 5.5 ಲಕ್ಷ ಲೀಟರ್ ಉಚಿತ ಇಂಧನವನ್ನು ಒದಗಿಸಿದೆ.

ಗುಜರಾತ್‌ನ

ಮುಂಚೂಣಿ ಕಾರ್ಮಿಕರಿಗೆ ಹಾಗೂ ಕಾರ್ಯಕರ್ತರಿಗೆ ಸೇವೆ ಸಲ್ಲಿಸಲು ನೆರವಾಗುವಂತೆ ಗುಜರಾತ್‌ನ ಸಿಲ್ವಸ್ಸಾದಲ್ಲಿ ಪ್ರತಿದಿನ 1,00,000 ಪಿಪಿಇ ಕಿಟ್‌ಗಳು ಮತ್ತು ಮಾಸ್ಕ್‌ಗಳ ಉತ್ಪಾದನೆಯನ್ನು ಹೆಚ್ಚಿಸಲಾಗಿದೆ ಎಂದು ವರದಿ ತಿಳಿಸಿದೆ. ಗ್ರಾಮೀಣ ಪರಿವರ್ತನೆಯ ಕ್ಷೇತ್ರದಲ್ಲಿ, 131 ಕ್ಯೂಬಿಕ್ ಮೀಟರ್ ನೀರು ಕೊಯ್ಲು ಸಾಮರ್ಥ್ಯ ಸೃಷ್ಟಿಸಿದೆ. ಸ್ಥಳೀಯ ಆಡಳಿತವನ್ನು ಬಲಪಡಿಸಲು 10,000 ಕ್ಕೂ ಹೆಚ್ಚು ಚುನಾಯಿತ ಪ್ರತಿನಿಧಿಗಳು ಮತ್ತು ಗ್ರಾಮ ಸ್ವಯಂಸೇವಕರಿಗೆ ತರಬೇತಿ ನೀಡಿದೆ. 8,800 ನಿರುದ್ಯೋಗಿಗಳಿಗೆ ತರಬೇತಿ ನೀಡಿದೆ ಮತ್ತು 20 ರಾಜ್ಯಗಳು ಮತ್ತು 150+ ನಗರಗಳಲ್ಲಿ 39 ಕೌಶಲ್ಯ ಪಾಲುದಾರರಿಗೆ ನೆರವು ನೀಡಿದೆ.

ಪ್ರಾಥಮಿಕ

ಆರೋಗ್ಯ ರಕ್ಷಣೆಯಲ್ಲಿ, ಮೊಬೈಲ್ ವೈದ್ಯಕೀಯ ಘಟಕಗಳು (ಎಂಎಂಯು), ಸ್ಟಾಟಿಕ್ ವೈದ್ಯಕೀಯ ಘಟಕಗಳು (ಎಸ್ಎಂಯು) ಮತ್ತು ಸಮುದಾಯ ಆರೋಗ್ಯ ಕೇಂದ್ರಗಳಲ್ಲಿ (ಸಿಎಚ್‌ಸಿ) ರಿಲಯನ್ಸ್ 2.3 ಲಕ್ಷ ಆರೋಗ್ಯ ಸಲಹೆಗಳನ್ನು ಒದಗಿಸಿದೆ ಎಂದು ಅದು ಹೇಳಿದೆ. ಇದು ಪ್ರಾಥಮಿಕ, ಪ್ರೌಢ ಮತ್ತು ತೃತೀಯ ಶಿಕ್ಷಣವನ್ನು ವ್ಯಾಪಿಸಿರುವ ಶೈಕ್ಷಣಿಕ ಮುಂದಾಳತ್ವದ ವಿಭಾಗಗಳಿಗೆ ಬೆಂಬಲ ನೀಡಿದೆ. ಮಹಾರಾಷ್ಟ್ರದ ಉಲ್ವೆ, ನವಿ ಮುಂಬಯಿಯಲ್ಲಿ 52 ಎಕರೆ ಭೂಮಿಯಲ್ಲಿ ಮತ್ತು 3,60,000 ಚದರ ಅಡಿ ನಿರ್ಮಿತ ಕಟ್ಟಡಗಳಲ್ಲಿ 'ಗ್ರೀನ್‌ಫೀಲ್ಡ್ ಇನ್‌ಸ್ಟಿಟ್ಯೂಟ್ ಆಫ್ ಎಮಿನೆನ್ಸ್' ಎಂಬ ಸ್ಟಾರ್ಟ್‌ಅಪ್ ಕ್ಯಾಂಪಸ್‌ನ ಅನ್ನು ಜಿಯೋ ಇನ್‌ಸ್ಟಿಟ್ಯೂಟ್ ಸ್ಥಾಪಿಸಿದ್ದು, ಇದು 2021 ರಲ್ಲಿ ಶೈಕ್ಷಣಿಕ ತರಗತಿಗಳನ್ನು ಪ್ರಾರಂಭಿಸಲು ಸಿದ್ಧವಾಗಿದೆ.

ಕಂಪ್ಯೂಟರ್

ಕೃತಕ ಬುದ್ಧಿಮತ್ತೆ ಮತ್ತು ಕಂಪ್ಯೂಟರ್ ವಿಜ್ಞಾನದಲ್ಲಿ ರಿಲಯನ್ಸ್ ಫೌಂಡೇಶನ್ ವಿದ್ಯಾರ್ಥಿವೇತನವನ್ನು ಪ್ರಾರಂಭಿಸಿದೆ. 763 ಶಿಕ್ಷಕರು ಮತ್ತು ರಿಲಯನ್ಸ್ ಫೌಂಡೇಶನ್ ಶಾಲೆಗಳ 116 ಬೋಧಕೇತರ ಸಿಬ್ಬಂದಿಗೆ ತಂತ್ರಜ್ಞಾನ ವೇದಿಕೆಗಳಲ್ಲಿ 4,100 ಗಂಟೆಗಳ ತರಬೇತಿ ನೀಡಿದೆ ಮತ್ತು 75 ಸರ್ಕಾರಿ ಶಾಲೆಗಳನ್ನು ಉನ್ನತೀಕರಿಸಿದೆ. ಜತೆಗೆ ಮಧ್ಯಪ್ರದೇಶದಲ್ಲಿ 221 ನುರಿತ ತರಬೇತುದಾರರಿಗೆ ತರಬೇತಿ ನೀಡಿದೆ.

ಫಿಟ್ನೆಸ್

ರಿಲಯನ್ಸ್ ಫೌಂಡೇಶನ್ (ಆರ್ ಫ್) - ರಿಲಯನ್ಸ್ ನ ಸಮಾಜ ಕಲ್ಯಾಣ ವಿಭಾಗವು ಭಾರತದಲ್ಲಿ ಮಕ್ಕಳು ಮತ್ತು ಯುವಕರಲ್ಲಿ ಕಲಿಕೆಯನ್ನು ಉತ್ತೇಜಿಸಲು ಮತ್ತು ನಾಯಕತ್ವವನ್ನು ಬೆಳೆಸಲು ಕ್ರೀಡೆಯನ್ನು ಮಾಧ್ಯಮವಾಗಿ ಉತ್ತೇಜಿಸುತ್ತಿದೆ. ಪ್ರಾರಂಭದಿಂದಲೂ, ಫಿಟ್ನೆಸ್ ತರಬೇತಿ, ಪೋಷಣೆ ಮತ್ತು ತರಬೇತಿಯ ಮೂಲಕ ರಿಲಯನ್ಸ್‌ನ ಕ್ರೀಡಾ ಮುಂದಾಳತ್ವವು ದೇಶಾದ್ಯಂತ 2.15 ಕೋಟಿ ಯುವಕರನ್ನು ತಲುಪಿದೆ.

ಒಲಿಂಪಿಕ್

ಪ್ರಸ್ತುತ, ರಿಲಯನ್ಸ್ ಒಲಿಂಪಿಕ್ ಕ್ರೀಡಾಕೂಟ ಮತ್ತು ಇತರ ಪ್ರತಿಷ್ಠಿತ ಅಂತರರಾಷ್ಟ್ರೀಯ ಕ್ರೀಡಾಕೂಟಗಳಲ್ಲಿ ಭಾರತದ ಭವಿಷ್ಯವನ್ನು ಸುಧಾರಿಸಲು ಬಿಲ್ಲುಗಾರಿಕೆ, ಅಥ್ಲೆಟಿಕ್ಸ್, ಬ್ಯಾಡ್ಮಿಂಟನ್ ಮತ್ತು ವೇಟ್ಲಿಫ್ಟಿಂಗ್‌ನಂತಹ 11 ಕ್ರೀಡೆಗಳಿಗೆ ಬೆಂಬಲ ನೀಡುತ್ತಿದೆ.

ಪ್ರವಾಹದ

ವಿಪತ್ತು ನಿರ್ವಹಣೆಯ ವಿಷಯಕ್ಕೆ ಬಂದರೆ ಇದು ಆಂಫಾನ್, ನಿಸರ್ಗಾ, ಬುರೆವಿ ಮತ್ತು ನಿವಾರ್ ಚಂಡಮಾರುತಗಳ ಸಮಯದಲ್ಲಿ ಅಧಿಕೃತ ಸರ್ಕಾರಿ ಇಲಾಖೆಗಳು ಮತ್ತು ಸ್ಥಳೀಯ ಆಡಳಿತದ ಸಮನ್ವಯದೊಂದಿಗೆ ಚಂಡಮಾರುತದ ಮೊದಲಿನ ಹಾಗೂ ಬಳಿಕದ ಸಲಹೆಗಳನ್ನು ನೀಡಿದೆ. ಬೆಳೆ ರೋಗ ನಿರ್ವಹಣೆಯಲ್ಲಿ ಗೋದಾವರಿ ಪ್ರವಾಹದ ನಂತರ 20,000+ ವ್ಯಕ್ತಿಗಳಿಗೆ ವಿಪತ್ತು ಪೂರ್ವ ಮತ್ತು ನಂತರದ ನೆರವನ್ನು ನೀಡಿತ್ತು.

ಫೌಂಡೇಶನ್

ಉತ್ತರಾಖಂಡದ ಪ್ರವಾಹದ ನಂತರ, 150 ಕುಟುಂಬಗಳಿಗೆ ಪಡಿತರ ಕಿಟ್‌ಗಳಲ್ಲದೆ, 250 ಜನರಿಗೆ ಊಟ ಒದಗಿಸುವ ಮೂಲಕ ವಿಪತ್ತು ನಿರ್ವಹಣೆ ತಂಡಗಳಿಗೆ ರಿಲಯನ್ಸ್ ಫೌಂಡೇಶನ್ ಸಹಾಯ ಮಾಡಿದೆ. ಪದಾನದಲ್ಲಿನ ಪಶುವೈದ್ಯಕೀಯ ಆಸ್ಪತ್ರೆಯಲ್ಲಿ 4,818 ಪ್ರಾಣಿಗಳಿಗೆ ಆರೋಗ್ಯ ಸೇವೆ ನೀಡಿದೆ. ರಿಲಯನ್ಸ್ ಫೌಂಡೇಶನ್ ಗ್ರಾಮೀಣ ಪ್ರದೇಶದ ಜಾನುವಾರುಗಳಿಗೆ ಮೇವು ಮತ್ತು ಪಕ್ಷಿಗಳಿಗೆ ಧಾನ್ಯದ ಆಹಾರವನ್ನು ಒದಗಿಸಿದೆ. ಭಾರತದಾದ್ಯಂತ ಬೀದಿ ಪ್ರಾಣಿಗಳಿಗೆ ಆಹಾರವನ್ನು ವಿತರಿಸಲು ಎನ್‌ಜಿಒಗಳೊಂದಿಗೆ ಸಹಭಾಗಿತ್ವ ಮಾಡಿಕೊಂಡಿದೆ ಎಂದು ವರದಿ ತಿಳಿಸಿದೆ.

Best Mobiles in India

English summary
Reliance Retail Got 10 pc Revenue in FY21 From Digital Commerce, Merchant Partnerships Biz.

ಉತ್ತಮ ಫೋನ್‌ಗಳು

ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X