ದುಬಾರಿ ಫೋನ್ ಖರೀದಿಸಲು ಇನ್ನು ಚಿಂತಿಸಲೇಬೇಡಿ!.ಸ್ಯಾಮ್‌ಸಂಗ್ ಫೈನಾನ್ಸ್‌ ಇದೆ!

ಹೌದು, ಗ್ರಾಹಕರು ಸ್ಮಾರ್ಟ್‌ಫೋನ್‌ ಖರೀದಿಸಲು ಮುಂದಾದರೇ ಸಾಕು ಹಲವು ಫೈನಾನ್ಸ್‌ ಸಂಸ್ಥೆ ಆಯ್ಕೆ ಗ್ರಾಹಕರಿಗೆ ಲಭ್ಯ ಇವೆ. ಆದ್ರೆ, ಈಗ ಹೊಸ ವಿಷಯವೆನೆಂದರೇ ಸ್ಮಾರ್ಟ್‌ಫೋನ್ ದಿಗ್ಗಜ ಸ್ಯಾಮ್‌ಸಂಗ್ ಕಂಪನಿ ಹೊಸದಾಗಿ 'ಸ್ಯಾಮ್‌ಸಂಗ್ ಫೈನಾನ್ಸ್‌ ಪ್ಲಸ್‌' ಸೇವೆಯನ್ನು ಶುರುಮಾಡಿದ್ದು, ತನ್ನ ಗ್ಯಾಲ್ಯಾಕ್ಸಿ ಸ್ಮಾರ್ಟ್‌ಫೋನ್‌ಗಳನ್ನು ಖರೀದಿಸುವ ಗ್ರಾಹಕರಿಗೆ ಫೈನಾನ್ಸ್‌ ನೆರವು ನೀಡಲಿದೆ. ಹಾಗಾದರೇ ಸ್ಯಾಮ್‌ಸಂಗ್‌ ಫೈನಾನ್ಸ್‌ ಪ್ಲಸ್‌ ಸೇವೆಯ ಕುರಿತಾಗಿ ಇನ್ನಷ್ಟು ಮಾಹಿತಿ ತಿಳಿಯಲು ಮುಂದೆ ಓದಿರಿ.

ಸ್ಯಾಮ್‌ಸಂಗ್ ಫೈನಾನ್ಸ್‌ ಪ್ಲಸ್‌

ಸ್ಯಾಮ್‌ಸಂಗ್ ಕಂಪನಿಯು 'ಸ್ಯಾಮ್‌ಸಂಗ್ ಫೈನಾನ್ಸ್‌ ಪ್ಲಸ್‌' (Samsung Finance+) ಸೇವೆಯನ್ನು ಆರಂಭಿಸಿದ್ದು, ಈ ಯೋಜನೆಯಲ್ಲಿ ಕಂಪನಿಯ ಸ್ಮಾರ್ಟ್‌ಫೋನ್‌ ಖರೀದಿಸುವ ಗ್ರಾಹಕರಿಗೆ ಫೈನಾನ್ಸ್ ಆಯ್ಕೆ ನೀಡಲಿದೆ. ಈ ಸೇವೆ ಸಂಪೂರ್ಣ ಡಿಜಿಟಲ್‌ ಆಗಿರಲಿದ್ದು, ಪೇಪರ್‌ಲೆಸ್‌ ಆಗಿ ನಡೆಯಲಿದೆ. ಹಾಗೆಯೇ ಈ ಡಿಜಿಟಲ್ ಸೇವೆಯು ಮೇಕ್‌ ಫಾರ್‌ ಇಂಡಿಯಾ ಪರಿಕಲ್ಪನೆಯ ಭಾಗವಾಗಿದೆ.

ಫೈನಾನ್ಸ್ ಪ್ರಕ್ರಿಯೆ

ಸ್ಯಾಮ್‌ಸಂಗ್ ಗ್ಯಾಲ್ಯಾಕ್ಸಿ ಸರಣಿಯಲ್ಲಿ ಯಾವುದಾರೂ ಸ್ಮಾರ್ಟ್‌ಫೋನ್‌ ಖರೀದಿಸುವಾಗ ಗ್ರಾಹಕರಿಗೆ ಫೈನಾನ್ಸ್‌ ಅಗತ್ಯವಿದ್ದರೇ ಆಗ ಸ್ಯಾಮ್‌ಸಂಗ್ ಫೈನಾನ್ಸ್‌ ಪ್ಲಸ್‌ ಸೇವೆ ಪಡೆಯಬಹುದು. ಸ್ಟೋರ್‌ನಲ್ಲಿಯೇ ಕಂಪನಿಯ ಸಿಬ್ಬಂದಿ ಗ್ರಾಹಕರ ವೈಯಕ್ತಿಕ ಮಾಹಿತಿ, ಕ್ರೆಡಿಟ್ ಸ್ಕೋರ್ ಮತ್ತು ಕೆವೈಸಿ ದಾಖಲೆಗಳ ಪರೀಶಿಲನೆ ಮಾಡಿ, ಆ ಆಧಾರದ ಮೇಲೆ ಫೈನಾನ್ಸ್‌ ನೆರವು ನೀಡುತ್ತಾರೆ.

ಈ ಸೇವೆ ಎಲ್ಲೆಲ್ಲಿ ಲಭ್ಯ

ಸ್ಯಾಮ್‌ಸಂಗ್ ಫೈನಾನ್ಸ್‌ ಪ್ಲಸ್‌ ಸೇವೆಯು ಆರಂಭದಲ್ಲಿ ಸುಮಾರು 30 ನಗರ ಪ್ರದೇಶಗಳ ಸುಮಾರು 5000 ಸ್ಟೋರ್‌ಗಳಲ್ಲಿ ಲಭ್ಯವಾಗಲಿದೆ. ಹಾಗೂ 2019ರ ಅಂತ್ಯದೊಳಗೆ ಸುಮಾರು 100 ನಗರ ಪ್ರದೇಶಗಳಲ್ಲಿ ಸುಮಾರು 10,000 ಸ್ಟೋರ್‌ಗಳಗೆ ಈ ಸೇವೆಯ ಲಭ್ಯವಾಗುವಂತೆ ಮಾಡುವ ಯೋಜನೆಯನ್ನು ದಕ್ಷಿಣ ಕೋರಿಯಾದ ಸ್ಯಾಮ್‌ಸಂಗ್ ಕಂಪನಿ ಹಾಕಿಕೊಂಡಿದೆ.

ಫೈನಾನ್ಸ್‌ ಪಾರ್ಟನರ್

ಸ್ಯಾಮ್‌ಸಂಗ್ ಕಂಪನಿಯು ಭಾರತದ 'ಡಿಎಮ್‌ಐ ಫೈನಾನ್ಸ್‌' ಸಂಸ್ಥೆ ಸಹಯೋಗದಲ್ಲಿ ಈ ಯೋಜನೆಯನ್ನು ಜಾರಿಮಾಡಲಿದೆ. ಸ್ಯಾಮ್‌ಸಂಗ್ ಫೈನಾನ್ಸ್‌ ಪ್ಲಸ್‌ ಸೇವೆಯು ಭಾರತದಲ್ಲಿ ಬಹುಬೇಗನೆ ಜನಪ್ರಿಯತೆಗಳಿಸಲಿದೆ ಎನ್ನುವ ವಿಶ್ವಾಸವನ್ನು ಕಂಪನಿಯ ಹೊಂದಿದೆ ಎಂದು ಸಂಸ್ಥೆಯ ಹಿರಿಯ ಉಪಾಧ್ಯಕ್ಷ ಮೋಹನದೀಪ ಸಿಂಗ್ ತಿಳಿಸಿದ್ದಾರೆ.